ᱫᱤᱠᱥᱟ ᱰᱟᱜᱚᱨ
ᱫᱤᱠᱥᱟ ᱰᱟᱜᱚᱨ (ᱡᱟᱱᱟᱢ ᱑᱔ ᱰᱤᱥᱮᱢᱵᱚᱨ ᱒᱐᱐᱐) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱯᱨᱚᱯᱷᱮᱥᱚᱱᱟᱞ ᱜᱚᱞᱯᱷᱟᱨ ᱠᱟᱱᱟᱭ ᱡᱟᱦᱟᱸᱭ ᱫᱚ ᱠᱟᱹᱞᱤ ᱜᱮᱭᱟᱭ, ᱢᱮᱱᱮᱫ ᱵᱟᱭ ᱟᱧᱡᱚᱢ ᱫᱟᱲᱮᱭᱟᱜᱼᱟ᱾ ᱱᱚᱵᱷᱮᱢᱵᱚᱨ ᱒᱐᱑᱕ ᱠᱷᱚᱱ ᱩᱱᱤ ᱫᱚ ᱵᱷᱟᱨᱚᱛ ᱨᱮᱱᱤᱡ ᱟᱹᱜᱩᱣᱟᱹᱱ ᱮᱢᱮᱪᱩᱨ ᱞᱮᱰᱤᱥ ᱜᱚᱞᱯᱷᱟᱨ ᱮ ᱵᱮᱱᱟᱣ ᱮᱱᱟ᱾ ᱫᱤᱠᱥᱟ ᱰᱟᱜᱚᱨ ᱫᱚ ᱒᱐᱑᱗ ᱥᱟᱢᱟᱨ ᱰᱮᱯᱷᱞᱤᱢᱯᱤᱠᱥ ᱨᱮ ᱵᱷᱟᱨᱚᱛ ᱮ ᱨᱤᱯᱨᱮᱡᱮᱱᱴ ᱞᱮᱫᱟ ᱡᱟᱦᱟᱸᱨᱮ ᱜᱚᱞᱯᱷ ᱫᱚ ᱯᱩᱭᱞᱩ ᱫᱷᱟᱣ ᱥᱟᱢᱟᱨ ᱰᱮᱯᱷᱞᱤᱢᱯᱤᱠᱥ ᱨᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱟᱨ ᱛᱤᱨᱞᱟᱹ ᱠᱚᱣᱟᱜ ᱵᱷᱮᱜᱟᱨ ᱜᱚᱞᱯᱷ ᱤᱵᱷᱮᱱᱴ ᱨᱮᱭ ᱦᱮᱯᱨᱟᱣ ᱞᱮᱫᱟ ᱡᱟᱦᱟᱸᱨᱮ ᱩᱱᱤ ᱫᱚ ᱥᱤᱞᱵᱷᱚᱨ ᱢᱮᱰᱟᱞ ᱮ ᱟᱢᱮᱴ ᱞᱮᱫᱟ᱾ ᱫᱤᱠᱥᱟ ᱫᱚ ᱒᱐᱑᱘ ᱮᱥᱤᱭᱟᱱ ᱜᱮᱢᱥ ᱨᱮ ᱵᱷᱟᱨᱚᱛ ᱨᱤᱯᱨᱮᱡᱮᱱᱴ ᱞᱟᱹᱜᱤᱫ ᱦᱚᱸ ᱠᱣᱟᱞᱤᱯᱷᱟᱭ ᱞᱮᱱ ᱛᱟᱦᱮᱸᱫ᱾ ᱩᱱᱤ ᱫᱚ ᱵᱷᱟᱨᱚᱛ ᱨᱮ ᱦᱟᱨᱟ ᱵᱩᱨᱩᱜ ᱠᱟᱱ ᱮᱢᱮᱪᱩᱨ ᱜᱚᱞᱯᱷᱟᱨ ᱠᱚ ᱢᱩᱫᱽ ᱨᱮ ᱦᱚᱸ ᱢᱤᱫ ᱦᱚᱲ ᱠᱟᱱᱟᱭ᱾ ᱒᱐᱑᱙ ᱨᱮ, ᱩᱱᱤ ᱫᱚ ᱟᱫᱤᱛᱤ ᱟᱥᱳᱠ ᱛᱟᱭᱚᱢ ᱞᱮᱰᱤᱥ ᱤᱭᱩᱨᱳᱯᱤᱭᱟᱱ ᱴᱩᱨ ᱨᱮ ᱡᱤᱛᱠᱟᱹᱨᱚᱜ ᱠᱟᱱ ᱫᱚᱥᱟᱨ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱜᱚᱞᱯᱷᱟᱨ ᱮ ᱵᱮᱱᱟᱣ ᱮᱱᱟ ᱟᱨ ᱑᱘ ᱥᱮᱨᱢᱟ ᱩᱢᱮᱨ ᱨᱮ ᱚᱱᱟ ᱠᱟᱹᱢᱤ ᱠᱟᱹᱢᱤ ᱠᱟᱛᱮ ᱡᱚᱛᱚ ᱠᱷᱚᱱ ᱠᱚᱢ ᱩᱢᱮᱨᱟᱱ ᱵᱷᱟᱨᱚᱛᱤᱭᱚ ᱛᱤᱨᱞᱟᱹᱭ ᱵᱮᱱᱟᱣ ᱮᱱᱟ᱾
ᱡᱩᱞᱟᱭ ᱒᱐᱒᱑ ᱨᱮ, ᱩᱱᱤ ᱫᱚ ᱡᱮᱜᱮᱛᱟᱹᱨᱤ ᱜᱚᱞᱯᱷ ᱯᱷᱮᱰᱟᱨᱮᱥᱚᱱ ᱠᱷᱚᱱ ᱢᱤᱫ ᱦᱟᱦᱲᱟ ᱜᱮ ᱱᱮᱣᱛᱟ ᱧᱟᱢ ᱠᱮᱫᱟ ᱡᱮ ᱩᱱᱤ ᱫᱚ ᱒᱐᱒᱐ ᱥᱟᱢᱟᱨ ᱚᱞᱤᱢᱯᱤᱠᱥ ᱨᱮ ᱛᱤᱨᱞᱟᱹ ᱠᱚᱣᱟᱜ ᱵᱷᱮᱜᱟᱨ ᱤᱵᱷᱮᱱᱴ ᱨᱮᱭ ᱦᱮᱯᱨᱟᱣᱟ, ᱱᱚᱣᱟ ᱫᱚ ᱫᱟᱠᱷᱤᱱ ᱟᱯᱷᱨᱤᱠᱟᱱ ᱜᱚᱞᱯᱷᱟᱨ ᱯᱳᱞᱟ ᱨᱮᱴᱳ ᱟᱜ ᱢᱩᱪᱟᱹᱫ ᱨᱮ ᱟᱬᱜᱚ ᱤᱫᱤ ᱠᱟᱛᱮ ᱦᱩᱭ ᱞᱮᱱᱟ᱾ ᱢᱩᱪᱟᱹᱫ ᱨᱮ ᱩᱱᱤ ᱫᱚ ᱱᱟᱜᱟᱢ ᱨᱮ ᱯᱩᱭᱞᱩ ᱜᱚᱞᱯᱷᱟᱨ ᱮ ᱵᱮᱱᱟᱣ ᱮᱱᱟ ᱡᱟᱦᱟᱸᱭ ᱫᱚ ᱚᱞᱤᱢᱯᱤᱠᱥ ᱟᱨ ᱰᱮᱯᱷᱞᱤᱢᱯᱤᱠᱥ ᱵᱟᱱᱟᱨ ᱨᱮᱭ ᱦᱮᱯᱨᱟᱣ ᱟᱠᱟᱫᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱤᱠᱥᱟ ᱫᱚ ᱑᱔ ᱰᱤᱥᱮᱢᱵᱚᱨ ᱒᱐᱐᱐ ᱨᱮ ᱡᱟᱱᱟᱢ ᱞᱮᱱᱟ ᱟᱨ ᱛᱩᱨᱩᱭ ᱥᱮᱨᱢᱟ ᱩᱢᱮᱨ ᱠᱷᱚᱱ ᱜᱮ ᱟᱸᱡᱚᱢ ᱜᱚᱲᱚ ᱮ ᱦᱚᱨᱚᱜ ᱮᱛᱚᱦᱚᱵ ᱠᱮᱫᱟ᱾ ᱩᱱᱤ ᱫᱚ ᱮᱭᱟᱭ ᱥᱮᱨᱢᱟ ᱩᱢᱮᱨ ᱠᱷᱚᱱ ᱜᱮ ᱜᱚᱞᱯᱷ ᱮ ᱠᱷᱮᱞ ᱮᱛᱚᱦᱚᱵ ᱠᱮᱫᱟ, ᱟᱡᱤᱡ ᱵᱚᱭᱦᱟ ᱭᱳᱜᱮᱥ ᱰᱟᱜᱚᱨ ᱥᱟᱶᱛᱮ, ᱡᱟᱦᱟᱸᱭ ᱫᱚ ᱟᱹᱰᱤ ᱜᱮ ᱵᱟᱹᱭᱨᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱟᱡ ᱵᱟᱵᱟ ᱠᱚᱞ ᱱᱚᱨᱤᱱᱫᱟᱨ ᱰᱟᱜᱚᱨ ᱮ ᱠᱳᱪ ᱮ ᱮᱢᱟᱫᱮ ᱛᱟᱦᱮᱸᱫ, ᱡᱟᱦᱟᱸᱭ ᱫᱚ ᱟᱨᱢᱤ ᱨᱮᱭ ᱠᱟᱹᱢᱤ ᱠᱟᱱ ᱢᱟᱨᱮ ᱥᱠᱨᱮᱪ ᱜᱚᱞᱯᱷᱟᱨ ᱠᱟᱱᱟᱭ᱾ ᱩᱱᱤ ᱫᱚ ᱥᱟᱨᱵᱤᱭᱟᱱ ᱴᱮᱱᱤᱥ ᱠᱷᱮᱞᱚᱸᱰᱤᱭᱟᱹ ᱱᱳᱵᱟᱠ ᱰᱡᱳᱠᱳᱵᱤᱪ ᱟᱨ ᱟᱢᱮᱨᱤᱠᱟᱱ ᱜᱚᱞᱯᱷᱟᱨ ᱴᱟᱭᱜᱟᱨ ᱣᱩᱰᱥ ᱫᱚ ᱟᱡᱤᱡ ᱤᱱᱥᱯᱤᱨᱮᱥᱚᱱᱟᱞ ᱨᱳᱞ ᱢᱳᱰᱮᱞ ᱢᱮᱱᱛᱮᱭ ᱢᱟᱱᱟᱣ ᱠᱤᱱᱟ᱾
ᱮᱛᱚᱦᱚᱵ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱒᱐᱑᱒ ᱨᱮ ᱮᱢᱮᱪᱩᱨ ᱞᱮᱵᱷᱮᱞ ᱨᱮ ᱞᱮᱯᱷᱴ-ᱦᱮᱸᱰᱟᱨ ᱞᱮᱠᱟᱛᱮ ᱜᱚᱞᱯᱷ ᱮ ᱠᱷᱮᱞ ᱮᱛᱚᱦᱚᱵ ᱠᱮᱫᱟ ᱟᱨ ᱟᱡᱟᱜ ᱮᱛᱚᱦᱚᱵ ᱠᱟᱹᱢᱤ ᱚᱠᱛᱚ ᱨᱮ ᱟᱹᱰᱤ ᱱᱟᱯᱟᱭ ᱜᱮ ᱡᱤᱞᱤᱧ ᱮ ᱥᱴᱨᱟᱭᱤᱠ ᱮᱫ ᱛᱟᱦᱮᱸᱫ᱾ ᱱᱚᱵᱷᱮᱢᱵᱚᱨ ᱒᱐᱑᱕ ᱨᱮ, ᱩᱱᱤ ᱫᱚ ᱞᱮᱰᱤᱥ ᱤᱭᱩᱨᱳᱯᱤᱭᱟᱱ ᱴᱩᱨ ᱨᱮ ᱦᱤᱨᱳ ᱣᱩᱢᱮᱱᱥ ᱤᱱᱰᱤᱭᱟᱱ ᱳᱯᱮᱱ ᱨᱮ ᱞᱳ ᱮᱢᱮᱪᱩᱨ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱒᱐᱑᱒ ᱨᱮ ᱮᱢᱮᱪᱩᱨ ᱥᱟᱨᱠᱤᱴ ᱨᱮ ᱥᱮᱞᱮᱫ ᱠᱷᱚᱱ ᱟᱹᱰᱤ ᱜᱟᱱ ᱮᱢᱮᱪᱩᱨ ᱜᱚᱞᱯᱷ ᱯᱨᱚᱯᱷᱮᱥᱚᱱᱟᱞ ᱴᱩᱨᱱᱟᱢᱮᱱᱴ ᱮ ᱡᱤᱛᱠᱟᱹᱨ ᱟᱠᱟᱫᱟ᱾ ᱒᱐᱑᱖ ᱨᱮ, ᱩᱱᱤ ᱫᱚ ᱑᱘ ᱠᱷᱚᱱ ᱠᱚᱢ ᱛᱷᱚᱠ ᱨᱮ ᱡᱮᱜᱮᱛ ᱨᱮᱱᱟᱜ ᱨᱮᱸᱠᱤᱝ ᱨᱮ ᱪᱮᱛᱟᱱ ᱕᱐᱐ ᱵᱷᱤᱛᱨᱤ ᱨᱮ ᱨᱮᱸᱠ ᱮ ᱧᱟᱢ ᱟᱠᱟᱫ ᱢᱤᱫ ᱵᱷᱟᱨᱚᱛᱤᱭᱚ ᱜᱚᱞᱯᱷᱟᱨ ᱮ ᱵᱮᱱᱟᱣ ᱮᱱᱟ᱾
᱒᱐᱑᱗ ᱨᱮ, ᱩᱱᱤ ᱫᱚ ᱦᱤᱨᱳ ᱣᱩᱢᱮᱱᱥ ᱯᱨᱳ ᱜᱚᱞᱯᱷ ᱴᱩᱨ ᱨᱮ ᱟᱡᱟᱜ ᱯᱩᱭᱞᱩ ᱯᱨᱚᱯᱷᱮᱥᱚᱱᱟᱞ ᱤᱵᱷᱮᱱᱴ ᱮ ᱡᱤᱛᱠᱟᱹᱨ ᱠᱮᱫᱟ᱾ ᱢᱟᱨᱪ ᱒᱐᱑᱘ ᱨᱮ, ᱩᱱᱤ ᱫᱚ ᱥᱤᱝᱜᱟᱯᱳᱨ ᱞᱮᱰᱤᱥ ᱮᱢᱮᱪᱩᱨ ᱳᱯᱮᱱ ᱮ ᱡᱤᱛᱠᱟᱹᱨ ᱠᱮᱫᱟ᱾ ᱫᱤᱠᱥᱟ ᱰᱟᱜᱚᱨ ᱦᱚᱸ ᱛᱷᱟᱭᱞᱮᱱᱰ ᱨᱮᱱᱟᱜ ᱠᱩᱭᱤᱱ ᱥᱤᱨᱤᱠᱤᱴ ᱠᱟᱯ ᱱᱟᱜᱟᱢ ᱨᱮ ᱢᱤᱫ ᱵᱷᱟᱨᱚᱛᱤᱭᱚ ᱦᱚᱛᱮᱛᱮ ᱡᱚᱛᱚ ᱠᱷᱚᱱ ᱵᱮᱥ ᱥᱠᱳᱨ ᱮ ᱨᱮᱠᱳᱨᱰ ᱠᱮᱫᱟ ᱡᱚᱠᱷᱚᱱ ᱩᱱᱤ ᱫᱚ ᱡᱩᱱ ᱒᱐᱑᱘ ᱨᱮ ᱯᱮ ᱟᱱᱰᱟᱨ ᱖᱙ ᱨᱮᱱᱟᱜ ᱥᱠᱳᱨ ᱥᱟᱶ ᱱᱚᱣᱟᱭ ᱟᱢᱮᱴ ᱠᱮᱫᱟ ᱟᱨ ᱛᱤᱨᱞᱟᱹ ᱠᱚᱣᱟᱜ ᱴᱤᱢ ᱤᱵᱷᱮᱱᱴ ᱨᱮ ᱵᱷᱟᱨᱚᱛᱤᱭᱚ ᱴᱤᱢ ᱫᱚ ᱛᱩᱨᱩᱭᱟᱜ ᱴᱷᱟᱶ ᱨᱮ ᱛᱟᱦᱮᱸ ᱮᱱᱟ᱾ ᱩᱱᱤ ᱫᱚ ᱯᱮ ᱫᱤᱱ ᱪᱮᱛᱟᱱ ᱨᱮ ᱯᱩᱱ ᱟᱱᱰᱟᱨ ᱮ ᱴᱳᱴᱟᱞ ᱠᱮᱫᱟ, ᱠᱩᱭᱤᱱ ᱥᱤᱨᱤᱠᱤᱴ ᱠᱟᱯ ᱱᱟᱜᱟᱢ ᱨᱮ ᱡᱟᱦᱟᱸ ᱫᱚ ᱡᱟᱦᱟᱸᱱ ᱵᱷᱟᱨᱚᱛᱤᱭᱚ ᱦᱚᱛᱮᱛᱮ ᱦᱩᱭ ᱟᱠᱟᱱ ᱡᱚᱛᱚ ᱠᱷᱚᱱ ᱠᱚᱢ ᱛᱟᱦᱮᱸ ᱠᱟᱱᱟ᱾
