ᱥᱚᱨᱚᱬ ᱨᱟᱱᱤ ᱵᱮᱠᱞᱤᱣᱟᱞ

ᱥᱚᱨᱚᱬ ᱨᱟᱱᱤ ᱵᱮᱠᱞᱤᱣᱟᱞ
ᱨᱮᱫ:Sharan Rani.jpg ᱥᱚᱨᱚᱬ ᱨᱟᱱᱤ ᱢᱟᱛᱷᱩᱨ
ᱵᱤᱵᱚᱨᱚᱱ
ᱡᱟᱱᱟᱢ ᱧᱩᱛᱩᱢ	ᱥᱚᱨᱚᱬ ᱨᱟᱱᱤ ᱢᱟᱛᱷᱩᱨ
ᱡᱟᱱᱟᱢ	ᱮᱯᱨᱤᱞ ᱙, ᱑᱙᱒᱙(1929-04-09) Delhi
ᱵᱚᱝᱜᱟ ᱛᱟᱞᱟ	᱐᱘ ᱮᱯᱨᱤᱞ ᱒᱐᱐᱘ (᱗᱘ ᱵᱚᱭᱚᱥ) Delhi
ᱡᱮᱱᱨᱮᱥ	Indian classical music
ᱚᱠᱩᱯᱮᱥᱚᱱ	instrumentalist, music scholar
ᱵᱟᱡᱽᱱᱟ	sarod

ᱥᱚᱨᱚᱬ ᱨᱟᱱᱤ ᱵᱮᱠᱞᱤᱣᱟᱞ ᱵᱟᱝᱢᱟ ᱥᱚᱨᱚᱬ ᱨᱟᱱᱤ ᱢᱟᱛᱷᱩᱨ (ᱡᱟᱱᱟᱢ-᱙ ᱮᱯᱨᱤᱞ ᱑᱙᱒᱙- ᱘ ᱮᱯᱨᱤᱞ ᱒᱐᱐᱘) ᱫᱚ ᱥᱤᱧᱚᱛ ᱠᱞᱟᱥᱤᱠᱟᱞ ᱵᱤᱬᱟ ᱵᱟᱡᱽᱱᱟᱣᱤᱡ ᱟᱨ ᱥᱮᱨᱮᱧ ᱜᱟᱵᱟᱱᱤᱡ ᱠᱟᱱᱟᱭ ᱾ ᱟᱡ ᱥᱩᱢᱩᱝᱛᱮ ᱑᱕ ᱥᱟᱭ ᱥᱚᱛᱟᱵᱽᱫᱤ ᱠᱷᱚᱱ ᱑᱙ ᱥᱟᱭ ᱥᱚᱛᱟᱵᱽᱫᱤ ᱠᱚᱨᱮᱱᱟᱜ ᱓᱗᱙ ᱜᱚᱴᱟᱝ ᱥᱮᱨᱮᱧ ᱵᱟᱡᱽᱱᱟ ᱛᱩᱢᱟ.ᱞ ᱟᱠᱟᱫ-ᱟᱭ ᱾ ᱱᱚᱣᱟ ᱠᱚᱫᱚ ᱱᱤᱛᱚᱜ ᱥᱚᱨᱚᱬ ᱨᱟᱱᱤ ᱵᱮᱠᱞᱤᱣᱟ ᱜᱭᱟᱞᱮᱨᱤ ᱤᱱᱥᱴᱨᱩᱢᱮᱸᱴ (Sharan Rani Backliwal Gallery of Musical Instruments),ᱡᱟ.ᱛᱤᱭᱟ.ᱨᱤ ᱢᱤᱸᱣᱡᱤᱭᱚᱢ,ᱱᱟᱣᱟ ᱫᱤᱞᱞᱤ en:National Museum, New Delhi ᱨᱮ ᱨᱟᱠᱷᱟ ᱢᱮᱱᱟᱜ-ᱟ ᱾

