ᱫᱤᱞ ᱠᱩᱢᱟᱨᱤ ᱵᱷᱟᱱᱰᱟᱨᱤ

ᱫᱤᱞ ᱠᱩᱢᱟᱨᱤ ᱵᱷᱟᱱᱰᱟᱨᱤ/ᱨᱟᱭ
ᱥᱚᱝᱥᱚᱫ ᱨᱮᱱ ᱢᱟᱨᱮ ᱥᱚᱦᱮᱫ
ᱟᱹᱢᱟᱹᱞᱤ ᱨᱮ
ᱢᱮ ᱒᱙᱘᱕-᱒᱗ ᱱᱚᱵᱷᱮᱢᱵᱚᱨ ᱑᱙᱘᱙; ᱒᱐ ᱡᱩᱱ ᱑᱙᱙᱑ – ᱑᱐ ᱢᱮ ᱑᱙᱙᱖
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ᱑᱔ ᱢᱮ ᱑᱙᱔᱙ (1949-05-14) (᱗᱕ ᱥᱮᱨᱢᱟ)
ᱵᱟᱱᱟ ᱯᱩᱴᱴᱟᱵᱳᱝ, ᱫᱟᱨᱡᱤᱞᱤᱝ, ᱥᱤᱧᱚᱛ
ᱡᱟᱹᱛᱤᱭᱟᱹᱨᱤᱥᱤᱧᱚᱛᱤᱭᱟᱹ
ᱨᱟᱡᱽᱟᱹᱨᱤ ᱫᱚᱞᱥᱤᱠᱠᱤᱢ ᱥᱚᱝᱜᱽᱨᱟᱢ ᱯᱚᱨᱤᱥᱚᱫᱽ
ᱡᱤᱭᱚᱱ ᱥᱚᱦᱮᱫᱱᱚᱨ ᱵᱟᱦᱟᱫᱩᱨ ᱵᱷᱟᱱᱰᱟᱨᱤ
ᱚᱲᱟᱜᱜᱮᱝᱴᱚᱠ, ᱥᱤᱠᱠᱤᱢ, ᱥᱤᱧᱚᱛ

ᱫᱤᱞ ᱠᱩᱢᱟᱨᱤ ᱵᱷᱟᱱᱰᱟᱨᱤ/ᱨᱟᱭ (ᱱᱮᱯᱟᱞᱤ: दिल कुमारी भण्डारी/राई) ᱫᱚ ᱥᱤᱠᱠᱤᱢ ᱠᱷᱚᱱ ᱯᱩᱭᱞᱩ ᱛᱤᱨᱞᱟᱹ ᱞᱳᱠᱥᱚᱵᱷᱟ ᱨᱮᱱ ᱥᱚᱦᱮᱫ ᱠᱟᱱᱟᱭ ᱾ ᱩᱱᱤ ᱫᱚ ᱒᱐᱑᱒ ᱦᱟᱹᱵᱤᱫ ᱥᱤᱧᱚᱛᱤᱭᱟᱹ ᱜᱳᱨᱠᱷᱟ ᱠᱚᱣᱟᱜ ᱥᱚᱝᱜᱚᱴᱷᱚᱱ ᱵᱷᱟᱨᱚᱛᱤᱭᱚ ᱜᱳᱨᱠᱷᱟ ᱯᱚᱨᱤᱥᱚᱝᱜᱷ ᱨᱮᱱ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱞᱮᱛᱟᱲ ᱜᱮ ᱱᱮᱯᱟᱞᱤ ᱯᱟᱹᱨᱥᱤ ᱨᱚᱲᱼᱦᱚᱲ ᱠᱚ ᱞᱟᱹᱜᱤᱫ ᱮ ᱠᱟᱹᱢᱤᱭᱮᱫ ᱠᱟᱱᱟ, ᱩᱱᱤᱭᱟᱜ ᱢᱟᱨᱟᱝ ᱮᱱᱮᱢ ᱠᱚ ᱢᱩᱸᱫᱽ ᱥᱤᱧᱚᱛᱤᱭᱟᱹ ᱥᱚᱝᱵᱤᱫᱷᱟᱱ ᱨᱮᱭᱟᱜ ᱤᱨᱟᱹᱞᱟᱱ ᱛᱷᱚᱠ ᱨᱮ ᱱᱮᱯᱟᱞᱤ ᱯᱟᱹᱨᱥᱤ ᱥᱮᱞᱮᱫ ᱚᱪᱚ ᱠᱟᱱᱟ ᱾[᱑]

ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱤᱞ ᱠᱩᱢᱟᱨᱤ ᱵᱷᱟᱱᱰᱟᱨᱤ ᱫᱚ ᱥᱤᱧᱚᱛ ᱨᱮᱭᱟᱜ ᱫᱟᱨᱡᱤᱞᱤᱝ ᱦᱚᱱᱚᱛ ᱨᱮᱭᱟᱜ ᱵᱟᱱᱟ ᱯᱩᱴᱴᱟᱵᱳᱝ ᱟᱹᱛᱩ ᱨᱮ ᱑᱔ ᱢᱮ ᱑᱙᱔᱙ ᱥᱮᱨᱢᱟ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱢᱤᱫ ᱠᱤᱥᱟᱹᱬ ᱞᱟᱠᱪᱟᱨ ᱟᱨ ᱟᱹᱨᱤᱪᱟᱹᱞᱤ ᱨᱟᱭ ᱜᱷᱟᱨᱚᱸᱡᱽ ᱨᱮᱱ ᱠᱟᱱᱟᱭ ᱾ ᱩᱱᱤ ᱫᱚ ᱮᱛᱚᱦᱚᱵ-ᱡᱮᱜᱮᱛ ᱵᱤᱨᱫᱟᱹᱜᱟᱲ ᱛᱷᱚᱠ ᱫᱷᱟᱹᱵᱤᱡ ᱮ ᱯᱟᱲᱦᱟᱣ ᱟᱠᱟᱱᱟ ᱾[᱒] ᱫᱤᱞ ᱠᱩᱢᱟᱨᱤ ᱵᱷᱟᱱᱰᱟᱨᱤ ᱫᱚ ᱥᱤᱠᱠᱤᱢ ᱠᱷᱚᱱ ᱵᱟᱨ ᱫᱷᱟᱣ ᱢᱮ ᱑᱙᱘᱕ ᱠᱷᱚᱱ ᱒᱗ ᱱᱚᱵᱷᱮᱢᱵᱚᱨ ᱑᱙᱘᱙ ᱟᱨ ᱒᱐ ᱡᱩᱱ ᱑᱙᱙᱑ ᱠᱷᱚᱱ ᱑᱐ ᱢᱮ ᱑᱙᱙᱖ ᱨᱮ ᱥᱚᱝᱥᱚᱫ ᱨᱮᱱ ᱥᱚᱦᱮᱫ ᱮ ᱵᱟᱪᱷᱟᱣ ᱞᱮᱱᱟ ᱾[᱓]

ᱠᱟᱹᱢᱤ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱱᱤ ᱫᱚ ᱢᱤᱫ ᱢᱟᱪᱮᱫ, ᱥᱟᱶᱛᱟ ᱠᱟᱹᱢᱤᱭᱟᱹ ᱟᱨ ᱡᱟᱨᱱᱟᱞᱤᱥᱴ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱟ ᱾[᱔]

