ᱤᱱᱫᱤᱨᱟ ᱛᱤᱣᱟᱨᱤ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ᱾ ᱩᱱᱤ ᱫᱚ ᱟᱨᱟᱠᱥᱚᱱ (᱒᱐᱑᱑), ᱱᱟᱡᱟᱨᱵᱟᱸᱫᱽ (᱒᱐᱒᱐), ᱥᱤᱨᱤᱭᱟᱥ ᱢᱮᱱ (᱒᱐᱒᱐), ᱟᱨ ᱜᱟᱝᱜᱩᱵᱟᱭ ᱠᱟᱛᱷᱤᱭᱟᱣᱟᱲᱤ (᱒᱐᱒᱒) ᱯᱷᱤᱞᱢ ᱠᱚᱨᱮ ᱧᱮᱞ ᱟᱠᱟᱱᱟ᱾
ᱛᱤᱣᱟᱨᱤ ᱫᱚ ᱯᱨᱚᱠᱟᱥ ᱡᱷᱟ ᱭᱟᱜ ᱒᱐᱑᱑ ᱵᱚᱞᱤᱣᱩᱰ ᱢᱩᱵᱷᱤ ᱟᱨᱟᱠᱥᱚᱱ ᱨᱮ ᱢᱤᱫ ᱥᱴᱩᱰᱮᱱᱴ ᱞᱮᱠᱟᱛᱮ ᱯᱟᱨᱴ ᱠᱟᱛᱮ ᱟᱡᱟᱜ ᱮᱠᱴᱤᱝ ᱠᱟᱹᱢᱤ ᱮ ᱮᱛᱚᱦᱚᱵ ᱠᱮᱫᱟ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱯᱩᱱᱭᱟ ᱦᱩᱰᱤᱧ ᱯᱷᱤᱞᱢ ᱨᱮ ᱧᱮᱞ ᱟᱠᱟᱱᱟ: ᱮᱠᱟᱱᱛᱷ, ᱫᱟ ᱢᱮᱱᱞᱤᱭᱮᱥᱴ ᱢᱮᱱ, ᱟᱱᱯᱷᱮᱭᱟᱨ, ᱟᱨ ᱨᱤᱴᱟᱨᱱ ᱴᱩ ᱥᱤᱱᱰᱟᱨ᱾
᱒᱐᱒᱐ ᱨᱮ, ᱩᱱᱤ ᱫᱚ ᱥᱩᱢᱚᱱ ᱢᱩᱠᱷᱚᱯᱟᱫᱷᱭᱟᱭ ᱫᱟᱨᱟᱭ ᱛᱮ ᱰᱤᱨᱮᱠᱴ ᱟᱠᱟᱱ ᱟᱨ ᱟᱥᱟᱯᱩᱨᱱᱟ ᱫᱮᱵᱤ ᱭᱟᱜ ᱢᱤᱫ ᱦᱩᱰᱤᱧ ᱠᱟᱹᱦᱱᱤ ᱪᱮᱛᱟᱱ ᱨᱮ ᱵᱮᱱᱟᱣ ᱟᱠᱟᱱ ᱱᱟᱡᱟᱨᱵᱟᱸᱫᱽ ᱨᱮ ᱮᱠᱴᱤᱝ ᱠᱮᱫᱟ᱾ ᱚᱱᱟ ᱥᱮᱨᱢᱟ ᱜᱮ, ᱩᱱᱤ ᱫᱚ ᱰᱤᱨᱮᱠᱴᱚᱨ ᱥᱩᱫᱷᱤᱨ ᱢᱤᱥᱨᱟ ᱭᱟᱜ ᱱᱮᱴᱯᱷᱞᱤᱠᱥ ᱚᱨᱤᱡᱤᱱᱟᱞ ᱥᱤᱨᱤᱭᱟᱥ ᱢᱮᱱ ᱨᱮ ᱱᱚᱣᱟᱡᱩᱫᱽᱫᱤᱱ ᱥᱤᱫᱽᱫᱤᱠᱤ ᱥᱟᱶ ᱛᱤᱨᱞᱟᱹ ᱞᱤᱰ ᱞᱮᱠᱟᱛᱮ ᱯᱟᱨᱴ ᱠᱮᱫᱟ᱾
ᱛᱤᱣᱟᱨᱤ ᱫᱚ ᱒᱐᱒᱒ ᱯᱷᱤᱞᱢ ᱜᱟᱝᱜᱩᱵᱟᱭ ᱠᱟᱛᱷᱤᱭᱟᱣᱟᱲᱤ ᱨᱮ ᱢᱤᱫ ᱧᱩᱛᱩᱢᱟᱱ ᱨᱳᱞ ᱢᱮᱱᱟᱜ ᱛᱟᱭᱟ, ᱡᱟᱦᱟᱸ ᱫᱚ ᱥᱟᱱᱡᱟᱭ ᱞᱤᱞᱟ ᱵᱷᱟᱱᱥᱟᱞᱤ ᱫᱟᱨᱟᱭ ᱛᱮ ᱰᱤᱨᱮᱠᱴ ᱟᱠᱟᱱᱟ ᱟᱨ ᱦᱩᱥᱮᱱ ᱡᱮᱭᱫᱤ ᱭᱟᱜ ᱯᱩᱛᱷᱤ ᱢᱟᱯᱷᱤᱭᱟ ᱠᱩᱭᱤᱱᱥ ᱚᱯᱷ ᱢᱩᱢᱵᱟᱭ ᱪᱮᱛᱟᱱ ᱨᱮ ᱵᱮᱱᱟᱣ ᱟᱠᱟᱱᱟ᱾