ᱤᱞᱟᱹᱢᱵᱟᱡᱟᱨ ᱵᱚᱱᱚᱛ

ᱤᱞᱟᱹᱢᱵᱟᱡᱟᱨ
ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ
ᱡᱚᱭᱫᱮᱵᱽ ᱠᱮᱱᱫᱩᱞᱤ ᱨᱮ ᱢᱮᱱᱟᱜ ᱨᱟᱫᱷᱟᱵᱤᱱᱚᱫᱽ ᱢᱚᱱᱫᱤᱞ ᱨᱮ ᱴᱮᱨᱟᱠᱳᱴᱟ ᱪᱤᱛᱟᱹᱨ
ᱯᱚᱪᱷᱤᱢ ᱵᱟᱝᱞᱟ ᱨᱮ ᱴᱷᱟᱶ
Coordinates: 23°38′N 87°32′E / 23.633°N 87.533°E / 23.633; 87.533
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱯᱚᱪᱷᱤᱢ ᱵᱟᱝᱞᱟ
ᱦᱚᱱᱚᱛ	ᱵᱤᱨᱵᱷᱩᱢ
ᱥᱚᱝᱥᱚᱫᱽ ᱴᱚᱴᱷᱟ	ᱵᱳᱞᱯᱩᱨ
ᱵᱤᱫᱷᱟᱱᱥᱚᱵᱷᱟ ᱛᱟᱞᱢᱟ	ᱵᱳᱞᱯᱩᱨ
ᱮᱨᱤᱭᱟ
• ᱞᱮᱠᱷᱟᱜᱩᱴ	261.54 ᱠᱤᱢᱤ^২ (100.98 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱞᱮᱠᱷᱟᱜᱩᱴ	᱑,᱖᱘,᱗᱐᱙
• ᱰᱮᱱᱥᱤᱴᱤ	650/ᱠᱤᱢᱤ^2 (1700/ᱜᱟᱺᱴ ᱢᱟᱹᱭᱤᱞ)
IST (ᱭᱩᱴᱤᱥᱤ᱐᱕.᱓᱐)
ᱥᱤᱠᱷᱱᱟᱹᱛ ᱫᱚᱨ	᱗᱔.᱒᱗%
ᱣᱮᱵᱽᱥᱟᱭᱤᱴ	http://birbhum.nic.in/

ᱤᱞᱟᱢᱵᱟᱡᱟᱨ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱯᱚᱪᱷᱤᱢ ᱵᱟᱝᱞᱟ ᱨᱮ ᱵᱤᱨᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱵᱳᱞᱯᱩᱨ ᱪᱟᱸᱜᱟ ᱠᱷᱚᱸᱰ ᱨᱮ ᱢᱤᱫ ᱥᱟᱥᱚᱱ ᱪᱟᱪᱞᱟᱣ ᱵᱚᱱᱟᱛ ᱠᱟᱱᱟ ᱾

ᱢᱤᱫ ᱧᱮᱱᱮᱞ

ᱵᱤᱨᱵᱷᱩᱢ ᱦᱚᱱᱚᱛ ᱫᱚ ᱚᱛᱱᱚᱜ ᱞᱮᱠᱟᱛᱮ ᱢᱟᱨᱮᱱᱟᱜ ᱨᱟᱲ ᱴᱚᱴᱷᱟ ᱨᱮᱭᱟᱜ ᱢᱤᱫᱴᱟᱝ ᱦᱤᱸᱥ ᱠᱟᱱᱟ ᱾ ᱦᱚᱱᱚᱛ ᱨᱮᱭᱟᱜ ᱯᱟᱪᱮ ᱦᱤᱸᱥ ᱫᱚ ᱢᱩᱬᱩᱫ ᱞᱮᱠᱟᱛᱮ ᱪᱷᱳᱴᱳᱱᱟᱜᱽᱯᱩᱨ ᱯᱞᱮᱴᱚ ᱨᱮᱭᱟᱜ ᱯᱟᱥᱱᱟᱣ ᱦᱤᱸᱥ ᱠᱟᱱᱟ᱾ ᱱᱚᱶᱟ ᱴᱚᱴᱷᱟ ᱨᱮ ᱡᱟᱹᱥᱛᱤᱜᱮ ᱪᱷᱟᱹᱲ ᱟᱨᱟᱜ ᱢᱚᱨᱟᱢ, ᱠᱚᱢ ᱩᱵᱽᱡᱟᱹᱣ ᱟᱱ ᱦᱟᱥᱟ ᱢᱮᱱᱟᱜᱼᱟ ᱾ ᱥᱟᱢᱟᱝ ᱥᱮᱫ ᱨᱮ ᱚᱡᱚᱭ, ᱵᱚᱠᱨᱮᱥᱥᱚᱨ, ᱢᱳᱨ, ᱟᱨ ᱵᱨᱟᱦᱢᱚᱱᱤ ᱜᱟᱰᱟ ᱞᱮᱠᱟᱱ ᱢᱩᱲᱩᱫ ᱜᱟᱰᱟ ᱠᱚ ᱨᱮᱭᱟᱜ ᱞᱤᱸᱜᱤᱱ ᱯᱩᱞᱤ ᱛᱮ ᱩᱵᱽᱡᱟᱹᱣ ᱚᱛ ᱦᱟᱥᱟ ᱢᱮᱱᱟᱜᱼᱟ ᱾ ᱦᱚᱱᱚᱛ ᱨᱮᱭᱟᱜ ᱜᱩᱴ ᱦᱤᱸᱥᱨᱮ ᱥᱩᱢᱩᱝ ᱓.᱕% ᱵᱤᱨ ᱢᱮᱱᱟᱜᱼᱟ ᱾ ᱮᱱᱛᱮᱨᱮᱦᱚᱸ ᱦᱚᱱᱚᱛ ᱨᱮ ᱠᱩᱭᱞᱟᱹ ᱧᱟᱢᱚᱜᱼᱟ ᱟᱨ ᱵᱚᱠᱨᱮᱥᱥᱚᱨ ᱛᱷᱟᱨᱢᱟᱞ ᱫᱟᱲᱮ ᱵᱮᱱᱟᱣ ᱛᱟᱞᱢᱟ ᱨᱮᱭᱟᱜ ᱒,᱐᱑᱐ ᱢᱮᱜᱟᱣᱟᱴ ᱫᱟᱲᱮ ᱵᱮᱱᱟᱣ ᱨᱮᱭᱟᱜ ᱫᱟᱲᱮ ᱢᱮᱱᱟᱜᱼᱟ, ᱵᱤᱨᱵᱷᱩᱢ ᱨᱮᱭᱟᱜ ᱠᱟᱹᱣᱰᱤ ᱟᱹᱨᱤ ᱨᱮᱭᱟᱜ ᱦᱟᱞᱚᱛ ᱪᱟᱥ ᱫᱟᱨᱟᱭ ᱛᱮ ᱮᱥᱮᱨ ᱟᱠᱟᱱᱟ᱾^[᱑] ᱑᱙᱗᱗ ᱥᱮᱨᱢᱟ ᱠᱷᱚᱱ ᱯᱚᱪᱷᱤᱢ ᱵᱟᱝᱞᱟ ᱨᱮ ᱢᱟᱨᱟᱝ ᱚᱠᱚᱪ ᱨᱮ ᱚᱛ ᱦᱟᱥᱟ ᱟᱹᱨᱩᱼᱯᱷᱮᱨᱟᱣ ᱦᱩᱭ ᱞᱮᱱᱟ ᱾ ᱚᱛ ᱦᱟᱥᱟ ᱨᱮᱭᱟᱜ ᱥᱤᱢᱟᱹ ᱠᱷᱚᱱ ᱪᱮᱛᱟᱱ ᱨᱮ ᱢᱮᱱᱟᱜ ᱚᱛ ᱦᱟᱥᱟ ᱠᱚ ᱦᱟᱛᱟᱣ ᱠᱟᱛᱮ ᱪᱟᱹᱥᱤ ᱠᱚ ᱢᱩᱫᱨᱮ ᱦᱟᱹᱴᱤᱧ ᱦᱳᱭ ᱞᱮᱱᱟ ᱾^[᱒] ᱵᱤᱨᱵᱷᱩᱢ ᱦᱚᱱᱚᱛ ᱨᱮ ᱒᱐᱑᱑ ᱥᱮᱨᱢᱟ ᱦᱟᱹᱵᱤᱡ ᱑᱙,᱙᱖᱘ ᱦᱮᱠᱴᱟᱨ ᱵᱷᱮᱥᱴ ᱡᱟᱭᱜᱟ ᱠᱚ ᱑,᱖᱑,᱕᱑᱕ ᱪᱟᱹᱥᱤ ᱦᱚᱲ ᱠᱚ ᱢᱩᱫᱨᱮ ᱦᱟᱹᱴᱤᱧ ᱦᱩᱭ ᱟᱠᱟᱱᱟ᱾ ᱛᱚᱵᱮ ᱪᱟᱥ ᱠᱟᱹᱢᱤ ᱨᱮᱭᱟᱜ ᱓᱘% ᱠᱷᱚᱱ ᱦᱚᱸ ᱡᱟᱹᱥᱛᱤ ᱡᱟᱭᱜᱟ ᱨᱮᱭᱟᱜ ᱥᱚᱝ ᱫᱚ ᱑ ᱮᱠᱚᱨ ᱠᱷᱚᱱ ᱦᱚᱸ ᱠᱚᱢ ᱜᱮᱭᱟ᱾^[᱑] ᱵᱤᱨᱵᱷᱩᱢ ᱦᱚᱱᱚᱛ ᱨᱮᱭᱟᱜ ᱜᱩᱴ ᱠᱟᱹᱢᱤᱭᱟᱹ ᱠᱚ ᱢᱩᱫᱽᱨᱮ ᱪᱟᱥ ᱠᱟᱹᱢᱤᱭᱟᱹ ᱠᱚᱣᱟᱜ ᱦᱟᱹᱴᱤᱧ ᱔᱕ᱹ᱙%, ᱡᱟᱦᱟᱸ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱥᱟᱱᱟᱢ ᱦᱚᱱᱚᱛ ᱢᱩᱫᱽᱨᱮ ᱡᱚᱛᱚᱠᱷᱚᱱ ᱡᱟᱹᱥᱛᱤᱭᱟ᱾^[᱓] ᱡᱳᱭᱫᱮᱵ ᱠᱮᱱᱫᱩᱞᱤ ᱟᱨ ᱪᱚᱱᱰᱤᱫᱟᱥ ᱱᱟᱱᱩᱨ ᱞᱮᱠᱟᱱ ᱥᱮᱨᱣᱟ ᱟᱱᱟᱜ ᱪᱤᱱᱦᱟᱹ ᱥᱟᱶ ᱞᱟᱠᱪᱟᱨ ᱞᱮᱠᱟᱛᱮ ᱠᱤᱥᱟᱹᱬ ᱵᱤᱨᱵᱷᱩᱢ ᱨᱮ ᱥᱚᱱᱛᱤᱱᱤᱠᱮᱴᱟᱱ ᱨᱮ ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱢᱮᱱᱟᱜᱼᱟ, ᱡᱟᱦᱟᱸ ᱨᱮᱱ ᱵᱟᱨ ᱦᱚᱲ ᱱᱳᱵᱮᱞ ᱥᱤᱨᱯᱟᱹ ᱦᱟᱢᱮᱴᱤᱡᱭᱟᱹ ᱨᱚᱵᱤᱱᱫᱽᱨᱚᱱᱟᱛᱷ ᱴᱮᱜᱳᱨ ᱟᱨ ᱚᱢᱚᱨᱛᱚ ᱥᱮᱱ ᱥᱟᱶᱛᱮ ᱥᱩᱨ ᱥᱟᱹᱜᱟᱹᱭ ᱢᱮᱱᱟᱜᱼᱟ᱾^[᱔]

ᱚᱛᱱᱚᱜ

ᱵᱤᱨᱤᱵᱷᱩᱢ ᱦᱚᱱᱚᱛ ᱨᱮᱭᱟᱜ ᱢᱮᱯ ᱪᱤᱛᱟᱹᱨ ᱨᱮ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱟᱨ ᱢᱤᱣᱱ6 ᱴᱚᱴᱷᱟ ᱩᱫᱩᱜ ᱟᱠᱟᱱᱟ ᱾ ᱢᱟᱨᱟᱝ ᱢᱮᱯ ᱧᱮᱞ ᱞᱟᱹᱜᱤᱫ ᱢᱮᱯ ᱨᱮ ᱞᱤᱱ ᱢᱮ ᱾

ᱤᱞᱟᱹᱢᱵᱟᱡᱟᱨ ᱫᱚ 23°38′N 87°32′E / 23.63°N 87.53°E / 23.63; 87.53 ᱨᱮ ᱢᱮᱱᱟᱜᱼᱟ᱾ ᱱᱚᱣᱟ ᱵᱚᱱᱚᱛ ᱨᱮᱭᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱤᱞᱟᱹᱢᱵᱟᱡᱟᱨ ᱨᱮ ᱢᱮᱱᱟᱜᱼᱟ᱾

ᱤᱞᱟᱹᱢᱵᱟᱡᱟᱨ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱫᱚ ᱥᱤᱣᱲᱤ-ᱵᱳᱞᱯᱩᱨ ᱯᱞᱮᱱ ᱨᱮᱭᱟᱜ ᱢᱤᱫ ᱴᱮᱱ ᱴᱷᱟᱶ ᱠᱟᱱᱟ, ᱡᱟᱦᱟᱸ ᱫᱚ ᱵᱤᱨᱵᱷᱩᱢ ᱦᱚᱱᱚᱛ ᱨᱮᱭᱟᱜ ᱯᱩᱱᱭᱟᱹ ᱥᱚᱵᱽ-ᱢᱟᱭᱠᱨᱚᱯᱷᱤᱡᱤᱭᱳᱜᱨᱟᱯᱷᱤᱠ ᱴᱚᱴᱷᱟ ᱠᱚ ᱢᱩᱫᱽ ᱨᱮ ᱢᱤᱫ ᱴᱮᱱ ᱠᱟᱱᱟ᱾ ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱠᱚᱧᱮᱼᱥᱟᱢᱟᱝ ᱥᱮᱦᱮᱫ ᱨᱮ ᱢᱳᱨ ᱟᱨ ᱚᱡᱚᱭ ᱜᱟᱰᱟ ᱨᱮᱭᱟᱜ ᱵᱮᱰᱟ ᱠᱚ ᱢᱮᱱᱟᱜᱼᱟ ᱾ ᱱᱚᱶᱟ ᱴᱚᱴᱷᱟ ᱨᱮ ᱮᱛᱚᱢᱼᱯᱟᱪᱮ ᱠᱷᱚᱱ ᱠᱚᱧᱮᱼᱥᱟᱢᱟᱝ ᱥᱮᱡ ᱪᱮᱛᱟᱱ ᱴᱚᱯᱳᱜᱨᱟᱯᱷᱤ ᱢᱮᱱᱟᱜᱼᱟ᱾^[᱕]