ᱨᱟᱡᱽᱟᱹᱨᱤ ᱡᱤᱭᱚᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱘᱔ ᱨᱮ ᱥᱤᱠᱠᱤᱢ ᱨᱮᱭᱟᱜ ᱘ ᱟᱱ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱨᱮ, ᱱᱚᱨ ᱵᱟᱦᱟᱫᱩᱨ ᱵᱷᱟᱱᱰᱟᱨᱤ ᱘᱖,᱐᱒᱔ ᱥᱤᱴ ᱢᱩᱸᱫᱽ ᱨᱮ ᱕᱖,᱖᱑᱔ ᱜᱚᱴᱟᱱ ᱥᱤᱴ ᱧᱟᱢ ᱠᱟᱛᱮ ᱮ ᱡᱤᱛᱟᱹᱣ ᱮᱱᱟ ᱾ ᱱᱚᱣᱟ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱫᱤᱞ ᱠᱩᱢᱟᱨᱤ ᱵᱷᱟᱱᱰᱟᱨᱤ ᱮ ᱦᱤᱨᱟᱹᱣ ᱮᱱᱟ ᱾ ᱢᱮᱱᱠᱷᱟᱱ ᱱᱚᱨ ᱵᱟᱦᱟᱫᱩᱨ ᱵᱷᱟᱱᱰᱟᱨᱤ ᱟᱡᱟᱜ ᱥᱚᱝᱥᱚᱫ ᱨᱮᱭᱟᱜ ᱦᱩᱫᱟᱹ ᱟᱨᱟᱜ ᱦᱩᱭ ᱞᱮᱱ ᱛᱟᱭᱟ, ᱪᱮᱫᱟᱜ ᱥᱮ ᱩᱱᱤ ᱯᱚᱱᱚᱛ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱦᱩᱭ ᱞᱟᱹᱜᱤᱫ ᱛᱮ ᱵᱤᱫᱷᱟᱱᱥᱚᱵᱷᱟ ᱨᱮᱭ ᱵᱟᱪᱷᱟᱣ ᱞᱮᱱᱟ ᱾ ᱚᱱᱟ ᱠᱷᱟᱹᱛᱤᱨ ᱛᱮ, ᱑᱙᱘᱕ ᱥᱮᱨᱢᱟ ᱨᱮᱭᱟᱜ ᱮᱯᱨᱤᱞ ᱪᱟᱸᱫᱚ ᱨᱮ ᱢᱤᱫ ᱩᱯᱚᱼᱵᱟᱪᱷᱱᱟᱣ ᱨᱮᱭᱟᱜ ᱟᱨᱫᱟᱥ ᱮᱢ ᱦᱩᱭ ᱞᱮᱱᱟ ᱡᱟᱦᱟᱸ ᱨᱮ ᱫᱤᱞ ᱠᱩᱢᱟᱨᱤ ᱵᱷᱟᱱᱰᱟᱨᱤ ᱥᱟᱶᱛᱮ ᱟᱨᱦᱚᱸ ᱟᱨᱮ ᱜᱚᱴᱟᱱ ᱦᱚᱲ ᱧᱩᱛᱩᱢ ᱠᱚ ᱮᱢ ᱞᱮᱫᱟ ᱾ ᱢᱮᱱᱠᱷᱟᱱ ᱜᱮᱞᱢᱤᱫ ᱴᱟᱲᱟᱝ ᱢᱩᱸᱫᱽ ᱨᱮ, ᱫᱤᱞ ᱠᱩᱢᱟᱨᱤ ᱵᱷᱟᱱᱰᱟᱨᱤ ᱵᱟᱫᱽ ᱠᱟᱛᱮ ᱥᱟᱱᱟᱢ ᱦᱚᱲ ᱟᱠᱚᱣᱟᱜ ᱧᱩᱛᱩᱢ ᱠᱚ ᱦᱟᱛᱟᱣ ᱨᱩᱣᱟᱹᱲ ᱠᱮᱫᱟ ᱾ ᱚᱱᱟ ᱨᱮᱭᱟᱜ ᱚᱨᱡᱚ ᱞᱮᱠᱟᱛᱮ, ᱩᱱᱤ ᱫᱚ ᱵᱤᱱᱟᱹ ᱵᱤᱨᱳᱫᱷ ᱛᱮ ᱵᱟᱪᱷᱱᱟᱣ ᱮᱱᱟᱭ ᱢᱮᱱᱛᱮ ᱠᱚ ᱩᱪᱷᱟᱹᱱ ᱠᱮᱫᱟ ᱟᱨ ᱩᱱᱤ ᱒᱗ ᱱᱚᱵᱷᱮᱢᱵᱚᱨ ᱑᱙᱘᱙ ᱦᱟᱹᱵᱤᱫ ᱵᱤᱫᱷᱟᱱᱥᱚᱵᱷᱟ ᱨᱮᱭ ᱥᱮᱵᱟ ᱞᱮᱫᱟ ᱾

