ᱫᱮᱵᱽᱵᱷᱩᱢᱤ ᱫᱽᱣᱟᱨᱠᱟ ᱦᱚᱱᱚᱛ

ᱫᱮᱵᱽᱵᱷᱩᱢᱤ ᱫᱽᱣᱟᱨᱠᱟ ᱦᱚᱱᱚᱛ
ᱜᱩᱡᱽᱨᱟᱴ ᱨᱮᱭᱟᱜ ᱦᱚᱱᱚᱛ
Location in Gujarat
Coordinates: 22°12′N 69°39′E / 22.200°N 69.650°E / 22.200; 69.650Coordinates: 22°12′N 69°39′E / 22.200°N 69.650°E / 22.200; 69.650
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱜᱩᱡᱽᱨᱟᱴ
Region	ᱥᱚᱣᱨᱟᱥᱴᱨᱚ
Headquarters	ᱠᱷᱟᱢᱵᱷᱟᱞᱤᱭᱟ
ᱮᱨᱤᱭᱟ
• ᱞᱮᱠᱷᱟᱜᱩᱴ	4051 ᱠᱤᱢᱤ^২ (1564 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(2011)
• ᱞᱮᱠᱷᱟᱜᱩᱴ	᱗᱕᱒,᱔᱘᱔
• ᱰᱮᱱᱥᱤᱴᱤ	190/ᱠᱤᱢᱤ^2 (480/ᱜᱟᱺᱴ ᱢᱟᱹᱭᱤᱞ)
ᱯᱟᱹᱨᱥᱤ
• ᱟᱹᱢᱟᱹᱞᱮᱛ	ᱜᱩᱡᱽᱨᱟᱛᱤ, ᱦᱤᱱᱫᱤ
IST (ᱭᱩᱴᱤᱥᱤ+5:30)
ᱜᱟᱹᱰᱤ ᱨᱤᱡᱤᱥᱴᱨᱤ	GJ-37
ᱣᱮᱵᱽᱥᱟᱭᱤᱴ	Official Website of Devbhumi Dwarka District

Districts of Saurastra, Gujarat

ᱫᱮᱵᱽᱵᱷᱩᱢᱤ ᱫᱽᱣᱟᱨᱠᱟ ᱦᱚᱱᱚᱛ (ᱜᱩᱡᱨᱟᱴᱤ: દેવભૂમિ દ્વારકા જિલ્લો) ᱫᱚ ᱥᱤᱧᱚᱛ ᱫᱤᱥᱚᱢ ᱨᱮ ᱜᱩᱡᱽᱨᱟᱴ ᱯᱚᱱᱚᱛ ᱨᱮᱭᱟᱜ ᱓᱓ ᱜᱚᱴᱟᱝ ᱦᱚᱱᱚᱛ ᱠᱚ ᱵᱷᱤᱛᱨᱤ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ ᱾^[᱑]ᱦᱚᱱᱚᱛ ᱨᱮᱭᱟᱜ ᱧᱩᱛᱩᱢ ᱫᱚ ᱠᱨᱤᱥᱱᱟᱦᱟᱜ ᱠᱚᱨᱚᱢ ᱵᱷᱩᱢᱤ ᱫᱽᱣᱚᱨᱠᱟ ᱠᱷᱚᱱ ᱪᱷᱟᱹᱴᱭᱟᱹᱨ ᱟᱠᱟᱱᱟ ᱾ ᱦᱚᱱᱚᱛ ᱨᱮᱭᱟᱜ ᱢᱩᱠᱷᱤᱭᱟᱹᱥᱟᱲᱟ ᱫᱤ ᱠᱷᱚᱢᱵᱷᱟᱞᱤᱭᱟ ᱠᱟᱱᱟ ᱾ ᱑᱕ ᱚᱜᱚᱥᱴ ᱒᱐᱑᱓ ᱨᱮ ᱩᱱ ᱡᱚᱦᱚᱜᱤᱡ ᱥᱤᱨᱟᱹ ᱢᱚᱱᱛᱨᱤ ᱱᱚᱨᱮᱱᱫᱽᱨᱚ ᱢᱳᱫᱤ ᱫᱚ ᱡᱟᱢᱱᱚᱜᱚᱨ ᱦᱚᱱᱚᱛ ᱠᱮᱪᱟᱜ ᱠᱟᱛᱮ ᱫᱮᱵᱽᱵᱷᱩᱢᱤ ᱫᱽᱣᱟᱨᱠᱟ ᱫᱚ ᱱᱟᱣᱟ ᱦᱚᱱᱚᱛ ᱵᱮᱱᱟᱣ ᱞᱟᱹᱜᱤᱫ ᱮ ᱞᱟᱹᱭ ᱥᱚᱫᱚᱨ ᱞᱮᱜ-ᱟ ᱾ ^[᱒] ᱫᱽᱣᱟᱨᱠᱟ ᱦᱚᱱᱚᱛ ᱫᱚ ᱠᱚᱪᱷᱣᱟᱜ ᱠᱷᱟᱹᱰᱤ ᱟᱨ ᱟᱨᱚᱵᱤ ᱫᱚᱨᱮᱭᱟ ᱠᱟᱛᱟᱨᱮ ᱢᱮᱱᱟᱜ-ᱟ ᱾ ᱫᱽᱣᱟᱨᱠᱟ ᱫᱚ ᱦᱤᱱᱫᱩ ᱫᱷᱚᱨᱚᱢ ᱟᱜ ᱢᱟᱨᱮ ᱛᱤᱨᱛᱦᱚᱛᱷᱟᱱ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱰᱮ ᱠᱷᱚᱱ ᱦᱤᱱᱫᱩ ᱫᱷᱚᱨᱚᱢ ᱨᱮ ᱥᱚᱱᱚᱛ ᱠᱚ ᱢᱟᱱᱟᱣ ᱵᱟᱛᱟᱣᱮᱫ ᱜᱳᱢᱚᱛᱤ ᱱᱟᱹᱭ ᱞᱤᱸᱜᱤᱱ ᱮᱛᱚᱦᱚᱵ ᱟᱠᱟᱱᱟ ᱾ ᱱᱚᱰᱮᱱᱟᱜ ᱫᱽᱣᱟᱨᱠᱟᱫᱷ᱾ᱥ ᱡᱮᱜᱮᱛ ᱢᱩᱫᱽᱨᱤ ᱢᱟᱨᱟᱝ ᱧᱮᱢᱮᱞ ᱴᱚᱴᱷᱟ ᱠᱟᱱᱟ ᱾

