ᱨᱟᱡᱽᱱᱤ ᱵᱚᱥᱩᱢᱟᱛᱟᱨᱤ

ᱨᱟᱡᱽᱱᱤ ᱵᱚᱥᱩᱢᱟᱛᱟᱨᱤ
ᱠᱟᱹᱢᱤ	ᱰᱟᱭᱨᱮᱠᱴᱚᱨ, ᱯᱨᱚᱰᱭᱩᱥᱚᱨ, ᱥᱠᱨᱤᱱ ᱨᱟᱭᱴᱟᱨ, ᱮᱠᱴᱨᱮᱥ
ᱠᱟᱹᱢᱤ ᱚᱠᱛᱚ	᱒᱐᱐᱔ ᱠᱷᱚᱱ ᱱᱤᱛ ᱫᱷᱟᱹᱨᱤᱡ

ᱨᱟᱡᱽᱱᱤ ᱵᱚᱥᱩᱢᱟᱛᱟᱨᱤ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱯᱷᱤᱞᱢ ᱯᱨᱚᱰᱭᱩᱥᱚᱨ ᱟᱨ ᱮᱠᱴᱨᱮᱥ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱒᱐᱑᱔ ᱨᱮ ᱦᱤᱱᱫᱤ ᱯᱷᱤᱞᱢ ᱢᱮᱨᱤ ᱠᱚᱢ ᱨᱮ ᱢᱮᱨᱤ ᱠᱚᱢ ᱟᱡ ᱟᱭᱳ (ᱢᱟᱝᱜᱽᱛᱮ ᱟᱠᱷᱚᱢ ᱠᱚᱢ) ᱞᱮᱠᱟᱛᱮ ᱵᱟᱰᱟᱭᱚᱜ ᱠᱟᱱᱟᱭ ᱾^[᱑][᱒] ᱵᱚᱥᱩᱢᱟᱛᱟᱨᱤ ᱫᱚ ᱟᱹᱰᱤ ᱥᱚᱨᱮᱥ ᱯᱷᱤᱪᱚᱨ ᱯᱷᱤᱞᱢ ᱚᱱᱩᱨᱟᱜᱽ ᱨᱮᱱᱟᱜ ᱚᱞ ᱟᱨ ᱯᱨᱚᱰᱭᱩᱥᱚᱱ ᱮᱢ ᱟᱠᱟᱫᱟ ᱾ ᱟᱡᱟᱜ ᱰᱟᱭᱨᱮᱠᱥᱚᱱ ᱨᱮ ᱵᱮᱱᱟᱣ ᱟᱠᱟᱱ ᱯᱩᱭᱞᱩ ᱯᱷᱤᱞᱢ ᱨᱟᱜᱽ ᱒᱐᱑᱔ ᱥᱟᱞ ᱨᱮ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱢᱩᱬ ᱥᱚᱦᱚᱨ ᱨᱮ ᱨᱤᱞᱤᱡᱽ ᱞᱮᱱᱟ ᱛᱟᱦᱮᱸᱫ ᱾^[᱓]

ᱵᱚᱥᱩᱢᱟᱛᱟᱨᱤ ᱫᱚ ᱒᱐᱑᱙ ᱨᱮᱱᱟᱜ ᱯᱷᱤᱞᱢ ᱡᱣᱟᱞᱣᱤ - ᱫᱟ ᱥᱤᱰ ᱨᱤᱱᱤᱡ ᱰᱟᱭᱨᱮᱠᱴᱚᱨ ᱠᱟᱱᱟᱭ ᱾^[᱔][᱕]

ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ

ᱵᱚᱥᱩᱢᱟᱛᱟᱨᱤ ᱫᱚ ᱢᱤᱫ ᱵᱳᱨᱳ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱟᱨ ᱩᱱᱤ ᱫᱚ ᱠᱚᱧᱮ-ᱥᱟᱢᱟᱝ ᱥᱤᱧᱚᱛ ᱨᱮ ᱟᱥᱟᱢ ᱨᱮᱱᱟᱜ ᱨᱚᱝᱯᱟᱨᱟ ᱥᱚᱦᱚᱨ ᱨᱤᱱᱤᱡ ᱠᱟᱱᱟᱭ ᱾^[᱖][᱗] ᱩᱱᱤ ᱫᱚ ᱯᱚᱱᱚᱛ ᱦᱩᱞ ᱚᱠᱛᱚ ᱟᱨ ᱵᱷᱮᱜᱟᱨ ᱵᱷᱮᱜᱟᱨ ᱜᱟᱶᱛᱟ ᱠᱚᱣᱟᱜ ᱩᱥᱟᱹᱨᱟ ᱚᱠᱛᱚ ᱨᱮ ᱨᱟᱡᱽᱟᱹᱨᱤ ᱦᱩᱞᱥᱟᱹᱭ ᱚᱠᱛᱚ ᱨᱮ ᱦᱟᱨᱟ ᱵᱩᱨᱩ ᱨᱮᱱᱟᱜ ᱟᱡᱟᱜ ᱮᱱᱮᱢ ᱠᱚᱭ ᱥᱚᱫᱚᱨ ᱟᱠᱟᱫᱟ ᱟᱨ ᱩᱱᱠᱩ ᱫᱚ ᱟᱡᱟᱜ ᱜᱷᱟᱨᱚᱸᱡᱽ, ᱜᱤᱫᱽᱨᱟᱹ ᱚᱠᱛᱚ ᱟᱨ ᱛᱟᱭᱚᱢ ᱛᱮ ᱯᱷᱤᱞᱢ ᱠᱮᱨᱤᱭᱚᱨ ᱠᱚ ᱪᱮᱫ ᱞᱮᱠᱟᱭ ᱤᱫᱤ ᱞᱮᱫᱼᱟ ᱚᱱᱟ ᱠᱚᱭ ᱞᱟᱹᱭ ᱥᱚᱫᱚᱨ ᱟᱠᱟᱫᱟ ᱾^[᱖] ᱛᱟᱭᱚᱢ ᱛᱮ ᱩᱱᱤ ᱫᱚ ᱡᱣᱟᱞᱣᱤ - ᱫᱟ ᱥᱤᱰ ᱯᱷᱤᱞᱢ ᱨᱤᱱᱤᱡ ᱰᱟᱭᱨᱮᱠᱴᱚᱨ ᱮ ᱛᱟᱦᱮᱸ ᱠᱟᱱᱟᱭ ᱾ ᱱᱚᱣᱟ ᱯᱷᱤᱞᱢ ᱫᱚ ᱩᱱᱤᱭᱟᱜ ᱡᱤᱭᱚᱱ ᱠᱷᱚᱱ ᱟᱹᱰᱤ ᱢᱟᱨᱟᱝ ᱩᱫᱩᱜ ᱥᱚᱫᱚᱨ ᱟᱠᱟᱱᱟ ᱾^[᱗]

ᱵᱚᱥᱩᱢᱟᱛᱟᱨᱤ ᱫᱚ ᱜᱩᱣᱟᱦᱟᱴᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱦᱟᱱᱰᱤᱠ ᱜᱟᱨᱞᱥ ᱠᱚᱞᱮᱡᱽ ᱠᱷᱚᱱ ᱟᱥᱟᱢᱤᱥ ᱥᱟᱶᱦᱮᱫ ᱨᱮ ᱢᱟᱪᱮᱛ ᱰᱤᱜᱽᱨᱤ ᱟᱢᱮᱴ ᱟᱠᱟᱫᱟ ᱾^[᱘]

ᱠᱟᱹᱢᱤ ᱡᱤᱭᱚᱱ

᱑᱙᱙᱕ ᱥᱟᱞ ᱨᱮ, ᱵᱚᱥᱩᱢᱟᱛᱟᱨᱤ ᱫᱚ ᱫᱤᱞᱞᱤ ᱛᱮᱭ ᱥᱮᱱ ᱮᱱᱟ ᱟᱨ ᱠᱚᱨᱯᱚᱨᱮᱴ ᱯᱷᱤᱞᱢ ᱠᱚᱭ ᱰᱟᱭᱨᱮᱠᱥᱚᱱ ᱮᱦᱚᱵ ᱞᱮᱫᱼᱟ ᱾ ᱒᱐᱐᱔ ᱥᱟᱞ ᱨᱮ, ᱩᱱᱤ ᱫᱚ ᱟᱥᱟᱢᱤᱭᱟ ᱯᱟᱹᱨᱥᱤ ᱨᱮᱱᱟᱜ ᱨᱳᱢᱟᱱᱴᱤᱠ ᱜᱟᱭᱟᱱ ᱯᱷᱤᱞᱢ ᱚᱱᱩᱨᱟᱜᱽ ᱮ ᱵᱮᱱᱟᱣ ᱠᱮᱫᱼᱟ ᱟᱨ ᱥᱠᱨᱤᱱᱛᱷᱟᱭ ᱚᱞ-ᱛᱚᱞ ᱦᱚᱸᱭ ᱚᱞ ᱞᱮᱫᱼᱟ ᱾ ᱵᱤᱫᱽᱭᱩᱛ ᱪᱚᱠᱨᱚᱵᱚᱨᱛᱤ ᱦᱚᱛᱮᱛᱮ ᱰᱟᱭᱨᱮᱠᱥᱚᱱ ᱟᱠᱟᱱ ᱱᱚᱣᱟ ᱯᱷᱤᱞᱢ ᱨᱮ ᱵᱚᱥᱩᱢᱟᱛᱟᱨᱤ ᱦᱚᱸ ᱥᱚᱦᱚᱫ ᱯᱟᱴ ᱨᱮᱭ ᱧᱮᱞᱚᱜᱼᱟ ᱾ ᱨᱤᱞᱤᱡᱽ ᱞᱮᱱ ᱚᱠᱛᱚ ᱨᱮ ᱚᱱᱩᱨᱟᱜᱽ ᱫᱚ ᱠᱨᱤᱛᱤᱠ ᱠᱚᱣᱟᱜ ᱥᱟᱨᱦᱟᱣ ᱧᱟᱢ ᱞᱮᱫ ᱛᱟᱦᱮᱸᱫ ᱟᱨ ᱩᱱᱤ ᱫᱚ ᱟᱭᱢᱟ ᱟᱥᱟᱢ ᱯᱚᱱᱚᱛ ᱯᱷᱤᱞᱢ ᱥᱤᱨᱯᱷᱟᱹ ᱡᱮᱞᱮᱠᱟ ᱵᱮᱥᱴ ᱰᱟᱭᱨᱮᱠᱴᱚᱨ ᱥᱤᱨᱯᱷᱟᱹ ᱠᱚᱭ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾

᱒᱐᱐᱐ ᱥᱮᱨᱢᱟ ᱠᱷᱚᱱ, ᱩᱱᱤ ᱫᱚ ᱮᱠᱥᱤᱥ ᱵᱮᱸᱠ ᱥᱟᱶᱛᱮ ᱯᱨᱤᱱᱴ ᱟᱨ ᱴᱤᱵᱷᱤ ᱠᱟᱹᱢᱤᱦᱚᱨᱟ ᱠᱚᱨᱮᱭ ᱥᱮᱞᱮᱫ ᱟᱠᱟᱱᱟ ᱾^[᱙] ᱟᱨ ᱩᱱᱤ ᱫᱚ ᱢᱮᱨᱤ ᱠᱚᱢ ᱟᱨ ᱫᱟ ᱥᱩᱠᱤᱱᱥ ᱞᱮᱠᱟᱱ ᱵᱚᱞᱤᱣᱩᱰ ᱯᱷᱤᱞᱢ ᱥᱟᱶᱛᱮ ᱥᱴᱚᱞᱠᱚᱠ ᱵᱚᱭᱤᱡ ᱟᱨ III ᱥᱢᱳᱠᱤᱝ ᱵᱮᱨᱮᱞᱥ ᱞᱮᱠᱟᱱ ᱯᱷᱤᱞᱢ ᱨᱮ ᱠᱮᱴᱮᱡ ᱮᱱᱮᱡ ᱮ ᱠᱷᱮᱞ ᱟᱠᱟᱫᱼᱟ ᱾ ᱩᱱᱤ ᱥᱤᱥᱴᱮᱢᱮᱴᱤᱠ ᱵᱷᱳᱴᱚᱨᱥ ᱮᱡᱩᱠᱮᱥᱚᱱ ᱟᱨ ᱤᱞᱮᱠᱴᱚᱨᱚᱞ ᱯᱟᱨᱴᱤᱥᱤᱯᱮᱥᱚᱱ (SVEEP) ᱨᱤᱱᱤᱡ ᱵᱨᱟᱱᱰ ᱟᱢᱵᱟᱥᱮᱰᱚᱨ ᱦᱚᱸ ᱠᱟᱱᱟᱭ ᱾^[᱒]

