ᱢᱩᱢᱛᱟᱡᱽ ᱥᱳᱨᱠᱟᱨ
| ᱢᱩᱢᱛᱟᱡ ᱥᱳᱨᱠᱟᱨ | |
|---|---|
 ᱢᱩᱢᱛᱟᱡ ᱥᱳᱨᱠᱟᱨ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱢᱩᱢᱛᱟᱡ ᱥᱳᱨᱠᱟᱨ ᱠᱚᱞᱠᱟᱛᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱠᱟᱹᱢᱤ |
|
| ᱠᱟᱹᱢᱤ ᱚᱠᱛᱚ | 2009–ᱱᱤᱛ |
| ᱟᱯᱟᱛ ᱮᱸᱜᱟᱛ | P. C. Sorcar Jr., Joysri Sorcar |
ᱢᱩᱢᱛᱟᱡ ᱥᱳᱨᱠᱟᱨ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱟᱨ ᱢᱚᱰᱮᱞ ᱠᱟᱱᱟᱭ᱾ ᱩᱱᱤ ᱫᱚ ᱢᱮᱡᱤᱥᱤᱭᱟᱱ ᱯᱤ.ᱥᱤ. ᱥᱳᱨᱠᱟᱨ ᱡᱩᱱᱤᱭᱟᱨ ᱟᱨ ᱡᱳᱭᱥᱨᱤ ᱥᱳᱨᱠᱟᱨ ᱨᱤᱱᱤᱡ ᱠᱩᱲᱤ ᱠᱟᱱᱟᱭ᱾ ᱢᱩᱢᱛᱟᱡ ᱫᱚ ᱵᱟᱝᱞᱟᱫᱮᱥ ᱨᱤᱱᱤᱡ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱢᱮᱦᱨᱤᱱ ᱞᱟᱹᱜᱤᱫ ᱢᱤᱫ ᱥᱮᱨᱮᱧ ᱵᱷᱤᱰᱤᱭᱳ ᱥᱟᱶ ᱟᱡᱟᱜ ᱠᱮᱨᱤᱭᱚᱨ ᱮ ᱮᱛᱚᱦᱚᱵ ᱠᱮᱫᱟ᱾ ᱩᱱᱤ ᱒᱐᱑᱐ ᱨᱮ ᱵᱤᱨᱥᱟ ᱫᱟᱥᱜᱩᱯᱛᱟ ᱦᱚᱛᱮᱛᱮ ᱰᱟᱭᱨᱮᱠᱴ ᱟᱠᱟᱱ ᱵᱮᱝᱜᱟᱞᱤ ᱯᱷᱤᱞᱢ ᱐᱓᱓ ᱨᱮ ᱠᱷᱮᱞ ᱠᱮᱫᱟ᱾
ᱥᱮᱪᱮᱫ ᱟᱨ ᱠᱟᱹᱢᱤᱦᱚᱨᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱠᱚᱞᱠᱟᱛᱟ ᱞᱟᱹᱜᱤᱫ ᱢᱳᱰᱮᱨᱱ ᱦᱟᱭ ᱥᱠᱩᱞ ᱯᱷᱳᱨ ᱜᱟᱨᱞᱥ ᱠᱷᱚᱱ ᱥᱠᱩᱞᱤᱝ ᱮ ᱠᱚᱨᱟᱣ ᱠᱮᱫᱟ᱾ ᱩᱱᱤ ᱠᱚᱞᱠᱟᱛᱟ ᱤᱭᱩᱱᱤᱵᱷᱟᱨᱥᱤᱴᱤ ᱞᱟᱛᱟᱨ ᱥᱟᱣᱛᱷ ᱠᱚᱞᱠᱟᱛᱟ ᱞᱳ ᱠᱚᱞᱮᱡᱽ ᱠᱷᱚᱱ ᱟᱡᱟᱜ ᱵᱤ.