ᱤᱞᱟᱹᱢᱵᱟᱡᱟᱨ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱫᱚ ᱮᱛᱚᱢ ᱨᱮ ᱥᱤᱣᱲᱤ ᱒ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ, ᱥᱟᱢᱟᱝ ᱨᱮ ᱵᱳᱞᱯᱩᱨ-ᱥᱨᱤᱱᱤᱠᱮᱛᱚᱱ ᱵᱚᱱᱚᱛ, ᱯᱟᱪᱮ ᱵᱚᱨᱫᱷᱚᱢᱟᱱ ᱦᱚᱱᱚᱛ ᱨᱮ ᱠᱟᱸᱠᱥᱟ ᱵᱚᱱᱚᱛ ᱟᱨ ᱯᱷᱚᱨᱤᱫᱽᱯᱩᱨ ᱫᱩᱨᱜᱟᱯᱩᱨ ᱵᱚᱱᱚᱛ, ᱮᱛᱚᱢ ᱨᱮ ᱚᱡᱚᱭ ᱜᱟᱰᱟ ᱟᱨ ᱯᱟᱪᱮ ᱨᱮ ᱫᱩᱵᱽᱨᱚᱡᱽᱯᱩᱨ ᱵᱚᱱᱚᱛ ᱛᱮ ᱜᱷᱮᱨᱟᱣ ᱟᱠᱟᱱᱟ ᱾^[᱖]

ᱰᱮᱢᱚᱜᱽᱨᱟᱯᱷᱤ

ᱦᱚᱲ ᱮᱞ

ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱤᱞᱟᱹᱢᱵᱟᱡᱟᱨ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱨᱮ ᱑᱖᱘,᱗᱐᱙ ᱦᱚᱲ ᱢᱮᱱᱟᱜ ᱠᱚᱣᱟ, ᱚᱱᱟ ᱢᱩᱸᱫᱽ ᱠᱷᱚᱱ ᱑᱖᱑,᱕᱘᱔ ᱜᱚᱴᱟᱝ ᱫᱚ ᱟᱹᱛᱩ ᱟᱨ ᱗,᱑᱒᱕ ᱜᱚᱴᱟᱝ ᱫᱚ ᱥᱚᱦᱚᱨ ᱠᱟᱱᱟ ᱾ ᱘᱖,᱖᱘᱘ (᱕᱑%) ᱠᱚᱲᱟ ᱟᱨ ᱘᱒,᱐᱒᱑ (᱔᱙%) ᱠᱩᱲᱤ ᱠᱚ ᱛᱟᱦᱮᱸ ᱠᱟᱱᱟ ᱾ ᱖ ᱥᱮᱨᱢᱟ ᱠᱷᱚᱱ ᱠᱚᱢ ᱦᱚᱲ ᱫᱚ ᱒᱑,᱐᱙᱗ ᱡᱚᱱᱟ᱾ ᱞᱮᱠᱷᱟᱥᱤᱫ ᱡᱟᱹᱛᱤ ᱠᱚᱣᱟᱜ ᱞᱮᱠᱷᱟ ᱫᱚ ᱓᱙,᱘᱖᱖ (᱒᱓.᱖᱓%) ᱟᱨ ᱞᱮᱠᱷᱟᱥᱤᱫ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱞᱮᱠᱷᱟ ᱫᱚ ᱑᱕,᱐᱘᱗ (᱘.᱙᱔%) ᱾^[᱗]