᱒᱐᱑᱔ ᱥᱟᱞ ᱨᱮ, ᱩᱱᱤ ᱫᱚ ᱢᱟᱨᱟᱝ ᱵᱨᱮᱠ ᱮ ᱧᱟᱢ ᱞᱮᱫᱼᱟ ᱡᱚᱠᱷᱚᱱ ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱵᱚᱠᱥᱣᱟᱨ ᱢᱮᱨᱤ ᱠᱚᱢ ᱟᱜ ᱵᱟᱭᱳᱯᱤᱠ ᱢᱮᱨᱤ ᱠᱚᱢ ᱨᱮ ᱟᱡ ᱟᱭᱳ ᱞᱮᱠᱟᱛᱮ ᱯᱟᱴ ᱞᱮᱜᱼᱟᱭ ᱾ ᱯᱨᱤᱭᱟᱝᱠᱟ ᱪᱳᱯᱲᱟ ᱟᱜ ᱢᱩᱬᱩᱛ ᱯᱟᱴ ᱥᱟᱶ ᱱᱚᱣᱟ ᱯᱷᱤᱞᱢ ᱫᱚ ᱟᱹᱰᱤ ᱱᱟᱯᱟᱭ ᱟᱨ ᱵᱮᱯᱟᱨᱤ ᱥᱟᱨᱦᱟᱣ ᱧᱟᱢ ᱞᱮᱫᱼᱟ ᱾ ᱚᱱᱟ ᱥᱮᱨᱢᱟ ᱨᱮᱜᱮ, ᱵᱚᱥᱩᱢᱟᱛᱟᱨᱤ ᱫᱚ ᱟᱡᱟᱜ ᱯᱩᱭᱞᱩ ᱯᱷᱤᱞᱢ ᱨᱟᱜᱽ ᱨᱮ ᱠᱟᱹᱢᱤ ᱠᱟᱛᱮ ᱟᱥᱟᱢᱤᱭᱟ ᱯᱷᱤᱞᱢ ᱨᱮ ᱠᱟᱹᱢᱤ ᱞᱮᱭᱟ ᱾ ᱯᱷᱤᱪᱚᱨ ᱯᱷᱤᱞᱢ ᱨᱟᱜᱽ, ᱡᱟᱦᱟᱸ ᱫᱚ ᱟᱡᱟᱜ ᱰᱟᱭᱨᱮᱠᱥᱚᱱ ᱨᱮ ᱯᱩᱭᱞᱩ ᱯᱷᱤᱞᱢ ᱛᱟᱦᱮᱸ ᱠᱟᱱᱟ ᱾ ᱟᱫᱤᱞ ᱦᱩᱥᱮᱱ, ᱡᱮᱨᱤᱯᱷᱟ ᱣᱟᱦᱤᱫᱽ ᱟᱨ ᱠᱮᱱᱤ ᱵᱚᱥᱩᱢᱟᱛᱟᱨᱤ ᱮᱱᱮᱡ ᱟᱠᱟᱫᱟ ᱾ ᱱᱚᱣᱟ ᱫᱚ ᱟᱥᱟᱢ ᱥᱴᱮᱴ ᱯᱷᱤᱞᱢ ᱵᱮᱱᱟᱣ ᱟᱠᱟᱫᱟ ᱾ ᱱᱚᱣᱟ ᱫᱚ ᱵᱚᱥᱩᱢᱟᱛᱟᱨᱤ ᱟᱜ ᱢᱟᱱᱱᱟ ᱯᱷᱤᱞᱢᱥ ᱵᱮᱱᱟᱨ ᱥᱟᱞᱟᱜ ᱛᱮ ᱵᱮᱱᱟᱣ ᱟᱠᱟᱱᱟ ᱾ ᱱᱚᱶᱟ ᱫᱚ ᱟᱥᱟᱢ ᱯᱚᱱᱚᱛ ᱟᱨ ᱫᱤᱞᱞᱤ, ᱵᱟᱸᱜᱽᱞᱳᱨ, ᱪᱮᱱᱱᱟᱭ, ᱦᱟᱭᱫᱨᱟᱵᱟᱫᱽ, ᱠᱚᱞᱠᱟᱛᱟ ᱟᱨ ᱢᱩᱢᱵᱟᱭ ᱞᱮᱠᱟᱱ ᱵᱟᱪᱷᱟᱣ ᱥᱚᱦᱚᱨ ᱠᱚᱨᱮ ᱠᱚ ᱮᱢ ᱞᱮᱫᱼᱟ ᱾ ᱨᱟᱜᱽ ᱫᱚ ᱑᱔ ᱜᱚᱴᱟᱝ ᱛᱷᱚᱠ ᱨᱮ ᱯᱨᱟᱜᱽ ᱥᱤᱱᱮ ᱟᱣᱟᱨᱰᱥ ᱞᱟᱹᱜᱤᱫ ᱠᱚ ᱧᱩᱛᱩᱢ ᱟᱠᱟᱱᱟ, ᱡᱟᱦᱟᱸ ᱨᱮ ᱵᱚᱥᱩᱢᱟᱛᱟᱨᱤ ᱞᱟᱹᱜᱤᱫ ᱛᱮ ᱡᱚᱛᱚ ᱠᱷᱚᱱ ᱱᱟᱯᱟᱭ ᱰᱟᱭᱨᱮᱠᱴᱚᱨ ᱟᱨ ᱡᱚᱛᱚ ᱠᱷᱚᱱ ᱱᱟᱯᱟᱭ ᱥᱠᱨᱤᱱᱤᱯᱷᱤᱞ, ᱣᱟᱦᱤᱫᱽ ᱞᱟᱹᱜᱤᱫ ᱛᱮ ᱡᱚᱛᱚ ᱠᱷᱚᱱ ᱱᱟᱯᱟᱭ ᱮᱠᱴᱨᱮᱥ ᱛᱤᱨᱞᱟᱹ, ᱟᱫᱤᱞ ᱦᱩᱥᱮᱱ ᱞᱟᱹᱜᱤᱫ ᱛᱮ ᱡᱚᱛᱚ ᱠᱷᱚᱱ ᱱᱟᱯᱟᱭ ᱮᱠᱴᱚᱨ ᱠᱚᱲᱟ ᱟᱨ ᱠᱮᱱᱤ ᱵᱚᱥᱩᱢᱟᱛᱟᱨᱤ ᱞᱟᱹᱜᱤᱫ ᱛᱮ ᱡᱚᱛᱚ ᱠᱷᱚᱱ ᱱᱟᱯᱟᱭ ᱥᱚᱦᱚᱫ ᱮᱠᱴᱚᱨ ᱠᱚᱲᱟ ᱥᱮᱞᱮᱫ ᱛᱟᱦᱮᱸ ᱠᱟᱱᱟᱭ ᱾ ᱦᱩᱥᱮᱱ ᱞᱟᱹᱜᱤᱫ ᱛᱮ ᱩᱱᱤ ᱫᱚ ᱮᱠᱴᱚᱨ ᱠᱚᱲᱟ ᱥᱤᱨᱯᱷᱟᱹᱭ ᱟᱢᱮᱴ ᱠᱮᱫᱼᱟ ᱾