ᱯᱩᱭᱞᱩ ᱡᱤᱭᱚᱱ ᱟᱨ ᱴᱨᱮᱱᱤᱝ

ᱥᱚᱨᱚᱬ ᱨᱟᱱᱤ ᱢᱟᱛᱷᱩᱨ ᱫᱚ ᱯᱟ.ᱦᱤᱞ ᱫᱤᱞᱞᱤ,ᱢᱤᱫ ᱧᱩᱛᱩᱢᱟᱱ ᱦᱤᱱᱫᱩ ᱵᱮᱯᱟᱨᱤᱭᱟ. ᱟᱨ ᱥᱤᱠᱷᱱᱟ.ᱛᱤᱭᱟ. ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱜᱤᱫᱟ.ᱨ ᱩᱢᱮᱨ ᱨᱮ, ᱟᱞᱞᱟᱣᱩᱫᱤᱱ ᱠᱷᱟᱱ (Allauddin Khan) ᱟᱨ ᱟᱡᱤᱡ ᱦᱚᱯᱚᱱ ᱚᱞᱤ ᱟᱠᱵᱚᱨ ᱠᱷᱟᱱ (Ali Akbar Khan) ᱛᱤᱠᱤᱱ ᱴᱷᱮᱱ ᱠᱷᱚᱱ ᱵᱤᱬᱟ ᱵᱟᱡᱽᱱᱟᱣ ᱥᱮᱬᱟ ᱞᱮᱜ-ᱟᱭ ᱾ ᱜᱷᱟᱨᱚᱸᱡᱽ ᱨᱮ ᱢᱟᱱᱟ ᱛᱩᱞᱩᱡ ᱥᱮᱨᱮᱧ ᱨᱮ ᱠᱮᱨᱤᱭᱚᱨ ᱵᱮᱱᱟᱣ ᱠᱮᱫᱟ ᱾ ᱥᱤᱧᱚᱛ ᱠᱞᱟᱥᱤᱠᱟᱞ ᱮᱱᱮᱡ ᱠᱚᱛᱷᱚᱠ ᱫᱚ ᱚᱱᱪᱚᱱ ᱢᱚᱦᱟᱨᱟᱡᱽ (Achhan Maharaj) ᱟᱨ ᱢᱚᱬᱤᱯᱩᱨᱤ ᱮᱱᱮᱡ ᱫᱚ ᱱᱚᱵᱚ ᱠᱩᱢᱟᱨ ᱥᱤᱱᱦᱟ (Nabha Kumar Sinha) ᱛᱤᱠᱤᱱ ᱴᱷᱮᱱ ᱠᱷᱚᱱ ᱥᱮᱬᱟ ᱞᱮᱜ-ᱟᱭ ᱾᱑᱙᱕᱓ ᱥᱟᱞ ᱨᱮ, ᱫᱤᱞᱞᱤ ᱡᱮᱜᱮᱛ-ᱵᱤᱨᱫᱟ.ᱜᱟᱲ ᱨᱮᱭᱟᱜ ᱤᱱᱫᱨᱚᱯᱨᱚᱥᱛᱷᱟ ᱠᱩᱲᱤ ᱠᱚᱞᱮᱡᱽ (en:Indraprastha College for Women) ᱠᱷᱚᱱ ᱟ.ᱠᱤᱞᱢᱟᱱ ᱥᱤᱠᱷᱱᱟ.ᱛ ᱥᱟ.ᱛ ᱟᱠᱟᱫ-ᱟᱭ ᱾

ᱥᱮᱨᱮᱧ ᱠᱮᱨᱤᱭᱚᱨ

᱑᱙᱓᱐ ᱥᱟᱞ ᱛᱟᱭᱚᱢ ᱠᱷᱚᱱ ᱯᱨᱟᱭ ᱗ ᱜᱮᱞᱟᱝ ᱥᱮᱨᱢᱟ ᱠᱷᱚᱱ ᱵᱤᱥᱛᱤ ᱜᱮ ᱥᱤᱧᱚᱛ ᱫᱤᱥᱚᱢ ᱥᱴᱮᱡᱽ ᱠᱚᱨᱮ ᱩᱫᱩᱜ-ᱥᱚᱫᱚᱨ ᱟᱠᱟᱫᱟᱭ ᱾ ᱡᱚᱣᱟᱦᱚᱨᱞᱟᱞ ᱱᱮᱦᱨᱩ ᱣᱟᱜ ᱠᱟᱛᱷᱟ ᱞᱮᱠᱟᱛᱮ ᱟᱡ ᱫᱚ ᱥᱤᱧᱚᱛ ᱨᱤᱱ ᱠᱟᱞᱪᱟᱨ ᱟᱢᱵᱟᱥᱟᱰᱟᱨ (Cultural Ambassador of India) ᱛᱟᱦᱮᱸ ᱠᱟᱱᱟᱭ ᱾ ᱨᱟᱱᱤ ᱫᱚ ᱯᱟ.ᱦᱤᱞ ᱥᱤᱧᱚᱛ ᱥᱮᱨᱢᱟ ᱟᱲᱟᱝ ᱟᱨ ᱥᱟ.ᱜᱤᱧ-ᱧᱮᱱᱮᱞᱚᱢ ᱨᱤᱱ ᱧᱩᱛᱩᱢᱟᱱ ᱦᱩᱱᱟ.ᱨᱤᱭᱟ. ᱛᱟᱦᱮᱸ ᱠᱟᱱᱟ ᱾ ᱟᱡ ᱫᱚ (en:UNESCO) ᱞᱟ.ᱜᱤᱱ ᱥᱤᱧᱚᱛ ᱠᱷᱚᱱ ᱯᱩᱭᱞᱩ ᱥᱮᱨᱮᱧ ᱨᱮᱠᱳᱨᱰ ᱞᱮᱫᱟᱭ ᱥᱟᱶᱛᱮ ᱭᱩ.ᱮᱥ.ᱮ (USA),ᱵᱨᱤᱴᱮᱱ,ᱯᱷᱨᱟᱱᱥ ᱨᱮᱭᱟᱜ ᱧᱩᱢᱟᱱ ᱠᱚᱢᱯᱟᱱᱤ ᱠᱚ ᱵᱟᱠᱷᱨᱟ ᱦᱚᱸ ᱥᱮᱨᱮᱧ ᱨᱟᱦᱟ ᱟ.ᱬᱛᱤ ᱟᱠᱟᱫᱟ ᱾

