ᱥᱟᱞᱵᱚᱱᱤ

ᱱᱚᱶᱟ ᱚᱱᱚᱞ ᱫᱚ ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱢᱚᱬᱮ ᱥᱮᱨᱢᱟ ᱯᱩᱨᱟᱹᱣ ᱥᱟᱯᱟᱲᱟᱣ ᱒᱐᱒᱓ ᱨᱮ ᱥᱟᱯᱲᱟᱣ ᱟᱠᱟᱱᱟ ᱾

ᱥᱟᱞᱵᱚᱱᱤ
ᱟᱹᱛᱩ
ᱥᱟᱞᱵᱚᱱᱤ ᱨᱮᱞᱣᱮ ᱥᱴᱮᱥᱚᱱ
ᱥᱟᱞᱵᱚᱱᱤ ᱥᱤᱧᱚᱛ ᱨᱮᱱᱟᱜ ᱯᱚᱪᱷᱤᱢ ᱵᱟᱝᱞᱟ ᱨᱮ ᱴᱷᱟᱶ
Coordinates: 22°33′55″N 87°09′17″E / 22.5654°N 87.1548°E / 22.5654; 87.1548Coordinates: 22°33′55″N 87°09′17″E / 22.5654°N 87.1548°E / 22.5654; 87.1548
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱯᱚᱪᱷᱤᱢ ᱵᱟᱝᱞᱟ
ᱦᱚᱱᱚᱛ	ᱯᱟᱪᱮ ᱢᱮᱫᱤᱱᱤᱯᱩᱨ
ᱩᱥᱩᱞ	25 ᱢᱤᱴᱚᱨ (82 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱞᱮᱠᱷᱟᱜᱩᱴ	᱓,᱙᱖᱓
ᱯᱟᱹᱨᱥᱤ*
• ᱟᱹᱢᱟᱹᱞᱮᱛ	ᱵᱟᱝᱞᱟ, ᱥᱟᱱᱛᱟᱲᱤ, ᱤᱝᱞᱤᱥ
IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ	᱗᱒᱑᱑᱔᱗
ᱴᱮᱞᱤᱯᱷᱚᱱ ᱠᱳᱰ	᱐᱓᱒᱒᱗
ᱟᱭ.ᱮᱥ.ᱳ ᱓᱑᱖᱖ ᱠᱳᱰ	IN-WB
ᱜᱟᱹᱰᱤ ᱨᱤᱡᱤᱥᱴᱨᱤ	WB
ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ	ᱡᱷᱟᱲᱜᱨᱟᱢ
ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ	ᱥᱟᱞᱵᱚᱱᱤ

ᱥᱟᱞᱵᱚᱱᱤ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱯᱚᱪᱷᱤᱢ ᱵᱟᱝᱞᱟ ᱨᱮ ᱯᱟᱪᱮ ᱢᱮᱫᱤᱱᱤᱯᱩᱨ ᱦᱚᱱᱚᱛ ᱨᱮᱱᱟᱜ ᱢᱮᱫᱤᱱᱤᱯᱩᱨ ᱥᱚᱫᱚᱨ ᱡᱚᱜᱚ ᱠᱷᱚᱸᱰ ᱨᱮ ᱥᱟᱞᱵᱚᱱᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮᱱᱟᱜ ᱢᱤᱫ ᱟᱹᱛᱩ ᱠᱟᱱᱟ ᱾

ᱥᱟᱞᱵᱚᱱᱤ ᱫᱚ ᱥᱤᱧᱚᱛᱤᱭᱟᱹ ᱨᱤᱡᱟᱨᱵᱽ ᱵᱮᱸᱠ ᱢᱩᱫᱽᱨᱟ ᱯᱨᱤᱱᱴᱤᱝ ᱯᱨᱮᱥ ᱠᱷᱚᱱ ᱫᱚ ᱢᱤᱫᱴᱟᱹᱝ^[᱑] ᱟᱨ ᱥᱤ.ᱟᱨ.ᱯᱤ.ᱮᱯᱷ. ᱟᱜ ᱮᱞᱤᱴ ᱠᱳᱵᱽᱨᱟ ᱵᱤᱮᱱ ᱨᱮᱱᱟᱜ ᱴᱷᱟᱶ ᱠᱟᱱᱟ ᱾