᱒᱐᱑᱙ ᱥᱟᱞ ᱨᱮ, ᱵᱚᱥᱩᱢᱟᱛᱟᱨᱤ ᱟᱡᱟᱜ ᱫᱚᱥᱟᱨ ᱯᱷᱤᱪᱚᱨ ᱯᱷᱤᱞᱢ ᱡᱣᱟᱞᱣᱤ - ᱫᱟ ᱥᱤᱰ ᱮ ᱰᱟᱭᱨᱮᱠᱥᱚᱱ ᱞᱮᱫᱼᱟ, ᱡᱟᱦᱟᱸ ᱫᱚ ᱟᱨᱠᱴᱤᱥᱴ ᱟᱨ ᱯᱚᱨᱚᱯᱚᱠᱟᱨᱤ ᱡᱟᱱᱤ ᱵᱤᱥᱣᱚᱱᱟᱛᱷ^[᱑᱐] ᱥᱟᱶ ᱛᱮᱭᱟᱨ ᱞᱮᱫᱼᱟ ᱟᱨ ᱵᱤᱥᱵᱮᱨᱤ ᱦᱚᱛᱮᱛᱮ ᱠᱨᱟᱣᱰ ᱯᱷᱚᱸᱰ ᱞᱮᱱᱟ ᱛᱟᱦᱮᱸᱫ ᱾^[᱑᱑]

