ᱯᱨᱮᱢ ᱠᱩᱢᱟᱨ ᱫᱷᱩᱢᱚᱞ
| ᱯᱨᱮᱢ ᱠᱩᱢᱟᱨ ᱫᱷᱩᱢᱚᱞ | |
|---|---|
 ᱒᱐᱐᱘ ᱨᱮ ᱫᱷᱩᱢᱚᱞ | |
| ᱕ ᱟᱹᱱᱤᱡ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱓᱐ ᱰᱤᱥᱮᱢᱵᱚᱨ ᱒᱐᱐᱗ – ᱒᱕ ᱰᱤᱥᱮᱢᱵᱚᱨ ᱒᱐᱑᱒ | |
| ᱯᱚᱱᱚᱛᱤᱭᱟᱹ | ᱩᱨᱢᱤᱞᱟ ᱥᱤᱝ (᱒᱐᱑᱐ ᱠᱷᱚᱱ) ᱯᱨᱚᱵᱷᱟ ᱨᱟᱣ (᱒᱐᱑᱐) |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱵᱤᱨᱵᱷᱚᱫᱽᱨᱚ ᱥᱤᱝ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱵᱤᱨᱵᱷᱚᱫᱽᱨᱚ ᱥᱤᱝ |
| ᱟᱹᱢᱟᱹᱞᱤ ᱨᱮ ᱒᱔ ᱢᱟᱨᱪ ᱑᱙᱙᱘ – ᱕ ᱢᱟᱨᱪ ᱒᱐᱐᱓ | |
| ᱯᱚᱱᱚᱛᱤᱭᱟᱹ | ᱥᱩᱨᱚᱡᱽ ᱵᱷᱟᱱ (᱒᱐᱐᱐–᱒᱐᱐᱓) ᱵᱤᱥᱱᱩ ᱠᱟᱸᱛ ᱥᱟᱥᱛᱨᱤ (᱑᱙᱙᱙–᱒᱐᱐᱐) ᱵᱷᱤ. ᱮᱥ. ᱨᱟᱢᱫᱮᱵᱤ (᱑᱙᱙᱘–᱑᱙᱙᱙) |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱵᱤᱨᱵᱷᱚᱫᱽᱨᱚ ᱥᱤᱝ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱵᱤᱨᱵᱷᱚᱫᱽᱨᱚ ᱥᱤᱝ |
| ᱞᱳᱠᱥᱚᱵᱷᱟ ᱨᱤᱱᱤᱡ ᱥᱚᱝᱥᱚᱫᱽ ᱥᱚᱦᱮᱛ | |
| ᱟᱹᱢᱟᱹᱞᱤ ᱨᱮ ᱒᱐᱐᱗ – ᱒᱐᱐᱘ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱩᱨᱮᱥ ᱪᱟᱱᱰᱮᱞ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱟᱱᱩᱨᱟᱜᱽ ᱴᱷᱟᱠᱩᱨ |
| ᱵᱟᱪᱱᱟᱣ ᱮᱞᱮᱠᱟ | ᱦᱚᱢᱤᱨᱯᱩᱨ, ᱦᱤᱢᱟᱪᱚᱞ ᱯᱨᱚᱫᱮᱥ |
| ᱟᱹᱢᱟᱹᱞᱤ ᱨᱮ ᱑᱙᱘᱙ – ᱑᱙᱙᱖ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱱᱟᱨᱟᱭᱤᱱ ᱪᱟᱸᱫᱽ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱵᱤᱠᱨᱚᱢ ᱥᱤᱝ |