ᱱᱟᱜᱟᱢ

ᱨᱟᱡᱟ ᱦᱳᱨᱳᱜᱚᱵᱤᱱᱫᱳ ᱵᱟᱱᱟᱨᱡᱤ ᱫᱚ ᱡᱟᱦᱟᱸ ᱦᱳᱨᱳ ᱴᱷᱟᱹᱠᱩᱨ ᱧᱩᱛᱩᱢ ᱛᱮᱦᱚᱸ ᱵᱟᱰᱟᱭᱚᱜᱼᱟ, ᱟᱡ ᱵᱟᱵᱟ ᱫᱚ ᱨᱟᱡᱟ ᱰᱨ. ᱠᱮᱥᱚᱵᱽ ᱪᱚᱸᱫᱽᱨᱚ ᱵᱟᱱᱟᱨᱡᱤ ᱭᱤᱡ ᱥᱟᱠᱥᱮᱥᱚᱨ ᱮ ᱵᱮᱱᱟᱣ ᱮᱱᱟ ᱟᱨ ᱱᱚᱣᱟ ᱴᱚᱴᱷᱟ ᱨᱮ ᱥᱟᱥᱚᱱ ᱠᱮᱜᱼᱟᱭ ᱾ ᱟᱡᱟᱜ ᱡᱤᱭᱚᱱ ᱚᱠᱛᱚ ᱫᱚ ᱵᱟᱱᱟᱨᱡᱤ ᱫᱚ ᱟᱹᱰᱤ ᱜᱟᱱ ᱥᱚᱸᱥᱠᱨᱤᱛ ᱤᱥᱠᱩᱞ ᱥᱟᱶᱛᱮ "ᱦᱳᱨᱳᱜᱚᱵᱤᱱᱫᱳ ᱪᱚᱛᱩᱥᱯᱚᱛᱤ" ᱧᱩᱛᱩᱢᱟᱱ ᱟᱜ ᱢᱤᱫᱴᱟᱹᱝ ᱠᱚᱞᱮᱡᱮ ᱛᱷᱟᱯᱚᱱ ᱠᱮᱜᱼᱟᱭ ᱾

ᱚᱛᱱᱚᱜ

ᱴᱷᱟᱶ

ᱥᱟᱞᱵᱚᱱᱤ ᱯᱚᱪᱷᱤᱢ ᱵᱟᱝᱞᱟ 22°33′55″N 87°09′17″E / 22.5654°N 87.1548°E / 22.5654; 87.1548 ᱨᱮ ᱢᱮᱱᱟᱜᱼᱟ ᱾^[᱒]

ᱱᱚᱣᱟ ᱨᱮᱱᱟᱜ ᱩᱥᱩᱞ ᱫᱚ ᱒᱕ ᱢᱤᱴᱚᱨ (᱘᱕ ᱯᱷᱤᱴ) ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱖᱐ ᱨᱮ ᱢᱮᱱᱟᱜᱼᱟ ᱾

ᱴᱚᱴᱷᱟ ᱧᱮᱱᱮᱞ

ᱯᱟᱪᱮ ᱢᱮᱫᱤᱱᱤᱯᱩᱨ ᱦᱚᱱᱚᱛ (ᱡᱷᱟᱲᱜᱨᱟᱢ ᱵᱷᱮᱜᱟᱨ ᱢᱟᱬᱟᱝ) ᱨᱮᱱᱟᱜ ᱜᱩᱴ ᱵᱤᱨ ᱴᱚᱴᱷᱟ ᱫᱚ ᱑,᱗᱐᱐ ᱠᱤᱞᱚᱢᱤᱴᱚᱨ^᱒ ᱛᱟᱦᱮᱸ ᱠᱟᱱᱟ, ᱱᱚᱣᱟ ᱯᱚᱱᱚᱛ ᱨᱮᱱᱟᱜ ᱜᱩᱴ ᱵᱤᱨ ᱴᱚᱴᱷᱟ ᱨᱮᱱᱟᱜ ᱑᱔.᱓᱑% ᱛᱟᱦᱮᱸ ᱠᱟᱱᱟ ᱾ ᱢᱮᱫᱽᱱᱤᱯᱩᱨ ᱥᱚᱫᱚᱨ ᱚᱱᱩᱢᱚᱱᱰᱚᱞ ᱨᱮᱱᱟᱜ ᱫᱷᱟᱨᱮ ᱨᱮ ᱫᱚᱦᱚ ᱟᱠᱟᱱ ᱢᱟᱱᱪᱤᱛᱟᱹᱨ ᱠᱷᱚᱱ ᱱᱚᱣᱟ ᱟᱞᱜᱟ ᱛᱮ ᱧᱮᱞ ᱟᱠᱟᱱᱟ ᱡᱮ ᱡᱚᱜᱚ ᱠᱷᱚᱸᱰ ᱨᱮ ᱵᱤᱨ ᱨᱮᱱᱟᱜ ᱢᱟᱨᱟᱝ ᱴᱷᱟᱶ ᱢᱮᱱᱟᱜᱼᱟ ᱾ ᱱᱚᱸᱰᱮ ᱱᱟᱜ ᱦᱟᱥᱟ ᱫᱚ ᱞᱮᱴᱮᱨᱟᱭᱴᱤᱠ ᱜᱮᱭᱟ ᱾^[᱓] ᱦᱚᱱᱚᱛ ᱨᱮᱱᱟᱜ ᱓᱐% ᱦᱚᱲ ᱮᱞ ᱫᱚ ᱱᱚᱣᱟ ᱚᱱᱩᱢᱚᱱᱰᱚᱞ ᱨᱮᱠᱚ ᱛᱟᱦᱮᱸᱱᱟ ᱾ ᱑᱓.᱙᱕% ᱦᱚᱲ ᱫᱚ ᱥᱚᱦᱚᱨ ᱴᱚᱴᱷᱟ ᱨᱮ ᱟᱨ ᱘᱖.᱐᱕% ᱦᱚᱲ ᱫᱚ ᱟᱹᱛᱩ ᱨᱮᱠᱚ ᱛᱟᱦᱮᱸᱱᱟ ᱾^[᱔]