ᱮ. ᱮᱞ.ᱮᱞ.ᱵᱤ. ᱯᱩᱨᱟᱹᱣ ᱠᱮᱫᱟ᱾ ᱟᱡᱟᱜ ᱥᱳᱠ ᱫᱚ ᱠᱷᱮᱞᱚᱸᱰ ᱮᱱᱟ ᱟᱨ ᱢᱤᱫ ᱮᱛᱷᱞᱤᱴ ᱞᱮᱠᱟᱛᱮ, ᱩᱱᱤ ᱵᱮᱝᱜᱟᱞ ᱮᱢᱮᱪᱭᱩᱨ ᱵᱳᱠᱥᱤᱝ ᱯᱷᱮᱰᱮᱨᱮᱥᱚᱱ ᱨᱮᱭᱟᱜ ᱟᱥᱯᱤᱥ ᱞᱟᱛᱟᱨ ᱢᱤᱫ ᱥᱟᱣᱛᱷ ᱠᱚᱞᱠᱟᱛᱟ ᱠᱞᱟᱵ ᱨᱮ ᱵᱳᱠᱥᱤᱝ ᱨᱮ ᱴᱨᱮᱱ ᱦᱩᱭ ᱞᱮᱱ ᱛᱟᱦᱮᱸᱫ᱾ ᱩᱱᱤ ᱡᱩᱰᱳ ᱨᱮ ᱦᱚᱸ ᱴᱨᱮᱱᱤᱝ ᱨᱮ ᱥᱮᱞᱮᱫ ᱞᱮᱱᱟ ᱟᱨ ᱥᱳᱴ ᱯᱩᱴ ᱨᱮ ᱭᱩ.ᱮᱢ.ᱥᱤ.ᱮ. ᱜᱳᱞᱰ ᱢᱮᱰᱟᱞᱤᱥᱴ ᱠᱟᱱᱟᱭ᱾ ᱢᱩᱢᱛᱟᱡ ᱦᱚᱸ ᱢᱤᱫ ᱠᱞᱟᱥᱤᱠᱟᱞ ᱡᱮᱡᱽ ᱮᱱᱮᱡ ᱠᱟᱱᱟᱭ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡᱟᱜ ᱮᱛᱚᱦᱚᱵ ᱯᱷᱤᱞᱢ ᱐᱓᱓ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱵᱤᱨᱥᱟ ᱫᱟᱥᱜᱩᱯᱛᱟ ᱦᱚᱛᱮᱛᱮ ᱰᱟᱭᱨᱮᱠᱴ ᱦᱩᱭ ᱞᱮᱱ ᱛᱟᱦᱮᱸᱫ᱾ ᱩᱱᱤ ᱟᱡᱟᱜ ᱯᱷᱤᱞᱢ ᱠᱮᱨᱤᱭᱚᱨ ᱨᱮᱭᱟᱜ ᱮᱛᱚᱦᱚᱵ ᱫᱤᱱ ᱨᱮ ᱥᱳᱣᱢᱤᱠ ᱥᱮᱱᱟᱜ ᱱᱳ ᱯᱳᱵᱽᱞᱮᱢ ᱨᱮ ᱧᱮᱞ ᱞᱮᱱᱟ᱾ ᱚᱱᱟ ᱛᱟᱭᱚᱢ ᱩᱱᱤ ᱟᱭᱢᱟ ᱴᱳᱞᱤᱣᱩᱰ ᱯᱷᱤᱞᱢ ᱨᱮ ᱥᱟᱭᱤᱱ ᱠᱮᱫᱟ ᱟᱨ ᱯᱷᱤᱞᱢ ᱱᱤᱛᱚᱜ ᱯᱳᱥᱴ ᱼᱯᱨᱳᱰᱟᱠᱥᱚᱱ ᱨᱮ ᱢᱮᱱᱟᱜᱼᱟ ᱟᱨ ᱒᱐᱑᱒ ᱨᱮ ᱨᱤᱞᱤᱡ ᱞᱟᱹᱜᱤᱫ ᱥᱮᱴ ᱢᱮᱱᱟᱜᱼᱟ᱾
᱒᱐᱑᱐