ᱧᱮᱢᱮᱞ ᱴᱚᱴᱷᱟ

ᱡᱮᱜᱮᱛ ᱢᱩᱫᱽᱨᱤ

ᱫᱽᱣᱟᱨᱠᱟ ᱨᱮ ᱫᱽᱣᱟᱨᱠᱟᱫᱷᱤᱥ ᱟᱜ ᱢᱩᱠᱷᱤᱭᱟᱹ ᱢᱩᱫᱽᱨᱤ ᱡᱮᱜᱮᱛ ᱢᱩᱫᱽᱨᱤ ᱧᱩᱛᱩᱢ ᱛᱮ ᱩᱯᱨᱩᱢ ᱢᱮᱱᱟᱜ-ᱟ ᱾ ᱡᱮᱜᱮᱛ ᱡᱟᱠᱟᱛ ᱨᱮ ᱯᱟᱥᱱᱟᱣ ᱟᱠᱟᱱ ᱥᱚᱱᱟᱛᱚᱱ ᱫᱷᱚᱨᱚᱢ ᱦᱚᱲ ᱞᱟᱹᱜᱤᱫ ᱱᱚᱣᱟ ᱢᱩᱫᱽᱨᱤ ᱫᱚ ᱜᱚᱨᱚᱡᱽ ᱟᱨ ᱢᱟᱱᱚᱛ ᱨᱮᱭᱟᱜ ᱪᱤᱱᱦᱟᱹ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜ-ᱟ ᱾ ᱥᱤᱧᱚᱛ, ᱱᱮᱯᱟᱲ ᱟᱨ ᱡᱮᱜᱮᱛ ᱨᱮᱠᱚ ᱵᱚᱥᱠᱚᱫ ᱟᱠᱟᱱ ᱦᱤᱱᱫᱩ ᱦᱚᱲ ᱱᱚᱰᱮ ᱫᱚ ᱫᱽᱣᱟᱨᱠᱟᱫᱷᱤᱥ ᱧᱮᱞ ᱞᱟᱹᱜᱤᱫ ᱜᱮᱠᱚ ᱦᱤᱡᱩᱜ-ᱟ ᱾

