ᱥᱮᱵᱟᱥᱴᱤᱭᱟᱱ ᱴᱩᱰᱩ

The Most Reverend ᱥᱮᱵᱟᱥᱴᱤᱭᱟᱱ ᱴᱩᱰᱩ
ᱫᱤᱱᱟᱸᱡᱽᱯᱩᱨ ᱨᱮᱱ ᱵᱤᱥᱚᱯ
ᱜᱤᱨᱡᱟᱹ	ᱨᱳᱢᱟᱱ ᱠᱮᱛᱷᱚᱞᱤᱠ ᱪᱟᱨᱪ
ᱯᱩᱭᱞᱩ ᱫᱷᱚᱨᱚᱢ ᱜᱩᱨᱩ	ᱰᱷᱟᱠᱟ ᱢᱟᱨᱟᱝ ᱫᱷᱚᱨᱚᱢ ᱯᱚᱱᱚᱛ
ᱵᱤᱥᱚᱯ ᱟᱜ ᱴᱚᱴᱷᱟ	ᱫᱤᱱᱟᱸᱡᱽᱯᱩᱨ ᱫᱷᱚᱨᱚᱢ ᱯᱚᱱᱚᱛ
ᱛᱷᱟᱯᱚᱱ	᱒᱙ ᱚᱠᱴᱚᱵᱚᱨ ᱒᱐᱑᱑
ᱞᱟᱦᱟ ᱛᱮᱱᱤᱡ	ᱢᱳᱡᱮᱥ ᱠᱳᱥᱛᱟ
ᱚᱰᱟᱨ
ᱚᱨᱰᱤᱱᱮᱱᱥ	᱓᱐ ᱰᱤᱥᱮᱢᱵᱚᱨ ᱑᱙᱙᱙
ᱪᱷᱩᱛ ᱢᱮᱴᱟᱣ	᱒᱗ ᱡᱟᱱᱩᱣᱟᱨᱤ, ᱒᱐᱑᱒ ᱡᱳᱥᱮᱯᱷ ᱥᱟᱞᱵᱷᱟᱰᱳᱨ ᱢᱟᱨᱤᱱᱳ ᱦᱚᱛᱮᱛᱮ
ᱨᱮᱸᱠ	Bishop
ᱟᱯᱱᱟᱨᱟᱜ ᱠᱟᱛᱷᱟ
ᱡᱟᱱᱟᱢ ᱧᱩᱛᱩᱢ	ᱥᱮᱵᱟᱥᱴᱤᱭᱟᱱ ᱴᱩᱰᱩ
ᱡᱟᱱᱟᱢ	ᱡᱩᱱ ᱑᱗, ᱑᱙᱖᱗(1967-06-17) ᱪᱟᱸᱜᱩᱨᱟ, ᱜᱷᱚᱲᱟᱜᱷᱟᱴ, ᱜᱟᱭᱵᱟᱱᱫᱷᱟ, ᱵᱟᱝᱞᱟᱫᱮᱥ
ᱡᱟᱹᱛᱤᱭᱟᱹᱨᱤ	ᱵᱟᱝᱞᱟᱫᱮᱥᱤ
ᱫᱷᱚᱨᱚᱢ	ᱨᱳᱢᱟᱱ ᱠᱮᱛᱷᱚᱞᱤᱠ
ᱚᱲᱟᱜ	ᱫᱤᱱᱟᱸᱡᱽᱯᱩᱨ, ᱵᱟᱝᱞᱟᱫᱮᱥ
ᱯᱟᱨᱮ ᱯᱟᱹᱴᱷᱩᱣᱟᱹ	ᱱᱚᱴᱚᱨ ᱰᱮᱢ ᱠᱚᱞᱮᱡᱽ, ᱰᱷᱟᱠᱟ ᱯᱳᱱᱴᱤᱯᱷᱤᱠᱟᱞ ᱩᱨᱵᱟᱱ ᱡᱮᱜᱮᱫ ᱵᱤᱨᱫᱟᱹᱜᱟᱲ
ᱢᱳᱴᱳ	ᱫᱟ ᱠᱤᱝᱰᱚᱢ ᱠᱟᱢ[᱑]