᱑᱙᱘᱙ ᱥᱮᱨᱢᱟ ᱨᱮ ᱥᱤᱠᱠᱤᱢ ᱠᱷᱚᱱ ᱙ ᱟᱱ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱨᱮ, ᱫᱤᱞ ᱠᱩᱢᱟᱨᱤ ᱵᱷᱟᱱᱰᱟᱨᱤ (ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ) ᱑,᱓᱓,᱖᱙᱙ ᱥᱤᱴ ᱢᱩᱸᱫᱽ ᱨᱮ ᱠᱷᱟᱹᱞᱤ ᱒᱔,᱘᱒᱒ ᱥᱤᱴ ᱮ ᱧᱟᱢ ᱞᱮᱫᱟ ᱢᱮᱱᱠᱷᱟᱱ ᱡᱤᱛᱠᱟᱹᱨᱤᱭᱟᱹ ᱱᱚᱸᱫᱩ ᱛᱷᱟᱯᱟ (ᱥᱤᱠᱠᱤᱢ ᱥᱚᱝᱜᱽᱨᱟᱢ ᱯᱚᱨᱤᱥᱚᱫᱽ) ᱙᱑,᱖᱐᱘ ᱜᱚᱴᱟᱱ ᱥᱤᱴ ᱮ ᱧᱟᱢ ᱞᱮᱫᱟ ᱾[᱕]

᱑᱙᱙᱑ ᱥᱮᱨᱢᱟ ᱨᱮ ᱥᱤᱠᱠᱤᱢ ᱠᱷᱚᱱ ᱑᱐ ᱟᱱ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱨᱮ, ᱫᱤᱞ ᱠᱩᱢᱟᱨᱤ ᱵᱷᱟᱱᱰᱟᱨᱤ, ᱡᱟᱦᱟᱸ ᱫᱚ ᱥᱤᱠᱠᱤᱢ ᱥᱚᱝᱜᱽᱨᱟᱢ ᱯᱚᱨᱤᱥᱚᱫᱽ ᱨᱮ ᱨᱩᱣᱟᱹᱲ ᱞᱮᱱᱟ, ᱑,᱑᱘,᱕᱐᱒ ᱜᱚᱴᱟᱱ ᱵᱷᱳᱴ ᱢᱩᱸᱫᱽ ᱨᱮ ᱑,᱐᱓,᱙᱗᱐ ᱜᱚᱴᱟᱱ ᱵᱷᱳᱴ ᱧᱟᱢ ᱠᱟᱛᱮ, ᱒᱐ ᱡᱩᱱ ᱑᱙᱙᱑ ᱦᱟᱹᱵᱤᱫ ᱵᱤᱫᱷᱟᱱᱥᱚᱵᱷᱟ ᱨᱮ ᱥᱮᱵᱟ ᱟᱠᱟ ᱜᱮᱭ ᱛᱟᱦᱮᱸ ᱠᱟᱱᱟ ᱾[᱖]

ᱟᱯᱱᱟᱨᱟᱜ ᱡᱤᱭᱚᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱱᱤ ᱫᱚ ᱱᱚᱨ ᱵᱟᱦᱟᱫᱩᱨ ᱵᱷᱟᱱᱰᱟᱨᱤ ᱥᱟᱶ ᱮ ᱵᱟᱯᱞᱟ ᱞᱮᱱᱟ, ᱡᱟᱦᱟᱸᱭ ᱫᱚ ᱛᱟᱭᱚᱢ ᱛᱮ ᱒᱘ ᱢᱟᱨᱪ ᱑᱙᱖᱗ ᱨᱮ ᱥᱤᱠᱠᱤᱢ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱮ ᱵᱮᱱᱟᱣ ᱞᱮᱱᱟ ᱾ ᱩᱱᱤ ᱫᱚ ᱵᱟᱨᱭᱟ ᱠᱚᱲᱟ ᱟᱨ ᱯᱮᱭᱟ ᱠᱩᱲᱤ ᱨᱮ ᱜᱚᱜᱚ ᱠᱟᱱᱟᱭ ᱾[᱗]

