ᱥᱚᱭᱠᱤᱭᱟ ᱥᱮ ᱦᱚᱭᱠᱤᱭᱟ (ᱟᱥᱟᱢᱤᱥᱺ শইকীয়া, ᱤᱝᱨᱟᱹᱡᱤ: Saikia) ᱫᱚ ᱦᱩᱭᱩᱜ ᱠᱟᱱᱟ ᱟᱥᱟᱢ ᱯᱚᱱᱚᱛ ᱨᱮ ᱢᱮᱱ ᱦᱚᱲ ᱠᱚᱣᱟᱜ ᱢᱤᱫᱴᱮᱱ ᱯᱟᱹᱨᱤᱥ ᱾
ᱦᱚᱭᱠᱤᱭᱟ ᱥᱮ ᱥᱚᱭᱠᱤᱭᱟ ᱯᱟᱹᱨᱤᱥ ᱫᱚ ᱟᱦᱩᱢ ᱨᱟᱡᱟᱭ ᱵᱟᱱᱫᱷᱟᱣ ᱞᱮᱫᱟ ᱾ ᱥᱚ ᱥᱮ ᱦᱚᱸ/ᱠᱷᱚ ᱨᱮᱭᱟᱜ ᱢᱮᱱᱮᱛ ᱫᱚ ᱢᱤᱫ ᱥᱟᱭ ᱾ ᱢᱮᱛᱟᱜ ᱢᱮ ᱢᱤᱫ ᱥᱟᱭ ᱯᱷᱟᱹᱫᱽ ᱪᱟᱞᱟᱣ ᱵᱟᱱᱟᱣᱤᱡ ᱫᱚ ᱥᱚᱭᱠᱤᱭᱟ ᱥᱮ ᱦᱚᱭᱠᱤᱭᱟ ᱯᱟᱹᱨᱤᱥ ᱠᱚ ᱮᱢᱟᱫᱤ ᱛᱟᱸᱦᱮᱱᱟ ᱾
ᱟᱦᱩᱢ ᱨᱟᱡᱟ ᱟᱥᱟᱢ ᱨᱮ ᱯᱟᱹᱦᱤᱞ ᱯᱟᱭᱤᱠ (ᱯᱷᱟᱹᱫᱽ) ᱦᱚᱨᱟᱭ ᱪᱟᱹᱞᱩ ᱞᱮᱫᱟ ᱾ ᱢᱤᱫ ᱯᱟᱹᱭᱤᱠ (ᱢᱤᱫᱴᱮᱱ ᱯᱟᱞᱴᱚᱱ) ᱫᱚ ᱟᱦᱩᱢ ᱨᱟᱡᱽ ᱯᱷᱟᱹᱫᱽ ᱨᱮᱱ ᱦᱩᱰᱤᱧ ᱩᱛᱟᱹᱨ ᱦᱤᱸᱥ ᱛᱟᱸᱦᱮᱸ ᱠᱟᱱᱟ ᱾ ᱢᱤᱫ ᱥᱟᱭ ᱯᱟᱭᱤᱠ ᱪᱟᱞᱟᱣ ᱵᱟᱱᱟᱣ ᱤᱡ ᱢᱩᱨᱩᱵᱤ ᱫᱚ ᱥᱚᱭᱠᱤᱭᱟ ᱠᱚ ᱢᱮᱛᱟ ᱠᱚ ᱠᱟᱱ ᱛᱟᱸᱦᱮᱱᱟ ᱾ ᱥᱚᱭᱠᱤᱭᱟ ᱵᱟᱦᱟᱞ ᱠᱚ ᱨᱮᱭᱟᱜ ᱫᱟᱭᱤᱠ ᱫᱚ ᱯᱷᱩᱠᱚᱱ (᱖᱐᱐᱐ ᱯᱟᱭᱤᱠ ᱪᱟᱞᱟᱣ ᱵᱟᱱᱟᱣᱤᱡ ᱢᱩᱨᱩᱵᱤ) ᱟᱨ ᱨᱟᱡᱽᱠᱷᱩᱣᱟ (᱒᱐᱐᱐ ᱠᱷᱚᱱ ᱓᱐᱐᱐ ᱯᱟᱭᱤᱠ ᱪᱟᱞᱟᱣ ᱵᱟᱱᱟᱣ ᱢᱩᱨᱩᱵᱤ) ᱴᱷᱮᱱ ᱛᱟᱸᱦᱮ ᱠᱟᱱᱟ ᱾ ᱯᱟᱭᱤᱠ ᱠᱚ ᱴᱷᱮᱱ ᱥᱚᱭᱠᱤᱭᱟ ᱵᱟᱹᱜᱤ ᱠᱚ ᱨᱮᱱᱟᱜ ᱟᱹᱭᱫᱟᱹᱨᱤ ᱦᱚᱸ ᱛᱟᱸᱦᱮ ᱠᱟᱱᱟ ᱟᱨ ᱟᱠᱚ ᱠᱩᱥᱤ ᱞᱮᱠᱟᱱ ᱢᱤᱫᱴᱮᱱ ᱥᱚᱭᱠᱤᱭᱟ ᱢᱩᱨᱩᱵᱽᱵᱤ ᱞᱟᱹᱜᱤᱫ ᱠᱚ ᱟᱨᱫᱟᱥ ᱰᱟᱲᱮᱭᱟᱜ ᱠᱟᱱ ᱛᱟᱸᱦᱮᱱᱟ ᱾ ᱯᱟᱭᱤᱠ ᱫᱚ ᱡᱟᱦᱟᱱ ᱫᱷᱚᱨᱚᱢ ᱟᱨ ᱡᱟᱹᱛᱤ ᱵᱟᱝ ᱧᱮᱞ ᱠᱟᱛᱮ ᱠᱚ ᱵᱟᱦᱟᱞᱮᱫ ᱠᱚ ᱛᱟᱸᱦᱮᱱᱟ ᱾
ᱱᱟᱦᱟᱜ ᱱᱤᱭᱟᱹ ᱯᱟᱹᱨᱤᱥ ᱫᱚ ᱦᱤᱱᱫᱩ ᱟᱨ ᱤᱥᱞᱟᱢ ᱵᱟᱱᱟᱨ ᱫᱷᱚᱨᱚᱢ ᱨᱮᱱ ᱦᱚᱲ ᱜᱮ ᱠᱚ ᱞᱟᱲᱪᱟᱲ ᱮᱫᱟ|ᱦᱤᱱᱫᱩ ᱫᱷᱚᱨᱚᱢ ᱨᱮᱱ ᱦᱚᱲ ᱠᱚ ᱫᱚ, ᱥᱚᱭᱠᱤᱭᱟ ᱯᱟᱹᱨᱤᱥ ᱫᱚ ᱠᱷᱚᱴᱨᱤᱭᱚ/ᱠᱟᱭᱚᱥᱛᱚ ᱜᱟᱛᱟᱠ ᱨᱮ ᱥᱮᱞᱮᱫ ᱟᱠᱟᱱᱟ ᱾ ᱩᱱᱠᱩ ᱫᱚ ᱱᱟᱦᱟᱜ ᱟᱥᱟᱢ ᱯᱚᱱᱚᱛ ᱨᱮ ᱠᱚᱞᱤᱛᱟ ᱟᱨ ᱟᱦᱩᱢ ᱡᱟᱹᱛᱤ ᱢᱮᱱᱛᱮ ᱠᱚ ᱵᱟᱰᱟᱭᱚᱜ ᱠᱟᱱᱟ ᱾