ᱜᱳᱢᱚᱛᱤ ᱡᱷᱟᱨᱱᱟ

ᱫᱽᱣᱟᱨᱠᱟ ᱨᱮᱭᱟᱜ ᱫᱩᱠᱷᱤᱱ ᱯᱟᱦᱴᱟ ᱨᱮ ᱢᱤᱫ ᱡᱤᱞᱤᱧ ᱡᱷᱟᱨᱱᱟ ᱢᱮᱱᱟᱜ-ᱟ ᱾ ᱚᱱᱟ ᱫᱚ ᱜᱳᱢᱚᱛᱤ ᱡᱷᱟᱨᱱᱟ ᱢᱮᱱᱛᱮ ᱠᱚ ᱢᱮᱛᱟᱜ-ᱟ ᱾ ᱱᱚᱣᱟ ᱧᱩᱛᱩᱢ ᱠᱷᱟᱹᱛᱤᱨ ᱜᱮ ᱫᱽᱣᱟᱨᱠᱟ ᱫᱚ ᱜᱳᱢᱚᱛ᱾ ᱰᱽᱟᱣᱨᱠᱟ ᱢᱮᱱᱛᱮ ᱠᱚ ᱢᱮᱛᱟᱜ-ᱟ ᱾ᱥᱤᱧᱚᱛᱤᱭᱟᱹ ᱞᱟᱠᱪᱟᱨ ᱟᱹᱰᱤ ᱥᱚᱱᱚᱛ ᱠᱚ ᱢᱟᱱᱟᱣ ᱵᱟᱛᱟᱣ ᱮᱫ ᱢᱟᱨᱮ ᱱᱟᱹᱭ ᱠᱷᱚᱱ ᱫᱚ ᱢᱤᱫ ᱜᱳᱢᱚᱛᱤ ᱠᱟᱱᱟ ᱾ ᱱᱚᱣᱟ ᱱᱟᱹᱭ ᱫᱚ ᱱᱚᱰᱮ ᱠᱷᱚᱱ ᱜᱮ ᱞᱤᱸᱜᱤᱱ ᱮᱛᱚᱦᱚᱵ ᱟᱠᱟᱱᱟ ᱾

ᱱᱤᱥᱯᱟᱯ ᱠᱩᱸᱰ

ᱜᱳᱢᱚᱛᱤ ᱡᱷᱟᱨᱱᱟ ᱪᱮᱛᱟᱱ ᱨᱮ ᱟᱨᱮ ᱜᱚᱴᱟᱝ ᱜᱷᱟᱴ ᱢᱮᱱᱟᱜ-ᱟ ᱾ ᱚᱱᱟ ᱠᱚ ᱵᱷᱤᱛᱨᱤ ᱠᱷᱚᱱ ᱥᱚᱨᱠᱟᱨᱤ ᱜᱷᱟᱴ ᱥᱩᱨ ᱨᱮ ᱢᱤᱫ ᱠᱩᱸᱰ ᱢᱮᱱᱟᱜ-ᱟ, ᱡᱟᱦᱟᱸ ᱨᱮᱭᱟᱜ ᱧᱩᱛᱩᱢ ᱫᱚ ᱱᱤᱥᱯᱟᱯ ᱠᱩᱸᱰ ᱠᱟᱱᱟ ᱾ ᱱᱚᱣᱟ ᱨᱮᱫᱚ ᱜᱳᱢᱚᱛᱤ ᱨᱮᱭᱟᱜ ᱫᱟᱜ ᱯᱮᱨᱮᱡ ᱠᱟᱛᱮ ᱛᱟᱦᱮᱸᱱᱟ ᱾ ᱞᱟᱛᱟᱨ ᱟᱬᱜᱚᱱ ᱞᱟᱹᱜᱤᱫ ᱫᱚ ᱫᱚᱲᱦᱚ ᱥᱤᱬᱤ ᱵᱮᱱᱟᱣ ᱟᱠᱟᱱᱟ ᱾ ᱡᱟᱹᱛᱨᱤ ᱠᱚ ᱡᱚᱛᱚ ᱠᱷᱚᱱ ᱯᱩᱭᱞᱩ ᱨᱮ ᱱᱚᱣᱟ ᱱᱤᱥᱯᱟᱯ ᱠᱩᱸᱰᱨᱮ ᱛᱩᱯᱩ ᱠᱟᱛᱮ ᱱᱤᱡᱮ ᱠᱚ ᱥᱚᱱᱚᱛᱚᱜ-ᱟ ᱾ ᱟᱹᱰᱤ ᱦᱚᱲ ᱜᱮ ᱟᱠᱚ ᱨᱤᱱ ᱦᱟᱯᱲᱟᱢ ᱧᱩᱛᱩᱢ ᱛᱮ ᱱᱚᱰᱮ ᱫᱷᱚᱱ-ᱫᱟᱱ ᱦᱚᱸ ᱠᱚ ᱫᱚᱦᱚᱭᱟ ᱾