ᱥᱤᱠᱷᱱᱟᱹᱛ

᱒᱐᱑᱑ ᱥᱮᱨᱢᱟ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱤᱞᱟᱹᱢᱵᱟᱡᱟᱨ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱨᱮ ᱚᱞ ᱯᱟᱲᱦᱟᱣ ᱟᱠᱟᱱ ᱦᱚᱲ ᱮᱞ ᱑᱐᱙,᱐᱒᱓ (᱖ ᱥᱮᱨᱢᱟ ᱠᱷᱚᱱ ᱵᱟᱹᱲᱛᱤ ᱦᱚᱲ ᱮᱞ ᱨᱮᱱᱟᱜ ᱗᱔.᱒᱗%) ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱢᱩᱸᱫᱽ ᱨᱮ ᱠᱚᱲᱟ ᱖᱐,᱖᱖᱓ (᱖ ᱥᱮᱨᱢᱟ ᱠᱷᱚᱱ ᱵᱟᱹᱲᱛᱤ ᱦᱚᱲ ᱮᱞ ᱨᱮᱱᱟᱜ ᱘᱐.᱔᱐%) ᱟᱨ ᱠᱩᱲᱤ ᱔᱘,᱓᱖᱐ (᱖ ᱥᱮᱨᱢᱟ ᱠᱷᱚᱱ ᱵᱟᱹᱲᱛᱤ ᱦᱚᱲ ᱮᱞ ᱨᱮᱱᱟᱜ ᱖᱗.᱗᱘%) ᱛᱟᱦᱮᱸ ᱠᱟᱱᱟ ᱾ ᱡᱟᱱᱟᱝ ᱵᱷᱮᱜᱟᱨ ( ᱠᱩᱲᱤ ᱟᱨ ᱠᱚᱲᱟ ᱚᱞ ᱯᱟᱲᱦᱟᱣ ᱛᱟᱞᱟᱨᱮ ᱵᱷᱮᱜᱟᱨ) ᱫᱚ ᱑᱒.᱖᱒% ᱛᱟᱦᱮᱸ ᱠᱟᱱᱟ ᱾^[᱗]

ᱯᱟᱹᱨᱥᱤ ᱟᱨ ᱫᱷᱚᱨᱚᱢ

ᱤᱞᱟᱹᱢᱵᱟᱡᱟᱨ ᱵᱚᱱᱚᱛ ᱨᱮ ᱫᱷᱚᱨᱚᱢ (᱒᱐᱑᱑)[᱘]
ᱦᱤᱱᱫᱩ			51.67%
ᱤᱥᱞᱟᱢ			47.41%
ᱥᱟᱨᱱᱟ			0.63%
ᱮᱴᱟᱜ			0.29%

᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱨᱮ ᱘᱗,᱑᱘᱐ ᱦᱤᱱᱫᱩ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱤᱞᱟᱹᱢᱵᱟᱡᱟᱨ ᱥᱤ.ᱰᱤ. ᱵᱞᱚᱠ ᱨᱮ ᱕᱑.᱖᱗% ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱗᱙,᱙᱙᱐ ᱜᱟᱱ ᱢᱩᱥᱞᱤᱢ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱔᱗.᱔᱑% ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱨᱤᱥᱴᱤᱭᱟᱱ ᱠᱚᱣᱟᱜ ᱞᱮᱠᱷᱟ ᱫᱚ ᱑᱓᱐ ᱛᱟᱦᱮᱸ ᱠᱟᱱᱟ ᱟᱨ ᱐.᱐᱘% ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱮᱴᱟᱜ ᱠᱚᱣᱟᱜ ᱞᱮᱠᱷᱟ ᱫᱚ ᱑,᱔᱐᱐ ᱟᱨ ᱐.᱘᱔% ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾^[᱘]

ᱵᱤᱨᱵᱷᱩᱢ ᱦᱚᱱᱚᱛ ᱨᱮ ᱦᱤᱱᱫᱩ ᱠᱚᱣᱟᱜ ᱞᱮᱠᱷᱟ ᱑᱙᱖᱑ ᱨᱮ ᱗᱒.᱒% ᱠᱷᱚᱱ ᱒᱐᱑᱑ ᱨᱮ ᱖᱒.᱓% ᱦᱟᱹᱵᱤᱡ ᱠᱚᱢ ᱟᱠᱟᱱᱟ᱾ ᱵᱤᱨᱵᱷᱩᱢ ᱦᱚᱱᱚᱛ ᱨᱮ ᱢᱩᱥᱞᱟᱹ ᱠᱚᱣᱟᱜ ᱦᱤᱥᱟᱹᱵᱽ ᱫᱚ ᱱᱚᱶᱟ ᱚᱠᱛᱚ ᱨᱮ ᱒᱗.᱖% ᱠᱷᱚᱱ ᱓᱗.᱑% ᱦᱟᱹᱵᱤᱡ ᱥᱮᱱ ᱟᱠᱟᱱᱟ᱾ ᱒᱐᱑᱑ ᱥᱮᱨᱢᱟ ᱨᱮ ᱐.᱓% ᱠᱨᱤᱥᱴᱤᱭᱟᱱ ᱠᱚ ᱛᱟᱦᱮᱸ ᱠᱟᱱᱟ᱾^[᱙]

ᱤᱞᱟᱹᱢᱵᱟᱡᱟᱨ ᱵᱚᱱᱚᱛ ᱨᱮ ᱯᱟᱹᱨᱥᱤ ᱠᱚ (᱒᱐᱑᱑)^[᱑᱐]

  ᱵᱟᱝᱞᱟ (91.45%)

  ᱥᱟᱱᱛᱟᱲᱤ (8.17%)

  ᱮᱴᱟᱜ (0.38%)

᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱚᱠᱛᱚ ᱨᱮ ᱙᱑.᱔᱕% ᱦᱚᱲ ᱫᱚ ᱵᱟᱝᱞᱟ ᱯᱟᱹᱨᱥᱤ ᱟᱨ ᱘.᱑᱗% ᱥᱟᱱᱛᱟᱲᱤ ᱯᱟᱹᱨᱥᱤ ᱫᱚ ᱟᱠᱚᱣᱟᱜ ᱯᱩᱭᱞᱩ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱨᱚᱲᱟ ᱾

ᱟᱹᱛᱩ ᱨᱮᱭᱟᱜ ᱨᱮᱸᱜᱮᱡ

᱒᱐᱐᱕ ᱥᱮᱨᱢᱟ ᱨᱮ ᱦᱩᱭ ᱟᱠᱟᱱ ᱵᱤᱯᱮᱞ ᱜᱷᱟᱨᱚᱸᱡᱽ ᱥᱚᱨᱵᱷᱮ ᱞᱮᱠᱟᱛᱮ ᱤᱞᱟᱹᱢᱵᱟᱡᱟᱨ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱨᱮ ᱵᱤ.ᱯᱤ.ᱮᱞ ᱜᱷᱟᱨᱚᱸᱡᱽ ᱠᱚᱣᱟᱜ ᱞᱮᱠᱷᱟ ᱫᱚ ᱓᱕.᱖% ᱛᱟᱦᱮᱸ ᱠᱟᱱᱟ, ᱵᱤᱨᱵᱷᱩᱢ ᱦᱚᱱᱚᱛ ᱨᱮ ᱫᱚ ᱔᱒.᱓% ᱾

ᱛᱩᱨᱩᱭ ᱜᱚᱴᱟᱝ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱢᱩᱨᱟᱨᱟᱭ ᱒, ᱱᱚᱞᱦᱟᱴᱤ ᱒, ᱨᱟᱢᱯᱩᱨᱦᱟᱴ ᱒, ᱨᱟᱢᱯᱩᱨᱦᱟᱴ ᱑, ᱥᱤᱣᱲᱤ ᱒ ᱟᱨ ᱢᱩᱨᱟᱨᱟᱭ ᱑, ᱨᱮ ᱵᱤ.ᱯᱤ.ᱮᱞ ᱜᱷᱟᱨᱚᱸᱡᱽ ᱨᱮᱭᱟᱜ ᱦᱟᱹᱴᱤᱧ ᱕᱐% ᱠᱷᱚᱱ ᱦᱚᱸ ᱡᱟᱹᱥᱛᱤ ᱛᱟᱦᱮᱸ ᱠᱟᱱᱟ ᱾ ᱯᱮᱭᱟ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱨᱮ ᱨᱟᱡᱽᱱᱚᱜᱚᱨ, ᱥᱤᱣᱲᱤ ᱑ ᱟᱨ ᱞᱟᱵᱷᱯᱩᱨ ᱨᱮ ᱵᱤ.ᱯᱤ.ᱮᱞ ᱜᱷᱟᱨᱚᱸᱡᱽ ᱨᱮᱭᱟᱜ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ ᱓᱐% ᱠᱷᱚᱱ ᱠᱚᱢ ᱾ ᱵᱤᱨᱵᱷᱩᱢ ᱦᱚᱱᱚᱛ ᱨᱮᱭᱟᱜ ᱮᱴᱟᱜ ᱜᱮᱞ ᱜᱚᱴᱟᱝ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱫᱚ ᱱᱚᱣᱟ ᱛᱟᱞᱟ ᱨᱮ ᱛᱟᱦᱮ ᱞᱮᱱᱟ ᱾

ᱠᱟᱹᱣᱰᱤᱭᱟᱹᱨᱤ

ᱡᱤᱭᱚᱱ ᱠᱷᱟᱸᱰᱟᱣ

ᱤᱞᱟᱹᱢᱵᱟᱡᱟᱨ ᱵᱚᱱᱚᱛ ᱨᱮ
ᱡᱤᱭᱚᱱ ᱠᱷᱟᱸᱰᱟᱣ

  ᱪᱟᱹᱥᱤ (19.08%)

  ᱪᱟᱥ ᱵᱮᱞᱟᱨ (53.20%)

  ᱚᱲᱟᱜ ᱠᱟᱹᱢᱤ (4.97%)

  ᱮᱴᱟᱜ ᱠᱟᱹᱢᱤ (22.74%)

ᱯᱚᱨᱤᱠᱟᱴᱷᱟᱢᱳ

ᱪᱟᱥ

ᱵᱮᱝᱠᱤᱝ

᱒᱐᱑᱓-᱑᱔ ᱥᱮᱨᱢᱟ ᱨᱮ ᱤᱞᱟᱹᱢᱵᱟᱡᱟᱨ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱨᱮ ᱕ ᱜᱚᱴᱟᱝ ᱠᱚᱢᱚᱨᱥᱤᱭᱟᱞ ᱵᱮᱸᱠ ᱟᱨ ᱔ ᱜᱚᱴᱟᱝ ᱜᱨᱟᱢᱤᱱ ᱵᱮᱸᱠ ᱨᱮᱭᱟᱜ ᱚᱯᱷᱤᱥ ᱛᱟᱦᱮᱸ ᱠᱟᱱᱟ ᱾^[᱑᱑]

