ᱯᱟᱭᱟᱞ ᱨᱳᱦᱟᱛᱜᱤ (ᱡᱟᱱᱟᱢ ᱙ ᱱᱚᱵᱷᱮᱢᱵᱚᱨ ᱑᱙᱗᱘) ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱟᱨ ᱨᱤᱭᱟᱞᱤᱴᱤ ᱴᱤᱵᱷᱤ ᱯᱟᱨᱯᱷᱳᱨᱢᱟᱨ ᱠᱟᱱᱟᱭ ᱡᱟᱦᱟᱸᱭ ᱫᱚ ᱦᱤᱱᱫᱤ ᱯᱷᱤᱞᱢ ᱨᱮ ᱧᱮᱞᱚᱜᱼᱟᱭ᱾ ᱩᱱᱤ ᱒᱐᱐᱘ ᱥᱟᱞ ᱨᱮ ᱨᱤᱭᱟᱞᱤᱴᱤ ᱥᱳ ᱵᱤᱜᱽ ᱵᱳᱥ ᱨᱮ ᱢᱤᱫ ᱠᱚᱱᱴᱮᱥᱴᱮᱱᱴ ᱮ ᱛᱟᱦᱮᱸ ᱠᱟᱱᱟ᱾ ᱒᱐᱒᱒ ᱥᱟᱞ ᱨᱮ, ᱩᱱᱤ ᱮᱮᱞᱴᱤ ᱵᱟᱞᱟᱡᱤ ᱨᱮᱭᱟᱜ ᱨᱤᱭᱟᱞᱤᱴᱤ ᱴᱮᱞᱤᱵᱤᱡᱚᱱ ᱥᱳ ᱞᱚᱠ ᱟᱯ ᱨᱮ ᱦᱟᱹᱴᱤᱧ ᱮ ᱦᱟᱛᱟᱣ ᱠᱮᱫᱟ ᱟᱨ ᱨᱟᱱᱟᱨ-ᱟᱯ ᱞᱮᱠᱟᱛᱮ ᱩᱫᱩᱜ ᱥᱚᱫᱚᱨ ᱮᱱᱟ᱾
ᱨᱳᱦᱟᱛᱜᱤ ᱫᱚ ᱙ ᱱᱚᱵᱷᱮᱢᱵᱚᱨ ᱑᱙᱗᱘ ᱥᱟᱞ ᱨᱮ ᱦᱟᱭᱫᱨᱟᱵᱟᱫ ᱨᱮ ᱡᱟᱱᱟᱢ ᱞᱮᱱᱟᱭ ᱟᱨ ᱠᱚᱢᱯᱤᱭᱩᱴᱟᱨ ᱤᱸᱡᱤᱱᱤᱭᱟᱨᱤᱝ ᱨᱮ ᱰᱤᱜᱽᱨᱤ ᱧᱟᱢ ᱞᱮᱫᱟ ᱟᱨ ᱩᱱᱤ ᱜᱩᱡᱽᱨᱟᱛ ᱵᱳᱨᱰ ᱴᱳᱯᱟᱨ ᱦᱚᱸᱭ ᱛᱟᱦᱮᱸ ᱠᱟᱱᱟ᱾
ᱨᱳᱦᱟᱛᱜᱤ ᱫᱚ ᱯᱷᱮᱢᱤᱱᱟ ᱢᱤᱥ ᱤᱱᱰᱤᱭᱟ ᱯᱮᱡᱮᱱᱴ ᱨᱮᱭᱟᱜ ᱦᱟᱹᱴᱤᱧ ᱦᱩᱭ ᱠᱟᱛᱮ ᱟᱡᱟᱜ ᱠᱟᱹᱢᱤ ᱮ ᱮᱛᱚᱦᱚᱵ ᱞᱮᱫᱟ᱾ ᱛᱟᱭᱚᱢ ᱛᱮ ᱩᱱᱤ ᱤᱱᱴᱟᱨᱱᱮᱥᱱᱟᱞᱤ ᱨᱮ ᱢᱤᱥ ᱴᱩᱨᱤᱡᱤᱢ ᱣᱚᱨᱞᱰ ᱯᱮᱡᱮᱱᱴ ᱨᱮ ᱢᱤᱥ ᱤᱱᱰᱤᱭᱟ ᱴᱩᱨᱤᱡᱤᱢ ᱞᱮᱠᱟᱛᱮ ᱵᱷᱟᱨᱚᱛ ᱨᱮᱭᱟᱜ ᱯᱟᱹᱨᱤᱥ ᱮ ᱦᱟᱛᱟᱣ ᱠᱮᱫᱟ᱾ ᱚᱸᱰᱮ ᱨᱳᱦᱟᱛᱜᱤ ᱥᱩᱯᱟᱨᱢᱚᱰᱮᱞ ᱢᱤᱥ ᱴᱩᱨᱤᱡᱤᱢ ᱣᱚᱨᱞᱰ ᱨᱮᱭᱟᱜ ᱴᱟᱭᱤᱴᱟᱞ ᱮ ᱡᱤᱛᱠᱟᱹᱨ ᱠᱮᱫᱟ᱾