ᱫᱩᱨᱵᱟᱥᱟ ᱟᱨ ᱛᱨᱤᱵᱤᱠᱨᱚᱢ ᱢᱩᱫᱽᱨᱤ

ᱫᱩᱠᱷᱤᱱ ᱱᱟᱠᱷᱟᱨᱮ ᱥᱩᱨ ᱥᱩᱨ ᱵᱟᱨᱭᱟ ᱢᱩᱫᱽᱨᱤ ᱢᱮᱱᱟᱜ-ᱟ ᱾ ᱢᱤᱫ ᱫᱚ ᱫᱩᱨᱵᱟᱥᱟ ᱟᱨ ᱫᱩᱥᱨᱟᱹᱦᱟᱜ ᱢᱩᱫᱽᱨᱤ ᱛᱨᱤᱵᱤᱠᱨᱚᱢᱡᱤ ᱫᱚ ᱠᱤᱴᱢᱚᱡᱤ ᱢᱮᱱᱛᱮ ᱠᱚ ᱢᱮᱛᱟᱜ-ᱟ ᱾ ᱛᱨᱤᱵᱤᱠᱨᱚᱢᱡᱤ ᱭᱟᱜ ᱢᱩᱫᱽᱨᱤ ᱛᱟᱭᱚᱢ ᱯᱨᱚᱫᱷᱩᱢᱨᱚᱡᱤ ᱟᱜ ᱧᱮᱞ ᱥᱟᱶᱛᱮ ᱡᱟᱹᱛᱨᱤ ᱠᱚᱫᱚ ᱱᱚᱣᱟ ᱠᱩᱥᱮᱥᱣᱚᱨ ᱵᱚᱸᱜᱟᱦᱟᱜ ᱢᱩᱫᱽᱨᱤ ᱛᱮᱠᱚ ᱪᱟᱞᱟᱜ-ᱟ ᱾ ᱢᱩᱫᱽᱨᱤ ᱨᱮᱫᱚ ᱢᱤᱫ ᱟᱹᱰᱤ ᱢᱟᱨᱟᱝ ᱛᱚᱦᱠᱷᱟᱱᱟ ᱢᱮᱱᱟᱜ-ᱟ ᱾ ᱚᱱᱟ ᱨᱮᱜᱮ ᱥᱤᱵᱽ ᱟᱜ ᱞᱤᱸᱜᱽ ᱫᱚ ᱢᱮᱱᱟᱜ-ᱟ ᱟᱨ ᱯᱟᱨᱵᱚᱛᱤᱭᱟᱜ ᱢᱩᱨᱛᱤ ᱦᱚᱸ ᱢᱮᱱᱟᱜ-ᱟ ᱾

ᱠᱩᱥᱮᱥᱣᱚᱨ ᱢᱩᱫᱽᱨᱤ

ᱠᱩᱥᱮᱥᱣᱚᱨ ᱥᱤᱵᱽ ᱟᱜ ᱢᱩᱫᱽᱨᱤ ᱯᱟᱱᱛᱮ ᱨᱮᱜᱮ ᱫᱩᱠᱷᱤᱱ ᱯᱟᱦᱴᱟ ᱨᱮ ᱟᱨ ᱦᱚᱸ ᱛᱩᱨᱩᱭ ᱜᱚᱴᱟᱜ ᱢᱩᱫᱽᱨᱤ ᱢᱮᱱᱟᱜ-ᱟ ᱾ ᱱᱚᱣᱟ ᱠᱚ ᱵᱷᱤᱛᱨᱤ ᱨᱮᱫᱚ ᱚᱢᱵᱟᱡᱤ ᱟᱨ ᱟᱭᱳ ᱫᱮᱵᱽᱠᱤᱭᱟᱜ ᱢᱩᱫᱽᱨᱤ ᱜᱚᱱᱚᱝ ᱟᱱᱟᱜ-ᱟ ᱾ ᱨᱚᱬᱪᱷᱳᱰᱡᱤ ᱟᱜ ᱢᱩᱫᱽᱨᱤ ᱥᱩᱨ ᱨᱮᱜᱮ ᱨᱟᱫᱷᱟ, ᱨᱩᱠᱢᱤᱬᱤ, ᱥᱚᱛᱭᱚᱵᱷᱟᱢᱟ ᱟᱨ ᱡᱟᱢᱵᱚᱵᱚᱛᱤ ᱟᱜ ᱠᱟᱹᱴᱤᱡ ᱠᱟᱹᱴᱤᱡ ᱢᱩᱫᱽᱨᱤ ᱢᱮᱱᱟᱜ-ᱟ ᱾

