| ᱯᱨᱮᱢᱟ ᱱᱟᱨᱟᱭᱚᱱ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱔ ᱮᱯᱨᱤᱞ ᱑᱙᱕᱕ ᱠᱟᱞᱤᱢᱯᱚᱝ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱠᱟᱹᱢᱤ |
|
| ᱠᱟᱹᱢᱤ ᱚᱠᱛᱚ | 1974–1999 |
| ᱪᱚᱨᱚᱠ ᱦᱮᱯᱨᱟᱣ ᱥᱤᱨᱯᱟᱹ ᱡᱤᱛᱠᱟᱹᱨᱤᱭᱟᱹ | |
| ᱞᱟᱹᱴᱩ ᱦᱮᱯᱨᱟᱣ(ᱠᱩ) | Femina Miss India 1971 (Femina Miss India World) (Femina Miss India Queen of the Pacific) Queen of the Pacific 1972 (1st runner-up) |
ᱯᱨᱮᱢᱟ ᱱᱟᱨᱟᱭᱚᱱ (ᱡᱟᱱᱟᱢ ᱔ ᱮᱯᱨᱤᱞ ᱑᱙᱕᱕) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱢᱟᱨᱮᱱ ᱮᱠᱴᱨᱮᱥ, ᱢᱚᱰᱮᱞ, ᱮᱱᱮᱡᱤᱭᱟᱹ ᱟᱨ ᱵᱤᱭᱩᱴᱤ ᱯᱮᱡᱮᱱᱴ ᱴᱟᱭᱤᱴᱮᱞ ᱦᱚᱞᱰᱟᱨ ᱠᱟᱱᱟᱭ᱾ ᱩᱱᱤ ᱦᱤᱱᱫᱤ ᱟᱨ ᱵᱟᱝᱜᱟᱞᱤ ᱥᱤᱱᱮᱢᱟ ᱨᱮ ᱠᱟᱹᱢᱤ ᱟᱠᱟᱫᱟᱭ᱾ ᱩᱱᱤ ᱫᱚ ᱯᱷᱮᱢᱤᱱᱟ ᱢᱤᱥ ᱤᱱᱰᱤᱭᱟ ᱣᱟᱨᱞᱰ ᱑᱙᱗᱑ ᱮ ᱛᱟᱦᱮᱸ ᱠᱟᱱᱟ, ᱟᱨ ᱩᱱᱤ ᱑᱙᱗᱑ ᱨᱮ ᱢᱤᱥ ᱣᱟᱨᱞᱰ ᱨᱮ ᱵᱷᱟᱨᱚᱛ ᱮ ᱨᱮᱯᱨᱮᱡᱮᱱᱴ ᱞᱮᱫᱟ᱾[᱑][᱒]
ᱯᱨᱮᱢᱟ ᱱᱟᱨᱟᱭᱚᱱ ᱫᱚ ᱠᱟᱞᱤᱢᱯᱚᱝ, ᱯᱟᱪᱷᱮ ᱵᱟᱝᱜᱟᱞ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱱᱟ᱾ ᱩᱱᱤ ᱮᱠᱴᱚᱨ ᱟᱱᱤᱛᱟ ᱜᱩᱦᱟ ᱨᱮᱱ ᱵᱷᱟᱹᱜᱽᱱᱟ ᱮ ᱠᱟᱱᱟᱭ᱾[᱓]
