ᱪᱚᱱᱫᱚᱱᱟ ᱢᱚᱡᱩᱢᱫᱟᱨ
| ᱪᱚᱱᱫᱚᱱᱟ ᱢᱚᱡᱩᱢᱫᱟᱨ | |
|---|---|
| ᱧᱩᱛᱩᱢ | চন্দনা মজুমদার |
| ᱡᱟᱱᱟᱢ | Kumarkhali, Kushtia District |
| ᱡᱮᱱᱨᱮᱥ | Folk |
| ᱚᱠᱩᱯᱮᱥᱚᱱ | Playback singer |
| ᱵᱟᱡᱽᱱᱟ | vocals |
ᱪᱚᱱᱫᱚᱱᱟ ᱢᱚᱡᱩᱢᱫᱟᱨ ᱫᱚ ᱵᱟᱝᱞᱟᱫᱮᱥ ᱨᱨᱱ ᱢᱤᱫ ᱥᱮᱨᱤᱧ ᱥᱤᱞᱯᱤ ᱠᱟᱱᱟᱭ᱾ ᱩᱱᱤ ᱫᱚ ᱒᱐᱐᱙ ᱥᱮᱨᱢᱟ ᱨᱮᱱᱟᱜ ᱢᱚᱱᱯᱩᱨᱟ ᱵᱟᱝᱞᱟ ᱥᱤᱱᱮᱢᱟ ᱞᱟᱹᱜᱤᱫᱽ ᱠᱨᱤᱥᱱᱚᱠᱩᱞᱤ ᱥᱟᱶ ᱥᱮᱬᱟ ᱛᱤᱨᱞᱟᱹ ᱯᱞᱮᱵᱮᱠ ᱥᱮᱨᱤᱧ ᱥᱤᱞᱯᱤ ᱭᱟᱜ ᱯᱩᱥᱩᱨᱠᱟᱨ-ᱮ ᱦᱟᱢᱮᱴ ᱟᱠᱟᱫᱟ᱾ ᱞᱟᱞᱚᱱᱜᱤᱛᱤ ᱞᱟᱹᱜᱤᱫᱽ ᱟᱨᱦᱚᱸ ᱧᱩᱛᱩᱢᱟᱱ ᱥᱤᱞᱯᱤ ᱠᱟᱱᱟᱭ᱾ ᱟᱡᱟᱜ ᱯᱞᱮ-ᱵᱮᱠ ᱥᱮᱨᱮᱧ ᱞᱟ.ᱜᱤᱫ ᱵᱟᱝᱞᱟᱫᱮᱥ ᱡᱟ.ᱛᱤᱭᱟ.ᱨᱤ ᱥᱤᱨᱯᱷᱟ. ᱟᱢᱮᱴ ᱟᱠᱟᱫᱟᱭ ᱾ ᱱᱚᱣᱟ ᱫᱚ ᱒᱐᱐᱙ ᱥᱟᱞ ᱨᱮᱭᱟᱜ ᱢᱳᱱᱯᱩᱨᱟ (Monpura) ᱯᱷᱤᱞᱢ ᱨᱮ ᱮᱱᱮᱢ ᱞᱟ.ᱜᱤᱫ ᱧᱟᱢ ᱟᱠᱟᱫᱟ ᱾
ᱱᱤᱡᱚᱨ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱳᱡᱩᱢᱫᱟᱨ ᱫᱚ ᱠᱩᱢᱟᱨᱠᱷᱟᱞᱤ (Kumarkhali) ᱴᱷᱟᱶ ᱠᱩᱥᱴᱤᱭᱟ (Kushtia) ᱦᱚᱱᱚᱛ ᱨᱮᱭ ᱡᱟᱱᱟᱢ ᱟᱠᱟᱱᱟ ᱾ ᱟᱡ ᱵᱟᱵᱟ ᱫᱚ ᱱᱤᱨᱢᱚᱞ ᱪᱚᱸᱫᱽᱨᱚ ᱢᱳᱡᱩᱢᱫᱟᱨ (Nirmal Chandra Majumdar) ᱠᱟᱱᱟᱭ ᱾ ᱟᱡ ᱫᱚ ᱑᱙᱗᱙ ᱥᱟᱞᱨᱮ ᱠᱤᱨᱳᱱ ᱪᱚᱸᱫᱽᱨᱚ ᱨᱳᱭ (Kiron Chandra Roy) ᱥᱟᱶᱮ ᱵᱟᱯᱞᱟ ᱟᱠᱟᱱᱟ ᱾ ᱟᱠᱤᱱ ᱨᱤᱱ ᱫᱚ ᱢᱤᱫ ᱠᱩᱲᱤ ᱜᱤᱫᱽᱨᱟ. ᱢᱮᱱᱟᱭ ᱛᱟ.