ᱫᱤᱠᱥᱟ ᱫᱚ ᱒᱐᱑᱗ ᱥᱟᱢᱟᱨ ᱰᱮᱯᱷᱞᱤᱢᱯᱤᱠᱥ ᱨᱮ ᱵᱷᱟᱨᱚᱛᱤᱭᱚ ᱰᱮᱞᱤᱜᱮᱥᱚᱱ ᱨᱮᱱᱟᱜ ᱦᱟᱹᱴᱤᱧ ᱞᱮᱠᱟᱛᱮ ᱢᱮᱰᱟᱞ ᱧᱟᱢ ᱟᱠᱟᱫ ᱠᱷᱮᱞᱚᱸᱰᱤᱭᱟᱹ ᱠᱚ ᱢᱩᱫᱽ ᱨᱮ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱨᱮ ᱩᱱᱤ ᱫᱚ ᱛᱤᱨᱞᱟᱹ ᱠᱚᱣᱟᱜ ᱵᱷᱮᱜᱟᱨ ᱜᱚᱞᱯᱷ ᱤᱵᱷᱮᱱᱴ ᱨᱮ ᱢᱤᱫ ᱥᱤᱞᱵᱷᱚᱨ ᱢᱮᱰᱟᱞ ᱮ ᱟᱢᱮᱴ ᱞᱮᱫᱟ ᱟᱨ ᱜᱚᱞᱯᱷ ᱨᱮᱱᱟᱜ ᱥᱯᱳᱨᱴᱥ ᱨᱮ ᱰᱮᱯᱷᱞᱤᱢᱯᱤᱠ ᱢᱮᱰᱟᱞ ᱦᱟᱢᱮᱴ ᱟᱠᱟᱫ ᱯᱩᱭᱞᱩ ᱵᱷᱟᱨᱚᱛᱤᱭᱚ ᱦᱚᱸᱭ ᱵᱮᱱᱟᱣ ᱮᱱᱟ᱾
ᱮᱯᱨᱤᱞ ᱒᱐᱑᱘ ᱨᱮ, ᱩᱱᱤ ᱫᱚ ᱵᱷᱟᱨᱚᱛᱤᱭᱚ ᱥᱠᱣᱟᱰ ᱨᱮ ᱧᱩᱛᱩᱢ ᱟᱠᱟᱱ ᱛᱩᱨᱩᱭ ᱮᱴᱟᱜ ᱜᱚᱞᱯᱷᱟᱨ ᱠᱚ ᱥᱟᱶ ᱒᱐᱑᱘ ᱮᱥᱤᱭᱟᱱ ᱜᱮᱢᱥ ᱨᱮ ᱦᱟᱹᱴᱤᱧ ᱦᱟᱛᱟᱣ ᱞᱟᱹᱜᱤᱫ ᱯᱟᱥᱱᱟᱣ ᱦᱩᱭ ᱞᱮᱱ ᱛᱟᱦᱮᱸᱫ ᱟᱨ ᱜᱚᱞᱯᱷ ᱦᱮᱯᱨᱟᱣ ᱨᱮᱱᱟᱜ ᱦᱟᱹᱴᱤᱧ ᱞᱮᱠᱟᱛᱮ ᱵᱟᱱᱟᱨ ᱛᱤᱨᱞᱟᱹ ᱠᱚᱣᱟᱜ ᱵᱷᱮᱜᱟᱨ ᱟᱨ ᱴᱤᱢ ᱤᱵᱷᱮᱱᱴ ᱨᱮᱭ ᱦᱮᱯᱨᱟᱣ ᱞᱮᱫᱟ᱾
ᱯᱨᱚᱯᱷᱮᱥᱚᱱᱟᱞ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱰᱟᱜᱚᱨ ᱫᱚ ᱮᱛᱚᱦᱚᱵ ᱒᱐᱑᱙ ᱨᱮ ᱯᱨᱚᱯᱷᱮᱥᱚᱱᱟᱞ ᱮ ᱵᱮᱱᱟᱣ ᱮᱱᱟ᱾ ᱢᱟᱨᱪ ᱒᱐᱑᱙ ᱨᱮ, ᱩᱱᱤ ᱫᱚ ᱒᱐᱑᱙ ᱤᱱᱵᱷᱮᱥᱴᱮᱠ ᱫᱟᱠᱷᱤᱱ ᱟᱯᱷᱨᱤᱠᱟᱱ ᱣᱩᱢᱮᱱᱥ ᱳᱯᱮᱱ ᱮ ᱡᱤᱛᱠᱟᱹᱨ ᱠᱮᱫᱟ, ᱱᱚᱣᱟ ᱫᱚ ᱒᱐᱑᱙ ᱞᱮᱰᱤᱥ ᱤᱭᱩᱨᱳᱯᱤᱭᱟᱱ ᱴᱩᱨ ᱨᱮᱱᱟᱜ ᱢᱤᱫ ᱴᱩᱨᱱᱟᱢᱮᱱᱴ ᱠᱟᱱᱟ᱾ ᱱᱚᱣᱟ ᱫᱚ ᱯᱨᱚᱯᱷᱮᱥᱚᱱᱟᱞ ᱞᱮᱠᱟᱛᱮ ᱟᱡᱟᱜ ᱯᱩᱭᱞᱩ ᱡᱤᱛᱠᱟᱹᱨ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱨᱮ ᱩᱱᱤ ᱫᱚ ᱑᱘ ᱥᱮᱨᱢᱟ ᱩᱢᱮᱨ ᱨᱮ ᱞᱮᱰᱤᱥ ᱤᱭᱩᱨᱳᱯᱤᱭᱟᱱ ᱴᱩᱨ ᱨᱮ ᱴᱟᱭᱤᱴᱚᱞ ᱟᱢᱮᱴ ᱟᱠᱟᱫ ᱵᱷᱟᱨᱚᱛ ᱨᱮᱱᱤᱡ ᱡᱚᱛᱚ ᱠᱷᱚᱱ ᱠᱚᱢ ᱩᱢᱮᱨᱟᱱ ᱛᱤᱨᱞᱟᱹᱭ ᱵᱮᱱᱟᱣ ᱮᱱᱟ᱾ ᱩᱱᱤ ᱫᱚ ᱫᱟᱠᱷᱤᱱ ᱟᱯᱷᱨᱤᱠᱟ ᱨᱮᱱᱤᱡ ᱯᱮ ᱫᱷᱟᱣ ᱪᱮᱢᱯᱤᱭᱟᱱ ᱞᱤ-ᱮᱱ ᱯᱮᱥ ᱫᱚ ᱢᱤᱫ ᱥᱳᱴ ᱛᱮᱭ ᱦᱟᱨᱟᱣ ᱠᱮᱫᱮᱭᱟ᱾ ᱩᱱᱤ ᱫᱚ ᱫᱟᱠᱷᱤᱱ ᱟᱯᱷᱨᱤᱠᱟᱱ ᱣᱩᱢᱮᱱᱥ ᱳᱯᱮᱱ ᱴᱟᱭᱤᱴᱚᱞ ᱟᱢᱮᱴ ᱟᱠᱟᱫ ᱯᱩᱭᱞᱩ ᱵᱷᱟᱨᱚᱛᱤᱭᱚ ᱮ ᱵᱮᱱᱟᱣ ᱮᱱᱟ ᱟᱨ ᱞᱮᱰᱤᱥ ᱤᱭᱩᱨᱳᱯᱤᱭᱟᱱ ᱴᱩᱨ ᱴᱟᱭᱤᱴᱚᱞ ᱟᱢᱮᱴ ᱞᱟᱹᱜᱤᱫ ᱫᱚᱥᱟᱨ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱠᱚ ᱢᱩᱪᱟᱹᱫ ᱠᱮᱫᱟ᱾ ᱱᱚᱵᱷᱮᱢᱵᱚᱨ ᱒᱐᱒᱐ ᱨᱮ, ᱩᱱᱤ ᱫᱚ ᱒᱐᱒᱐ ᱫᱩᱵᱟᱭ ᱳᱢᱮᱜᱟ ᱢᱩᱱᱞᱟᱭᱤᱴ ᱠᱞᱟᱥᱤᱠ ᱴᱩᱨᱱᱟᱢᱮᱱᱴ ᱨᱮᱭ ᱦᱮᱯᱨᱟᱣ ᱞᱮᱫᱟ᱾ ᱒᱐᱒᱐ ᱞᱮᱰᱤᱥ ᱥᱠᱳᱴᱤᱥ ᱳᱯᱮᱱ ᱚᱠᱛᱚ, ᱩᱱᱤ ᱫᱚ ᱵᱟᱨᱭᱟ ᱵᱷᱟᱨᱚᱛᱤᱭᱚ ᱜᱚᱞᱯᱷᱟᱨ ᱟᱫᱤᱛᱤ ᱟᱥᱳᱠ ᱟᱨ ᱴᱵᱷᱮᱥᱟ ᱢᱟᱞᱤᱠ ᱥᱟᱶ ᱞᱮᱰᱤᱥ ᱤᱭᱩᱨᱳᱯᱤᱭᱟᱱ ᱴᱩᱨ ᱨᱮ ᱢᱤᱫ ᱜᱮ ᱤᱵᱷᱮᱱᱴ ᱨᱮ ᱦᱟᱹᱴᱤᱧ ᱦᱟᱛᱟᱣ ᱟᱠᱟᱫ ᱵᱷᱟᱨᱚᱛ ᱠᱷᱚᱱ ᱜᱚᱞᱯᱷᱟᱨ ᱠᱚᱣᱟᱜ ᱯᱩᱭᱞᱩ ᱛᱨᱤᱭᱳ ᱮ ᱵᱮᱱᱟᱣ ᱮᱱᱟ᱾