ᱯᱨᱮᱢᱟ ᱱᱟᱨᱟᱭᱚᱱ ᱫᱚ ᱢᱤᱫ ᱠᱚᱱᱵᱷᱮᱱᱴ ᱥᱠᱩᱞ ᱨᱮ ᱤᱝᱞᱤᱥ ᱢᱟᱪᱮᱛ ᱮ ᱛᱟᱦᱮᱸ ᱠᱟᱱᱟ᱾ ᱛᱟᱭᱚᱢ ᱛᱮ ᱩᱱᱤ ᱢᱚᱰᱮᱞᱤᱝ ᱮ ᱵᱟᱪᱷᱟᱣ ᱠᱮᱫᱟ᱾ ᱑᱙᱗᱑ ᱨᱮ, ᱩᱱᱤ ᱯᱷᱮᱢᱤᱱᱟ ᱢᱤᱥ ᱤᱱᱰᱤᱭᱟ ᱦᱮᱯᱨᱟᱣ ᱨᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱱ ᱟᱨ ᱑᱙᱗᱑ ᱨᱮ ᱯᱷᱮᱢᱤᱱᱟ ᱢᱤᱥ ᱤᱱᱰᱤᱭᱟ ᱣᱟᱨᱞᱰ ᱢᱮᱱᱛᱮ ᱠᱚ ᱢᱟᱱ ᱦᱟᱞᱟᱝ ᱞᱮᱫᱮᱭᱟ᱾ ᱩᱱᱤ ᱑᱙᱗᱑ ᱨᱮ ᱢᱤᱥ ᱣᱟᱨᱞᱰ ᱨᱮ ᱵᱷᱟᱨᱚᱛ ᱮ ᱨᱮᱯᱨᱮᱡᱮᱱᱴ ᱞᱮᱫᱟ ᱢᱮᱱᱠᱷᱟᱱ ᱵᱟᱭ ᱡᱤᱛᱠᱟᱹᱨ ᱞᱮᱱ ᱛᱟᱦᱮᱸᱱ᱾ ᱚᱱᱟ ᱥᱮᱨᱢᱟ ᱜᱮ ᱩᱱᱤ ᱚᱥᱴᱨᱮᱞᱤᱭᱟ ᱨᱮ ᱦᱩᱭ ᱟᱠᱟᱱ ᱠᱩᱭᱤᱱ ᱚᱯᱷ ᱫᱟ ᱯᱮᱥᱤᱯᱷᱤᱠ ᱯᱮᱡᱮᱱᱴ ᱨᱮ ᱵᱷᱟᱨᱚᱛ ᱨᱮᱱ ᱨᱮᱯᱨᱮᱡᱮᱱᱴᱮᱴᱤᱵᱷ ᱞᱮᱠᱟᱛᱮ ᱵᱟᱦᱟᱞ ᱦᱩᱭ ᱞᱮᱱ ᱛᱟᱦᱮᱸᱱ ᱡᱟᱦᱟᱸ ᱨᱮ ᱩᱱᱤ ᱑ ᱟᱱ ᱨᱟᱱᱟᱨ-ᱟᱯ ᱞᱮᱠᱟᱛᱮ ᱢᱟᱱ ᱦᱟᱞᱟᱝ ᱦᱩᱭ ᱞᱮᱱ ᱛᱟᱦᱮᱸᱱ᱾
ᱯᱷᱮᱢᱤᱱᱟ ᱢᱤᱥ ᱤᱱᱰᱤᱭᱟ ᱦᱮᱯᱨᱟᱣ ᱡᱤᱛᱠᱟᱹᱨ ᱛᱟᱭᱚᱢ ᱦᱮᱡ ᱮᱛᱚᱦᱚᱵ ᱟᱠᱟᱱ ᱚᱯᱷᱟᱨ ᱛᱟᱭᱚᱢ ᱩᱱᱤ ᱵᱚᱞᱤᱣᱩᱰ ᱮ ᱵᱟᱪᱷᱟᱣ ᱠᱮᱫᱟ᱾ ᱯᱷᱤᱞᱢ ᱨᱮ ᱟᱡᱟᱜ ᱯᱟᱨᱯᱷᱳᱨᱢᱮᱱᱥ ᱡᱮᱞᱮᱠᱟ ᱢᱟᱱᱡᱤᱞᱮᱱ ᱟᱩᱨ ᱵᱷᱤ ᱦᱟᱭ (᱑᱙᱗᱓) ᱟᱨ ᱢᱟ ᱵᱟᱦᱮᱱ ᱟᱩᱨ ᱵᱤᱣᱤ (᱑᱙᱗᱓) ᱧᱮᱞ ᱦᱩᱭ ᱞᱮᱱ ᱛᱟᱦᱮᱸᱱ᱾ ᱩᱱᱤ ᱟᱡ ᱫᱚ ᱞᱤᱰᱤᱝ ᱞᱮᱰᱤ ᱞᱮᱠᱟᱛᱮ ᱵᱟᱭ ᱠᱚᱴᱟᱣ ᱠᱮᱫᱟ ᱪᱮᱫᱟᱜ ᱥᱮ ᱩᱱᱤ ᱡᱟᱹᱥᱛᱤ ᱠᱟᱭᱛᱮ ᱮᱱᱮᱡᱤᱭᱟᱹ / ᱵᱷᱮᱢᱯ ᱥᱮ ᱥᱚᱯᱳᱨᱴᱤᱝ ᱨᱳᱞ ᱞᱟᱹᱜᱤᱫ ᱠᱚ ᱵᱤᱪᱟᱹᱨᱮᱫ ᱛᱟᱦᱮᱸᱱ᱾ ᱩᱛᱛᱚᱢ ᱠᱩᱢᱟᱨ-ᱥᱟᱨᱢᱤᱞᱟ ᱴᱟᱜᱳᱨ ᱯᱷᱤᱞᱢ ᱟᱢᱟᱱᱩᱥ (᱑᱙᱗᱕) ᱨᱮ ᱢᱤᱫ ᱥᱮᱱᱥᱩᱣᱚᱥ ᱟᱛᱩ ᱨᱮᱱ ᱠᱩᱲᱤ ᱫᱷᱟᱱᱱᱳ ᱞᱮᱠᱟᱛᱮ ᱟᱡᱟᱜ ᱯᱟᱨᱯᱷᱳᱨᱢᱮᱱᱥ ᱞᱟᱹᱜᱤᱫ ᱵᱮᱥᱴ ᱥᱚᱯᱳᱨᱴᱤᱝ ᱮᱠᱴᱨᱮᱥ ᱠᱮᱴᱮᱜᱚᱨᱤ ᱨᱮ ᱑᱙᱗᱖ ᱨᱮ ᱯᱷᱤᱞᱢᱯᱷᱮᱭᱟᱨ ᱟᱣᱟᱨᱰ ᱨᱮ ᱱᱳᱢᱤᱱᱮᱴ ᱦᱩᱭ ᱠᱟᱛᱮ ᱟᱡ ᱠᱟᱹᱢᱤ ᱪᱤᱱᱦᱟᱹᱣ ᱞᱮᱫ ᱛᱟᱦᱮᱸᱱ᱾ ᱱᱚᱣᱟ ᱨᱳᱞ ᱫᱚ ᱟᱡᱟᱜ ᱢᱳᱰᱟᱨᱱ ᱥᱮᱠᱥ-ᱥᱤᱢᱵᱳᱞ ᱱᱟᱯᱟᱭ ᱥᱮᱪᱮᱫ ᱧᱟᱢᱟᱠᱟᱫ ᱣᱮᱥᱴᱚᱨᱱ ᱪᱤᱛᱟᱹᱨ ᱠᱷᱚᱱ ᱡᱚᱛᱚ ᱞᱮᱠᱟᱛᱮ ᱰᱮᱵᱷᱤᱭᱮᱥᱚᱱ ᱛᱟᱦᱮᱸ ᱠᱟᱱᱟ᱾ ᱮᱠᱴᱤᱝ ᱜᱩᱱ ᱞᱟᱹᱜᱤᱫ ᱪᱤᱱᱦᱟᱹᱣ ᱪᱷᱟᱰᱟ ᱠᱟᱛᱮ ᱩᱱᱤ ᱣᱮᱥᱴᱟᱨᱱ ᱥᱴᱟᱭᱤᱞ ᱮᱱᱮᱡ ᱱᱚᱢᱵᱚᱨ ᱞᱟᱹᱜᱤᱫ ᱦᱚᱸ ᱥᱟᱨᱦᱟᱣ ᱧᱟᱢ ᱞᱮᱫ ᱛᱟᱦᱮᱸᱱ᱾ ᱩᱱᱤ ᱞᱟᱛᱟᱨ ᱜᱨᱮᱰ ᱨᱮᱱᱟᱜ ᱦᱳᱨᱟᱨ ᱯᱷᱤᱞᱢ ᱥᱮᱞᱮᱫ ᱠᱟᱛᱮ ᱱᱤᱭᱚᱢ ᱞᱮᱠᱟᱛᱮ ᱯᱷᱤᱪᱟᱨ ᱮᱱᱟ, ᱦᱳᱴᱮᱞ, ᱢᱟᱝᱜᱟᱞᱥᱩᱛᱨᱟ, ᱥᱟᱟᱛ ᱥᱟᱟᱞ ᱵᱟᱟᱫ ᱟᱨ ᱜᱷᱟᱵᱽᱨᱟᱦᱟᱴ᱾
ᱟᱡᱟᱜ ᱢᱩᱪᱟᱹᱫ ᱧᱮᱞ ᱥᱚᱫᱚᱨ ᱫᱚ ᱭᱮᱦ ᱵᱟᱥᱛᱤ ᱵᱟᱰᱢᱟᱥᱳᱱ ᱠᱤ (᱑᱙᱙᱙) ᱨᱮ ᱛᱟᱦᱮᱸ ᱠᱟᱱᱟ᱾
ᱩᱱᱤ ᱨᱟᱡᱤᱵᱽ ᱥᱟᱞᱟᱜ ᱵᱟᱯᱞᱟ ᱟᱠᱟᱱᱟ, ᱢᱤᱫ ᱣᱟᱠᱤᱞ ᱠᱟᱱᱟᱭ᱾ ᱱᱩᱠᱩ ᱡᱩᱨᱤ ᱨᱮᱱ ᱵᱟᱨᱭᱟ ᱵᱚᱭᱚᱥ ᱟᱱ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ᱾