ᱥᱩᱢᱤᱛᱟ ᱥᱟᱱᱭᱟᱞ

ᱥᱩᱢᱤᱛᱟ ᱥᱟᱱᱭᱟᱞ (᱙ ᱚᱠᱴᱚᱵᱚᱨ ᱑᱙᱔᱕ – ᱙ ᱡᱩᱞᱟᱭ ᱒᱐᱑᱗) ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱮ ᱛᱟᱦᱮᱸ ᱠᱟᱱᱟ ᱚᱠᱚᱭ ᱵᱟᱝᱞᱟ ᱟᱨ ᱦᱤᱱᱫᱤ ᱥᱤᱱᱮᱢᱟ ᱨᱮ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱵᱟᱰᱟᱭᱚᱜ ᱠᱟᱱᱟ᱾^[᱑] ᱩᱱᱤ ᱵᱤᱵᱷᱩᱛᱤ ᱞᱟᱦᱟ ᱟᱜ ᱠᱷᱳᱠᱟᱵᱟᱵᱩᱨ ᱯᱨᱟᱛᱭᱟᱵᱟᱨᱛᱟᱱ (᱑᱙᱖᱐) ᱨᱮ ᱩᱛᱛᱟᱢ ᱠᱩᱢᱟᱨ ᱥᱟᱢᱟᱝ ᱨᱮ ᱟᱡᱟᱜ ᱰᱮᱵᱩᱴ ᱮ ᱵᱮᱱᱟᱣ ᱞᱮᱫᱟ᱾ ᱛᱟᱭᱚᱢ ᱛᱮ ᱩᱱᱤ ᱑᱙᱖᱐ ᱟᱨ ᱑᱙᱗᱐ ᱨᱮ ᱟᱭᱢᱟ ᱵᱟᱝᱜᱟᱞᱤ ᱯᱷᱤᱞᱢ ᱨᱮ ᱧᱮᱞ ᱮᱱᱟ᱾ ᱩᱱᱤ ᱫᱟ ᱯᱤᱠᱚᱠ ᱥᱯᱨᱤᱝ (᱑᱙᱙᱖) ᱨᱮ ᱦᱚᱸ ᱢᱤᱫ ᱠᱮᱢᱤᱭᱳ ᱨᱳᱞ ᱮ ᱠᱚᱨᱟᱣ ᱟᱠᱟᱫᱟ ᱚᱠᱟ ᱫᱚ ᱢᱤᱫ ᱵᱤᱵᱤᱥᱤ ᱯᱨᱳᱰᱟᱠᱥᱟᱱ ᱛᱟᱦᱮᱸ ᱠᱟᱱᱟ᱾^[᱑]

ᱮᱛᱚᱦᱚᱵ ᱡᱤᱭᱚᱱ

ᱩᱱᱤ ᱫᱟᱨᱡᱤᱞᱤᱝ, ᱵᱟᱝᱜᱟᱞ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱤᱱᱰᱤᱭᱟ ᱨᱮ ᱢᱚᱸᱡᱩᱞᱟ ᱥᱟᱱᱭᱟᱞ ᱞᱮᱠᱟᱛᱮ ᱡᱟᱱᱟᱢ ᱞᱮᱱᱟᱭ᱾ ᱟᱡ ᱵᱟᱵᱟ ᱜᱤᱨᱤᱡᱟ ᱜᱳᱞᱠᱩᱱᱰᱟ ᱥᱟᱱᱭᱟᱞ ᱮ ᱛᱟᱦᱮᱸ ᱠᱟᱱᱟ᱾