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱵᱮᱝᱜᱟᱞᱤ ᱯᱷᱤᱞᱢ ᱢᱩᱥᱚᱞᱢᱟᱱᱤᱨ ᱜᱟᱞᱯᱳ (ᱢᱩᱥᱞᱤᱢ ᱠᱩᱲᱤ ᱭᱟᱜ ᱠᱟᱹᱦᱱᱤ) ᱨᱮ ᱢᱤᱫ ᱨᱳᱞ ᱮ ᱧᱟᱢ ᱠᱮᱫᱟ᱾ ᱩᱱᱤ ᱢᱤᱫ ᱦᱤᱱᱫᱩ ᱠᱩᱲᱤ "ᱠᱟᱢᱟᱞᱟ" ᱠᱷᱮᱞ ᱠᱮᱫᱟ, ᱡᱟᱦᱟᱸ ᱫᱚ ᱯᱷᱤᱞᱢ ᱨᱮ ᱱᱳᱴᱳᱨᱤᱭᱟᱹᱥ ᱰᱟᱠᱳᱭᱤᱴ "ᱢᱚᱫᱷᱩᱢᱟᱞᱞᱟᱨ" ᱦᱚᱛᱮᱛᱮ ᱦᱟᱭᱡᱮᱠ ᱞᱮᱱ ᱛᱟᱦᱮᱸᱫ ᱟᱨ ᱫᱟᱭᱟᱣᱟᱱ ᱦᱟᱵᱤᱨ ᱠᱷᱟᱱ ᱦᱚᱛᱮᱛᱮ ᱨᱤᱞᱤᱡ ᱟᱨ ᱴᱨᱮᱱ ᱦᱩᱭ ᱠᱟᱛᱮ ᱢᱤᱫ ᱦᱤᱢᱢᱚᱛᱣᱟᱱ "ᱢᱮᱦᱟᱨᱡᱟᱱ" ᱨᱮ ᱵᱚᱫᱚᱞ ᱮᱱᱟᱭ᱾ ᱯᱷᱤᱞᱢ ᱨᱚᱵᱤᱱᱫᱽᱨᱚᱱᱟᱛᱷ ᱴᱮᱜᱳᱨ ᱮ ᱚᱞ ᱟᱠᱟᱫ ᱢᱩᱪᱟᱹᱫ ᱠᱟᱹᱦᱱᱤ ᱪᱮᱛᱟᱱ ᱵᱮᱥ ᱢᱮᱱᱟᱜᱼᱟ᱾ ᱵᱤᱯᱞᱚᱵ ᱪᱟᱴᱟᱨᱡᱤ ᱟᱡ ᱤᱡ ᱠᱳᱼᱤᱥᱴᱟᱨ ᱨᱮ ᱢᱤᱫ ᱮ ᱛᱟᱦᱮᱸ ᱠᱟᱱᱟ᱾
ᱛᱟᱭᱚᱢ ᱛᱮ, ᱩᱱᱤ ᱐᱓᱓ ᱥᱟᱶ ᱯᱷᱳᱞᱳ ᱟᱯ ᱠᱮᱫᱟ, ᱡᱟᱦᱟᱸ ᱫᱚ ᱢᱳᱠᱥᱤ ᱜᱨᱩᱯ ᱟᱨ ᱮᱱᱹᱰᱤᱹᱴᱤᱹᱵᱷᱤᱹ ᱤᱢᱮᱡᱤᱱ ᱛᱟᱞᱟ ᱢᱤᱫ ᱡᱳᱭᱮᱱᱴ ᱵᱷᱮᱱᱪᱚᱨ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱱᱟᱣᱟ ᱠᱚᱲᱟ ᱠᱚᱣᱟᱜ ᱢᱤᱫ ᱜᱩᱴ ᱵᱟᱵᱚᱛ ᱢᱤᱫ ᱯᱷᱤᱞᱢ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱢᱤᱫ ᱵᱟᱝᱜᱽᱞᱟ ᱵᱮᱱᱰ ᱠᱚ ᱵᱮᱱᱟᱣ ᱮᱫᱟ ᱟᱨ ᱚᱱᱟ ᱥᱚᱦᱚᱨ ᱨᱮᱭᱟᱜ ᱮᱥᱹᱴᱤᱹᱰᱤᱹ ᱠᱳᱰ (᱐᱓᱓) ᱛᱟᱭᱚᱢ ᱧᱩᱛᱩᱢ ᱮᱢᱟᱫᱮᱭᱟ᱾ ᱩᱱᱤ "ᱨᱤᱭᱟ" ᱮ ᱠᱷᱮᱞ ᱠᱮᱫᱟ᱾ ᱯᱷᱤᱞᱢ ᱨᱮ ᱥᱮᱨᱮᱧ ᱪᱚᱸᱫᱽᱨᱟᱵᱤᱱᱫᱩ ᱦᱚᱛᱮᱛᱮ ᱥᱠᱳᱨ ᱦᱩᱭ ᱞᱮᱱ ᱛᱟᱦᱮᱸᱫ (ᱵᱮᱱᱰ)᱾ ᱯᱷᱤᱞᱢ ᱨᱮ ᱟᱡ ᱨᱤᱱ ᱠᱳᱼᱤᱥᱴᱟᱨ ᱨᱮ ᱥᱣᱟᱥᱛᱤᱠᱟ ᱢᱩᱠᱷᱟᱨᱡᱤ, ᱯᱟᱨᱚᱢᱵᱨᱚᱛ ᱪᱟᱴᱟᱨᱡᱤ, ᱥᱟᱵᱽᱭᱟᱥᱟᱪᱤ ᱪᱚᱠᱨᱚᱵᱚᱨᱛᱤ ᱟᱨ ᱨᱩᱫᱽᱨᱚᱱᱤᱞ ᱜᱷᱳᱥ ᱥᱮᱞᱮᱫ ᱢᱮᱱᱟᱜ ᱠᱚᱣᱟ᱾
᱒᱐᱑᱑
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱑ ᱨᱮ ᱩᱱᱤ ᱴᱮᱞᱤᱯᱷᱤᱞᱢ ᱠᱳᱞᱠᱟᱛᱟᱨ ᱡᱳᱝᱜᱚᱞᱮ ᱟᱨ ᱨᱟᱡᱽᱵᱟᱨᱤᱨ ᱨᱟᱦᱟᱥᱭᱟ ᱨᱮ ᱧᱮᱞ ᱞᱮᱱᱟ, ᱡᱟᱦᱟᱸ ᱫᱚ ᱥᱩᱱᱤᱞ ᱜᱟᱝᱜᱳᱯᱟᱫᱷᱭᱟᱭ ᱦᱚᱛᱮᱛᱮ ᱧᱩᱛᱩᱢᱟᱱ ᱮᱰᱵᱷᱮᱱᱪᱚᱨ ᱥᱤᱨᱤᱡ ᱠᱟᱠᱟᱵᱟᱵᱩ ᱪᱮᱛᱟᱱ ᱵᱮᱥ ᱢᱮᱱᱟᱜᱼᱟ᱾ ᱦᱤᱡᱩᱜ ᱠᱟᱱ ᱨᱤᱞᱤᱡ ᱫᱚ ᱚᱱᱩᱨᱩᱯ ᱥᱤᱨᱤᱡ ᱨᱮ ᱥᱞᱳᱴ ᱨᱮ ᱢᱮᱱᱟᱜᱼᱟ᱾ ᱱᱚᱣᱟ ᱴᱮᱞᱤᱯᱷᱤᱞᱢ ᱫᱚ ᱢᱟᱦᱩᱣᱟ ᱯᱷᱤᱞᱢ ᱦᱚᱛᱮᱛᱮ ᱯᱨᱳᱰᱭᱩᱥ ᱦᱩᱭ ᱟᱠᱟᱱᱟ᱾
᱒᱐᱑᱒
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱒ ᱟᱡ ᱞᱟᱹᱜᱤᱫ ᱢᱤᱫ ᱢᱟᱨᱟᱝ ᱦᱤᱴ ᱥᱟᱶ ᱮᱛᱚᱦᱚᱵ ᱮᱱᱟ, ᱵᱷᱩᱛᱮᱨ ᱵᱷᱟᱵᱤᱥᱭᱟᱛ ᱨᱮᱭᱟᱜ ᱥᱟᱠᱥᱮᱥ ᱥᱟᱶ᱾ ᱢᱤᱫ ᱰᱟᱭᱤᱼᱦᱟᱨᱰ ᱨᱳᱢᱟᱱᱴᱤᱠ ᱱᱟᱣᱟ ᱠᱩᱲᱤ "ᱠᱳᱭᱮᱞ" ᱟᱜ ᱪᱤᱛᱟᱹᱨᱟᱱ ᱩᱱᱤᱭᱟᱜ ᱛᱟᱡᱽ ᱨᱮ ᱟᱨ ᱢᱤᱫ ᱯᱟᱱᱠᱷ ᱮ ᱡᱳᱲᱟᱣ ᱠᱮᱫᱟ᱾ ᱟᱡ ᱨᱤᱱ ᱠᱳᱼᱮᱠᱴᱚᱨ ᱨᱮ ᱯᱟᱨᱚᱢᱵᱨᱚᱛ ᱪᱟᱴᱟᱨᱡᱤ, ᱥᱟᱵᱽᱭᱟᱥᱟᱪᱤ ᱪᱚᱠᱨᱚᱵᱚᱨᱛᱤ, ᱥᱣᱟᱥᱛᱤᱠᱟ ᱢᱩᱠᱷᱟᱨᱡᱤ ᱟᱨ ᱢᱤᱨ ᱥᱮᱞᱮᱫ ᱢᱮᱱᱟᱜ ᱠᱚᱣᱟ᱾
