ᱥᱚᱨᱤᱛᱟ ᱥᱤᱝ

ᱥᱚᱨᱤᱛᱟ ᱥᱤᱝ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤ ᱠᱟᱱᱟᱭ, ᱱᱚᱣᱟ ᱟᱢ ᱟᱫᱽᱢᱤ ᱯᱟᱨᱴᱤ ᱨᱤᱱᱤᱡ ᱟᱪᱮᱛᱟᱱᱤ ᱪᱟᱸᱜᱟ ᱪᱷᱟᱛᱨᱟ ᱭᱩᱵᱟ ᱥᱚᱸᱜᱷᱚᱨᱥ ᱥᱟᱢᱟᱴᱤ (ᱥᱤᱣᱟᱭᱤᱮᱥᱮᱥ) ᱨᱤᱱᱤᱡ ᱯᱟᱨᱥᱮᱛ ᱠᱟᱱᱟᱭ ᱾ ᱱᱩᱭ ᱫᱚ ᱫᱤᱞᱞᱤ ᱨᱤᱱᱤᱡ ᱛᱩᱨᱩᱭ ᱟᱱᱟᱜ ᱵᱤᱫᱷᱟᱱ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟᱭ ᱟᱨ ᱫᱤᱞᱞᱤ ᱨᱮᱱᱟᱜ ᱨᱚᱦᱛᱟᱥ ᱱᱚᱦᱚᱨ (ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ) ᱨᱤᱱᱤᱡ ᱨᱮᱯᱨᱤᱡᱮᱱᱴᱮᱥᱚᱱᱟ ᱛᱟᱦᱮᱸᱫ ᱾ ᱥᱤᱝ ᱫᱚ ᱢᱤᱫ ᱥᱟᱶᱛᱟ ᱟᱹᱨᱤ ᱠᱟᱹᱢᱤᱭᱟᱹ ᱦᱚᱸ ᱠᱟᱱᱟᱭ ᱾

ᱱᱤᱡᱮᱨᱟᱜ ᱟᱨ ᱥᱮᱪᱮᱫ

ᱥᱚᱨᱤᱛᱟ ᱥᱤᱝ ᱫᱚ ᱚᱣᱫᱷᱮᱥ ᱠᱩᱢᱟᱨ ᱥᱤᱝ ᱤᱡ ᱵᱤᱴᱤ ᱠᱟᱱᱟᱭ ᱾ ᱫᱤᱞᱞᱤ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱟᱶᱛᱟ ᱥᱟᱬᱮᱥ ᱨᱮ ᱢᱟᱥᱴᱚᱨ ᱚᱯᱷ ᱟᱨᱴᱥ (M. A.) ᱯᱩᱨᱟᱹᱣ ᱠᱟᱛᱮ ᱛᱟᱭᱚᱢ, ᱥᱚᱨᱤᱛᱟ ᱥᱤᱝ ᱫᱚ ᱥᱟᱶᱛᱟ ᱟᱹᱨᱤ ᱠᱟᱹᱢᱤ ᱨᱮ ᱫᱷᱤᱭᱟᱱ ᱮ ᱞᱟᱜᱟᱣ ᱠᱮᱫᱟ ᱾ ᱯᱷᱮᱵᱽᱨᱩᱣᱟᱨᱤ ᱒᱐᱑᱕ ᱥᱟᱞ ᱨᱮ ᱟᱡᱟᱜ ᱩᱢᱚᱨ ᱒᱘ ᱥᱟᱞ ᱛᱟᱦᱮᱸ ᱠᱟᱱᱟᱭ ᱾ ᱥᱤᱝ ᱫᱚ ᱨᱟᱢ ᱱᱚᱜᱚᱨ ᱨᱤᱱᱤᱡ ᱦᱚᱲ ᱠᱟᱱᱟᱭ, ᱱᱚᱣᱟ ᱨᱚᱦᱛᱟᱥ ᱱᱚᱜᱚᱨ ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ ᱨᱮᱱᱟᱜ ᱴᱷᱟᱶ ᱠᱟᱱᱟ ᱡᱟᱦᱟᱸ ᱫᱚ ᱱᱩᱭ ᱮ ᱨᱮᱯᱨᱤᱡᱮᱱᱴᱼᱟ ᱾ ᱱᱩᱭ ᱫᱚ ᱢᱤᱫ ᱯᱩᱨᱵᱚᱸᱪᱚᱞ ᱠᱟᱱᱟᱭ, ᱱᱚᱣᱟ ᱯᱩᱨᱵᱚᱸᱪᱚᱞ ᱴᱚᱴᱷᱟ ᱠᱷᱚᱱ ᱥᱟᱹᱜᱟᱹᱭ ᱢᱮᱱᱟᱜᱼᱟ ᱾ ᱡᱟᱦᱟᱸ ᱨᱮ ᱥᱟᱢᱟᱝ ᱩᱛᱛᱚᱨ ᱯᱨᱚᱫᱮᱥ ᱟᱨ ᱵᱤᱦᱟᱨ ᱥᱮᱞᱮᱫ ᱟᱠᱟᱱᱟ ᱾

