ᱠᱩᱱᱫᱚᱱᱤᱠᱟ ᱠᱚᱯᱟᱰᱤᱭᱟ

ᱠᱩᱱᱫᱚᱱᱤᱠᱟ ᱠᱚᱯᱟᱰᱤᱭᱟ
Kapadia at Nandigram Ashram, July 2018
ᱡᱟᱱᱟᱢ	᱑᱑ ᱡᱟᱱᱩᱣᱟᱨᱤ ᱑᱙᱒᱗ (1927-01-11) (᱙᱗ ᱥᱮᱨᱢᱟ) Limbdi, Gujarat, India
ᱠᱟᱹᱢᱤ	novelist, story writer, essayist
ᱯᱟᱹᱨᱥᱤ	Gujarati
ᱥᱤᱨᱯᱷᱟᱹ	Sahitya Akademi Award for Gujarati (1985)
ᱡᱤᱭᱚᱱ ᱥᱚᱦᱮᱫ	Makarand Dave ​ ​ (m. ᱑᱙᱖᱘; died ᱞᱟᱹᱭᱟᱜ ᱦᱩᱲᱟᱹᱜ : ᱵᱟᱝᱩᱭᱦᱟᱹᱨ < ᱠᱟᱹᱢᱤᱭᱟᱹ ᱾)​

ᱠᱩᱱᱫᱚᱱᱤᱠᱟ ᱠᱚᱯᱟᱰᱤᱭᱟ (ᱡᱟᱱᱟᱢ- ᱑᱑ ᱡᱟᱱᱩᱣᱟᱨᱤ ᱑᱙᱒᱗) ᱫᱚ ᱜᱩᱡᱽᱨᱟᱴᱤ, ᱥᱤᱧᱚᱛᱤᱭᱟ. ᱜᱟᱢᱟᱢᱤᱭᱟ., ᱚᱱᱚᱞᱤᱭᱟ., ᱠᱷᱟᱴᱚ ᱠᱟ.ᱦᱱᱤ ᱚᱱᱚᱞᱤᱭᱟ. ᱠᱟᱱᱟᱭ ᱾

ᱡᱤᱭᱚᱱ ᱠᱟᱛᱷᱟ

ᱠᱚᱯᱟᱰᱤᱠᱟ ᱫᱚ ᱑᱑ ᱡᱟᱩᱣᱟᱨᱤ ᱑᱙᱒᱗ ᱥᱟᱞ,ᱞᱤᱢᱵᱤ ᱦᱚᱱᱚᱛ(en:Limbdi){ᱱᱤᱛᱚᱝ ᱥᱩᱨᱮᱱᱫᱨᱚᱱᱚᱜᱚᱨ ᱦᱚᱱᱚᱛ,ᱜᱩᱡᱽᱨᱟᱴ} ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱵᱟᱵᱟ ᱫᱚ ᱱᱚᱨᱳᱛᱛᱟᱢᱫᱟᱥ ᱠᱚᱯᱟᱰᱤᱭᱟ (Narottamdas Kapadia) ᱠᱟᱱᱟᱭ ᱾ ᱚᱸᱰᱮᱱ ᱜᱳᱫᱷᱨᱟ ᱠᱷᱚᱱ ᱯᱩᱭᱞᱩ ᱟᱥᱲᱟ ᱟᱨ ᱞᱟᱯᱷᱟᱝ ᱟᱥᱲᱟ ᱥᱤᱠᱷᱱᱟ.