ᱦᱚᱱᱩᱢᱟᱱ ᱢᱩᱫᱽᱨᱤ

ᱢᱟᱬᱟᱝ ᱨᱮ ᱵᱟᱥᱩ ᱫᱮᱵᱽ ᱜᱷᱟᱴ ᱴᱷᱮᱱ ᱦᱚᱱᱩᱢᱟᱱ ᱟᱜ ᱢᱩᱫᱽᱨᱤ ᱢᱮᱱᱟᱜ-ᱟ ᱾ ᱢᱩᱪᱟᱹᱫ ᱨᱮ ᱢᱤᱞᱚᱱ ᱜᱷᱟᱴ ᱧᱟᱢᱚᱜ-ᱟ ᱾ ᱱᱚᱰᱮ ᱫᱚ ᱜᱳᱢᱚᱛᱤ ᱱᱟᱹᱭ ᱫᱚᱨᱮᱭᱟ ᱥᱟᱶ ᱧᱟᱯᱟᱢᱟ ᱾ ᱱᱚᱣᱟ ᱧᱟᱯᱟᱢ ᱴᱷᱟᱶᱨᱮ ᱥᱚᱝᱜᱚᱢ ᱱᱟᱨᱟᱭᱚᱬᱡᱤ ᱟᱜ ᱟᱹᱰᱤ ᱢᱟᱨᱟᱝ ᱢᱩᱫᱽᱨᱤ ᱢᱮᱱᱟᱜ-ᱟ ᱾

ᱥᱟᱨᱫᱟ ᱢᱚᱴᱷ

ᱥᱟᱨᱫᱟ ᱢᱚᱴᱷ ᱫᱚ ᱜᱩᱨᱩ ᱥᱚᱝᱠᱚᱨᱟᱪᱟᱨᱡᱚ ᱵᱮᱱᱟᱣ ᱦᱚᱪᱚ ᱞᱮᱫ ᱟᱭ ᱾ ᱩᱱᱤ ᱫᱚ ᱯᱩᱨᱟᱹ ᱫᱤᱥᱚᱢ ᱨᱮᱭᱟᱜ ᱯᱩᱱ ᱠᱚᱬ ᱨᱮ ᱯᱩᱱᱭᱟᱹ ᱢᱚᱴᱷ ᱮ ᱵᱮᱱᱟᱣ ᱦᱚᱪᱚ ᱞᱮᱫ-ᱟ ᱾ ᱚᱱᱟ ᱠᱚ ᱵᱷᱤᱛᱨᱤ ᱠᱷᱚᱱ ᱱᱚᱣᱟ ᱥᱟᱨᱫᱟ ᱢᱚᱴᱷ ᱢᱤᱫᱴᱟᱹᱝ ᱠᱟᱱᱟ ᱾ ᱨᱤᱛ ᱞᱮᱠᱟᱛᱮ ᱛᱮᱦᱮᱧ ᱫᱷᱟᱹᱵᱤᱡ ᱦᱚᱸ ᱥᱚᱝᱠᱚᱨᱟᱪᱟᱨᱡᱚ ᱜᱮ ᱢᱚᱴᱷ ᱨᱤᱱᱤᱡ ᱢᱟᱹᱞᱤᱠ ᱫᱚ ᱾ ᱵᱷᱟᱨᱚᱛ ᱫᱤᱥᱚᱢ ᱨᱮ ᱥᱚᱱᱟᱛᱚᱱ ᱫᱷᱚᱨᱚᱢ ᱞᱮᱠᱟᱛᱮ ᱥᱚᱝᱠᱚᱨᱟᱪᱟᱨᱡᱚ ᱫᱚ ᱟᱹᱰᱤ ᱠᱚ ᱢᱟᱹᱱ ᱢᱟᱱᱚᱛ ᱟᱭᱟ ᱾^[᱓]