ᱠᱤᱱᱟ ᱾ ᱟᱡ ᱵᱟᱵᱟ ᱫᱚ ᱨᱮᱰᱤᱣᱳ ᱟᱨ ᱴᱤ.ᱵᱷᱤ ᱪᱟᱱᱮᱞ ᱠᱚᱨᱮ ᱟᱭᱢᱟ ᱫᱷᱟᱣ ᱜᱮ ᱥᱮᱨᱮᱧ ᱨᱮᱭᱟᱝ ᱫᱟᱣ ᱧᱟᱢ ᱟᱠᱟᱫᱟᱭ ᱾ ᱟᱡᱟᱜ ᱯᱷᱩᱨᱥᱚᱛ ᱵᱮᱲᱟ ᱠᱚᱨᱮ ᱫᱚ ᱵᱟᱲᱜᱮ ᱡᱷᱟᱲᱜᱮ ᱟᱨ ᱚᱲᱟᱜ ᱫᱩᱣᱟ.ᱨ ᱥᱟᱡᱟᱣᱨᱮ ᱚᱠᱛᱚᱭ ᱠᱷᱮᱢᱟᱣᱟ ᱾ ᱥᱟᱶᱛᱮ ᱯᱚᱛᱚᱵ ᱯᱚᱛᱨᱤᱠᱟ ᱯᱚᱲᱦᱚᱱ ᱠᱚᱨᱮ ᱦᱚᱸ ᱨᱩᱪᱤ ᱢᱮᱱᱟᱜ ᱛᱟ.ᱠᱤᱱᱟ ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱮᱛᱚᱦᱚᱵ ᱥᱮᱨᱮᱧ ᱥᱤᱠᱷᱱᱟ.ᱛ ᱫᱚ ᱵᱟᱵᱟ ᱴᱷᱮᱫ ᱠᱷᱚᱱ ᱤᱱᱟ. ᱛᱟᱭᱚᱢ ᱱᱟᱡᱽᱨᱩᱞ ᱥᱮᱨᱮᱧ ᱥᱤᱠᱟ.ᱨᱤᱭᱟ. ᱭᱟᱠᱩᱵᱽ ᱚᱞᱤ ᱠᱷᱟᱱ (Yakub Ali Khan) ᱟᱨ ᱞᱟᱞᱳᱱ ᱥᱮᱨᱮᱧ ᱥᱤᱠᱟ.ᱨᱤᱭᱟ. ᱢᱳᱠᱥᱮᱫ ᱚᱞᱤ ᱥᱟᱭᱤ (Moksed Ali Shai) ᱠᱚᱴᱷᱮᱱ ᱠᱷᱚᱱ ᱥᱤᱠᱷᱱᱟ.ᱛ ᱦᱟᱛᱟᱣ ᱟᱠᱟᱫᱟᱭ ᱾ ᱟᱡ ᱵᱟᱵᱟ ᱫᱚ ᱱᱟᱡᱽᱨᱩᱞ ᱥᱮᱨᱮᱧ ᱯᱟ.ᱨᱩᱠᱤᱭᱟ. ᱦᱩᱭᱩᱜ ᱫᱤᱥᱟ. ᱠᱟᱛᱮ ᱵᱤᱴᱤ ᱛᱟᱭ ᱫᱚ ᱢᱚᱬᱮ ᱥᱮᱨᱢᱟ ᱩᱢᱮᱨ ᱠᱷᱚᱱᱜᱮ ᱱᱟᱡᱽᱨᱩᱞ ᱥᱚᱝᱜᱤᱛ ᱯᱚᱲᱦᱚᱱ ᱚᱪᱚ ᱞᱮᱫᱮᱭᱟ ᱾ ᱱᱚᱣᱟ ᱥᱚᱝᱜᱤᱛ ᱫᱚ ᱟᱡᱟᱜ ᱑᱖ ᱥᱮᱨᱢᱟ ᱩᱢᱮᱨ ᱦᱟ.ᱵᱤᱡ ᱛᱚᱝᱜᱮ ᱫᱚᱦᱚ ᱞᱮᱫᱟ ᱾ ᱟᱡ ᱫᱚ ᱵᱟᱝᱞᱟᱫᱮᱥ ᱴᱤ.ᱵᱷᱤ ᱨᱮ ᱑᱙᱗᱙ ᱥᱟᱞ ᱟᱨ ᱨᱮᱰᱤᱭᱳ ᱨᱮᱫᱚ ᱑᱙᱘᱐ ᱥᱟᱞ ᱠᱷᱚᱱ ᱥᱮᱨᱮᱧ ᱛᱚᱝᱜᱮ ᱟᱠᱟᱫᱟ ᱾ ᱒᱐᱑᱓ ᱥᱟᱞᱨᱮ ᱵᱟᱝ ᱨᱤᱞᱤᱡᱽ ᱞᱮᱱ ᱯᱷᱤᱞᱢ ᱯᱷᱮᱞᱟᱱᱤ (Felani) ᱨᱮᱦᱚᱸᱭ ᱥᱮᱨᱮᱧ ᱟᱠᱟᱫᱟ ᱾ ᱢᱤᱫ ᱡᱮᱠᱷᱟ ᱥᱣᱤᱡᱚᱨᱞᱟᱸᱰ ᱨᱮᱦᱚᱸ ᱥᱮᱨᱮᱧ ᱫᱟᱣ ᱧᱟᱢ ᱞᱮᱫᱟᱭ,ᱡᱟᱦᱟᱸ ᱫᱚ ᱟᱡᱟᱜ ᱡᱤᱭᱚᱱ ᱨᱮᱭᱟᱜ ᱢᱤᱫ ᱥᱚᱨᱮᱥ ᱚᱠᱛᱚ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱟᱠᱷᱲᱟᱨᱮ ᱠᱚᱢᱜᱮ ᱵᱮᱝᱜᱚᱞᱤ ᱦᱚᱲᱠᱚ ᱛᱟᱦᱮᱸ ᱠᱟᱱ ᱨᱮᱦᱚᱸ ᱥᱟᱱᱟᱢ ᱧᱮᱧᱮᱞᱤᱭᱟ.ᱜᱮ ᱮᱱᱮᱡ ᱠᱟᱛᱮᱠᱚ ᱥᱟᱨᱦᱟᱣ ᱞᱮᱫᱮ ᱛᱟᱦᱮᱸᱱ ᱾ ᱮᱱᱦᱚᱸ ᱯᱩᱭᱞᱩ ᱡᱤᱭᱚᱱ ᱨᱮ ᱥᱮᱨᱮᱧ ᱞᱟ.ᱜᱤᱫ ᱩᱥᱠᱟ.ᱣ ᱫᱚ ᱟᱡ ᱟᱭᱚ ᱴᱷᱮᱫ ᱠᱷᱚᱱ ᱧᱟᱢ ᱞᱮᱫᱟᱭ ᱾ ᱩᱱᱤ ᱫᱟᱱᱟᱝ ᱛᱟᱭᱚᱢ ᱫᱚ ᱟᱡ ᱦᱚᱯᱚᱱ ᱵᱟ.ᱦᱩ ᱴᱷᱮᱱ ᱠᱷᱚᱱ ᱥᱮᱨᱮᱧ ᱛᱟᱭ ᱞᱟᱦᱟᱭ ᱞᱟ.ᱜᱤᱫ ᱩᱥᱠᱟ.ᱣ ᱧᱟᱢ ᱞᱮᱫᱟᱭ ᱾ᱱᱩᱠᱤᱱᱜᱮ ᱵᱤᱥᱛᱤ ᱠᱟᱭᱛᱮ ᱟᱡᱟᱜ ᱥᱮᱨᱮᱧ ᱡᱤᱭᱚᱱ ᱜᱚᱲᱦᱚᱱᱨᱮ ᱢᱮᱱᱟᱜ ᱛᱟ.ᱠᱤᱱᱟ ᱢᱮᱱᱛᱮ,ᱟᱡ ᱮ ᱞᱟ.ᱭ ᱟᱠᱟᱫᱟ ᱾
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱵᱚᱥᱚᱱᱛᱚ ᱵᱟᱛᱟᱥᱮ
- ᱛᱚᱢᱟᱨ ᱚᱯᱟᱨ ᱱᱤᱞᱮ
- ᱪᱚᱠᱷ ᱜᱮᱞᱚ ᱯᱟᱠᱷᱤ ᱨᱮ
ᱡᱤᱛᱠᱟᱹᱨ ᱦᱟᱢᱮᱴ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱐᱙ ᱥᱮᱨᱢᱟ ᱡᱟᱹᱥᱛᱳ ᱪᱚᱞᱚᱪᱤᱛᱨᱚ ᱯᱩᱨᱩᱥᱠᱟᱨ ᱥᱮᱬᱟ ᱯᱞᱮᱵᱮᱠ ᱥᱤᱞᱯᱤ ᱢᱚᱱᱯᱩᱨᱟ ᱡᱤᱛᱠᱟᱹᱨ᱾
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱷᱮᱵᱟᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱪᱚᱱᱫᱚᱱᱟ ᱢᱚᱡᱩᱢᱫᱟᱨ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
