ᱟᱥᱟᱞᱟᱛᱟ ᱣᱟᱵᱽᱜᱟᱶᱠᱚᱨ (᱒ ᱡᱩᱞᱟᱭ ᱑᱙᱔᱑ – ᱒᱒ ᱥᱮᱯᱴᱮᱢᱵᱚᱨ ᱒᱐᱒᱐), ᱡᱟᱹᱥᱛᱤ ᱠᱟᱭᱛᱮ ᱟᱥᱟᱞᱟᱛᱟ ᱢᱮᱱᱛᱮ ᱵᱟᱰᱟᱭᱚᱜ ᱠᱟᱱᱟ, ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱮ ᱛᱟᱦᱮᱸ ᱠᱟᱱᱟ ᱾ ᱯᱩᱭᱞᱩ ᱨᱮ ᱯᱟᱞᱳᱞᱮᱢ, ᱜᱳᱣᱟ ᱨᱮ ᱟᱡᱟᱜ ᱢᱩᱲ ᱪᱤᱱᱦᱟᱹ ᱞᱟᱹᱜᱤᱫ, ᱩᱱᱤ ᱫᱚ ᱢᱩᱢᱵᱟᱭ ᱵᱮᱥᱰ ᱜᱳᱣᱟ ᱦᱤᱱᱫᱩ ᱮᱥᱳᱥᱤᱭᱮᱥᱚᱱ ᱥᱟᱶ ᱡᱩᱲᱟᱹᱭ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱢᱤᱫ ᱥᱟᱭ ᱠᱷᱚᱱ ᱵᱟᱹᱲᱛᱤ ᱦᱤᱱᱫᱤ ᱟᱨ ᱢᱟᱨᱟᱴᱷᱤ ᱯᱷᱤᱞᱢ ᱨᱮᱭ ᱠᱟᱹᱢᱤ ᱟᱠᱟᱫᱟ ᱾ ᱩᱱᱤ ᱫᱚ ᱟᱹᱰᱤ ᱜᱟᱱ ᱠᱳᱝᱠᱟᱬᱤ ᱥᱮᱨᱮᱧ ᱦᱚᱸᱭ ᱥᱮᱨᱮᱧ ᱟᱠᱟᱫᱟ ᱡᱟᱦᱟᱸ ᱫᱚ ᱚᱞ ᱤᱱᱰᱤᱭᱟ ᱨᱮᱰᱤᱭᱳ ᱨᱮᱱᱟᱜ ᱢᱩᱢᱵᱟᱭ ᱥᱴᱮᱥᱚᱱ ᱪᱮᱛᱟᱱ ᱛᱮ ᱵᱨᱳᱰᱠᱟᱥᱴ ᱦᱩᱭ ᱟᱠᱟᱱᱟ ᱾
ᱜᱳᱣᱟ ᱨᱮ ᱡᱟᱱᱟᱢ ᱟᱠᱟᱱ ᱣᱟᱵᱽᱜᱟᱶᱠᱚᱨ ᱫᱚ ᱢᱤᱫ ᱯᱷᱤᱞᱢ ᱮᱠᱴᱨᱮᱥ ᱵᱮᱜᱚᱨ ᱦᱚᱸ ᱢᱟᱨᱟᱴᱷᱤ ᱥᱮᱨᱮᱧᱤᱭᱟᱹ ᱟᱨ ᱱᱟᱴᱚᱠᱤᱭᱟᱹ ᱞᱮᱠᱟᱛᱮ ᱦᱚᱸ ᱧᱩᱛᱩᱢᱟᱱ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱥᱮᱸᱴ ᱠᱳᱞᱩᱢᱵᱟᱥ ᱜᱟᱨᱞᱥ ᱦᱟᱭ ᱥᱠᱩᱞ ᱨᱮ ᱯᱟᱲᱦᱟᱣ ᱞᱮᱱᱟ ᱜᱽᱨᱟᱢᱫᱮᱵᱤ, ᱢᱩᱢᱵᱟᱭ ᱨᱮ ᱟᱨ ᱮᱥᱮᱱᱰᱤᱴᱤ ᱣᱤᱢᱮᱱᱥ ᱭᱩᱱᱤᱵᱷᱟᱨᱥᱤᱴᱤ ᱠᱷᱚᱱ ᱥᱟᱭᱠᱳᱞᱳᱡᱤ ᱨᱮ ᱯᱳᱥᱴ-ᱜᱽᱨᱮᱡᱩᱣᱮᱴ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱯᱩᱭᱞᱩ ᱠᱳᱝᱠᱟᱬᱤ ᱟᱨ ᱢᱟᱨᱟᱴᱷᱤ ᱱᱟᱴᱚᱠ ᱨᱮ ᱯᱟᱨᱯᱷᱳᱨᱢ ᱮ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱫ ᱾
ᱩᱱᱤ ᱫᱚ ᱢᱤᱫ ᱥᱟᱭ ᱠᱷᱚᱱ ᱵᱟᱹᱲᱛᱤ ᱦᱤᱱᱫᱤ ᱟᱨ ᱢᱟᱨᱟᱴᱷᱤ ᱢᱩᱵᱷᱤ ᱨᱮᱭ ᱠᱟᱹᱢᱤ ᱟᱠᱟᱫᱟ ᱾ ᱟᱡᱟᱜ ᱠᱤᱪᱷᱩ ᱢᱟᱨᱟᱴᱷᱤ ᱱᱟᱴᱚᱠ ᱫᱚ ᱜᱩᱱᱛᱟᱛᱟ ᱦᱨᱤᱫᱭᱟ ᱦᱮ, ᱵᱟᱨᱭᱟᱣᱟᱨᱪᱤ ᱵᱟᱨᱟᱛ, ᱪᱤᱱᱱᱟ (ᱥᱢᱤᱛᱟ ᱯᱟᱴᱤᱞ ᱟᱨ ᱥᱟᱫᱟᱥᱤᱵᱽ ᱟᱢᱨᱟᱯᱩᱨᱠᱚᱨ ᱥᱟᱶ) ᱟᱨ ᱢᱟᱦᱟᱱᱟᱱᱫᱟ ᱠᱟᱱᱟ ᱾ ᱟᱡᱟᱜ ᱢᱟᱨᱟᱴᱷᱤ ᱥᱴᱮᱡᱽ ᱠᱮᱨᱤᱭᱟᱨ ᱢᱤᱣᱡᱤᱠᱟᱞ ᱯᱞᱮ ᱢᱟᱛᱥᱭᱟᱜᱟᱱᱫᱷᱟ ᱥᱟᱶ ᱮ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱫ ᱾