Ordination history of ᱥᱮᱵᱟᱥᱴᱤᱭᱟᱱ ᱴᱩᱰᱩ
History Priestly ordination Date ᱓᱐ ᱰᱤᱥᱮᱢᱵᱚᱨ ᱑᱙᱙᱙ Place ᱢᱟᱨᱤᱭᱟᱢᱯᱩᱨ ᱯᱟᱨᱤᱥ, ᱫᱤᱱᱟᱸᱡᱽᱯᱩᱨ Episcopal consecration Principal consecrator ᱡᱳᱥᱮᱯᱷ ᱥᱟᱞᱵᱷᱟᱰᱳᱨ ᱢᱟᱨᱤᱱᱳ, Titular Archbishop of Natchitoches Co-consecrators Moses Montu Costa, C.S.C. Bishop of Chittagong Patrick D’Rozario, C.S.C. Archbishop of Dhaka Date ᱒᱗ ᱡᱟᱱᱩᱣᱟᱨᱤ ᱒᱐᱑᱒
Source(s):"ᱵᱤᱥᱚᱯ ᱥᱮᱵᱟᱥᱴᱤᱭᱟᱱ ᱴᱩᱰᱩ". Catholic-Hierarchy.

ᱥᱮᱵᱟᱥᱴᱤᱭᱟᱱ ᱴᱩᱰᱩ (ᱡᱟᱱᱟᱢ: ᱑᱗ ᱡᱩᱱ ᱑᱙᱖᱗) ᱫᱚ ᱵᱟᱝᱞᱟᱫᱮᱥ ᱨᱮᱱ ᱢᱤᱫ ᱤᱥᱟᱹᱭ ᱱᱟᱭᱠᱮ ᱠᱟᱱᱟᱭ ᱾ ᱒᱐᱑᱑ ᱨᱮ ᱯᱳᱯ ᱵᱮᱱᱮᱰᱤᱠᱴ ᱑᱖ ᱦᱚᱛᱮᱛᱮ ᱵᱚᱦᱟᱞ ᱟᱠᱟᱱ ᱥᱮᱵᱟᱥᱴᱤᱭᱟᱱ ᱫᱚ ᱫᱤᱱᱟᱸᱡᱽᱯᱩᱨ ᱨᱮᱱ ᱮᱭᱟᱭᱟᱱ ᱟᱨ ᱱᱤᱛᱚᱜᱤᱡ ᱵᱤᱥᱚᱯ ᱠᱟᱱᱟᱭ ᱾ ᱩᱱᱤ ᱫᱚ ᱵᱟᱝᱞᱟᱫᱮᱥ ᱨᱮᱱ ᱯᱩᱭᱞᱩ ᱥᱟᱱᱛᱟᱲ ᱵᱤᱥᱚᱯ ᱠᱟᱱᱟᱭ ᱾^{[᱒][᱓][᱔]}

ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ

ᱥᱮᱵᱟᱥᱴᱤᱭᱟᱱ ᱴᱩᱰᱩ ᱢᱟᱨᱤᱱᱳ ᱟᱜ ᱡᱟᱱᱟᱢ ᱫᱚ ᱑᱗ ᱡᱩᱱ ᱑᱙᱖᱗ ᱥᱮᱨᱢᱟ ᱨᱮ ᱜᱟᱭᱵᱟᱱᱫᱷᱟ ᱦᱚᱱᱚᱛ ᱨᱮᱭᱟᱜ ᱪᱟᱸᱜᱩᱨᱟ ᱟᱹᱛᱩ ᱨᱮ ᱦᱩᱭ ᱞᱮᱱᱟ ᱾ ᱩᱱᱤ ᱫᱚ ᱟᱡᱟᱜ ᱛᱟᱞᱢᱟ ᱥᱮᱪᱮᱫ ᱥᱮᱱᱴ ᱯᱷᱤᱞᱤᱯᱥ ᱩᱥᱩᱞ ᱵᱤᱨᱫᱟᱹᱜᱟᱲ ᱟᱨ ᱪᱮᱛᱟᱱ ᱛᱟᱞᱢᱟ ᱥᱮᱪᱮᱫ ᱫᱚ ᱫᱤᱱᱟᱸᱡᱽᱯᱩᱨ ᱥᱚᱨᱠᱟᱨᱤ ᱵᱤᱨᱫᱟᱹᱜᱟᱲ ᱠᱷᱚᱱ ᱮ ᱯᱩᱨᱟᱹᱣ ᱞᱮᱫᱟ ᱾ ᱚᱱᱟ ᱛᱟᱭᱚᱢ ᱩᱱᱤ ᱰᱷᱟᱠᱟ ᱛᱮᱭ ᱪᱟᱞᱟᱣ ᱮᱱᱟ ᱟᱨ ᱱᱚᱴᱚᱨ ᱰᱮᱢ ᱠᱚᱞᱮᱡᱽ ᱨᱮᱭ ᱵᱷᱩᱨᱛᱤ ᱮᱱᱟ ᱾ ᱥᱮᱱᱴ ᱡᱳᱥᱮᱯᱷ ᱢᱟᱭᱱᱚᱨ ᱥᱮᱢᱤᱱᱟᱨᱤ ᱨᱮ ᱛᱟᱦᱮᱸ ᱠᱟᱛᱮ ᱩᱱᱤ ᱚᱸᱰᱮ ᱠᱷᱚᱱ ᱵᱮᱪᱟᱞᱟᱨ ᱚᱯᱷ ᱟᱨᱴᱥ ᱰᱤᱜᱽᱨᱤ ᱮ ᱦᱟᱢᱮᱴ ᱠᱮᱫᱟ ᱾ ᱛᱟᱭᱚᱢ ᱛᱮ ᱩᱱᱤ ᱦᱳᱞᱤ ᱥᱯᱤᱨᱤᱴ ᱢᱮᱡᱳᱨ ᱥᱮᱢᱤᱱᱟᱨᱤ ᱨᱮᱦᱚᱸᱭ ᱥᱮᱞᱮᱫ ᱞᱮᱱᱟ ᱾^[᱕] ᱥᱮᱵᱟᱥᱴᱤᱭᱟᱱ ᱴᱩᱰᱩ ᱫᱚ ᱒᱐᱐᱓ ᱠᱷᱚᱱ ᱒᱐᱐᱗ ᱢᱩᱸᱫᱽ ᱨᱮ ᱨᱳᱢ ᱨᱮᱭᱟᱜ ᱯᱳᱱᱴᱤᱯᱷᱤᱠᱟᱞ ᱩᱨᱵᱟᱱ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱢᱤᱥᱤᱭᱳᱞᱚᱡᱤ ᱨᱮ ᱰᱚᱠᱴᱚᱨᱮᱴ ᱰᱤᱜᱽᱨᱤ ᱮ ᱦᱟᱢᱮᱴ ᱞᱮᱫᱟ ᱾^[᱖]

