ᱦᱚᱨᱥᱚᱫᱟ ᱜᱟᱨᱩᱰ ᱫᱚ ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ ᱨᱤᱱᱤᱡ ᱢᱤᱫ ᱣᱮᱴᱞᱤᱯᱷᱴᱚᱨ ᱠᱟᱱᱟᱭ᱾ ᱒᱐᱒᱒ ᱡᱩᱱᱤᱭᱚᱨ ᱡᱮᱜᱮᱛ ᱣᱮᱴᱞᱤᱯᱷᱴᱤᱝ ᱪᱟᱢᱯᱤᱭᱟᱱᱥᱤᱯ ᱨᱮ ᱥᱚᱱᱟ ᱡᱤᱛᱠᱟᱹᱨ ᱠᱟᱛᱮ, ᱩᱱᱤ ᱫᱚ ᱤᱱᱴᱟᱨᱱᱮᱥᱱᱟᱞ ᱣᱮᱴᱞᱤᱯᱷᱴᱤᱝ ᱯᱷᱮᱰᱮᱨᱮᱥᱚᱱ ᱨᱮᱱᱟᱜ ᱡᱮᱜᱮᱛ ᱡᱩᱱᱤᱭᱚᱨᱥ ᱣᱮᱴᱞᱤᱯᱷᱴᱤᱝ ᱪᱟᱢᱯᱤᱭᱟᱱᱥᱤᱯ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟᱹᱨ ᱟᱠᱟᱫ ᱯᱩᱭᱞᱩ ᱥᱤᱧᱚᱛᱤᱭᱟᱹᱭ ᱵᱮᱱᱟᱣ ᱮᱱᱟ᱾
ᱦᱚᱨᱥᱚᱫᱟ ᱜᱟᱨᱩᱰ ᱫᱚ ᱘ ᱱᱚᱵᱷᱮᱢᱵᱚᱨ ᱒᱐᱐᱓ ᱨᱮ ᱯᱩᱱᱮ, ᱢᱚᱦᱟᱨᱟᱥᱴᱨᱚ ᱥᱩᱨ ᱵᱟᱰᱜᱟᱶ ᱢᱟᱵᱷᱟᱞ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱦᱚᱨᱥᱚᱫᱟ ᱨᱤᱱᱤᱡ ᱵᱟᱵᱟ ᱥᱟᱨᱚᱫ ᱜᱟᱨᱩᱰ ᱦᱚᱸ ᱢᱤᱫ ᱣᱮᱴᱞᱤᱯᱷᱴᱚᱨ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱯᱚᱱᱚᱛ ᱟᱥᱲᱟ ᱜᱮᱢᱥ ᱨᱮ ᱣᱮᱴᱞᱤᱯᱷᱴᱤᱝ ᱨᱮ ᱨᱩᱯᱟᱹᱭ ᱡᱤᱛᱠᱟᱹᱨ ᱟᱠᱟᱫᱟ᱾ ᱩᱱᱤ ᱫᱚ ᱥᱟᱵᱤᱛᱨᱤᱵᱟᱭᱤ ᱯᱷᱩᱞᱮ ᱯᱩᱱᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱵᱤ.ᱮ. ᱮ ᱯᱟᱲᱦᱟᱣ ᱮᱫᱟ᱾
᱒᱐᱒᱒ ᱨᱮ, ᱦᱚᱨᱥᱚᱫᱟ ᱜᱟᱨᱩᱰ ᱫᱚ ᱜᱨᱤᱥ ᱨᱮᱱᱟᱜ ᱦᱮᱨᱟᱠᱞᱤᱭᱚᱱ ᱨᱮ ᱦᱩᱭ ᱟᱠᱟᱱ ᱡᱮᱜᱮᱛ ᱡᱩᱱᱤᱭᱚᱨ ᱣᱮᱴᱞᱤᱯᱷᱴᱤᱝ ᱪᱟᱢᱯᱤᱭᱟᱱᱥᱤᱯ ᱨᱮ ᱥᱚᱱᱟ ᱢᱮᱰᱟᱞ ᱮ ᱡᱤᱛᱠᱟᱹᱨ ᱠᱮᱫᱟ᱾ ᱩᱱᱤ ᱫᱚ ᱡᱮᱜᱮᱛ ᱡᱩᱱᱤᱭᱚᱨᱥ ᱣᱮᱴᱞᱤᱯᱷᱴᱤᱝ ᱪᱟᱢᱯᱤᱭᱟᱱᱥᱤᱯ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟᱹᱨ ᱟᱠᱟᱫ ᱯᱩᱭᱞᱩ ᱥᱤᱧᱚᱛᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱒᱐᱒᱐ ᱠᱷᱮᱞᱳ ᱤᱱᱰᱤᱭᱟ ᱭᱩᱛᱷ ᱜᱮᱢᱥ ᱨᱮ ᱭᱩ-᱑᱗ ᱜᱟᱨᱞᱥ ᱣᱮᱴᱞᱤᱯᱷᱴᱤᱝ ᱥᱚᱱᱟ ᱢᱮᱰᱟᱞ ᱟᱨ ᱛᱟᱥᱠᱮᱱᱴ ᱨᱮ ᱒᱐᱒᱐ ᱮᱥᱤᱭᱟᱱ ᱡᱩᱱᱤᱭᱚᱨ ᱪᱟᱢᱯᱤᱭᱟᱱᱥᱤᱯ ᱨᱮ ᱵᱨᱳᱸᱡᱽ ᱢᱮᱰᱟᱞ ᱦᱚᱸᱭ ᱡᱤᱛᱠᱟᱹᱨ ᱟᱠᱟᱫᱟ᱾ ᱩᱱᱤ ᱫᱚ ᱵᱷᱩᱵᱽᱱᱮᱥᱚᱨ, ᱳᱰᱤᱥᱟ ᱨᱮ ᱦᱩᱭ ᱟᱠᱟᱱ ᱟᱭᱤ.ᱰᱟᱵᱞᱩ.ᱮᱞ.ᱮᱯᱷ. ᱭᱩᱛᱷ, ᱡᱩᱱᱤᱭᱚᱨ ᱮᱱᱰ ᱥᱤᱱᱤᱭᱚᱨ ᱱᱮᱥᱱᱟᱞ ᱣᱮᱴᱞᱤᱯᱷᱴᱤᱝ ᱪᱟᱢᱯᱤᱭᱟᱱᱥᱤᱯ ᱒᱐᱒᱑-᱒᱒ ᱨᱮ ᱦᱚᱸ ᱔᱕ ᱠᱤᱞᱳᱜᱨᱟᱢ ᱡᱩᱱᱤᱭᱚᱨ ᱛᱤᱨᱞᱟᱹ ᱠᱮᱴᱮᱜᱚᱨᱤ ᱨᱮ ᱛᱮᱥᱟᱨ ᱨᱮᱝᱠ ᱮ ᱡᱤᱛᱠᱟᱹᱨ ᱟᱠᱟᱫᱟ᱾