ᱥᱟᱹᱠᱷᱭᱟᱹᱛ

1. Chatterjee, Saibal (26 September 2014). "the hardworking Priyanka not to stick out like a misguided missile amid the likes of Robin Das, Rajni Basumatary (as Mary Kom's father and mother respectively)". NDTV. Archived from the original on 18 October 2018. Retrieved 29 December 2018.
2. "North-East actress Rajni Basumatary becomes brand Ambassador of SVEEP". The Economic Times. PTI. 21 November 2014. Retrieved 28 September 2023.
3. "Nominations for Prag Cine Award, 2013". Assam Tribune. 15 September 2010. Retrieved 28 September 2023.
4. वर्मा, प्रशांत (30 September 2019). "असम में बोडो लोगों तक फिल्मों की पहुंच नहीं, इसलिए हम इन्हें उन तक पहुंचाते हैं: रजनी बसुमतारी". The Wire (in ᱦᱤᱱᱫᱤ). Retrieved 28 September 2023.
5. Gani, Abdul (25 June 2019). "Happy To Tell Stories Depicting Horror Of AFSPA: Assam Filmmaker Rajni Basumatary On Her Film 'Jwlwi - The Seed'". Outlook. Retrieved 28 September 2023.
6. Das, Gourab (31 May 2019). "Actress to screen conflict tale in rural BTAD". The Telegraph. Retrieved 17 March 2020.
7. "A new Bodo film tells the story of Assam's bloody past". The Indian Express. 25 June 2019. Retrieved 18 March 2020.
8. "A distinctive voice" (PDF). Assam Tribune. 18 November 2018. Retrieved 18 March 2020.^{[permanent dead link]}
9. "AxisBank_Dil Se Open_The Chair - Hindi". Axis Bank. 19 February 2020. Retrieved 17 March 2020.
10. "Happy To Tell Stories Depicting Horror Of AFSPA: Assam Filmmaker Rajni Basumatary On Her Film 'Jwlwi - The Seed'". Outlook India. 23 June 2019. Retrieved 17 March 2020.
11. "Jwlwi The Seed". Wishberry. Retrieved 17 March 2020.

ᱵᱟᱦᱨᱮ ᱡᱚᱱᱚᱲ

• ᱢᱩᱠᱷᱭᱟᱹ ᱣᱮᱵᱽᱥᱟᱭᱤᱴ
• ᱨᱟᱡᱽᱱᱤ ᱵᱚᱥᱩᱢᱟᱛᱟᱨᱤ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)