ᱪᱚᱠᱨᱚ ᱛᱤᱨᱛᱷᱚ

ᱫᱩᱞ ᱢᱤᱫᱩᱜ ᱜᱷᱟᱴ ᱨᱮᱭᱟᱜ ᱩᱛᱚᱨ ᱱᱟᱠᱷᱟ ᱨᱮ ᱟᱨ ᱢᱤᱫ ᱜᱷᱟᱴ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ ᱪᱚᱠᱨᱚ ᱛᱤᱨᱛᱷᱚ ᱢᱮᱱᱛᱮ ᱠᱚ ᱢᱮᱛᱟᱜ-ᱟ ᱾ ᱱᱚᱣᱟ ᱥᱩᱨ ᱨᱮᱜᱮ ᱨᱚᱛᱱᱮᱥᱣᱚᱨ ᱢᱚᱦᱟᱫᱮᱵᱽ ᱟᱜ ᱢᱩᱫᱽᱨᱤ ᱢᱮᱱᱟᱜ-ᱟ ᱾

ᱠᱚᱭᱞᱟᱥ ᱠᱩᱸᱰ

ᱱᱚᱣᱟ ᱞᱟᱦᱟᱨᱮ ᱡᱟᱹᱛᱨᱤ ᱠᱚᱭᱞᱟᱥ ᱠᱩᱸᱰ ᱠᱚ ᱥᱮᱴᱮᱨᱚᱜ-ᱟ ᱾ ᱱᱚᱣᱟ ᱠᱩᱸᱰ ᱨᱮᱭᱟᱜ ᱨᱚᱝ ᱫᱚ ᱜᱩᱞᱟᱹᱯᱤ ᱨᱚᱝ ᱨᱮᱭᱟᱜ ᱠᱟᱱᱟ ᱾ ᱠᱮᱭᱞᱟᱥ ᱠᱩᱸᱰ ᱢᱟᱬᱟᱝ ᱨᱮ ᱥᱩᱨᱭᱚᱱᱟᱨᱟᱭᱚᱬ ᱟᱜ ᱢᱩᱫᱽᱨᱤ ᱢᱮᱱᱟᱜ-ᱟ ᱾ ᱱᱚᱣᱟ ᱢᱟᱬᱟᱝᱨᱮ ᱫᱽᱣᱟᱨᱠᱟ ᱱᱟᱜᱟᱨ ᱨᱮᱭᱟᱜ ᱯᱩᱨᱩᱵᱽ ᱯᱟᱦᱴᱟ ᱨᱮᱭᱟᱜ ᱫᱩᱣᱟᱹᱨ ᱧᱟᱢᱚᱜ-ᱟ ᱾ ᱱᱚᱣᱟ ᱫᱩᱣᱟᱹᱨ ᱵᱟᱦᱨᱮ ᱨᱮᱫᱚ ᱡᱚᱭ ᱟᱨ ᱵᱤᱡᱚᱭ ᱟᱜ ᱢᱩᱨᱛᱤ ᱢᱩᱴᱷᱟᱹᱱ ᱢᱮᱱᱟᱜ-ᱟ ᱾

ᱜᱳᱯᱤ ᱡᱷᱟᱨᱱᱟ

ᱦᱟᱥᱟ ᱦᱚᱨ ᱛᱮ ᱪᱟᱞᱟᱜ ᱛᱩᱞᱩᱡ ᱜᱮᱯᱮ ᱢᱤᱞ ᱞᱟᱦᱟᱨᱮ ᱜᱳᱯᱤ ᱡᱷᱟᱨᱱᱟ ᱧᱟᱢᱚᱜ-ᱟ ᱾ ᱱᱚᱰᱮᱱᱟᱜ ᱥᱩᱨ ᱥᱩᱯᱩᱨ ᱨᱮᱭᱟᱜ ᱚᱛ ᱦᱟᱥᱟ ᱫᱚ ᱥᱟᱥᱟᱝ ᱜᱮᱭᱟ ᱾ ᱡᱷᱟᱨᱱᱟ ᱨᱮᱭᱟᱜ ᱵᱷᱤᱛᱨᱤ ᱠᱷᱚᱱ ᱦᱚᱸ ᱨᱚᱝ ᱟᱜ ᱜᱮ ᱦᱟᱥᱟ ᱫᱚ ᱚᱰᱚᱠᱚᱜ-ᱟ ᱾ ᱱᱚᱣᱟ ᱦᱟᱥᱟ ᱫᱚ ᱦᱚᱲ ᱜᱳᱯᱤᱪᱚᱸᱫᱚᱱ ᱢᱮᱱᱛᱮ ᱠᱚ ᱢᱮᱴᱟᱜ-ᱟ ᱾