ᱠᱩᱭᱞᱟᱹ

ᱮᱴᱟᱜ ᱠᱟᱹᱢᱤ ᱠᱚ

ᱯᱟᱹᱪᱷᱞᱟᱹ ᱴᱚᱴᱷᱟ ᱜᱚᱲᱚ ᱯᱷᱟᱱᱰ

ᱵᱤᱨᱵᱷᱩᱢ ᱦᱚᱱᱚᱛ ᱫᱚ ᱢᱤᱫ ᱯᱟᱹᱪᱷᱞᱟᱹ ᱴᱚᱴᱷᱟ ᱞᱮᱠᱟᱛᱮ ᱥᱮᱞᱮᱫ ᱟᱠᱟᱱᱟ ᱟᱨ ᱯᱟᱹᱪᱷᱞᱟᱹ ᱴᱚᱴᱷᱟ ᱜᱨᱟᱱᱴ ᱯᱷᱚᱸᱰ ᱠᱷᱚᱱ ᱨᱟᱦᱟᱛ ᱜᱚᱲᱚᱭ ᱧᱟᱢᱟ᱾ ᱥᱤᱧᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱵᱮᱱᱟᱣ ᱟᱠᱟᱱ ᱱᱚᱶᱟ ᱯᱷᱟᱱᱰ ᱫᱚ ᱯᱨᱚᱥᱟᱥᱚᱱᱤᱠ ᱵᱤᱵᱷᱟᱜᱽ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱠᱟᱹᱢᱡ ᱞᱟᱹᱜᱤᱫ ᱠᱟᱱᱟ᱾ ᱒᱐᱑᱒ ᱥᱮᱨᱢᱟ ᱦᱟᱹᱵᱤᱡ, ᱱᱚᱣᱟ ᱡᱚᱡᱚᱱᱟ ᱦᱚᱛᱮᱛᱮ ᱫᱤᱥᱚᱢ ᱡᱟᱠᱟᱛ ᱨᱮ ᱒᱗᱒ ᱜᱚᱴᱟᱝ ᱡᱤᱞᱟᱹ ᱜᱚᱲᱚᱭ ᱧᱟᱢ ᱟᱠᱟᱫᱟ, ᱱᱚᱶᱟ ᱛᱷᱚᱠ ᱨᱮ ᱫᱚ ᱯᱚᱪᱷᱤᱢ ᱵᱟᱸᱜᱽᱞᱟ ᱨᱮᱱᱟᱜ ᱑᱑ ᱜᱚᱴᱟᱝ ᱦᱚᱱᱚᱛ ᱠᱚ ᱢᱮᱱᱟᱜᱼᱟ ᱾^{[᱑᱒][᱑᱓]}

ᱥᱟᱜᱟᱲᱚᱢ

ᱤᱞᱟᱹᱢᱵᱟᱡᱟᱨ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱨᱮ ᱑ ᱴᱟᱝ ᱞᱟᱹᱣᱠᱟᱹ ᱥᱮᱵᱟ ᱢᱮᱱᱟᱜᱼᱟ, ᱑᱐ ᱜᱚᱴᱟᱝ ᱮᱛᱚᱦᱚᱵ/ᱢᱩᱪᱟᱹᱫ ᱵᱟᱥ ᱰᱟᱦᱟᱨ ᱢᱮᱱᱟᱜᱼᱟ ᱾ ᱥᱩᱨ ᱥᱩᱯᱩᱨ ᱨᱮᱞᱣᱮ ᱥᱴᱮᱥᱚᱱ ᱫᱚ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱦᱮᱰᱠᱩᱣᱟᱴᱚᱨ ᱠᱷᱚᱱ ᱑᱘ ᱠᱤᱞᱚᱢᱤᱴᱚᱨ ᱥᱟᱺᱜᱤᱧᱟ ᱾^[᱑᱑]

ᱫᱩᱵᱽᱨᱟᱡᱽᱯᱩᱨ ᱠᱷᱚᱱ ᱵᱮᱛᱟᱭ (ᱱᱚᱫᱤᱭᱟ ᱦᱚᱱᱚᱛ) ᱫᱷᱟᱹᱵᱤᱡ ᱡᱚᱲᱟᱣ ᱟᱠᱟᱱ ᱮᱥ.ᱮᱪ.-᱑᱔ ᱫᱚ ᱤᱞᱟᱹᱢᱵᱟᱡᱟᱨ ᱥᱮᱫ ᱛᱮ ᱯᱟᱨᱚᱢ ᱪᱟᱞᱟᱣ ᱟᱠᱟᱱᱟ᱾ ᱵᱳᱞᱯᱩᱨ-ᱠᱟᱵᱤ ᱡᱚᱭᱫᱮᱵᱽ ᱰᱟᱦᱟᱨ ᱫᱚ ᱤᱞᱟᱹᱢᱵᱟᱡᱟᱨ ᱠᱷᱚᱱ ᱵᱳᱞᱯᱩᱨ-ᱥᱟᱱᱛᱤᱱᱤᱠᱮᱛᱚᱱ ᱡᱚᱲᱟᱣ ᱟᱠᱟᱱᱟ᱾^[᱑᱔]