| ᱵᱟᱪᱱᱟᱣ ᱮᱞᱮᱠᱟ | ᱦᱚᱢᱤᱨᱯᱩᱨ, ᱦᱤᱢᱟᱪᱚᱞ ᱯᱨᱚᱫᱮᱥ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱑᱐ ᱮᱯᱨᱤᱞ ᱑᱙᱔᱔ ᱥᱚᱢᱤᱨᱯᱩᱨ, ᱯᱟᱧᱡᱟᱵᱽ ᱯᱨᱚᱫᱮᱥ, ᱵᱨᱤᱴᱤᱥ ᱥᱤᱧᱚᱛ (ᱱᱤᱛᱚᱜ ᱫᱚ ᱦᱤᱢᱟᱪᱚᱞ ᱯᱨᱚᱫᱮᱥ, ᱥᱤᱧᱚᱛ) |
| ᱡᱟᱹᱛᱤᱭᱟᱹᱨᱤ | ᱥᱤᱧᱚᱛᱤᱭᱟᱹ |
| ᱨᱟᱡᱽᱟᱹᱨᱤ ᱫᱚᱞ | ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ |
| ᱡᱤᱭᱚᱱ ᱥᱚᱦᱮᱫ | Sheela Dhumal (m. 1972) |
| ᱦᱚᱯᱚᱱ | ᱒, ᱜᱤᱫᱽᱨᱟᱹ ᱟᱱᱩᱨᱟᱜᱽ ᱴᱷᱟᱠᱩᱨ |
| ᱚᱲᱟᱜ | ᱓᱐᱑, ᱦᱤᱢᱟᱪᱚᱞ ᱥᱟᱫᱟᱱ, ᱥᱚᱨᱫᱟᱨ ᱯᱟᱴᱮᱞ ᱢᱟᱨᱜᱽ, ᱱᱟᱶᱟ ᱫᱤᱞᱞᱤ |
| ᱥᱮᱪᱮᱫ ᱟᱠᱷᱲᱟ | ᱡᱚᱞᱚᱱᱫᱷᱚᱨ ᱨᱮᱱᱟᱜ ᱫᱳᱣᱟᱵᱟ ᱠᱚᱞᱮᱡᱽ ᱨᱮ ᱮᱢ.ᱮ. ᱟᱢᱨᱤᱛᱥᱚᱨ ᱨᱮᱱᱟᱜ ᱜᱩᱨᱩ ᱱᱟᱱᱚᱠ ᱫᱮᱵᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱮᱞ.ᱮᱞ.ᱵᱤ. |
| ᱠᱟᱹᱢᱤ | ᱨᱟᱡᱽᱟᱹᱨᱤᱭᱟᱹ |
| ᱠᱟᱹᱢᱤ | ᱢᱟᱪᱮᱛ |
| ᱥᱩᱦᱤ |  |
ᱯᱨᱮᱢ ᱠᱩᱢᱟᱨ ᱫᱷᱩᱢᱚᱞ (ᱡᱟᱱᱟᱢ: ᱑᱐ ᱮᱯᱨᱤᱞ ᱑᱙᱔᱔) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱢᱟᱨᱪ ᱑᱙᱙᱘ ᱠᱷᱚᱱ ᱢᱟᱨᱪ ᱒᱐᱐᱓ ᱫᱷᱟᱹᱨᱤᱡ ᱟᱨ ᱑ ᱡᱟᱱᱩᱣᱟᱨᱤ ᱒᱐᱐᱘ ᱠᱷᱚᱱ ᱒᱕ ᱰᱤᱥᱮᱢᱵᱚᱨ ᱒᱐᱑᱒ ᱫᱷᱟᱹᱨᱤᱡ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱛᱟᱦᱮᱸ ᱠᱟᱱᱟᱭ ᱾ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱵᱟᱪᱷᱚᱱ ᱞᱮᱱᱟᱭ ᱒᱐᱑᱗ ᱦᱤᱢᱟᱪᱚᱞ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱾
ᱦᱤᱢᱟᱪᱚᱞ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱟᱡᱟᱜ ᱢᱟᱨᱟᱝ ᱯᱷᱚᱱ ᱴᱟᱯᱤᱝ ᱜᱷᱚᱴᱚᱱ ᱦᱩᱭ ᱞᱮᱱ ᱛᱟᱦᱮᱸᱫ, ᱡᱟᱦᱟᱸ ᱨᱮ ᱑᱑᱐᱐ ᱠᱷᱚᱱ ᱦᱚᱸ ᱵᱟᱹᱲᱛᱤ ᱦᱚᱲᱟᱜ ᱯᱷᱚᱱ ᱟᱫᱷᱤᱱᱤᱭᱚᱢ ᱞᱮᱠᱟᱛᱮ ᱨᱮᱠᱳᱨᱰ ᱟᱠᱟᱱᱟ ᱾ ᱵᱤᱡᱮᱯᱤ ᱨᱤᱱᱤᱡ ᱥᱟᱸᱛᱟ ᱠᱩᱢᱟᱨ ᱫᱚ ᱩᱱᱠᱩ ᱦᱚᱲ ᱠᱚᱣᱟᱜ ᱧᱩᱛᱩᱢ ᱠᱚ ᱥᱚᱫᱚᱨ ᱞᱟᱹᱜᱤᱫ ᱮ ᱞᱟᱹᱭ ᱠᱮᱜᱼᱟ ᱡᱟᱦᱟᱸᱭ ᱠᱚᱣᱟᱜ ᱯᱷᱚᱱ ᱫᱷᱩᱢᱚᱞ ᱟᱜ ᱚᱠᱛᱚ ᱨᱮ ᱴᱮᱯ ᱟᱠᱟᱱ ᱛᱟᱦᱮᱸᱫ ᱾[᱑]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱨᱮᱢ ᱠᱩᱢᱟᱨ ᱫᱷᱩᱢᱚᱞ ᱫᱚ ᱦᱚᱢᱤᱨᱯᱩᱨ ᱦᱚᱱᱚᱛ ᱨᱮᱱᱟᱜ ᱥᱚᱢᱤᱨᱯᱩᱨ ᱟᱹᱛᱩ ᱨᱮ ᱑᱐ ᱮᱯᱨᱤᱞ ᱑᱙᱔᱔ ᱨᱮ ᱡᱟᱱᱟᱢ ᱞᱮᱱᱟᱭ ᱾[᱒] ᱟᱡ ᱟᱜ ᱵᱟᱵᱟ ᱧᱩᱛᱩᱢ ᱫᱚ ᱠᱮᱯᱴᱮᱱ ᱢᱚᱦᱚᱱᱛ ᱨᱟᱢ ᱟᱨ ᱟᱡ ᱟᱭᱳ ᱫᱚ ᱯᱷᱩᱞᱚᱢ ᱫᱮᱵᱤ ᱛᱟᱦᱮᱸ ᱠᱟᱱᱟᱭ ᱾[᱒] ᱩᱱᱠᱩ ᱫᱚ ᱮᱢ. ᱮ. (Eng.), ᱟᱨ ᱮᱞ.ᱮᱞ.ᱵᱤ. ᱢᱮᱱᱟᱜᱼᱟ ᱾ ᱡᱚᱞᱚᱱᱫᱷᱚᱨ ᱨᱮ ᱫᱳᱣᱟᱵᱟ ᱠᱚᱞᱮᱡᱽ ᱟᱨ ᱟᱢᱨᱤᱛᱥᱚᱨ ᱨᱮ ᱜᱩᱨᱩ ᱱᱟᱱᱚᱠ ᱫᱮᱵᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱟᱡᱟᱜ ᱥᱮᱪᱮᱫ ᱛᱟᱭᱚᱢ ᱟᱡᱟᱜ ᱰᱤᱜᱽᱨᱤ ᱮ ᱦᱟᱢᱮᱴ ᱞᱮᱫᱼᱟ ᱾[᱒][᱓] ᱩᱱᱤ ᱫᱚ ᱯᱚᱧᱡᱟᱵᱽ ᱨᱮ ᱢᱤᱫᱴᱟᱹᱝ ᱯᱨᱟᱭᱵᱷᱮᱴ ᱠᱚᱞᱮᱡᱽ ᱨᱮ ᱞᱮᱠᱪᱚᱨᱚᱨᱮ ᱵᱮᱱᱟᱣ ᱮᱱᱟᱭ ᱾[᱔]
ᱫᱷᱩᱢᱚᱞ ᱫᱚ ᱒᱓ ᱢᱮ ᱑᱙᱗᱒ ᱥᱟᱞ ᱨᱮ ᱥᱤᱞᱟ ᱥᱟᱶ ᱵᱟᱯᱞᱟ ᱞᱮᱱᱟᱭ,[᱒][᱓] ᱡᱟᱦᱟᱸᱭ ᱫᱚ ᱩᱱᱤ ᱨᱤᱱ ᱵᱟᱨᱭᱟ ᱜᱤᱫᱽᱨᱟᱹ ᱚᱨᱩᱱ ᱥᱤᱝ ᱫᱷᱩᱢᱚᱞ ᱟᱨ ᱟᱱᱩᱨᱟᱜᱽ ᱴᱷᱟᱠᱩᱨ ᱢᱮᱱᱟᱜ ᱠᱤᱱᱟ ᱾ ᱵᱟᱫᱽᱣᱟᱞᱮ ᱦᱚᱸ ᱢᱤᱫ ᱨᱟᱡᱽᱟᱹᱨᱤ ᱠᱟᱱᱟᱭ ᱟᱨ ᱑᱔ ᱟᱱ ᱟᱨ ᱑᱕ ᱟᱱ ᱞᱳᱠᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ ᱦᱚᱸᱭ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱠᱟᱹᱣᱰᱤ ᱯᱚᱱᱚᱛ ᱢᱚᱱᱛᱨᱤ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱢᱮᱱᱠᱷᱟᱱ ᱡᱩᱞᱟᱭ ᱒᱐᱒᱑ ᱨᱮ, ᱩᱱᱤ ᱫᱚ ᱠᱷᱮᱞᱚᱸᱰ ᱟᱨ ᱛᱤᱨᱞᱟᱹ ᱠᱟᱹᱢᱤᱦᱚᱨᱟ ᱢᱚᱱᱛᱨᱤ ᱟᱨ ᱵᱟᱰᱟᱭ ᱱᱤᱩᱡᱽ ᱰᱮᱥᱠ ᱤᱱᱥᱴᱤᱴᱭᱩᱴᱤ ᱨᱤᱱᱤᱡ ᱢᱚᱱᱛᱨᱤ ᱞᱮᱠᱟᱛᱮ ᱠᱮᱵᱤᱱᱮᱴ ᱢᱚᱱᱛᱨᱤ ᱞᱮᱠᱟᱛᱮᱭ ᱩᱪᱷᱟᱹᱱ ᱞᱮᱱᱟ ᱾
ᱨᱟᱡᱽᱟᱹᱨᱤ ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱷᱩᱢᱚᱞ ᱫᱚ ᱑᱙᱘᱒ ᱥᱟᱞ ᱨᱮ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱭᱩᱵᱚ ᱢᱳᱨᱪᱟ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟᱭ ᱾[᱕] ᱑᱙᱘᱔ ᱥᱟᱞ ᱨᱮ, ᱦᱚᱢᱤᱨᱯᱩᱨ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱠᱚᱸᱰᱮᱰᱮᱴ ᱞᱮᱠᱟᱛᱮ ᱵᱟᱪᱷᱚᱱ ᱞᱮᱱᱟᱭ, ᱡᱚᱠᱷᱚᱱ ᱦᱤᱢᱟᱪᱚᱞ ᱯᱨᱚᱫᱮᱥ ᱵᱤᱫᱷᱟᱱᱥᱚᱵᱷᱟ ᱨᱤᱱᱤᱡ ᱱᱤᱛᱚᱜᱟᱜ ᱥᱚᱦᱮᱛ ᱟᱨ ᱯᱚᱱᱚᱛ ᱨᱤᱱᱤᱡ ᱧᱩᱛᱩᱢᱟᱱ ᱟᱹᱭᱩᱨᱤᱭᱟᱹ ᱡᱚᱜᱽᱫᱮᱵᱽ ᱪᱚᱸᱫᱽ ᱫᱚ ᱵᱤᱫᱷᱟᱱᱥᱚᱵᱷᱟ ᱨᱮ ᱵᱟᱝ ᱟᱛᱟᱫ ᱫᱮᱭᱟ ᱾[᱕] ᱫᱷᱩᱢᱚᱞ ᱩᱱᱤ ᱫᱚ ᱵᱟᱪᱷᱱᱟᱣ ᱨᱮᱭ ᱦᱟᱨᱟ ᱮᱱᱟᱭ ᱢᱮᱱᱠᱷᱟᱱ ᱑᱙᱘᱙ ᱟᱨ ᱑᱙᱙᱑ ᱨᱮᱭ ᱡᱤᱛᱟᱹᱣ ᱮᱱᱟ,[᱒] ᱟᱨ ᱑᱙᱙᱖ ᱥᱤᱧᱚᱛᱤᱭᱟᱹ ᱥᱚᱨᱠᱟᱨᱤ ᱵᱟᱪᱷᱱᱟᱣ ᱨᱮ ᱢᱮᱡᱚᱨ ᱡᱮᱱᱮᱨᱟᱞ ᱵᱤᱠᱨᱚᱢ ᱥᱤᱝ ᱴᱷᱮᱱ ᱠᱷᱚᱱ ᱢᱟᱹᱪᱤ ᱦᱟᱨᱟᱣ ᱞᱟᱦᱟᱨᱮ ᱾[᱔]