ᱡᱤᱭᱚᱱ

ᱥᱮᱵᱟᱥᱴᱤᱭᱟᱱ ᱴᱩᱰᱩ ᱫᱚ ᱓᱐ ᱥᱮᱯᱴᱮᱢᱵᱚᱨ, ᱑᱙᱙᱙ ᱨᱮ ᱫᱤᱱᱟᱸᱡᱽᱯᱩᱨ ᱨᱮᱭᱟᱜ ᱢᱟᱨᱤᱭᱟᱢᱯᱩᱨ ᱯᱟᱨᱤᱥ ᱨᱮ ᱱᱟᱭᱠᱮ ᱞᱮᱠᱟᱛᱮ ᱠᱚ ᱵᱟᱦᱟᱞ ᱞᱮᱫᱮᱭᱟ ᱾^[᱗] ᱒᱐᱐᱐ ᱨᱮ ᱩᱱᱤ ᱫᱚ ᱥᱮᱱᱴ ᱯᱷᱨᱟᱱᱥᱤᱥ ᱯᱟᱨᱤᱥ ᱨᱮᱱ ᱜᱚᱲᱚ ᱱᱟᱭᱠᱮ ᱮ ᱵᱮᱱᱟᱣ ᱮᱱᱟ ᱾ ᱢᱮᱱᱠᱷᱟᱱ ᱒᱐᱐᱓ ᱨᱮ, ᱩᱱᱤ ᱞᱟᱯᱷᱟᱝ ᱥᱮᱪᱮᱫ ᱞᱟᱹᱜᱤᱫ ᱵᱟᱝᱞᱟᱫᱮᱥ ᱨᱮ ᱵᱟᱹᱜᱤᱭᱟᱫᱟ ᱾ ᱒᱐᱐᱗ ᱨᱮ ᱥᱮᱵᱟᱥᱴᱤᱭᱟᱱ ᱴᱩᱰᱩ ᱵᱟᱝᱞᱟᱫᱮᱥ ᱛᱮ ᱨᱩᱣᱟᱹᱲ ᱠᱟᱛᱮ ᱯᱷᱟᱛᱤᱢᱟ ᱨᱟᱹᱱᱤ ᱪᱟᱨᱪ ᱨᱮᱱ ᱜᱚᱲᱚ ᱱᱟᱭᱠᱮ ᱞᱮᱠᱟᱛᱮᱭ ᱵᱟᱦᱟᱞ ᱮᱱᱟ ᱾^[᱕] ᱒᱐᱐᱙ ᱛᱟᱭᱚᱢ ᱩᱱᱤ ᱰᱷᱟᱠᱟ ᱨᱮᱭᱟᱜ ᱦᱳᱞᱤ ᱥᱯᱤᱨᱤᱴ ᱢᱮᱡᱳᱨ ᱥᱮᱢᱤᱱᱟᱨᱤ ᱨᱮᱱ ᱵᱷᱟᱭᱤᱥ ᱨᱮᱠᱴᱚᱨ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱟ ᱾^[᱖]

᱒᱙ ᱚᱠᱴᱚᱵᱚᱨ ᱒᱐᱑᱑ ᱨᱮ ᱥᱮᱵᱟᱥᱴᱤᱭᱟᱱ ᱴᱩᱰᱩ ᱫᱚ ᱯᱳᱯ ᱵᱮᱱᱮᱰᱤᱠᱴ ᱑᱖ ᱦᱚᱛᱮᱛᱮ ᱫᱤᱱᱟᱸᱡᱽᱯᱩᱨ ᱨᱮᱱ ᱮᱭᱟᱭᱟᱱ ᱵᱤᱥᱚᱯ ᱞᱮᱠᱟᱛᱮ ᱵᱟᱦᱟᱞ ᱮᱱᱟ ᱾ ᱒᱗ ᱡᱟᱱᱩᱣᱟᱨᱤ, ᱒᱐᱑᱒ ᱨᱮ ᱩᱱᱤ ᱫᱚ ᱡᱳᱥᱮᱯᱷ ᱥᱟᱞᱵᱷᱟᱰᱳᱨ ᱢᱟᱨᱤᱱᱳ ᱦᱚᱛᱮᱛᱮ ᱵᱤᱥᱚᱯ ᱞᱮᱠᱟᱛᱮ ᱩᱪᱷᱟᱹᱱ ᱞᱮᱱᱟ ᱾^[᱗] ᱩᱱᱤ ᱫᱚ ᱟᱨᱦᱚᱸ ᱵᱟᱝᱞᱟᱫᱮᱥ ᱨᱮᱭᱟᱜ ᱠᱮᱛᱷᱚᱞᱤᱠ ᱵᱤᱥᱚᱯ ᱦᱮᱞᱢᱮᱞ^[᱘] ᱟᱨ ᱠᱟᱨᱤᱛᱟᱥ ᱵᱟᱝᱞᱟᱫᱮᱥ ᱨᱮᱱ ᱨᱟᱹᱥᱤᱭᱟᱹ ᱦᱚᱸ ᱠᱟᱱᱟᱭ ᱾^[᱙]

ᱵᱟᱨᱦᱮ ᱡᱚᱱᱚᱲ

ᱣᱤᱠᱤᱠᱩᱣᱚᱴ ᱨᱮ ᱥᱮᱵᱟᱥᱴᱤᱭᱟᱱ ᱴᱩᱰᱩ ᱥᱟᱶ ᱡᱚᱲᱟᱣᱟᱱᱟᱜ ᱠᱟᱛᱷᱟ ᱠᱚ ᱾

ᱠᱮᱛᱷᱚᱞᱤᱠ ᱪᱟᱨᱪ ᱢᱟᱹᱱ
ᱞᱟᱦᱟ ᱛᱮᱱᱤᱡ ᱢᱳᱡᱮᱥ ᱠᱳᱥᱛᱟ	ᱫᱤᱱᱟᱸᱡᱽᱯᱩᱨ ᱨᱮᱱ ᱵᱤᱥᱚᱯ ᱒᱐᱑᱑–ᱱᱤᱛ	ᱵᱟᱪᱷᱟᱣ ᱵᱟᱝ ᱦᱩᱭᱟᱠᱟᱱᱟ

ᱥᱟᱹᱠᱷᱟᱹᱭᱟᱹᱛ

1. "Diocese of Dinajpur, Bangladesh". GCatholic. Retrieved 2020-08-21.
2. "First Santal bishop for the diocese of Dinajpur". www.asianews.it. Retrieved 2020-08-21.
3. "Bishop Sebastian Tudu | Bishop of Dinajpur Diocese". www.ucanews.com. Retrieved 2020-08-21.
4. "Dinajpur parishes - Bangladesh". sites.google.com. Retrieved 2020-08-21.^{[permanent dead link]}
5. "Appointment of the Bishop of Dinajpur". Agenzia Fides. Retrieved 2020-08-21.
6. "Tudu Sebastian - Urbaniana University Press". www.urbaniana.press. Retrieved 2020-08-21.
7. "Bishop Sebastian Tudu [Catholic-Hierarchy]". www.catholic-hierarchy.org. Retrieved 2020-08-21.
8. "Most Rev. Sebastian Tudu, D.D." cbcbsec.org. Archived from the original on 2020-10-28. Retrieved 2020-08-21.
9. "General Body". Retrieved 2020-08-21.