ᱛ ᱛᱟᱭᱮ ᱥᱟ.ᱛ ᱞᱮᱫᱟ ᱾ ᱑᱙᱔᱒ ᱥᱟᱞ ᱨᱮᱭᱟᱝ "ᱵᱷᱟᱨᱚᱛ ᱪᱷᱟᱰᱚ ᱟᱱᱫᱚᱲᱚᱱ" ᱨᱮᱦᱚᱸ ᱥᱚᱞᱮᱫ ᱞᱮᱱ ᱜᱮᱭᱟ ᱾᱑᱙᱔᱘ ᱥᱟᱞ ᱨᱮ,ᱥᱚᱱᱮᱨ(BA) ᱰᱤᱜᱽᱨᱤ ᱫᱚ ᱱᱟᱜᱟᱢ ᱟᱨ ᱨᱟᱡᱽᱟ.ᱨᱤ ᱥᱟᱛᱟᱢ ᱨᱮ ᱥᱚᱢᱚᱞᱫᱟᱥ ᱠᱚᱞᱮᱡᱽ,ᱵᱷᱟᱵᱽᱱᱚᱜᱚᱨ (Bhavnagar) ᱠᱷᱚᱱ ᱥᱟ.ᱛ ᱟᱠᱟᱫᱟᱭ,ᱡᱟᱦᱟᱸ ᱫᱚ ᱵᱚᱢᱵᱮ ᱡᱮᱜᱮᱛ-ᱵᱤᱨᱫᱟ.ᱜᱟᱲ (University of Bombay) ᱛᱟ.ᱨᱤᱨᱮ ᱛᱟᱦᱮᱸ ᱠᱟᱱᱟ ᱾ ᱤᱱᱟ. ᱛᱟᱭᱚᱢ ᱨᱟᱡᱽᱟ.ᱨᱤ ᱥᱟᱬᱮᱥ ᱨᱮ ᱟ.ᱠᱤᱞᱢᱟᱱ ᱯᱚᱲᱦᱚᱱᱚᱜ ᱞᱟ.ᱜᱤᱫ ᱢᱩᱢᱵᱟᱭ ᱥᱠᱩᱞ ᱳᱯᱷ ᱤᱠᱳᱱᱳᱢᱤᱠᱥ (Mumbai School of Economics) ᱨᱮ ᱵᱷᱩᱨᱛᱤ ᱞᱮᱱᱟᱭ,ᱤᱠᱷᱟ.ᱱ ᱵᱤᱱᱤᱰ ᱨᱮ ᱵᱟᱭ ᱫᱩᱲᱩᱵ ᱫᱟᱲᱮᱭᱟᱜ ᱛᱟᱦᱮᱸᱱ ᱾ ᱟᱡ ᱫᱚ ᱑᱙᱖᱘ ᱥᱟᱞ,ᱢᱩᱢᱵᱟᱭ ᱨᱮ ᱜᱩᱡᱽᱨᱟᱴᱤ ᱚᱱᱚᱬᱦᱤᱭᱟ. ᱢᱚᱠᱚᱨᱚᱱᱫᱽ ᱫᱟᱵᱷᱮ (Makarand Dave) ᱥᱟᱶᱮ ᱵᱟᱯᱞᱟ ᱞᱮᱱᱟ ᱾ ᱑᱙᱘᱕ ᱥᱟᱞ ᱨᱮ,ᱱᱚᱫᱤᱜᱨᱟᱢ ᱟᱥᱨᱚᱢ (Nadigram Ashram) ᱵᱷᱟᱱᱠᱟᱞ ᱟ.ᱛᱩ,ᱵᱷᱟᱞᱥᱟᱫᱽ (en:Valsad) ᱨᱮ ᱵᱮᱨᱮᱫ ᱟᱠᱟᱫᱟᱭ ᱾ ᱱᱚᱫᱤᱜᱨᱟᱢ ᱟᱥᱨᱚᱢ ᱨᱤᱱ ᱪᱮᱛᱮᱫᱤᱭᱟ. ᱠᱚᱫᱚ ᱤᱥᱟᱢᱟ (Ishama) ᱠᱚ ᱦᱚᱦᱚ ᱟᱭᱟ ᱾