᱑᱙᱙᱓ ᱥᱟᱞ ᱨᱮ ᱡᱚᱜᱽᱫᱮᱵᱽ ᱪᱚᱱᱫᱽ ᱟᱜ ᱜᱩᱨ ᱛᱟᱭᱚᱢ, ᱫᱷᱩᱢᱚᱞ ᱫᱚ ᱨᱟᱡᱽᱟᱹᱨᱤ ᱨᱮ ᱠᱟᱹᱢᱤ ᱮᱦᱚᱵ ᱞᱮᱫᱼᱟ ᱾[᱕][᱕] ᱢᱟᱨᱪ ᱑᱙᱙᱘ ᱨᱮ ᱯᱚᱱᱚᱛ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱛᱟᱭᱚᱢ, ᱫᱷᱩᱢᱚᱞ ᱫᱚ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱮ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮ ᱵᱟᱪᱷᱚᱱ ᱞᱮᱱᱟᱭ ᱟᱨ ᱯᱚᱱᱚᱛ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱮ ᱵᱮᱱᱟᱣ ᱮᱱᱟᱭ ᱾[᱕] ᱩᱱᱤ ᱫᱚ ᱦᱤᱢᱟᱪᱚᱞ ᱯᱨᱚᱫᱮᱥ ᱵᱤᱫᱷᱟᱱᱥᱚᱵᱷᱟ ᱨᱮᱱᱟᱜ ᱵᱟᱢᱥᱚᱱ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱑᱘,᱐᱐᱐ ᱵᱷᱳᱴ ᱛᱮ ᱡᱤᱛᱟᱹᱣ ᱮᱱᱟᱭ ᱾
ᱩᱱᱤᱫᱚ ᱑᱙᱙᱘ ᱠᱷᱚᱱ ᱒᱐᱐᱓ ᱫᱷᱟᱹᱨᱤᱡ ᱕ ᱥᱮᱨᱢᱟ ᱞᱟᱹᱜᱤᱫ ᱵᱤᱡᱮᱯᱤ-ᱦᱤᱢᱟᱪᱚᱞ ᱩᱛᱱᱟᱹᱣ ᱠᱚᱝᱜᱽᱨᱮᱥ ᱜᱟᱶᱛᱟ ᱥᱚᱨᱠᱟᱨ ᱨᱮᱭ ᱛᱟᱸᱦᱮ ᱠᱟᱱᱟ ᱾[᱕] ᱟᱨ ᱒᱐᱐᱓ ᱨᱮᱱᱟᱜ ᱵᱟᱪᱷᱱᱟᱣ ᱨᱮ, ᱡᱚᱠᱷᱚᱱ ᱵᱤᱡᱮᱯᱤ ᱥᱚᱨᱠᱟᱨ ᱠᱷᱚᱱ ᱵᱟᱦᱨᱮ ᱞᱮᱱᱟ, ᱩᱱ ᱡᱚᱠᱷᱚᱡ ᱩᱱᱤ ᱫᱚ ᱨᱟᱡᱽᱟᱹᱨᱤ ᱨᱤᱱᱤᱡ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟ ᱾[᱕][᱔] ᱡᱟᱹᱛᱤᱭᱟᱹᱨᱤ ᱰᱮᱢᱚᱠᱨᱮᱴᱤᱠ ᱟᱞᱞᱟᱭᱮᱱᱥᱟᱱ (ᱮᱱᱰᱤᱮ) ᱫᱚ ᱛᱟᱞᱢᱟ ᱥᱚᱨᱠᱟᱨ ᱨᱮᱱᱟᱜ ᱥᱚᱦᱚᱫ ᱨᱮᱦᱚᱸ ᱑᱖ ᱢᱟᱹᱪᱤ ᱮ ᱡᱤᱛᱠᱟᱹᱨ ᱞᱮᱱᱟ ᱾[᱖]
ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱟᱡᱟᱜ ᱚᱠᱛᱚ ᱨᱮ ᱢᱩᱬᱩᱛ ᱤᱱᱯᱷᱨᱮᱥᱴᱨᱚᱠᱪᱚᱨ ᱵᱮᱱᱟᱣ ᱞᱮᱱᱟ, ᱡᱮᱢᱚᱱ ᱥᱚᱲᱚᱠ, ᱟᱨ ᱫᱷᱩᱢᱚᱞ ᱫᱚ ᱥᱚᱲᱚᱠ ᱣᱟᱞᱟ ᱥᱤᱨᱟᱹ ᱢᱚᱱᱛᱨᱤ ᱢᱮᱱᱛᱮ ᱠᱚ ᱢᱮᱛᱟᱭ ᱠᱟᱱᱟ ᱾[᱔]