ᱢᱟᱹᱱ ᱟᱨ ᱥᱤᱨᱯᱷᱟᱹ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱤᱞ ᱠᱩᱢᱟᱨᱤ ᱵᱷᱟᱱᱰᱟᱨᱤ ᱫᱚ ᱥᱤᱧᱚᱛᱤᱭᱟᱹ ᱥᱚᱝᱵᱤᱫᱷᱟᱱ ᱨᱮᱭᱟᱜ ᱤᱨᱟᱹᱞᱟᱱ ᱛᱷᱚᱠ ᱨᱮ ᱱᱮᱯᱟᱞᱤ ᱯᱟᱹᱨᱥᱤ ᱥᱮᱞᱮᱫ ᱚᱪᱚᱭ ᱞᱟᱹᱜᱤᱫ ᱛᱮ, ᱒᱐᱑᱖ ᱨᱮᱭᱟᱜ ᱥᱤᱠᱠᱤᱢ ᱥᱮᱣᱟ ᱨᱚᱛᱱᱚ, ᱯᱚᱱᱚᱛ ᱨᱮᱭᱟᱜ ᱫᱚᱥᱟᱨ ᱢᱟᱨᱟᱝ ᱱᱟᱹᱜᱟᱹᱨᱤᱭᱟᱹ ᱢᱟᱹᱱ ᱛᱮᱠᱚ ᱢᱟᱹᱱ ᱵᱮᱵᱷᱟᱨ ᱞᱮᱫᱮᱭᱟ ᱾[᱘]

ᱩᱱᱤ ᱫᱚ ᱦᱟᱢᱨᱳ ᱥᱣᱚᱵᱷᱤᱢᱟᱱ ᱠᱷᱚᱱ ᱜᱳᱣᱨᱚᱵᱷ ᱥᱤᱨᱯᱷᱟᱹ ᱦᱟᱢᱮᱴᱤᱭᱟᱹ ᱦᱚᱸ ᱠᱟᱱᱟᱭ ᱾[᱙]

ᱥᱟᱹᱠᱷᱟᱹᱭᱟᱹᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  1. ↑ "5 Parliamentarians Who Helped Sikkim Become a Flourishing State". Nelive (in ᱟᱝᱜᱽᱨᱮᱡᱤ). 2016-12-19. Retrieved 2017-07-29.
  2. ↑ "Bio-Data of Member of X Lok Sabha". www.indiapress.org. Retrieved 2017-07-29.
  3. ↑ http://www.parliamentofindia.nic.in/ls/lok10/mp73.htm.
  4. ↑ "Bio-Data of Member of X Lok Sabha". www.indiapress.org. Retrieved 2017-07-29.
  5. ↑ Lama, Mahendra P. (1994). Sikkim: Society, Polity, Economy, Environment (in ᱟᱝᱜᱽᱨᱮᱡᱤ). Indus Publishing. ISBN 9788173870132.
  6. ↑ Lama, Mahendra P. (1994). Sikkim: Society, Polity, Economy, Environment (in ᱟᱝᱜᱽᱨᱮᱡᱤ). Indus Publishing. ISBN 9788173870132.
  7. ↑ "Bio-Data of Member of X Lok Sabha". www.indiapress.org. Retrieved 2017-07-29.
  8. ↑ "Sikkim Sewa Ratna conferred on 42nd State Day". India.com (in ᱟᱝᱜᱽᱨᱮᱡᱤ). Press Trust of India. 2016-05-17. Retrieved 2017-07-29.
  9. ↑ "Gaurav Awardee | Hamro Swabhiman". hamroswabhiman.com (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2017-07-29.