ᱵᱮᱴ ᱫᱽᱣᱟᱨᱠᱟ

ᱵᱮᱴ ᱫᱽᱣᱟᱨᱠᱟ ᱜᱮ ᱚᱱᱟ ᱡᱭᱜᱟ ᱠᱟᱱᱟ , ᱡᱟᱦᱟᱸ ᱨᱮ ᱵᱷᱚᱜᱚᱵᱟᱱ ᱠᱨᱩᱥᱱᱚ ᱫᱚ ᱟᱡᱤᱡ ᱫᱩᱞᱟᱹᱲᱤᱭᱟᱹ ᱵᱷᱚᱜᱚᱛ ᱱᱚᱨᱥᱤᱭᱟᱜ ᱦᱩᱱᱰᱤᱭ ᱯᱮᱨᱮᱡ ᱞᱮᱫ ᱛᱟᱦᱮᱸᱫ ᱾ ᱵᱮᱴ ᱫᱽᱣᱟᱨᱠᱟ ᱨᱮᱭᱟᱜ ᱴᱟᱯᱩ^[᱔] ᱨᱮᱭᱟᱜ ᱯᱩᱨᱩᱵᱽ ᱯᱟᱦᱴᱟ ᱨᱮ ᱡᱟᱦᱟᱸ ᱠᱚᱬ ᱢᱮᱱᱟᱜ-ᱟ, ᱚᱸᱰᱮ ᱦᱚᱱᱩᱢᱟᱱ ᱟᱜ ᱟᱹᱰᱤ ᱢᱟᱨᱟᱝ ᱢᱩᱫᱽᱨᱤ ᱢᱮᱱᱟᱜ-ᱟ ᱾ ᱢᱟᱬᱟᱝ ᱥᱮᱫ ᱞᱟᱦᱟ ᱞᱮᱱ ᱨᱮ ᱜᱳᱢᱚᱛᱤ ᱫᱽᱣᱟᱨᱠᱟ ᱞᱮᱠᱟ ᱜᱮ ᱢᱤᱫ ᱟᱹᱰᱤ ᱢᱟᱨᱟᱝ ᱵᱮᱲᱦᱟᱭ ᱠᱟᱸᱛ ᱱᱚᱰᱮ ᱦᱚᱸ ᱢᱮᱱᱟᱜ-ᱟ ᱾ ᱱᱚᱣᱟ ᱵᱮᱲᱦᱟᱭ ᱵᱷᱤᱛᱨᱤ ᱨᱮᱜᱮ ᱢᱚᱬᱮ ᱜᱚᱴᱟᱝ ᱢᱟᱨᱟᱝ ᱢᱟᱨᱟᱝ ᱢᱚᱦᱚᱞ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ ᱵᱟᱨ ᱛᱟᱞᱟ ᱟᱨ ᱯᱮᱛᱟᱞᱟ ᱦᱟᱜ ᱠᱟᱱᱟ ᱾ ᱯᱩᱭᱞᱩ ᱟᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱚᱦᱚᱞ ᱫᱚ ᱥᱨᱤᱠᱨᱩᱥᱱᱚᱣᱟᱜ ᱢᱚᱦᱚᱞ ᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱫᱩᱠᱷᱤᱱ ᱱᱟᱠᱷᱟᱨᱮ ᱥᱚᱛᱭᱚᱵᱷᱟᱢᱟ ᱟᱨ ᱡᱟᱢᱵᱚᱵᱚᱛᱤᱭᱟᱜ ᱢᱚᱦᱚᱞ ᱢᱮᱱᱟᱜ-ᱟ ᱾ ᱩᱛᱚᱨ ᱱᱟᱠᱷᱟᱨᱮ ᱨᱩᱠᱢᱤᱬᱤ ᱟᱨ ᱨᱟᱫᱷᱟᱦᱟᱜ ᱢᱚᱦᱚᱞ ᱢᱮᱱᱟᱜ-ᱟ ᱾ ᱱᱚᱣᱟ ᱢᱚᱬᱮ ᱜᱚᱴᱟᱝ ᱢᱚᱦᱚᱞ ᱟᱜ ᱥᱟᱡᱟᱣ ᱥᱟᱯᱲᱟᱣ ᱱᱚᱝᱠᱟ ᱛᱟᱦᱮᱸᱱᱟ ᱡᱮ ᱢᱮᱫ ᱵᱷᱟᱹᱲᱩᱢᱵᱷᱟᱜ ᱨᱮᱜᱮ ᱛᱟᱦᱮᱸ ᱜᱚᱫᱚᱜ-ᱟ ᱾ ᱠᱨᱤᱥᱱᱟ ᱟᱨ ᱟᱡᱟᱜ ᱢᱩᱨᱛᱤ ᱯᱩᱱ ᱨᱟᱹᱱᱤᱭᱟᱜ ᱨᱟᱡᱽᱢᱟᱹᱪᱤ ᱨᱮᱦᱚᱸ ᱨᱩᱯᱟᱹ ᱢᱟᱰᱷᱟᱣ ᱟᱠᱟᱱᱟ ᱾ ᱢᱩᱨᱛᱤ ᱠᱚᱣᱟᱜ ᱥᱟᱡᱽ ᱥᱟᱯᱟᱵ ᱟᱹᱰᱤ ᱜᱮ ᱜᱚᱱᱚᱝ ᱟᱱᱟ ᱾ ᱦᱤᱨᱟᱹ, ᱢᱳᱛᱤ ᱟᱨ ᱥᱚᱱᱟ ᱨᱮᱭᱟᱜ ᱥᱚᱡᱽ ᱥᱟᱯᱟᱵ ᱩᱱᱠᱩ ᱫᱚᱠᱚ ᱦᱚᱨᱚᱜ ᱟᱠᱟᱣᱟᱫ ᱠᱚᱣᱟ ᱾ ᱡᱩᱨᱤ ᱞᱮᱠᱟᱱ ᱞᱩᱜᱽᱲᱤ ᱛᱮ ᱩᱱᱠᱩ ᱫᱚᱠᱚ ᱥᱟᱡᱟᱣ ᱟᱠᱟᱫ ᱠᱚᱣᱟ ᱾