᱒᱐᱐᱗ ᱥᱮᱨᱢᱟ ᱨᱮ ᱞᱳᱠ ᱥᱚᱵᱷᱟ ᱞᱟᱹᱜᱤᱫ ᱛᱮ ᱦᱚᱢᱤᱨᱯᱩᱨ ᱵᱟᱪᱷᱱᱟᱣ ᱴᱚᱴᱷᱟ ᱨᱮ ᱡᱤᱛᱠᱟᱹᱨ ᱮᱱ ᱛᱟᱭᱚᱢ ᱫᱷᱩᱢᱚᱞ ᱫᱚ ᱦᱤᱢᱟᱪᱚᱞ ᱯᱨᱚᱫᱮᱥ ᱵᱤᱫᱷᱟᱱᱥᱚᱵᱷᱟ ᱨᱮ ᱟᱡᱟᱜ ᱴᱷᱟᱶ ᱠᱷᱚᱱ ᱤᱥᱴᱤᱯᱷᱟᱭ ᱮᱢ ᱞᱮᱫᱼᱟ ᱾[᱒] ᱱᱚᱣᱟ ᱥᱚᱵᱷᱟ ᱵᱟᱪᱷᱱᱟᱣ ᱫᱚ ᱵᱤᱡᱮᱯᱤ ᱨᱤᱱᱤᱡ ᱥᱚᱦᱮᱛ ᱥᱩᱨᱮᱥ ᱪᱟᱱᱰᱮᱞ ᱟᱜ ᱵᱟᱧᱪᱟᱣ ᱠᱷᱟᱹᱛᱤᱨ ᱦᱩᱭ ᱞᱮᱱᱟ, ᱚᱠᱚᱭ ᱠᱚᱫᱚ ᱠᱟᱹᱢᱤ ᱞᱟᱹᱜᱤᱫ ᱠᱟᱹᱢᱤ ᱨᱮᱠᱚ ᱥᱮᱞᱮᱫ ᱞᱮᱱᱟ ᱛᱟᱦᱮᱸᱫ ᱾[᱔][᱗] ᱢᱮ ᱒᱐᱐᱘ ᱨᱮ ᱟᱨ ᱢᱤᱫᱴᱟᱹᱝ ᱩᱯᱵᱟᱪᱷᱚᱱ ᱨᱮ ᱫᱷᱩᱢᱚᱞ ᱟᱜ ᱴᱷᱟᱶ ᱨᱮ ᱟᱡᱤᱡ ᱜᱤᱫᱽᱨᱟᱹ ᱟᱱᱩᱨᱟᱜᱽ ᱴᱷᱟᱠᱩᱨ ᱥᱚᱝᱥᱚᱫᱽ ᱥᱚᱦᱮᱛ ᱮ ᱵᱮᱱᱟᱣ ᱮᱱᱟ ᱾[᱘]
ᱚᱱᱟ ᱥᱮᱨᱢᱟ ᱨᱮᱱᱟᱜ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱵᱤᱡᱮᱯᱤ ᱟᱜ ᱡᱤᱛᱠᱟᱹᱨ ᱛᱟᱭᱚᱢ ᱓᱐ ᱰᱤᱥᱮᱢᱵᱚᱨ ᱒᱐᱐᱗ ᱨᱮ ᱫᱷᱩᱢᱚᱞ ᱫᱚ ᱛᱮᱥᱟᱨ ᱫᱷᱟᱣ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱮ ᱵᱮᱱᱟᱣ ᱮᱱᱟᱭ ᱾[᱒][᱙] ᱒᱐᱑᱒ ᱥᱟᱞ ᱨᱮ ᱵᱤ.ᱡᱮ.ᱯᱤ. ᱯᱟᱨᱴᱤ ᱫᱚ ᱥᱚᱛᱟ ᱜᱚᱵᱚᱞ ᱞᱮᱫᱟ ᱾[᱑᱐]
᱒᱐᱑᱗ ᱥᱮᱨᱢᱟ ᱨᱮᱱᱟᱜ ᱯᱚᱱᱚᱛ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ, ᱫᱷᱩᱢᱚᱞ ᱫᱚ ᱥᱩᱡᱟᱱᱯᱩᱨ ᱵᱟᱪᱷᱱᱟᱣ ᱴᱚᱴᱷᱟ ᱨᱮ ᱵᱤᱡᱮᱯᱤ ᱟᱜ ᱠᱚᱱᱰᱤᱰᱮᱴ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟᱭ ᱟᱨ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱯᱟᱨᱴᱤ ᱨᱤᱱᱤᱡ ᱠᱚᱱᱰᱤᱰᱮᱴ ᱮ ᱛᱟᱦᱮᱸ ᱠᱟᱱᱟᱭ ᱾ ᱵᱟᱪᱷᱱᱟᱣ ᱨᱮ ᱵᱤᱡᱮᱯᱤ ᱫᱚ ᱵᱟᱹᱲᱛᱤ ᱮ ᱦᱟᱢᱮᱴ ᱠᱮᱫᱼᱟ, ᱢᱮᱱᱠᱷᱟᱱ ᱫᱷᱩᱢᱚᱞ ᱫᱚ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱨᱤᱱᱤᱡ ᱨᱟᱡᱤᱱᱫᱚᱨ ᱨᱟᱱᱟ ᱠᱷᱚᱱᱮ ᱦᱟᱨᱟᱣ ᱮᱱᱟ, ᱡᱟᱦᱟᱸ ᱛᱮ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱮ ᱛᱮᱥᱟᱨ ᱫᱷᱟᱣ ᱥᱚᱨᱠᱟᱨ ᱮ ᱥᱟᱥᱚᱱᱮᱫ ᱨᱮᱱᱟᱜ ᱩᱱᱤᱭᱟᱜ ᱥᱚᱢᱵᱚᱸᱫᱷ ᱫᱚ ᱵᱚᱫᱚᱞ ᱮᱱᱟ ᱾[᱑᱑]