ᱛᱩᱢᱟ.ᱞ ᱟᱠᱟᱫ ᱵᱟᱡᱽᱱᱟᱠᱚ

ᱟᱡ ᱫᱚ ᱑᱕ ᱥᱟᱭ ᱥᱚᱛᱟᱵᱽᱫᱤ ᱠᱷᱚᱱ ᱑᱙ ᱥᱟᱭ ᱥᱚᱛᱟᱵᱽᱫᱤ ᱠᱚᱨᱮᱱᱟᱜ ᱟᱭᱢᱟ ᱫᱷᱚᱨᱚᱢ,ᱴᱷᱟᱶ,ᱞᱟᱠᱪᱟᱨ ᱥᱟᱶ ᱡᱩᱲᱟ.ᱣ ᱟᱠᱟᱱ ᱵᱟᱡᱽᱱᱟ ᱠᱚᱭ ᱛᱩᱢᱟ. ᱟᱠᱟᱫᱟ ᱾

• ᱢᱚᱭᱩᱨᱤ ᱥᱤᱛᱟᱨ (᱑᱙᱕᱐) ᱨᱟᱡᱚᱥᱛᱷᱟᱱ ᱨᱮᱭᱟᱜ ᱢᱤᱫ ᱨᱳᱭᱟᱞ ᱜᱷᱟᱨᱚᱸᱡᱽ ᱠᱷᱚᱱ ᱛᱩᱢᱟ.ᱞ ᱾
• ᱴᱟᱭᱜᱚᱨ ᱦᱮᱰ ᱨᱟᱵᱟᱵᱽ ᱠᱟᱥᱢᱤᱨ ᱠᱷᱚᱱ ᱛᱩᱢᱟ.ᱞ ᱾
• ᱫᱩᱨᱵᱟᱨᱤ ᱥᱤᱛᱟᱨ (᱑᱘᱕᱐)
• ᱵᱷᱤᱬᱟ (᱑᱘᱒᱕)

