ᱯᱷᱟᱛᱮᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ

ᱯᱷᱟᱛᱮᱯᱩᱨ ᱫᱚ ᱥᱤᱧᱚᱛ ᱫᱤᱥᱚᱢ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱡᱟᱢᱛᱟᱲᱟ ᱦᱚᱱᱚᱛ ᱨᱮᱱᱟᱜ ᱡᱟᱢᱛᱟᱲᱟ ᱥᱚᱫᱚᱨ ᱪᱟᱸᱜᱟ ᱠᱷᱚᱸᱰ ᱨᱮᱱᱟᱜ ᱢᱤᱫ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱠᱟᱱᱟ᱾ ᱱᱚᱶᱟ ᱫᱚ ᱡᱟᱢᱛᱟᱲᱟ ᱠᱷᱚᱱ ᱒᱗ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ᱾

ᱚᱛᱱᱚᱜ

ᱯᱷᱟᱛᱮᱦᱯᱩᱨ 24°6′56″N 86°59′51″E / 24.11556°N 86.99750°E / 24.11556; 86.99750 ᱨᱮ ᱢᱮᱱᱟᱜᱼᱟ^[᱑]᱾

ᱥᱟᱱᱛᱟᱲ ᱯᱟᱨᱜᱟᱱᱟ ᱨᱮᱭᱟᱜ ᱠᱚᱧᱮᱼᱥᱟᱢᱟᱝ ᱱᱟᱠᱷᱟ ᱨᱮ ᱢᱮᱱᱟᱜ ᱡᱟᱢᱛᱟᱲᱟ ᱦᱚᱱᱚᱛ ᱫᱚ ᱢᱤᱫᱴᱟᱝ ᱩᱥᱩᱞ ᱵᱩᱨᱩ ᱴᱚᱴᱷᱟ ᱠᱟᱱᱟ᱾ ᱵᱚᱨᱟᱠᱟᱨ ᱜᱟᱰᱟ ᱫᱚ ᱱᱚᱣᱟ ᱦᱚᱱᱚᱛ ᱪᱳᱴᱟ ᱱᱟᱝᱜᱽᱯᱩᱨ ᱯᱞᱮᱴᱚ ᱠᱷᱚᱱ ᱮ ᱵᱷᱮᱜᱟᱨᱮᱫ ᱠᱟᱱᱟ ᱟᱨ ᱚᱡᱚᱭ ᱫᱚ ᱯᱟᱪᱮ ᱨᱮ ᱫᱮᱣᱜᱷᱚᱨ ᱦᱚᱱᱚᱛ ᱠᱷᱚᱱ ᱞᱤᱸᱜᱤᱱ ᱠᱟᱱᱟ, ᱦᱚᱱᱚᱛ ᱨᱮᱱᱟᱜ ᱫᱟᱜ ᱮ ᱮᱢᱟᱜ ᱠᱟᱱᱟ, ᱡᱷᱟᱨᱠᱷᱚᱸᱰ ᱟᱨ ᱯᱚᱪᱷᱤᱢ ᱵᱟᱸᱜᱽᱞᱟ ᱛᱟᱞᱟ ᱨᱮ ᱥᱤᱢᱟᱹ ᱵᱮᱱᱟᱣᱜᱼᱟ ᱟᱨ ᱥᱟᱢᱟᱝ ᱥᱮᱫ ᱯᱚᱪᱷᱤᱢ ᱵᱟᱸᱜᱽᱞᱟ ᱨᱮ ᱥᱮᱴᱮᱨᱚᱜᱼᱟ᱾^[᱒]

ᱯᱷᱟᱛᱮᱦᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱫᱚ ᱫᱮᱣᱜᱷᱚᱨ ᱦᱚᱱᱚᱛ ᱨᱮᱱᱟᱜ ᱥᱟᱨᱚᱴᱷ ᱟᱨ ᱯᱟᱞᱳᱡᱳᱨᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱟᱨ ᱮᱛᱚᱢ ᱨᱮ ᱫᱩᱢᱠᱟ ᱦᱚᱱᱚᱛ ᱨᱮᱱᱟᱜ ᱢᱟᱥᱟᱞᱤᱭᱟᱹ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ, ᱯᱩᱨᱩᱵᱽ ᱨᱮ ᱠᱩᱸᱰᱷᱤᱛ, ᱠᱚᱧᱮ ᱨᱮ ᱱᱟᱞᱟ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱟᱨ ᱯᱟᱪᱷᱮ ᱨᱮ ᱡᱟᱢᱛᱟᱲᱟ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱛᱮ ᱜᱷᱮᱨᱟᱣ ᱟᱠᱟᱱᱟ᱾^{[᱓][᱔][᱕]}

ᱯᱷᱟᱛᱮᱦᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱒᱘᱐.᱔᱔ ᱠᱤᱞᱚᱢᱤᱴᱚᱨ ᱵᱟᱨᱟᱵᱟᱨ ᱡᱟᱭᱜᱟ ᱢᱮᱱᱟᱜᱼᱟ᱾^[᱖] ᱱᱚᱶᱟ ᱵᱚᱱᱚᱛ ᱨᱮ ᱯᱷᱟᱛᱮᱯᱩᱨ ᱟᱨ ᱵᱤᱸᱫᱟᱯᱟᱛᱚᱨ ᱯᱩᱞᱤᱥ ᱥᱴᱮᱥᱚᱱ ᱢᱮᱱᱟᱜᱼᱟ᱾^[᱗] ᱱᱚᱶᱟ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱯᱷᱟᱛᱮᱯᱩᱨ ᱟᱹᱛᱩ ᱨᱮ ᱢᱮᱱᱟᱜᱼᱟ᱾^[᱘]

ᱯᱷᱟᱛᱮᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱑᱕ ᱜᱚᱴᱟᱝ ᱯᱚᱧᱪᱟᱪᱚᱛ ᱟᱨ ᱑᱗᱙ ᱜᱚᱴᱟᱝ ᱟᱹᱛᱩ ᱢᱮᱱᱟᱜᱼᱟ᱾^[᱙]

ᱯᱷᱟᱛᱮᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮᱱᱟᱜ ᱯᱚᱧᱪᱟᱭᱚᱛ ᱠᱚ ᱫᱚ ᱦᱩᱭᱩᱜ ᱠᱟᱱᱟ: ᱟᱜᱟᱭᱚᱥᱚᱨᱢᱩᱱᱰᱤ, ᱟᱥᱟᱱᱵᱮᱨᱤᱭᱟ, ᱵᱟᱢᱟᱱᱰᱤᱦᱟ, ᱵᱟᱱᱫᱚᱨᱱᱟᱪᱟ, ᱵᱟᱱᱩᱰᱤᱦ, ᱵᱤᱸᱫᱟᱯᱟᱛᱚᱨ, ᱪᱟᱯᱩᱨᱤᱭᱟ, ᱫᱟᱥᱟᱱᱤᱭᱟ, ᱫᱩᱢᱟᱨᱤᱭᱟ, ᱯᱷᱟᱛᱮᱯᱩᱨ, ᱡᱟᱢᱡᱳᱨᱤ, ᱠᱷᱚᱢᱟᱨᱵᱟᱫᱽ, ᱯᱟᱞᱚᱡᱳᱨᱤ, ᱥᱤᱢᱟᱞᱫᱩᱵᱤ ᱟᱨ ᱥᱤᱢᱞᱟᱫᱟᱝᱜᱚᱞ᱾^[᱙]

ᱰᱮᱢᱚᱜᱽᱨᱟᱯᱷᱤ

ᱦᱚᱲᱞᱮᱠᱷᱟ

ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱯᱷᱟᱛᱮᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱘᱙,᱖᱔᱕ ᱦᱚᱲ ᱢᱮᱱᱟᱜ ᱠᱚᱣᱟ, ᱡᱟᱦᱟᱸ ᱠᱚᱫᱚ ᱥᱟᱱᱟᱢ ᱟᱹᱛᱩ ᱴᱚᱴᱷᱟ ᱨᱮ ᱢᱮᱱᱟᱜ ᱠᱚᱣᱟ᱾ ᱔᱕,᱕᱔᱖ (᱕᱑%) ᱠᱚᱲᱟ ᱟᱨ ᱔᱔,᱐᱙᱙ (᱔᱙%) ᱠᱩᱲᱤ ᱠᱚ ᱛᱟᱦᱮᱸ ᱠᱟᱱᱟ᱾ ᱖ ᱥᱮᱨᱢᱟ ᱠᱷᱚᱱ ᱠᱚᱢ ᱦᱚᱲ ᱮᱞ ᱫᱚ ᱑᱔,᱐᱐᱘ ᱦᱚᱲ᱾ ᱮᱥ.ᱥᱤ ᱡᱟᱹᱛᱤ ᱠᱚ ᱖,᱙᱒᱐ (᱗.᱗᱒%) ᱟᱨ ᱟᱹᱫᱤᱵᱟᱹᱥᱤ ᱠᱚ ᱔᱒,᱐᱙᱐ (᱔᱖.᱙᱕%)᱾^[᱖]

ᱯᱷᱟᱛᱮᱦᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱢᱟᱨᱟᱝ ᱟᱹᱛᱩ (᱔,᱐᱐᱐+ ᱦᱚᱲ ᱢᱮᱱᱟᱜ ᱠᱚᱣᱟ) ᱫᱚ (᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ): ᱯᱷᱟᱛᱮᱯᱩᱨ (᱔,᱑᱐᱗)᱾^[᱖]

ᱥᱮᱪᱮᱫ

᱒᱐᱑᱑ ᱥᱮᱨᱢᱟ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱯᱷᱟᱛᱮᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱚᱞ ᱯᱟᱲᱦᱟᱣ ᱟᱠᱟᱱ ᱦᱚᱲ ᱮᱞ ᱫᱚ ᱔᱙,᱖᱖᱑ (᱖ ᱥᱮᱨᱢᱟ ᱠᱷᱚᱱ ᱵᱟᱹᱲᱛᱤ ᱦᱚᱲ ᱮᱞ ᱨᱮᱱᱟᱜ ᱖᱕.᱖᱖%) ᱛᱟᱦᱮᱸ ᱠᱟᱱᱟ᱾ ᱚᱱᱟ ᱢᱩᱸᱫᱽ ᱠᱷᱚᱱ ᱓᱐,᱓᱘᱑ (᱖᱑%) ᱫᱚ ᱠᱚᱲᱟ ᱟᱨ ᱑᱙,᱒᱘᱐ (᱓᱙%) ᱫᱚ ᱠᱩᱲᱤ ᱠᱚ ᱛᱟᱦᱮᱸ ᱠᱟᱱᱟ᱾ ᱡᱟᱱᱟᱝ ᱵᱷᱮᱜᱟᱨ (ᱠᱩᱲᱤ ᱟᱨ ᱠᱚᱲᱟ ᱚᱞ ᱯᱟᱲᱦᱟᱣ ᱛᱟᱞᱟᱨᱮ ᱵᱷᱮᱜᱟᱨ) ᱫᱚ ᱒᱒% ᱛᱟᱦᱮᱸ ᱠᱟᱱᱟ᱾^[᱖]

ᱡᱟᱢᱛᱟᱲᱟ ᱦᱚᱱᱚᱛ ᱨᱮᱱᱟᱜ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱠᱚ ᱨᱮᱱᱟᱜ ᱥᱤᱠᱷᱱᱟᱹᱛ
ᱱᱟᱨᱟᱭᱚᱱᱯᱩᱨ – ᱕᱕.᱗᱒%
ᱠᱟᱨᱢᱟᱴᱟᱸᱲ – ᱕᱘.᱑᱖%
ᱡᱟᱢᱛᱟᱲᱟ – ᱖᱖.᱓᱑%
ᱱᱟᱞᱟ – ᱖᱔.᱖᱓%
ᱯᱟᱛᱮᱦᱯᱩᱨ – ᱖᱕.᱖᱖%
ᱠᱩᱸᱰᱷᱤᱛ – ᱖᱓.᱖᱔%
Source: ᱒᱐᱑᱑ ᱦᱚᱲ ᱞᱮᱠᱷᱟ: ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱦᱤᱥᱟᱹᱵᱽ ᱛᱮ Primary Census Abstract Data