ᱦᱚᱱᱚᱛ ᱨᱮᱭᱟᱜ ᱛᱚᱦᱥᱤᱞ

• ᱫᱽᱣᱟᱨᱠᱟ
• ᱵᱷᱟᱬᱵᱚᱰ
• ᱠᱚᱞᱭᱟᱬᱯᱩᱨ
• ᱠᱷᱚᱸᱵᱷᱟᱰᱤᱭᱟ

ᱥᱟᱹᱠᱷᱭᱟᱹᱛ

1. "Archive copy". Archived from the original on 2019-10-12. Retrieved 2019-10-12.
2. http://indiatoday.intoday.in/story/modi-gujarat-announces-seven-new-districts-keeps-poll-promise/1/299402.html
3. http://hindi.webdunia.com/indian-religion-kumbh-mela/%E0%A4%95%E0%A5%81%E0%A4%82%E0%A4%AD-%E0%A4%AE%E0%A5%87%E0%A4%82-%E0%A4%A6%E0%A5%8D%E0%A4%B5%E0%A4%BE%E0%A4%B0%E0%A4%95%E0%A4%BE-%E0%A4%AA%E0%A5%80%E0%A4%A0-%E0%A4%95%E0%A5%87-%E0%A4%B6%E0%A4%82%E0%A4%95%E0%A4%B0%E0%A4%BE%E0%A4%9A%E0%A4%BE%E0%A4%B0%E0%A5%8D%E0%A4%AF-%E0%A4%95%E0%A4%BE-%E0%A4%AD%E0%A4%B5%E0%A5%8D%E0%A4%AF-%E0%A4%B8%E0%A5%8D%E0%A4%B5%E0%A4%BE%E0%A4%97%E0%A4%A4-113020200070_1.htm
4. http://hi.brajdiscovery.org/index.php?title=%E0%A4%A6%E0%A5%8D%E0%A4%B5%E0%A4%BE%E0%A4%B0%E0%A4%95%E0%A4%BE

ᱵᱟᱦᱨᱮ ᱡᱚᱱᱚᱲ

• jamnagar.org