ᱱᱤᱡᱚᱨ ᱡᱤᱭᱚᱱ

᱑᱙᱖᱐ ᱥᱟᱞ ᱨᱮ,ᱟᱡ ᱫᱚ ᱥᱩᱞᱛᱟᱱ ᱥᱤᱝ ᱵᱮᱠᱞᱤᱣᱟᱞ (Sultan Singh Backliwal) ᱥᱟᱶᱮ ᱵᱟᱯᱞᱟ ᱞᱮᱱᱟ,ᱡᱟᱦᱟᱸᱭ ᱫᱚ ᱢᱤᱫ ᱧᱩᱛᱩᱢᱟᱱ ᱵᱮᱯᱟᱨᱤᱭᱟ. ᱜᱷᱟᱨᱚᱸᱡᱽ ᱫᱤᱜᱟᱢᱵᱚᱨ ᱡᱮᱱ,ᱫᱤᱞᱞᱤ ᱨᱤᱱᱤᱡ ᱥᱚᱦᱮᱫ ᱛᱟᱦᱮᱸ ᱠᱟᱱᱟ ᱾ ᱑᱙᱗᱔ ᱥᱟᱞ ᱨᱮ,ᱟ.ᱠᱤᱱ ᱴᱷᱮᱱ ᱠᱷᱚᱱ ᱢᱤᱫ ᱠᱩᱲᱤ ᱜᱤᱫᱟ.ᱨ ᱨᱟᱫᱷᱤᱠᱟ ᱱᱟᱨᱟᱭᱚᱱ (Radhika Narain) ᱚᱢᱚᱱ ᱞᱮᱱᱟᱭ ᱾ ᱠᱮᱱᱥᱚᱨ ᱨᱳᱜᱽ ᱥᱟᱶ ᱛᱤᱢᱤᱱ ᱥᱮᱨᱢᱟ ᱞᱟ.ᱲᱦᱟ.ᱭ ᱛᱟᱭᱚᱢ ᱘ ᱮᱯᱨᱤᱞ ᱒᱐᱐᱘ ᱥᱟᱞ ᱨᱮ ᱗᱙ ᱟᱱᱟᱜ ᱡᱟᱱᱟᱢ ᱢᱟᱦᱟ ᱢᱟᱱᱟᱣ ᱢᱟᱬᱟᱝ ᱨᱮᱭ ᱜᱩᱨ ᱞᱮᱱᱟ ᱾

ᱥᱤᱨᱯᱷᱟ. ᱟᱨ ᱢᱟ.ᱱ ᱠᱚ

• ᱒᱐᱐᱔ ᱥᱟᱞ ᱨᱮ, ᱡᱟ.ᱛᱤᱭᱟ.ᱨᱤ ᱟᱨᱴᱤᱥᱴᱮ (National Artiste) ᱥᱤᱨᱯᱷᱟ.-- ᱥᱤᱧᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱾
• ᱑᱙᱕᱓ ᱥᱟᱞ ᱨᱮ,ᱵᱤᱥᱱᱩ ᱫᱤᱜᱚᱢᱵᱚᱨ ᱯᱚᱨᱤᱛᱷᱳᱥᱤᱠ (Vishnu Digambar Parithoshik)
• ᱑᱙᱖᱘ ᱥᱟᱞ ᱨᱮ, ᱯᱚᱫᱽᱥᱨᱤ ᱥᱤᱨᱯᱷᱟ. ᱾
• ᱒᱐᱐᱐ ᱥᱟᱞ ᱨᱮ, ᱯᱚᱫᱽᱢᱚ ᱵᱤᱵᱷᱩᱥᱚᱬ ᱥᱤᱨᱯᱷᱟ. ᱾
• ᱑᱙᱘᱖ ᱥᱟᱞ ᱨᱮ,ᱥᱚᱝᱜᱤᱛ ᱱᱟᱴᱚᱠ ᱮᱠᱟᱰᱮᱢᱤ ᱟᱣᱟᱨᱰ ᱾
• ᱑᱙᱗᱔ ᱥᱟᱞ ᱨᱮ,ᱥᱟᱦᱤᱛᱭᱚ ᱠᱚᱲᱟ ᱯᱚᱨᱤᱥᱚᱫᱽ ᱥᱤᱨᱯᱷᱟ.
• ᱑᱙᱙᱓ ᱥᱟᱞ ᱨᱮ,ᱨᱟᱡᱤᱵᱽ ᱜᱟᱱᱫᱷᱤ ᱟᱣᱟᱨᱰ
• ᱰᱤᱴᱤᱱᱜᱩᱭᱤᱡᱽ ᱟᱞᱩᱢᱱᱤ ᱟᱣᱟᱨᱰ (Distinguished Alumni award)-- ᱫᱤᱞᱞᱤ ᱡᱮᱜᱮᱛ-ᱵᱤᱨᱫᱟ.ᱫᱟᱲ ᱯᱟᱦᱴᱟ ᱠᱷᱚᱱ
• ᱒᱐᱐᱐ ᱥᱟᱞ ᱨᱮ, ᱞᱟᱭᱤᱯᱷ-ᱴᱟᱭᱤᱢ ᱟᱪᱤᱵᱷᱢᱮᱸᱴ ᱟᱣᱟᱨᱰ (Lifetime Achievement award)

ᱯᱷᱮᱰᱟᱛ ᱡᱚᱱᱚᱲ

https://en.wikipedia.org/wiki/Sharan_Rani_Backliwal

ᱥᱟᱹᱠᱷᱭᱟᱹᱛ