ᱨᱳᱦᱟᱛᱜᱤ ᱟᱢᱩᱞ, ᱱᱤᱨᱢᱟ, ᱱᱮᱥᱠᱮᱯᱷᱮ, ᱟᱨ ᱰᱟᱵᱩᱨ ᱦᱮᱭᱟᱨ ᱳᱭᱤᱞ ᱥᱟᱶ ᱟᱭᱢᱟ ᱵᱨᱟᱸᱰ ᱞᱟᱹᱜᱤᱫ ᱢᱳᱰᱮᱞ ᱠᱮᱫᱟ᱾ ᱠᱮᱰᱵᱮᱨᱤ ᱨᱮᱭᱟᱜ ᱴᱮᱢᱯᱴᱮᱥᱚᱱ ᱪᱳᱠᱞᱮᱴᱥ ᱞᱟᱹᱜᱤᱫ ᱴᱮᱞᱤᱵᱤᱡᱚᱱ ᱮᱰ ᱨᱮ ᱧᱮᱞ ᱠᱟᱛᱮ ᱩᱱᱤ ᱫᱷᱭᱟᱱ ᱮ ᱦᱟᱢᱮᱴ ᱠᱮᱫᱟ᱾ ᱱᱚᱣᱟ ᱚᱠᱛᱚ ᱥᱩᱨ ᱥᱩᱯᱩᱨ ᱩᱱᱤ ᱨᱳᱠ ᱵᱮᱸᱰ ᱥᱤᱞᱠ ᱨᱩᱴ ᱟᱨ ᱤᱱᱰᱤᱯᱳᱯ ᱟᱨᱴᱤᱥᱴ ᱠᱮᱠᱮ ᱦᱚᱛᱮᱛᱮ ᱢᱤᱭᱩᱡᱤᱠ ᱵᱤᱰᱤᱭᱳ ᱨᱮ ᱦᱚᱸ ᱧᱮᱞ ᱞᱮᱱᱟ᱾
᱒᱐᱐᱒ ᱥᱟᱞ ᱨᱮ, ᱩᱱᱤ ᱭᱟᱦ ᱠᱭᱟ ᱦᱳ ᱨᱟᱦᱟ ᱦᱟᱭ? ᱥᱟᱶ ᱟᱡᱟᱜ ᱰᱮᱵᱭᱩᱴ ᱮ ᱠᱚᱨᱟᱣ ᱠᱮᱫᱟ, ᱟᱨ ᱒᱐᱐᱖ ᱥᱟᱞ ᱨᱮ, ᱩᱱᱤ ᱓᱖ ᱪᱟᱭᱱᱟ ᱴᱟᱣᱩᱱ ᱨᱮ ᱧᱮᱞ ᱞᱮᱱᱟ᱾ ᱚᱱᱟ ᱥᱮᱨᱢᱟ ᱜᱮ ᱩᱱᱤ ᱢᱟᱫᱷᱩᱨ ᱵᱷᱟᱱᱰᱟᱨᱠᱟᱨ ᱯᱷᱤᱞᱢ ᱠᱳᱨᱯᱳᱨᱮᱴ ᱨᱮ ᱢᱤᱫ ᱟᱭᱤᱴᱟᱢ ᱥᱮᱨᱮᱧ ᱮ ᱮᱢᱟᱫᱮ ᱛᱟᱦᱮᱸᱫ᱾ ᱩᱱᱤ ᱟᱜᱞᱤ ᱟᱩᱨ ᱯᱟᱜᱞᱤ ᱨᱮ ᱢᱤᱫ ᱠᱮᱢᱤᱭᱳ ᱧᱮᱞ ᱩᱫᱩᱜ ᱮ ᱮᱢ ᱠᱮᱫᱟ, ᱡᱟᱦᱟᱸ ᱫᱚ ᱚᱜᱚᱥᱴ ᱒᱐᱐᱘ ᱥᱟᱞ ᱨᱮ ᱨᱤᱞᱤᱡᱽ ᱞᱮᱱᱟ᱾ ᱥᱮᱯᱴᱮᱢᱵᱚᱨ ᱛᱟᱞᱟᱨᱮ, ᱩᱱᱤ ᱫᱤᱞ ᱠᱟᱵᱟᱰᱰᱤ ᱨᱮ ᱤᱨᱯᱷᱟᱱ ᱠᱷᱟᱱ ᱥᱟᱢᱟᱝ ᱨᱮ ᱧᱮᱞ ᱞᱮᱱᱟ᱾ ᱨᱳᱦᱟᱛᱜᱤ ᱫᱚ ᱯᱷᱤᱞᱢ ᱨᱮ ᱟᱡᱟᱜ ᱮᱛᱚᱦᱚᱵ ᱠᱟᱹᱢᱤ ᱚᱠᱛᱚ ᱨᱮ ᱵᱷᱟᱨᱚᱛᱤᱭᱚ ᱢᱤᱰᱤᱭᱟ ᱫᱟᱨᱟᱭ ᱛᱮ ᱢᱤᱫ ᱥᱮᱠᱥ ᱥᱤᱢᱵᱳᱞ ᱠᱚ ᱢᱟᱱᱟᱣᱮ ᱠᱟᱱ ᱛᱟᱦᱮᱸᱱ᱾
ᱯᱟᱭᱟᱞ ᱨᱳᱦᱟᱛᱜᱤ ᱫᱤᱥᱟᱹᱩᱫᱩᱜᱤᱡ ᱟᱨ ᱯᱨᱚᱰᱭᱩᱥᱚᱨ ᱵᱟᱱᱫᱟᱱᱟ ᱥᱟᱡᱱᱟᱱᱤ ᱟᱜ ᱒᱐᱑᱐ ᱥᱟᱞ ᱨᱮ ᱯᱷᱳᱨᱯᱞᱮ ᱧᱩᱛᱩᱢᱟᱱ ᱯᱞᱮ ᱥᱟᱶ ᱛᱷᱤᱭᱮᱴᱚᱨ ᱨᱮ ᱟᱡᱟᱜ ᱰᱮᱵᱭᱩᱴ ᱮ ᱠᱚᱨᱟᱣ ᱠᱮᱫᱟ᱾