ᱞᱟᱠᱪᱟᱨ

ᱡᱚᱭᱫᱮᱵᱽ ᱠᱮᱱᱫᱩᱞᱤ ᱫᱚ ᱢᱚᱠᱟᱨ ᱥᱚᱝᱠᱨᱟᱱᱛᱷᱤ ᱚᱠᱛᱚ ᱨᱮ ᱥᱮᱨᱢᱟ ᱯᱩᱨᱟᱹᱣ ᱟᱠᱟᱱ ᱟᱹᱰᱤ ᱢᱟᱨᱟᱝ ᱟᱨ ᱘᱐᱐ ᱥᱮᱨᱢᱟ ᱢᱟᱨᱮᱱᱟᱜ ᱫᱷᱚᱨᱚᱢ ᱴᱷᱟᱶ ᱠᱟᱱᱟ ᱾

ᱥᱮᱪᱮᱫ

ᱠᱚᱵᱤ ᱡᱚᱭᱫᱮᱵᱽ ᱢᱚᱦᱟᱵᱤᱫᱽᱭᱟᱞᱚᱭ ᱫᱚ ᱒᱐᱐᱗ ᱥᱮᱨᱢᱟ ᱨᱮ ᱤᱞᱟᱹᱢᱵᱟᱡᱟᱨ ᱨᱮ ᱛᱷᱟᱯᱚᱱ ᱞᱮᱱᱟ᱾^{[᱑᱕][᱑᱖]}

ᱦᱚᱲᱢᱚ ᱥᱟᱶᱟᱨ

ᱵᱟᱨᱦᱮ ᱡᱚᱱᱚᱲ

• Kendubillo ᱴᱨᱟᱵᱷᱮᱞ ᱵᱟᱵᱚᱫᱽ ᱠᱟᱛᱷᱟ ᱣᱤᱠᱤᱦᱤᱨᱤ (Wikivoyage) ᱨᱮ

ᱥᱟᱹᱠᱷᱭᱟᱹᱛ

1. "District Census Handbook Birbhum, Census of India 2011, Series 20, Part XII A" (PDF). Page v: Progress and Heritage of Birbhum, Page 15: Physiography, Page 21: Tenancy, Agriculture. Directorate of Census Operations, West Bengal. Retrieved 14 December 2017.
2. "District Human Development Report: South 24 Parganas". (1) Chapter 1.2, South 24 Parganas in Historical Perspective, pages 7-9 (2) Chapter 3.4, Land reforms, pages 32-33. Development & Planning Department, Government of West Bengal, 2009. Archived from the original on 5 October 2016. Retrieved 7 August 2016.
3. "District Census Handbook Birbhum, Census of India 2011, Series 20, Part XII B" (PDF). Page 17 : District Highlights – 2011 census. Directorate of Census Operations, West Bengal. Retrieved 14 December 2017.
4. "District Census Handbook Birbhum, Census of India 2011, Series 20, Part XII A" (PDF). Page v: Progress and Heritage of Birbhum, Pages 102-105: Bolpur-Satiniketan, Visva Bharati. Directorate of Census Operations, West Bengal. Retrieved 14 December 2017.
5. "District Census Handbook Birbhum, Census of India 2011, Series 20, Part XII A" (PDF). Page 15: Physiography. Directorate of Census Operations, West Bengal. Retrieved 14 December 2017.
6. "Tehsil Map of Birbhum". CD Block/ Tehsil. Maps of India. Retrieved 14 December 2017.
7. "C.D. Block Wise Primary Census Abstract Data(PCA)". 2011 census: West Bengal – District-wise CD Blocks. Registrar General and Census Commissioner, India. Retrieved 6 December 2017.
8. "Table C-01 Population by Religion: West Bengal". censusindia.gov.in. Registrar General and Census Commissioner of India. 2011.
9. "District Census Handbook Birbhum, Census of India 2011, Series 20, Part XII A" (PDF). Page 47: Religion. Directorate of Census Operations, West Bengal. Retrieved 14 December 2017.
10. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named languages
11. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named handbook2014
12. "Backward Regions Grant Funds: Programme Guidelines" (PDF). Ministry of Panchayati Raj, Government of India. Archived from the original (PDF) on 30 October 2017. Retrieved 22 January 2018.
13. "Backward Regions Grant Fund". Press Release, 14 June 2012. Press Information Bureau, Government of India. Retrieved 22 January 2018.
14. Google maps
15. "Kabi Joydeb Mahavidyalaya". KJM. Retrieved 9 February 2018.
16. "Kabi Joydeb Mahavidyalaya". College Admission. Retrieved 9 February 2018.