ᱱᱤᱡᱮᱨᱤᱱ ᱦᱚᱲ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱟᱹᱰᱤ ᱜᱟᱱ ᱚᱱᱚᱞ ᱠᱚᱭ ᱚᱞ ᱟᱠᱟᱫᱟ, ᱡᱟᱦᱟᱸ ᱫᱚ ᱚᱠᱛᱚ-ᱚᱠᱛᱚ ᱨᱮ ᱨᱟᱡᱽᱟᱹᱨᱤ, ᱟᱹᱨᱤᱪᱟᱹᱞᱤ, ᱠᱷᱤᱞᱚᱱᱰ ᱟᱨ ᱮᱴᱟᱜ ᱡᱟᱹᱛᱤᱭᱟᱹᱨᱤ ᱚᱱᱚᱞ ᱠᱚᱨᱮ ᱯᱟᱨᱥᱟᱞ ᱟᱠᱟᱱᱟ ᱾ ᱟᱨ ᱩᱱᱤ ᱫᱚ ᱫᱳᱣᱟᱵᱟ ᱠᱚᱞᱮᱡᱽ ᱨᱮᱱᱟᱜ ᱢᱩᱬᱩᱛ ᱚᱱᱚᱞᱤᱭᱟᱹ ᱟᱨ ᱚᱱᱚᱞᱤᱭᱟᱹ ᱮ ᱛᱟᱦᱮᱸ ᱠᱟᱱᱟᱭ ᱾[᱒] ᱩᱱᱤ ᱫᱚ ᱦᱩᱲᱟᱹᱜ ᱚᱠᱛᱚ ᱨᱮ ᱯᱟᱲᱦᱟᱣ ᱟᱨ ᱱᱟᱯᱟᱭ ᱥᱮᱨᱮᱧ ᱠᱚ ᱟᱧᱡᱚᱢ ᱨᱮ ᱟᱸᱥ ᱢᱮᱱᱟᱜᱼᱟ ᱾ ᱩᱱᱤ ᱫᱚ ᱯᱮ ᱥᱮᱨᱢᱟ ᱫᱷᱟᱹᱨᱤᱡ ᱠᱚᱞᱮᱡᱽ ᱨᱤᱱᱤᱡ ᱵᱚᱞᱤᱵᱚᱞ ᱴᱤᱢ ᱨᱮ ᱠᱟᱯᱴᱮᱱ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "phone tapped during dhumal regime". tribuneindia.com.
- ↑ ᱒.᱐ ᱒.᱑ ᱒.᱒ ᱒.᱓ ᱒.᱔ ᱒.᱕ ᱒.᱖ ᱒.᱗ "Members : Lok Sabha". 164.100.47.194. Lok Sabha. Retrieved 24 February 2021.
- ↑ ᱓.᱐ ᱓.᱑ "Hon'ble Minister, Himachal Pradesh". Hpvidhansabha.nic.in. Archived from the original on 14 April 2012. Retrieved 5 January 2013.
- ↑ ᱔.᱐ ᱔.᱑ ᱔.᱒ ᱔.᱓ ᱔.᱔ "Dhumal leads BJP to power in HP". News.oneindia.in. 28 December 2007. Archived from the original on 22 September 2011. Retrieved 5 January 2013.