ᱠᱟᱹᱢᱤ

ᱰᱤᱨᱮᱠᱴᱚᱨ ᱵᱤᱵᱷᱩᱛᱤ ᱞᱟᱦᱟ (ᱟᱜᱽᱨᱟᱫᱩᱛ ᱨᱮᱱ) ᱟᱡᱟᱜ ᱯᱷᱤᱞᱢ ᱠᱷᱳᱠᱟᱵᱟᱵᱩᱨ ᱯᱨᱟᱛᱭᱟᱵᱟᱟᱨᱛᱟᱱ ᱞᱟᱹᱜᱤᱫ ᱩᱱᱤ ᱥᱩᱪᱳᱨᱤᱛᱟ ᱧᱩᱛᱩᱢ ᱮ ᱮᱢ ᱞᱮᱫ ᱛᱟᱦᱮᱸᱱᱟ᱾ ᱚᱱᱟ ᱛᱟᱭᱚᱢ, ᱰᱤᱨᱮᱠᱴᱚᱨ ᱠᱟᱱᱟᱠ ᱢᱩᱠᱷᱳᱯᱟᱫᱷᱟᱭ ᱱᱚᱣᱟ ᱥᱩᱢᱤᱛᱟ ᱨᱮ ᱠᱟᱹᱴᱤᱡ ᱵᱮᱱᱟᱣ ᱨᱮᱭᱟᱜ ᱴᱷᱟᱹᱣᱠᱟᱹ ᱠᱮᱫᱟ᱾ ᱧᱩᱛᱩᱢᱟᱱ ᱮᱠᱴᱨᱮᱥ ᱞᱤᱞᱟ ᱫᱮᱥᱟᱭᱤ ᱥᱩᱢᱤᱛᱟ ᱞᱟᱹᱜᱤᱫ ᱟᱹᱰᱤ ᱜᱟᱱ ᱵᱟᱰᱟᱭ ᱠᱟᱱ ᱛᱟᱦᱮᱸᱱ᱾ ᱞᱤᱞᱟ ᱩᱱᱤ ᱟᱜᱽᱨᱟᱫᱩᱛ ᱴᱷᱮᱱ ᱩᱫᱩᱜ ᱥᱚᱫᱚᱨ ᱠᱮᱫᱮᱭᱟ᱾ ᱠᱷᱳᱠᱟᱵᱟᱵᱩᱨ ᱯᱨᱟᱛᱭᱟᱵᱟᱟᱨᱛᱟᱱ ᱨᱮ ᱢᱤᱫ ᱪᱟᱱᱥ ᱧᱟᱢ ᱛᱟᱭᱚᱢ, ᱩᱱᱤ ᱫᱤᱞᱤᱯ ᱠᱩᱢᱟᱨ ᱥᱟᱢᱟᱝ ᱨᱮ ᱥᱟᱟᱜᱤᱱᱟ ᱢᱟᱟᱦᱟᱛᱳ ᱥᱟᱶ ᱵᱟᱝᱜᱟᱞᱤ ᱨᱮ ᱔᱐ ᱠᱷᱚᱱ ᱵᱟᱹᱲᱛᱤ ᱯᱷᱤᱞᱢ ᱨᱮ ᱠᱟᱹᱢᱤ ᱠᱮᱫᱟ ᱟᱨ ᱵᱤᱥᱣᱟᱡᱤᱛ ᱟᱨ ᱥᱟᱱᱫᱷᱭᱟ ᱨᱟᱭ ᱥᱟᱶ ᱠᱩᱦᱮᱞᱤ ᱨᱮ ᱟᱹᱭᱩᱨᱤᱭᱟᱹ ᱨᱳᱞ ᱨᱮ᱾ ᱩᱱᱤ ᱟᱭᱢᱟ ᱦᱤᱱᱫᱤ ᱯᱷᱤᱞᱢ ᱨᱮ ᱦᱚᱸ ᱠᱟᱹᱢᱤ ᱟᱠᱟᱫᱟ, ᱚᱱᱟ ᱢᱩᱫᱽ ᱨᱮ ᱡᱚᱛᱚ ᱠᱷᱚᱱ ᱱᱳᱴᱮᱵᱟᱞ ᱑᱙᱗᱐ ᱥᱟᱞ ᱨᱮ ᱟᱟᱱᱟᱸᱫᱽ ᱛᱟᱦᱮᱸ ᱠᱟᱱᱟ, ᱚᱢᱤᱛᱟᱵᱷ ᱵᱟᱪᱪᱷᱟᱱ ᱥᱟᱢᱟᱝ ᱨᱮ᱾ ᱩᱱᱤ ᱴᱮᱞᱤᱵᱤᱡᱚᱱ ᱥᱤᱨᱤᱭᱟᱞ ᱨᱮ, ᱯᱨᱳᱯᱷᱮᱥᱱᱟᱞ ᱥᱴᱮᱡ ᱨᱮ ᱟᱨ ᱜᱽᱨᱩᱯ ᱛᱷᱤᱭᱮᱴᱚᱨ ᱨᱮ ᱦᱚᱸ ᱠᱟᱹᱢᱤ ᱟᱠᱟᱫᱟ, ᱱᱚᱣᱟ ᱥᱟᱶ ᱱᱳᱴᱮᱵᱟᱞ ᱮᱥᱳᱥᱤᱭᱮᱥᱚᱱ "ᱨᱟᱝᱜᱟ ᱥᱟᱵᱷᱟ" ᱛᱟᱦᱮᱸ ᱠᱟᱱᱟ᱾ ᱩᱱᱤ ᱦᱨᱤᱥᱤᱠᱮᱥ ᱢᱩᱠᱷᱚᱨᱡᱤ ᱟᱜ ᱜᱩᱰᱰᱤ, ᱟᱟᱱᱟᱸᱫᱽ ᱟᱨ ᱟᱟᱥᱤᱨᱣᱟᱟᱫᱽ ᱞᱮᱠᱟᱱ ᱯᱷᱤᱞᱢ ᱨᱮ ᱢᱤᱫ ᱦᱟᱹᱴᱤᱧ ᱮ ᱛᱟᱦᱮᱸ ᱠᱟᱱᱟ᱾

ᱱᱤᱡᱮᱨ ᱡᱤᱭᱚᱱ

ᱩᱱᱤ ᱯᱷᱤᱞᱢ ᱮᱰᱤᱴᱚᱨ ᱥᱩᱵᱳᱫᱷ ᱨᱟᱭ ᱥᱟᱶ ᱵᱟᱯᱞᱟ ᱟᱠᱟᱱᱟᱭ᱾ ᱱᱩᱠᱩ ᱨᱮᱱ ᱢᱤᱫ ᱦᱚᱯᱚᱱ ᱢᱮᱱᱟᱭᱟ᱾^[᱒][᱓]

ᱥᱟᱹᱠᱷᱭᱟᱹᱛ

1. "Veteran actor Sumita Sanyal passes away, Tollywood bids adieu". The Times of India. 10 July 2017. Retrieved 8 May 2021.
2. "Sumita Sanyal Biography". Yahoo!. Retrieved 23 October 2008.^{[permanent dead link]}
3. "SUMITA SANYAL: Film Database - CITWF". citwf.com. Retrieved 23 October 2008.

ᱵᱟᱦᱨᱮ ᱡᱚᱱᱚᱲ

• ᱥᱩᱢᱤᱛᱟ ᱥᱟᱱᱭᱟᱞ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)