ᱟᱡᱟᱜ ᱛᱟᱭᱚᱢ ᱯᱷᱤᱞᱢ ᱠᱟᱧᱪᱮᱱᱡᱩᱝᱜᱟ ᱮᱠᱥᱯᱨᱮᱥ ᱫᱚ ᱥᱚᱥᱯᱮᱸᱥ ᱛᱷᱨᱤᱞᱟᱨ (ᱡᱮᱱᱟᱨ) ᱠᱷᱚᱱ ᱠᱟᱱᱟ᱾ ᱠᱟᱹᱦᱱᱤ "ᱱᱟᱱᱫᱤᱱᱤ" ᱪᱟᱨᱤᱛ ᱵᱟᱵᱚᱛ ᱟᱹᱪᱩᱨᱚᱜ ᱠᱟᱱᱟ, ᱡᱟᱦᱟᱸᱭ ᱢᱤᱫ ᱮᱱᱹᱡᱤᱹᱳᱹ ᱞᱟᱹᱜᱤᱫ ᱮ ᱠᱟᱹᱢᱤᱭᱟ ᱟᱨ ᱓ ᱫᱷᱟᱣ ᱵᱟᱯᱞᱟᱜ ᱠᱟᱱᱟᱭ ᱟᱨ ᱨᱚᱦᱚᱥ ᱦᱟᱞᱟᱛ ᱨᱮ ᱜᱚᱡ ᱮᱱᱟᱭ᱾ ᱯᱷᱤᱞᱢ ᱟᱨᱱᱟᱵᱽ ᱜᱷᱳᱥ ᱦᱚᱛᱮᱛᱮ ᱰᱟᱭᱨᱮᱠᱴ ᱦᱩᱭ ᱟᱠᱟᱱᱟ ᱟᱨ ᱛᱟᱞᱟ ᱡᱩᱱ '᱑᱒ ᱨᱮ ᱨᱤᱞᱤᱡ ᱦᱩᱭᱩᱜ ᱞᱟᱹᱜᱤᱫ ᱥᱮᱰᱩᱞ ᱛᱟᱦᱮᱸ ᱠᱟᱱᱟ᱾
᱒᱐᱑᱓
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱥᱳᱢᱱᱟᱛᱷ ᱥᱮᱱ ᱦᱚᱛᱮᱛᱮ ᱯᱷᱤᱞᱢ ᱟᱛᱢᱳᱜᱳᱯᱚᱱ ᱨᱮ ᱦᱚᱸ ᱧᱮᱞ ᱟᱠᱟᱱᱟ᱾ ᱢᱩᱢᱛᱟᱡ "ᱟᱱᱩ" ᱪᱟᱨᱤᱛ ᱮ ᱠᱷᱮᱞ ᱮᱫᱟ, ᱥᱩᱵᱷᱟᱥ ᱪᱟᱴᱟᱨᱡᱤ ᱟᱡᱤᱡ ᱵᱟᱵᱟ ᱟᱜ ᱠᱟᱹᱢᱤ ᱮᱫᱟᱭ᱾
᱒᱐᱑᱖
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱩᱢᱛᱟᱡ ᱯᱟᱭᱟᱞ ᱢᱩᱠᱷᱟᱨᱡᱤ ᱟᱜ ᱨᱳᱞ ᱯᱷᱤᱞᱢ ᱰᱟᱨᱠ ᱪᱳᱠᱞᱮᱴ ᱨᱮ ᱧᱮᱞ ᱮᱱᱟ᱾
ᱢᱩᱢᱛᱟᱡ ᱟᱡᱟᱜ ᱛᱟᱢᱤᱞ ᱮᱛᱚᱦᱚᱵ ᱢᱩᱵᱷᱤ, ᱤᱨᱩᱫᱷᱤ ᱥᱩᱴᱴᱨᱩ ᱨᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱨᱮ ᱩᱱᱤ ᱞᱚᱠᱷᱢᱤ (ᱞᱩᱡᱽ) ᱟᱜ ᱨᱳᱞ ᱮ ᱠᱷᱮᱞ ᱞᱮᱫᱟ, ᱢᱤᱫ ᱱᱟᱣᱟ ᱠᱩᱲᱤ ᱵᱳᱠᱥᱟᱨ᱾ ᱟᱡ ᱨᱤᱱ ᱠᱳᱼᱤᱥᱴᱟᱨ ᱟᱨᱹ ᱢᱟᱫᱷᱟᱵᱚᱱ ᱟᱨ ᱨᱤᱛᱤᱠᱟ ᱥᱤᱝ ᱠᱤᱱ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱥᱚᱢᱟᱱ ᱨᱳᱞ ᱞᱟᱹᱜᱤᱫ ᱥᱚᱢᱟᱱ ᱢᱩᱵᱷᱤ ᱨᱮ ᱦᱤᱱᱫᱤ ᱵᱷᱟᱨᱥᱚᱱ ᱨᱮ ᱵᱳᱞᱤᱣᱩᱰ ᱮᱛᱚᱦᱚᱵ ᱮ ᱠᱮᱫᱟ ᱡᱟᱦᱟᱸ ᱫᱚ ᱥᱟᱞᱟ ᱠᱷᱟᱰᱩᱥ ᱧᱩᱛᱩᱢ ᱛᱟᱦᱮᱸ ᱠᱟᱱᱟ᱾
᱒᱐᱒᱐
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱤᱡᱩᱜ ᱠᱟᱱ ᱛᱟᱢᱤᱞ ᱢᱩᱵᱷᱤ ᱥᱤ/ᱳ ᱠᱟᱫᱷᱟᱞ ᱨᱮ, ᱢᱩᱢᱛᱟᱡ ᱢᱤᱫ ᱢᱩᱥᱞᱤᱢ ᱠᱩᱲᱤ ᱥᱟᱞᱤᱢᱟ ᱟᱜ ᱨᱳᱞ ᱮ ᱠᱷᱮᱞ ᱮᱫᱟ, ᱡᱟᱦᱟᱸ ᱨᱮ ᱯᱷᱤᱞᱢ ᱩᱫᱩᱜ ᱮᱫᱟ ᱡᱮ ᱫᱩᱞᱟᱹᱲ ᱨᱮ ᱩᱢᱮᱨ ᱵᱟᱹᱱᱩᱜᱼᱟ ᱟᱨ ᱢᱤᱫ ᱦᱚᱲ ᱡᱟᱦᱟᱸ ᱚᱠᱛᱚ ᱨᱮ ᱦᱚᱸ ᱫᱩᱞᱟᱹᱲ ᱨᱮ ᱰᱷᱟᱹᱞᱟᱣ ᱫᱟᱲᱮᱭᱟᱜᱼᱟ ᱡᱩᱫᱤ ᱩᱱᱠᱩ ᱥᱟᱹᱦᱤ ᱦᱚᱲ ᱠᱚ ᱧᱟᱢ ᱠᱚᱣᱟ᱾ ᱩᱱᱤ ᱴᱤᱵᱷᱤ ᱥᱤᱨᱤᱡ ᱪᱟᱨᱤᱛᱨᱟᱦᱤᱱ ᱟᱨ ᱣᱮᱵᱽ ᱥᱤᱨᱤᱡ ᱛᱷᱨᱤᱞᱟᱨ ᱥᱳᱵᱽᱫᱳ ᱡᱳᱵᱽᱰᱳ ᱨᱮ ᱦᱚᱸ ᱧᱮᱞ ᱮᱱᱟ ᱡᱟᱦᱟᱸ ᱫᱚ ᱦᱳᱭᱪᱳᱭᱤ ᱨᱮ ᱥᱴᱨᱤᱢᱤᱝ ᱮᱫᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱢᱩᱢᱛᱟᱡᱽ ᱥᱳᱨᱠᱟᱨ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- ᱤᱱᱥᱴᱟᱜᱨᱟᱢ ᱨᱮ ᱢᱩᱢᱛᱟᱡᱽ ᱥᱳᱨᱠᱟᱨ