ᱠᱟ.ᱢᱤ

ᱟᱡᱟᱜ ᱱᱚᱱᱚᱞ ᱧᱩᱢ ᱫᱚ ᱥᱱᱮᱦᱫᱷᱚᱱ (Snehdhan) ᱾ ᱑᱙᱖᱘ ᱥᱟᱞ ᱨᱮ ᱯᱩᱭᱞᱩ ᱜᱟᱢᱟᱢ ᱯᱚᱛᱚᱵ ᱯᱟᱨᱳᱫᱷ ᱛᱷᱟᱴᱟ ᱯᱚᱦᱮᱞᱟ (Parodh Thata Pahela),᱑᱙᱗᱒ ᱨᱮᱫᱚ ᱚᱜᱽᱱᱤᱯᱤᱯᱟᱥᱟ (Agnipipasa) ᱩᱪᱷᱟ.ᱱ ᱞᱮᱱ ᱛᱟᱭᱟ ᱾ ᱑᱙᱘᱔ ᱥᱟᱞ,ᱠᱩᱲᱤ ᱠᱚ ᱪᱮᱛᱟᱱ ᱨᱮ ᱥᱟᱛ ᱯᱚᱜᱚᱞᱚ ᱟᱠᱟᱥᱚᱢ {Sat Pagala Akashma (Seven Steps in the Sky)} ᱩᱪᱷᱟ.ᱱ ᱞᱮᱫᱟ,ᱡᱟᱦᱟᱸ ᱫᱚ ᱥᱚᱨᱮᱥ ᱜᱟᱢᱟᱢ ᱠᱟᱱᱟ ᱛᱟᱭᱟ ᱟᱨ ᱟᱭᱢᱟ ᱦᱚᱲᱴᱷᱮᱱ ᱥᱟᱨᱦᱟᱣ ᱧᱟᱢ ᱞᱮᱜ-ᱟᱭ ᱾ ᱟᱡᱟᱜ ᱯᱩᱭᱞᱩ ᱠᱟ.ᱦᱱᱤ ᱯᱩᱛᱷᱤ ᱯᱨᱮᱢᱱᱟ ᱟᱱᱥᱩ (Premna Ansu) ᱡᱮ-ᱡᱟ.ᱛᱤᱭᱟ.ᱨᱤ ᱦᱮᱯᱨᱟᱣ ᱨᱮ ᱫᱚᱥᱟᱨ ᱥᱤᱨᱯᱷᱟ. ᱧᱟᱢ ᱞᱮᱫᱟᱭ,ᱡᱟᱦᱟᱸ ᱫᱚ ᱡᱚᱱᱢᱚᱵᱷᱩᱢᱤ (Janmabhoomi) ᱠᱷᱚᱵᱚᱨ ᱠᱟᱜᱚᱡ ᱯᱟᱦᱴᱟ ᱠᱷᱚᱱ ᱥᱟᱯᱲᱟᱣ ᱞᱮᱱᱟ ᱾ ᱤᱱᱟ. ᱛᱟᱭᱚᱢ ᱵᱟ.ᱲᱛᱤ ᱠᱟ.ᱦᱱᱤ ᱚᱞ ᱨᱮ ᱫᱷᱩᱨᱟ.ᱣ ᱞᱮᱱᱟᱭ ᱾ ᱯᱨᱮᱢ ᱟᱱᱥᱩ(᱑᱙᱘᱔) ᱫᱚ ᱢᱤᱫ ᱠᱟ.ᱦᱱᱤ ᱛᱷᱚᱯᱮ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱟᱨᱠᱚ ᱠᱟ.ᱦᱱᱤ ᱛᱷᱚᱯᱮ ᱠᱚᱫᱚ ᱦᱩᱭᱩᱜ ᱠᱟᱱᱟ ᱵᱷᱟᱫᱩ ᱱᱮ ᱵᱷᱟᱫᱩ ᱥᱩᱱᱫᱚᱨ (᱑᱙᱖᱘), ᱠᱟᱜᱟᱞᱱᱤ ᱦᱳᱫᱤ (᱑᱙᱗᱘), ᱡᱟᱵᱷᱟ ᱫᱟᱭᱥᱩ ᱛᱟᱢᱟᱱᱮ (᱑᱙᱘᱓), ᱢᱚᱱᱩᱥᱭᱚ ᱛᱷᱟᱵᱩ (᱑᱙᱙᱐) ᱾ ᱟᱡᱟᱜ ᱠᱟ.ᱦᱱᱤ ᱠᱚᱨᱮ ᱫᱚ ᱥᱮᱨᱮᱧ,ᱯᱷᱤᱞᱳᱥᱳᱯᱷᱤ,ᱱᱮᱪᱚᱨ ᱤᱫᱤᱠᱟᱛᱮᱱ ᱵᱟᱰᱟᱭᱚᱜ-ᱟ ᱾

ᱥᱤᱨᱯᱷᱟ.ᱠᱚ

ᱟᱡ ᱫᱚ ᱜᱩᱡᱽᱨᱟᱴ ᱥᱟᱦᱤᱛᱭᱚ ᱯᱚᱨᱤᱥᱚᱫᱽ ᱟᱨ ᱜᱩᱡᱽᱨᱟᱴᱤ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱠᱷᱚᱱ ᱢᱟ.ᱱᱟᱱ ᱥᱤᱨᱯᱷᱟ. ᱠᱚᱭ ᱟᱢᱮᱴ ᱟᱠᱟᱫᱟ ᱾ ᱟᱡᱟᱜ ᱪᱚᱱᱫᱨᱚ ᱛᱟᱨᱟ ᱵᱷᱨᱤᱠᱥ ᱵᱟᱫᱚᱞ (Chandra Tara Vriksh Vadal) ᱜᱩᱡᱽᱨᱟᱴᱤ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱥᱤᱨᱯᱷᱟ. ᱧᱟᱢ ᱟᱠᱟᱫᱟᱭ ᱾ ᱑᱙᱘᱕ ᱥᱟᱞ ᱨᱮ, ᱟᱡᱟᱜ ᱥᱚᱛ ᱯᱟᱜᱚᱞᱚ ᱟᱠᱟᱥᱚᱢ (Sat Pagala Akashma) ᱠᱮᱱᱫᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱥᱤᱨᱯᱷᱟ. ᱜᱩᱡᱽᱨᱟᱴᱤ ᱯᱟ.ᱨᱥᱤ ᱛᱷᱚᱠ ᱨᱮ ᱧᱟᱢ ᱟᱠᱟᱫᱟᱭ ᱾ ᱑᱙᱘᱔ ᱥᱟᱞ ᱨᱮ, ᱫᱷᱚᱱᱡᱤ ᱠᱟᱱᱡᱤ ᱜᱟᱱᱫᱷᱤ ᱥᱩᱵᱚᱨᱱᱚ ᱪᱚᱱᱫᱨᱚᱠ (en:Dhanji Kanji Gandhi Suvarna Chandrak) ᱥᱤᱨᱯᱷᱟ. ᱦᱚᱸᱭ ᱧᱟᱢ ᱟᱠᱟᱫᱟ ᱾

ᱵᱟᱦᱨᱮ ᱡᱚᱱᱚᱲ

https://en.wikipedia.org/wiki/Kundanika_Kapadia

ᱥᱟ.ᱠᱷᱭᱟ.ᱛ