ᱩᱱᱤ ᱫᱚ ᱵᱟᱥᱩ ᱪᱟᱴᱟᱨᱡᱤ ᱦᱚᱛᱮᱛᱮ ᱟᱯᱱᱮ ᱯᱟᱨᱟᱭᱮ (ᱵᱷᱟᱨᱟᱛᱤ ᱟᱪᱨᱮᱠᱚᱨ ᱥᱟᱶ) ᱨᱮ ᱦᱤᱱᱫᱤ ᱯᱷᱤᱞᱢ ᱨᱮ ᱩᱯᱨᱩᱢ ᱦᱩᱭ ᱞᱮᱱᱟ ᱡᱟᱦᱟᱸ ᱞᱟᱹᱜᱤᱫ ᱩᱱᱤ ᱫᱚ ᱵᱮᱥᱴ ᱥᱟᱯᱳᱨᱴᱤᱝ ᱮᱠᱴᱨᱮᱥ ᱞᱟᱹᱜᱤᱫ ᱯᱷᱤᱞᱢᱯᱷᱮᱭᱟᱨ ᱟᱣᱟᱨᱰ ᱞᱟᱹᱜᱤᱫ ᱱᱳᱢᱤᱱᱮᱴ ᱦᱩᱭ ᱞᱮᱱᱟ ᱾ ᱩᱱᱤ ᱫᱚ ᱯᱷᱤᱞᱢ ᱡᱮᱞᱮᱠᱟ ᱟᱸᱠᱩᱥ (᱑᱙᱘᱖), ᱟᱯᱱᱮ ᱯᱟᱨᱟᱭᱮ (᱑᱙᱘᱐), ᱟᱦᱤᱥᱛᱟ ᱟᱦᱤᱥᱛᱟ, ᱥᱳᱣᱠᱤᱱ, ᱣᱳᱦ ᱥᱟᱛ ᱫᱤᱱ, ᱱᱟᱢᱟᱠ ᱦᱟᱞᱟᱞ ᱟᱨ ᱭᱟᱫᱳᱱ ᱠᱤ ᱠᱟᱥᱚᱢ (᱑᱙᱘᱕) ᱨᱮ ᱥᱴᱟᱨ ᱦᱩᱭ ᱟᱠᱟᱱᱟ ᱾ ᱵᱟᱥᱩ ᱪᱟᱴᱟᱨᱡᱤᱭᱟᱜ ᱯᱷᱤᱞᱢ ᱟᱯᱱᱮ ᱯᱟᱨᱟᱭᱮ ᱨᱮ ᱵᱳᱞᱤᱣᱩᱰ ᱨᱮ ᱧᱮᱞᱚᱜ ᱞᱟᱹᱜᱤᱫ, ᱩᱱᱤ ᱫᱚ 'ᱵᱮᱸᱜᱚᱞ ᱠᱨᱤᱴᱤᱠᱥ ᱟᱣᱟᱨᱰ' ᱟᱨ ᱵᱮᱥᱴ ᱥᱟᱯᱳᱨᱴᱤᱝ ᱮᱠᱴᱚᱨ ᱞᱟᱹᱜᱤᱫ ᱯᱷᱤᱞᱢᱯᱷᱮᱭᱟᱨ ᱟᱣᱟᱨᱰ ᱮ ᱦᱟᱢᱮᱴ ᱠᱮᱫᱼᱟ ᱾ ᱩᱱᱤ ᱫᱚ ᱯᱷᱤᱞᱢ ᱡᱟᱸᱡᱤᱨ ᱨᱮ ᱟᱢᱤᱛᱟᱵᱷ ᱵᱚᱪᱪᱚᱱ ᱤᱡ ᱥᱴᱮᱯᱢᱚᱫᱟᱨ ᱨᱮᱱᱟᱜ ᱨᱳᱞ ᱮ ᱯᱞᱮ ᱞᱮᱫ ᱛᱟᱦᱮᱸᱫ ᱾ ᱟᱥᱟᱞᱟᱛᱟ ᱫᱚ ᱟᱹᱰᱤ ᱜᱟᱱ ᱥᱟᱠᱥᱮᱥᱯᱷᱩᱞ ᱦᱤᱱᱫᱤ ᱯᱷᱤᱞᱢ ᱡᱟᱦᱟᱸ ᱨᱮ ᱟᱸᱠᱩᱥ, ᱟᱯᱱᱮ ᱯᱟᱨᱟᱭᱮ, ᱟᱦᱤᱥᱛᱟ ᱟᱦᱤᱥᱛᱟ, ᱥᱳᱣᱠᱤᱱ, ᱣᱳᱦ ᱥᱟᱛ ᱫᱤᱱ, ᱱᱟᱢᱟᱠ ᱦᱟᱞᱟᱞ ᱟᱨ ᱭᱟᱫᱳᱱ ᱠᱤ ᱠᱟᱥᱚᱢ ᱢᱮᱱᱟᱜᱼᱟ ᱨᱮᱭ ᱠᱟᱹᱢᱤ ᱟᱠᱟᱫᱟ ᱾