- ↑ ᱕.᱐ ᱕.᱑ ᱕.᱒ ᱕.᱓ ᱕.᱔ ᱕.᱕ ᱕.᱖ "BJP announces Prem Kumar Dhumal as Himachal CM candidate – Mysuru Today". Citytoday. 24 February 2021. Retrieved 24 February 2021.
- ↑ Khare, Harish (2 March 2003). "Why Congress won and BJP lost". The Hindu. Archived from the original on 30 April 2003. Retrieved 27 July 2015.
- ↑ "HP ex-CM Dhumal wins Hamirpur LS bypoll". Rediff. 5 June 2007.
- ↑ "Sixteenth Lok Sabha Members Bioprofile". Lok Sabha. Retrieved 12 June 2015.
- ↑ "Dhumal sworn in Chief Minister". The Hindu. 31 December 2007. Retrieved 12 June 2015.
- ↑ Rajalakshmi, T. K. (29 December 2012). "Cautious in victory". Frontline. Vol. 29, no. 26. Retrieved 12 June 2015.
- ↑ Pathak, Vikas (19 December 2017). "CM-designate Dhumal loses in Sujanpur, Himachal Pradesh". The Hindu. Retrieved 2 January 2018.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱯᱨᱮᱢ ᱠᱩᱢᱟᱨ ᱫᱷᱩᱢᱚᱞ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- Corruption Issue : http://www.tribuneindia.com/2010/20100121/himachal.htm#4