ᱫᱤᱠᱥᱟ ᱫᱚ ᱒᱐᱒᱑ ᱞᱮᱰᱤᱥ ᱤᱭᱩᱨᱳᱯᱤᱭᱟᱱ ᱴᱩᱨ ᱨᱮᱱᱟᱜ ᱦᱟᱹᱴᱤᱧ ᱞᱮᱠᱟᱛᱮ ᱟᱨᱟᱢᱠᱳ ᱴᱤᱢ ᱥᱤᱨᱤᱡᱽ – ᱞᱚᱱᱰᱚᱱ ᱮ ᱡᱤᱛᱠᱟᱹᱨ ᱠᱮᱫᱟ ᱟᱨ ᱟᱫᱤᱛᱤ ᱟᱥᱳᱠ ᱛᱟᱭᱚᱢ ᱞᱮᱰᱤᱥ ᱤᱭᱩᱨᱳᱯᱤᱭᱟᱱ ᱴᱩᱨ ᱢᱤᱫ ᱫᱷᱟᱣ ᱠᱷᱚᱱ ᱵᱟᱹᱲᱛᱤ ᱡᱤᱛᱠᱟᱹᱨ ᱟᱠᱟᱫ ᱫᱚᱥᱟᱨ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱜᱚᱞᱯᱷᱟᱨ ᱮ ᱵᱮᱱᱟᱣ ᱮᱱᱟ᱾ ᱩᱱᱤ ᱫᱚ ᱒᱐᱒᱐ ᱥᱟᱢᱟᱨ ᱚᱞᱤᱢᱯᱤᱠᱥ ᱨᱮ ᱵᱷᱟᱨᱚᱛ ᱮ ᱨᱤᱯᱨᱮᱡᱮᱱᱴ ᱞᱮᱫᱟ ᱡᱟᱦᱟᱸ ᱫᱚ ᱚᱞᱤᱢᱯᱤᱠᱥ ᱨᱮ ᱟᱡᱟᱜ ᱯᱩᱭᱞᱩ ᱧᱮᱞ ᱡᱚᱝ ᱦᱚᱸ ᱵᱟᱰᱟᱭ ᱮᱱᱟ᱾ ᱚᱞᱤᱢᱯᱤᱠᱥ ᱨᱮ ᱦᱟᱹᱴᱤᱧ ᱦᱟᱛᱟᱣ ᱞᱟᱹᱜᱤᱫ ᱱᱮᱣᱛᱟ ᱧᱟᱢ ᱢᱟᱲᱟᱝ ᱨᱮ, ᱩᱱᱤ ᱫᱚ ᱟᱭᱮᱥᱯᱤᱮᱥ ᱦᱟᱱᱰᱟ ᱣᱟᱨᱞᱰ ᱤᱱᱵᱷᱟᱭᱤᱴᱮᱥᱚᱱᱟᱞ ᱴᱩᱨᱱᱟᱢᱮᱱᱴ ᱨᱮ ᱦᱟᱹᱴᱤᱧ ᱦᱟᱛᱟᱣ ᱞᱟᱹᱜᱤᱫ ᱛᱟᱦᱮᱸ ᱠᱟᱱᱟ, ᱱᱚᱣᱟ ᱫᱚ ᱩᱛᱛᱟᱨᱱ ᱟᱭᱟᱨᱞᱮᱱᱰ ᱨᱮ ᱒᱙ ᱡᱩᱞᱟᱭ ᱒᱐᱒᱑ ᱨᱮ ᱮᱛᱚᱦᱚᱵ ᱞᱮᱱᱟ᱾ ᱩᱱᱤ ᱫᱚ ᱚᱞᱤᱢᱯᱤᱠᱥ ᱨᱮ ᱦᱮᱯᱨᱟᱣ ᱟᱠᱟᱫ ᱠᱚᱢ ᱵᱟᱹᱭᱨᱟᱹ ᱦᱚᱲ ᱠᱚ ᱢᱩᱫᱽ ᱨᱮ ᱢᱤᱫ ᱦᱚᱲ ᱮ ᱵᱮᱱᱟᱣ ᱮᱱᱟ ᱟᱨ ᱩᱱᱤ ᱫᱚ ᱚᱞᱤᱢᱯᱤᱠᱥ ᱨᱮ ᱵᱷᱟᱨᱚᱛ ᱮ ᱨᱤᱯᱨᱮᱡᱮᱱᱴ ᱟᱠᱟᱫ ᱯᱩᱭᱞᱩ ᱵᱷᱟᱨᱚᱛᱤᱭᱚ ᱵᱟᱹᱭᱨᱟᱹ ᱥᱯᱳᱨᱴᱥᱯᱚᱨᱥᱚᱱ ᱦᱚᱸᱭ ᱵᱮᱱᱟᱣ ᱮᱱᱟ᱾
ᱩᱱᱤ ᱫᱚ ᱒᱐᱒᱑ ᱥᱟᱢᱟᱨ ᱰᱮᱯᱷᱞᱤᱢᱯᱤᱠᱥ (ᱢᱮ ᱒᱐᱒᱒ ᱨᱮ ᱦᱩᱭ ᱞᱮᱱᱟ) ᱨᱮ ᱵᱷᱟᱨᱚᱛ ᱮ ᱨᱤᱯᱨᱮᱡᱮᱱᱴ ᱠᱟᱛᱮ ᱦᱮᱯᱨᱟᱣ ᱞᱟᱹᱜᱤᱫ ᱠᱣᱟᱞᱤᱯᱷᱟᱭ ᱞᱮᱱ ᱛᱟᱦᱮᱸᱫ, ᱱᱚᱣᱟ ᱫᱚ ᱟᱡᱟᱜ ᱫᱚᱥᱟᱨ ᱰᱮᱯᱷᱞᱤᱢᱯᱤᱠ ᱨᱮ ᱦᱚᱸ ᱧᱮᱞ ᱧᱟᱢ ᱦᱩᱭ ᱞᱮᱱ ᱛᱟᱦᱮᱸᱫ᱾ ᱩᱱᱤ ᱫᱚ ᱭᱩᱮᱥᱮ ᱨᱮᱱᱟᱜ ᱟᱥᱞᱤᱱ ᱜᱨᱮᱥ ᱫᱚ ᱯᱷᱟᱭᱱᱟᱞ ᱨᱮ ᱦᱟᱨᱟᱣ ᱠᱟᱛᱮ ᱒᱐᱒᱑ ᱥᱟᱢᱟᱨ ᱰᱮᱯᱷᱞᱤᱢᱯᱤᱠᱥ ᱚᱠᱛᱚ ᱨᱮ ᱛᱤᱨᱞᱟᱹ ᱠᱚᱣᱟᱜ ᱵᱷᱮᱜᱟᱨ ᱤᱵᱷᱮᱱᱴ ᱨᱮ ᱥᱚᱱᱟ ᱢᱮᱰᱟᱞ ᱮ ᱟᱢᱮᱴ ᱞᱮᱫᱟ᱾ ᱩᱱᱤ ᱫᱚ ᱒᱐᱑᱗ ᱨᱮ ᱰᱮᱯᱷᱞᱤᱢᱯᱤᱠᱥ ᱨᱮ ᱥᱯᱳᱨᱴ ᱮᱛᱚᱦᱚᱵ ᱠᱷᱚᱱ ᱜᱚᱞᱯᱷ ᱨᱮ ᱵᱟᱨᱭᱟ ᱰᱮᱯᱷᱞᱤᱢᱯᱤᱠ ᱢᱮᱰᱟᱞ ᱧᱟᱢ ᱟᱠᱟᱫ ᱰᱮᱯᱷᱞᱤᱢᱯᱤᱠ ᱱᱟᱜᱟᱢ ᱨᱮ ᱯᱩᱭᱞᱩ ᱟᱨ ᱢᱤᱫ ᱜᱮ ᱜᱚᱞᱯᱷᱟᱨ ᱦᱚᱸᱭ ᱵᱮᱱᱟᱣ ᱮᱱᱟ᱾
ᱢᱟᱱᱚᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱒᱐᱒᱓ ᱥᱮᱨᱢᱟ ᱞᱟᱹᱜᱤᱫ ᱟᱨᱡᱩᱱᱟ ᱟᱣᱟᱨᱰ ᱮ ᱧᱟᱢ ᱟᱠᱟᱫᱟᱭ᱾ ᱒᱐᱒᱐ ᱨᱮ ᱢᱟᱲᱟᱝ, ᱤᱱᱰᱤᱭᱟᱱ ᱜᱚᱞᱯᱷ ᱭᱩᱱᱤᱭᱚᱱ ᱩᱱᱤ ᱫᱚ ᱟᱨᱡᱩᱱᱟ ᱟᱣᱟᱨᱰ ᱞᱟᱹᱜᱤᱫ ᱢᱤᱫ ᱠᱮᱱᱰᱤᱰᱮᱴ ᱞᱮᱠᱟᱛᱮᱭ ᱱᱳᱢᱤᱱᱮᱴ ᱞᱮᱫᱮ ᱛᱟᱦᱮᱸᱫ᱾