ᱟᱥᱟᱞᱟᱛᱟ ᱢᱟᱨᱟᱴᱷᱤ ᱛᱷᱤᱭᱮᱴᱟᱨ ᱫᱩᱱᱤᱭᱟᱹ ᱨᱮᱦᱚᱸ ᱢᱤᱫ ᱢᱟᱨᱟᱝ ᱧᱩᱛᱩᱢ ᱮ ᱛᱟᱦᱮᱸ ᱠᱟᱱᱟ ᱟᱨ ᱫᱟ ᱜᱳᱣᱟ ᱦᱤᱱᱫᱩ ᱮᱥᱳᱥᱤᱭᱮᱥᱚᱱ ᱫᱟᱨᱟᱭ ᱩᱫᱩᱜ ᱥᱚᱫᱚᱨ ᱦᱩᱭ ᱟᱠᱟᱱ ᱱᱟᱴᱚᱠ ᱥᱟᱸᱜᱮᱛ ᱥᱟᱸᱥᱟᱭᱠᱟᱞᱞᱳᱞ ᱨᱮ ᱨᱮᱵᱷᱟᱛᱤ ᱨᱮᱱᱟᱜ ᱨᱳᱞ ᱨᱮ ᱟᱡᱟᱜ ᱰᱨᱟᱢᱟᱴᱤᱠ ᱰᱮᱵᱭᱩ ᱮ ᱵᱮᱱᱟᱣ ᱠᱮᱫᱟ ᱾ ᱢᱟᱨᱟᱴᱷᱤ ᱰᱨᱟᱢᱟ ᱢᱟᱛᱥᱭᱟᱜᱟᱱᱫᱷᱟ ᱟᱥᱟᱞᱟᱛᱟᱣᱟᱜ ᱮᱠᱴᱤᱝ ᱠᱮᱨᱤᱭᱟᱨ ᱨᱮ ᱢᱤᱫ ᱢᱟᱭᱤᱞᱥᱴᱳᱱ ᱯᱟᱨᱢᱟᱬᱤᱛ ᱮᱱᱟ ᱾ ᱱᱚᱣᱟ ᱠᱟᱹᱢᱤ ᱨᱮ, ᱩᱱᱤ ᱫᱚ ᱜᱟᱨᱫᱟ ᱥᱟᱵᱽᱵᱷᱳᱴᱤ ᱨᱟᱱ ᱥᱟᱡᱽᱱᱤ ᱛᱩ ᱛᱟᱨ ᱪᱟᱯᱷᱮᱠᱟᱞᱤ, ᱟᱨ ᱟᱨᱛᱷᱟᱥᱩᱱᱭᱟ ᱵᱷᱟᱥᱮ ᱢᱟᱡᱟ ᱦᱟ ᱠᱟᱞᱟᱦᱟ ᱡᱤᱣᱟᱱᱟᱪᱟ ᱥᱮᱨᱮᱧ ᱦᱚᱸᱭ ᱥᱮᱨᱮᱧ ᱟᱠᱟᱫᱟ ᱾
ᱩᱱᱤ ᱫᱚ ᱠᱞᱟᱥᱤᱠᱟᱞ ᱢᱤᱣᱡᱤᱠ ᱨᱮ ᱴᱨᱮᱱᱤᱝ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱟᱨ ᱢᱤᱫ ᱱᱟᱯᱟᱭ ᱢᱟᱨᱟᱴᱷᱤ ᱱᱟᱛᱭᱟᱥᱟᱸᱜᱮᱛ ᱥᱮᱨᱮᱧᱤᱭᱟᱹ ᱮ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱠᱤᱪᱷᱩ ᱢᱟᱨᱟᱴᱷᱤ ᱯᱷᱤᱞᱢ ᱫᱚ ᱩᱢᱵᱟᱨᱛᱷᱟ, ᱥᱩᱛᱨᱟᱫᱷᱟᱨ, ᱱᱟᱵᱷᱨᱤ ᱢᱤᱞᱮ ᱱᱟᱵᱷᱨᱭᱟᱞᱟ ᱟᱨ ᱵᱟᱦᱤᱱᱤᱪᱤ ᱢᱟᱭᱟ ᱠᱟᱱᱟ ᱾ ᱟᱥᱟᱞᱟᱛᱟ ᱣᱟᱵᱽᱜᱟᱶᱠᱚᱨ ᱫᱟᱨᱟᱭ ᱚᱛᱷᱚᱨ ᱦᱩᱭ ᱟᱠᱟᱱ ᱟᱨ ᱞᱳᱴᱟᱥ ᱯᱟᱵᱽᱞᱤᱠᱮᱥᱚᱱᱥ, ᱢᱩᱢᱵᱟᱭ ᱫᱟᱨᱟᱭ ᱯᱟᱵᱽᱞᱤᱥ ᱦᱩᱭ ᱟᱠᱟᱱ ᱜᱟᱨᱫ ᱥᱟᱵᱷᱳᱣᱟᱴᱤ, ᱢᱤᱫ ᱯᱚᱛᱚᱵ ᱟᱥᱟᱞᱟᱛᱟ ᱣᱟᱵᱽᱜᱟᱶᱠᱚᱨ ᱟᱨ ᱯᱟᱵᱞᱤᱥ ᱦᱩᱭ ᱟᱠᱟᱱ ᱞᱳᱴᱟᱥ ᱯᱟᱵᱞᱤᱠᱮᱥᱚᱱᱥ, ᱢᱩᱢᱵᱟᱭ, ᱯᱷᱤᱞᱢ ᱤᱱᱰᱟᱥᱴᱨᱤ ᱨᱮ ᱚᱛᱷᱚᱨ ᱟᱜ ᱩᱭᱦᱟᱹᱨ ᱟᱨ ᱡᱟᱨᱱᱤ ᱨᱮ ᱴᱚᱪ ᱮᱫᱟᱭ ᱾
ᱣᱟᱵᱽᱜᱟᱶᱠᱚᱨ ᱫᱚ ᱒᱒ ᱥᱮᱯᱴᱮᱢᱵᱚᱨ ᱒᱐᱒᱐ ᱨᱮ ᱠᱳᱵᱷᱤᱰ-᱑᱙ ᱠᱷᱟᱹᱛᱤᱨ ᱮ ᱜᱩᱡ ᱮᱱᱟ, ᱵᱷᱟᱨᱚᱛ ᱨᱮ ᱠᱳᱵᱷᱤᱰ-᱑᱙ ᱯᱮᱱᱰᱮᱢᱤᱠ ᱚᱠᱛᱚ ᱥᱟᱛᱟᱨᱟ, ᱢᱟᱦᱟᱨᱟᱥᱴᱨᱚ ᱨᱮ, ᱢᱤᱫ ᱢᱟᱨᱟᱴᱷᱤ ᱥᱤᱨᱤᱭᱟᱞ ᱟᱭᱤ ᱢᱟᱡᱤ ᱠᱟᱞᱩᱵᱟᱭ ᱞᱟᱹᱜᱤᱫ ᱥᱩᱴᱤᱝ ᱚᱠᱛᱚ ᱨᱮ ᱾ ᱩᱱᱤ ᱫᱚ ᱗᱙ ᱥᱮᱨᱢᱟ ᱩᱢᱮᱨ ᱮ ᱛᱟᱦᱮᱸ ᱠᱟᱱᱟ ᱾ ᱵᱟᱭ ᱱᱟᱯᱟᱭ ᱠᱷᱟᱹᱛᱤᱨ, ᱩᱱᱤ ᱫᱚ ᱥᱟᱛᱟᱨᱟ, ᱢᱟᱦᱟᱨᱟᱥᱴᱨᱚ ᱨᱮ ᱢᱤᱫ ᱯᱨᱟᱭᱵᱷᱮᱴ ᱦᱟᱥᱯᱟᱛᱟᱞ ᱨᱮ ᱵᱷᱩᱨᱛᱤ ᱦᱩᱭ ᱞᱮᱱᱟ, ᱟᱨ ᱠᱳᱵᱷᱤᱰ-᱑᱙ ᱞᱟᱹᱜᱤᱫ ᱯᱳᱡᱤᱴᱤᱵᱷ ᱠᱚ ᱧᱟᱢ ᱠᱮᱫᱮᱭᱟ ᱾ ᱩᱱᱤ ᱫᱚ ᱢᱤᱫ ᱵᱷᱮᱱᱴᱤᱞᱮᱴᱟᱨ ᱴᱨᱤᱴᱢᱮᱸᱴ ᱮ ᱦᱟᱛᱟᱣ ᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱒᱒ ᱥᱮᱯᱴᱮᱢᱵᱚᱨ ᱒᱐᱒᱐ ᱨᱮᱱᱟᱜ ᱥᱮᱛᱟᱜ ᱔.᱔᱕ ᱚᱠᱛᱚ ᱥᱩᱨ ᱜᱩᱡ ᱮᱱᱟ ᱾ ᱟᱡᱟᱜ ᱨᱮᱢᱮᱸᱥ ᱫᱚ ᱥᱟᱛᱟᱨᱟ ᱨᱮ ᱜᱮ ᱥᱟᱶ ᱠᱟᱹᱢᱤᱭᱟᱹ ᱟᱞᱠᱟ ᱠᱩᱵᱟᱞ ᱦᱚᱛᱮᱛᱮ ᱠᱚ ᱫᱟᱦ ᱠᱮᱫᱼᱟ ᱾ "ᱩᱱᱤ ᱫᱚ ᱥᱚᱢᱵᱟᱨ ᱧᱤᱫᱟᱹ ᱩᱱᱤᱭᱟᱜ ᱚᱠᱥᱤᱡᱟᱱ ᱞᱮᱵᱷᱮᱞ ᱟᱹᱰᱤ ᱜᱮ ᱞᱟᱛᱟᱨ ᱪᱟᱞᱟᱣ ᱮᱱ ᱛᱟᱭᱚᱢ ᱵᱷᱮᱱᱴᱤᱞᱮᱴᱟᱨ ᱨᱮ ᱠᱚ ᱫᱚᱦᱚ ᱞᱮᱫᱮ ᱛᱟᱦᱮᱸᱫ ᱟᱨ ᱟᱹᱰᱤ ᱥᱮᱛᱟᱜ ᱔.᱔᱕ ᱴᱟᱲᱟᱝ ᱥᱩᱨ ᱜᱩᱡ ᱮᱱᱟ ᱾ ᱩᱱᱤᱭᱟᱜ ᱜᱷᱟᱨᱚᱸᱡᱽ ᱱᱤᱛ ᱪᱟᱞᱟᱜ ᱠᱟᱱ ᱯᱮᱱᱰᱮᱢᱤᱠ ᱠᱷᱟᱹᱛᱤᱨ ᱵᱟᱠᱚ ᱦᱮᱡ ᱫᱟᱲᱮᱭᱟᱫᱼᱟ ᱟᱨ ᱢᱮᱱ ᱠᱮᱫᱟ ᱡᱮ ᱩᱱᱤ ᱫᱚ ᱥᱟᱛᱟᱨᱟ ᱨᱮ ᱜᱮ ᱠᱚ ᱫᱟᱦ ᱠᱟᱭ ᱢᱟ ᱟᱨ ᱩᱱᱤᱭᱟᱜ ᱦᱚᱲᱢᱚ ᱞᱟᱛᱟᱨ ᱢᱩᱢᱵᱟᱭ ᱫᱷᱟᱹᱵᱤᱡ ᱟᱞᱚ ᱠᱚ ᱟᱹᱜᱩᱭ ᱢᱟ", ᱟᱞᱠᱟ ᱠᱩᱵᱟᱞ ᱮ ᱢᱮᱱ ᱠᱮᱫᱼᱟ ᱾