ᱦᱚᱲ ᱮᱞ

ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱷᱟ ᱞᱮᱠᱟᱛᱮ ᱥᱟᱞᱵᱚᱱᱤ ᱨᱤᱱ ᱜᱩᱴ ᱦᱚᱲ ᱮᱞ ᱫᱚ ᱓,᱙᱖᱓ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱠᱷᱚᱱ ᱑,᱙᱗᱓ (᱕᱐%) ᱠᱚᱲᱟ ᱟᱨ ᱑,᱙᱙᱐ (᱕᱐%) ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱐-᱖ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱚᱨ ᱠᱚᱫᱚ ᱓᱗᱑ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱥᱟᱞᱵᱚᱱᱤ ᱨᱮ ᱥᱤᱠᱷᱱᱟᱹᱛ ᱦᱚᱲᱟᱜ ᱜᱩᱴ ᱮᱞ ᱫᱚ ᱓,᱐᱘᱐ ᱜᱚᱴᱟᱝ (᱗᱗.᱗᱒%) ᱥᱤᱠᱷᱱᱟᱹᱛ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾^[᱕]

ᱱᱚᱜᱽᱨᱤᱠ ᱥᱟᱥᱚᱱᱤᱭᱟᱹ

ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱦᱮᱰᱠᱩᱣᱟᱴᱚᱨ

ᱥᱟᱞᱵᱚᱱᱤ ᱵᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱥᱟᱞᱵᱚᱱᱤ ᱨᱮ ᱢᱮᱱᱟᱜᱼᱟ ᱾^[᱖]

ᱯᱩᱞᱤᱥ ᱥᱴᱮᱥᱚᱱ

ᱥᱟᱞᱵᱚᱱᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱥᱟᱞᱵᱚᱱᱤ ᱯᱩᱞᱤᱥ ᱥᱴᱮᱥᱚᱱ ᱨᱮᱱᱟᱜ ᱟᱹᱭᱫᱟᱹᱨᱤ ᱴᱚᱴᱷᱟ ᱠᱟᱱᱟ ᱾^[᱗][᱘]

ᱠᱟᱹᱣᱰᱤ ᱟᱹᱨᱤ

ᱥᱤᱧᱚᱛᱤᱭᱟᱹ ᱨᱤᱡᱟᱨᱵᱽ ᱵᱮᱸᱠ ᱱᱚᱴ ᱢᱩᱫᱽᱨᱟᱱ ᱯᱨᱟᱭᱵᱷᱮᱴ ᱞᱤᱢᱤᱴᱮᱰ, ᱥᱤᱧᱚᱛᱤᱭᱟᱹ ᱨᱤᱡᱟᱨᱵᱽ ᱵᱮᱸᱠ ᱟᱜ ᱯᱩᱨᱟᱹ ᱫᱚᱠᱷᱚᱞᱤᱡ ᱜᱚᱲᱚ ᱠᱚᱢᱯᱟᱹᱱᱤ ᱠᱟᱱᱟᱭ, ᱡᱟᱦᱟᱸᱭ ᱴᱷᱮᱱ ᱥᱟᱞᱵᱚᱱᱤ ᱟᱨ ᱢᱟᱭᱥᱩᱨ ᱨᱮ ᱥᱟᱞ ᱠᱮ ᱥᱟᱞ ᱑᱖ ᱵᱤᱞᱤᱭᱚᱱ ᱱᱚᱴ ᱟᱜ ᱠᱮᱯᱟᱥᱤᱴᱤ ᱭᱟᱜ ᱵᱮᱸᱠᱱᱚᱴ ᱯᱨᱤᱱᱴᱤᱝ ᱯᱨᱮᱥ ᱢᱮᱱᱟᱜᱼᱟ ᱾^[᱙]

ᱦᱮᱡ ᱥᱮᱱ

ᱥᱟᱞᱵᱚᱱᱤ ᱫᱚ ᱥᱚᱲᱚᱠ ᱰᱟᱦᱟᱨ ᱛᱮ ᱦᱚᱱᱚᱛ ᱨᱮᱱᱟᱜ ᱢᱩᱬ ᱥᱚᱦᱚᱨ ᱠᱷᱚᱱ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱥᱟᱞᱵᱚᱱᱤ ᱨᱮᱞᱣᱮ ᱥᱴᱮᱥᱚᱱ ᱫᱚ ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱠᱷᱚᱸᱰ ᱨᱮᱱᱟᱜ ᱠᱷᱚᱲᱚᱜᱽᱯᱩᱨ-ᱵᱟᱸᱠᱩᱲᱟ-ᱟᱫᱽᱨᱟ ᱞᱟᱭᱤᱱ ᱨᱮ ᱢᱮᱱᱟᱜᱼᱟ ᱾

ᱦᱚᱲᱢᱚ ᱥᱟᱶᱟᱨ

ᱥᱟᱞᱵᱚᱱᱤ ᱫᱮᱦᱟᱛ ᱟᱥᱯᱟᱛᱟᱞ, ᱥᱟᱞᱵᱚᱱᱤ ᱨᱮ ᱓᱕ ᱜᱚᱴᱟᱝ ᱵᱮᱰ ᱟᱜ, ᱥᱟᱞᱵᱚᱱᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱢᱩᱬ ᱥᱚᱨᱠᱟᱨᱤ ᱢᱮᱰᱤᱠᱟᱞ ᱥᱩᱵᱤᱫᱷᱟ ᱢᱮᱱᱟᱜᱼᱟ ᱾^[᱑᱐]

ᱥᱟᱹᱠᱷᱭᱟᱹᱛ

1. "The Salboni unit can print all currency notes including the new RS 2,000 and RS 500 notes". livemint. Retrieved 12 November 2017.
2. Falling Rain Genomics, Inc - Salboni
3. "District Human Development Report Paschim Medinipur, 2011". page 7, 27. Department of Planning and Statistics, Government of West Bengal. Retrieved 10 September 2020.
4. "District Statistical Handbook Paschim Medinipur, 2013". Table 2.2, 2.4 (a). Department of Planning and Statistics. Retrieved 10 September 2020.
5. "2011 Census – Primary Census Abstract Data Tables". West Bengal – District-wise. Registrar General and Census Commissioner, India. Retrieved 27 October 2016.
6. "District Census Handbook: Paschim Medinipur" (PDF). Map of Paschim Medinipur with CD Block HQs and Police Stations (on the fifth page). Directorate of Census Operations, West Bengal, 2011. Retrieved 20 November 2016.
7. "District Statistical Handbook 2014 Paschim Medinipur". Tables 2.1, 2.2. Department of Planning and Statistics, Government of West Bengal. Retrieved 14 September 2020.
8. "District at a Glance". Paschim Medinipur District Police. Archived from the original on 27 October 2016. Retrieved 27 October 2016.
9. "Bharatiya Reserve Bank Note Mudran (P) Ltd". Bharatiya Reserve Bank Note Mudran (P) Ltd. Archived from the original on 14 November 2016. Retrieved 24 July 2016.
10. "Health & Family Welfare Department" (PDF). Health Statistics – Rural Hospitals. Government of West Bengal. Archived from the original (PDF) on 8 October 2022. Retrieved 1 September 2020.

ᱵᱟᱦᱨᱮ ᱡᱚᱱᱚᱲ

ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱥᱟᱞᱵᱚᱱᱤ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾.

• ᱥᱴᱤᱞ ᱣᱮᱵᱽᱥᱟᱭᱤᱴ^{[permanent dead link]}