ᱨᱟᱡᱽᱟᱹᱨᱤ ᱠᱟᱹᱢᱤ

ᱥᱚᱨᱤᱛᱟ ᱥᱤᱝ ᱫᱚ ᱟᱢ ᱟᱫᱽᱢᱤ ᱯᱟᱨᱴᱤ ᱨᱤᱱᱤᱡ ᱟᱪᱮᱛᱟᱱᱤ ᱟᱜ ᱪᱷᱟᱛᱨᱟ ᱭᱩᱵᱷᱟ ᱥᱚᱸᱜᱷᱚᱨᱥ ᱥᱟᱢᱤᱴᱤ ᱨᱤᱱᱤᱡ ᱯᱟᱨᱥᱮᱛ ᱠᱟᱱᱟᱭ ᱾^[᱑]

ᱥᱤᱝ ᱫᱚ ᱯᱷᱮᱵᱽᱨᱩᱣᱟᱨᱤ ᱒᱐᱑᱕ ᱥᱟᱞ ᱨᱮ ᱫᱤᱞᱞᱤ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱡᱤᱛᱠᱟᱹᱨ ᱠᱟᱛᱮ ᱫᱤᱞᱞᱤ ᱨᱤᱱᱤᱡ ᱛᱩᱨᱩᱭ ᱟᱱᱟᱜ ᱵᱤᱫᱷᱟᱱ ᱥᱚᱵᱷᱟ ᱞᱟᱹᱜᱤᱫ ᱵᱟᱪᱷᱱᱟᱣ ᱮᱱᱟ ᱛᱩᱨᱩᱭ ᱛᱤᱨᱞᱟᱹ ᱮᱢᱮᱞᱮ ᱠᱚ ᱛᱟᱦᱮᱸ ᱠᱟᱱᱟ ᱾ ᱱᱩᱠᱩ ᱡᱚᱛᱚ ᱟᱢ ᱟᱫᱽᱢᱤ ᱯᱟᱨᱴᱤ ᱠᱷᱚᱱ ᱠᱚ ᱛᱟᱦᱮᱸ ᱠᱟᱱᱟ ᱾^[᱒] ᱟᱢ ᱟᱫᱽᱢᱤ ᱯᱟᱨᱴᱤ ᱫᱚ ᱵᱤᱫᱷᱟᱱ ᱥᱚᱵᱷᱟ ᱨᱮᱱᱟᱜ ᱗᱐ ᱠᱷᱚᱱ ᱫᱚ ᱖᱗ ᱢᱟᱹᱪᱤ ᱨᱮ ᱡᱤᱛᱠᱟᱹᱨ ᱠᱮᱫᱟ ᱾ ᱥᱤᱝ ᱫᱚ ᱨᱚᱦᱛᱟᱥ ᱱᱚᱜᱚᱨ (ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ) ᱠᱷᱚᱱ ᱖᱒,᱒᱐᱙ ᱵᱷᱚᱴ ᱮ ᱧᱟᱢ ᱠᱮᱫᱟ ᱾ ᱩᱱᱤᱫᱚ ᱥᱮᱞᱮᱫ ᱮᱢᱮᱞᱮ ᱦᱟᱨᱟᱣ ᱠᱮᱫ ᱠᱚᱣᱟ ᱾ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ (ᱵᱷᱟᱡᱽᱯᱟ) ᱨᱤᱱᱤᱡ ᱡᱤᱛᱮᱱᱫᱨᱚ ᱢᱚᱦᱟᱡᱚᱱ (ᱡᱤᱛᱮᱱᱫᱨᱚ ᱠᱩᱢᱟᱨ) ᱗,᱘᱗᱔ ᱵᱷᱚᱴ ᱨᱮᱱᱟᱜ ᱚᱱᱛᱚᱨ ᱛᱮ ᱾^[᱓][᱔] ᱢᱚᱦᱟᱡᱚᱱ ᱫᱚ ᱒᱐᱑᱓ ᱥᱟᱞ ᱨᱮ ᱢᱟᱲᱟᱝᱼᱟᱜ ᱫᱤᱞᱞᱤ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱟᱢ ᱟᱫᱽᱢᱤ ᱯᱟᱨᱴᱤ ᱨᱤᱱᱤᱡ ᱢᱩᱠᱮᱥ ᱦᱩᱰᱰᱟ ᱫᱚ ᱑᱔,᱐᱐᱐ ᱠᱷᱚᱱ ᱰᱮᱦᱮᱨ ᱵᱷᱚᱴ ᱨᱮᱱᱟᱜ ᱚᱱᱛᱚᱨ ᱛᱮ ᱦᱟᱨᱟᱣ ᱞᱮᱱ ᱛᱟᱦᱮᱸᱫ ᱾

ᱥᱟᱹᱠᱷᱭᱟᱹᱛ

1. "AAP names 8 more nominees, completes list for Delhi Assembly elections". CNN IBN. PTI. 3 January 2015. Archived from the original on 5 January 2015. Retrieved 21 February 2015.
2. "6 Women Candidates Who Won Delhi Elections". Huffington Post. 2015-02-10. Retrieved 21 February 2015.
3. "Election Result". ELECTION COMMISSION OF INDIA. Archived from the original on 15 February 2015. Retrieved 16 February 2015.
4. Assembly Elections 2015 Results, Election Commission of India Archived ᱒᱐᱑᱕-᱐᱒-᱑᱐ at the Wayback Machine.

Controversy: Two voter I Card of AAP MLA^{[permanent dead link]}