ᱯᱟᱹᱨᱥᱤ ᱟᱨ ᱫᱷᱚᱨᱚᱢ

᱒᱐᱐᱑ ᱥᱟᱞᱮ ᱨᱮ, ᱱᱤᱛᱚᱜᱟᱜ ᱡᱟᱢᱛᱟᱲᱟ ᱦᱚᱱᱚᱛ ᱫᱚ ᱫᱩᱢᱠᱟᱹ ᱦᱚᱱᱚᱛ ᱨᱮᱱᱟᱜ ᱢᱤᱫ ᱦᱤᱸᱥ ᱛᱟᱦᱮᱸ ᱠᱟᱱᱟ᱾ ᱒᱐᱐᱑ ᱥᱮᱨᱢᱟ ᱨᱮ ᱫᱩᱢᱠᱟᱹ ᱦᱚᱱᱚᱛ ᱨᱮ ᱖᱖᱐,᱒᱓᱓ ᱜᱚᱴᱟᱝ ᱦᱚᱲ ᱠᱚᱣᱟᱜ ᱡᱟᱱᱟᱢ ᱯᱟᱹᱨᱥᱤ ᱥᱟᱱᱛᱟᱲᱤ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱔᱑.᱑᱗% ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ᱾ ᱚᱱᱟ ᱛᱟᱭᱚᱢ ᱖᱑᱕,᱖᱖᱗ ᱜᱚᱴᱟᱝ ᱦᱚᱲ (᱓᱘.᱓᱙%) ᱥᱟᱶᱛᱮ ᱦᱤᱱᱫᱤ ᱟᱨ ᱓᱒᱗,᱗᱑᱔ ᱜᱚᱴᱟᱝ ᱦᱚᱲ (᱒᱐.᱔᱔%) ᱥᱟᱶᱛᱮ ᱵᱟᱝᱞᱟ ᱯᱟᱹᱨᱥᱤ ᱠᱚ ᱛᱟᱦᱮᱸ ᱠᱟᱱᱟ᱾

ᱨᱮᱸᱜᱮᱡ ᱦᱟᱞᱚᱛ

᱒᱐᱐᱔-᱒᱐᱐᱕ ᱥᱮᱨᱢᱟ ᱨᱮ ᱡᱟᱢᱛᱟᱲᱟ ᱦᱚᱱᱚᱛ ᱨᱮ ᱖᱐-᱗᱐% ᱦᱚᱲ ᱫᱚ ᱵᱤ.ᱯᱤ.ᱮᱞ ᱛᱷᱚᱠ ᱨᱮ ᱠᱚ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱫᱚ ᱨᱟᱺᱪᱤ ᱟᱨ ᱫᱩᱢᱠᱟᱹ ᱦᱚᱱᱚᱛ ᱠᱚ ᱥᱟᱶᱛᱮ ᱢᱤᱫᱴᱟᱹᱝ ᱛᱷᱚᱠ ᱨᱮ ᱢᱮᱱᱟᱜᱼᱟ᱾ ᱡᱷᱟᱨᱠᱷᱚᱸᱰ ᱨᱮ ᱟᱹᱛᱩ ᱨᱮ ᱨᱮᱸᱜᱮᱡ ᱦᱟᱞᱚᱛ ᱫᱚ ᱑᱙᱙᱓ ᱨᱮ ᱖᱖% ᱠᱷᱚᱱ ᱒᱐᱐᱔ ᱨᱮ ᱔᱖% ᱨᱮ ᱠᱚᱢ ᱟᱠᱟᱱᱟ᱾ ᱒᱐᱑᱑ ᱨᱮ ᱱᱚᱶᱟ ᱫᱚ ᱓᱙.᱑% ᱦᱟ.ᱨᱮ ᱟᱬᱜᱚ ᱟᱠᱟᱱᱟ।^[᱑᱐]

ᱠᱟᱹᱣᱰᱤᱭᱟᱹᱨᱤ

ᱦᱮᱡ ᱥᱮᱱ

ᱥᱮᱪᱮᱫ

ᱦᱚᱲᱢᱚ ᱥᱟᱶᱟᱨ

ᱵᱟᱨᱦᱮ ᱡᱚᱱᱚᱲ

ᱥᱟᱹᱠᱷᱭᱟᱹᱛ

1. "High School Fatehpur (Jamtara)". Jharkhand. Wikimapia. Retrieved 26 December 2015.
2. Roychoudhury, P.C. "Bihar District Gazetteers: Santhal Parganas". Chaoter I: General. Secretariat Press, Patna, 1965. Retrieved 21 October 2020.
3. "Jamtara CD block/ tehsil map". Maps of India. Retrieved 22 October 2020.
4. "Deoghar CD block/ tehsil map". Maps of India. Retrieved 22 October 2020.
5. "Dumka CD block/ tehsil map". Maps of India. Retrieved 22 October 2020.
6. "District Census Handbook, Jamtara, Series 21, Part XII B" (PDF). Page 55: Rural PCA – CD block wise village primary census abstract, 2011 census. Directorate of Census Operations Jharkhand. Retrieved 22 October 2020.
7. "District Police Profile - Jamtara". Jharkhand Police. Archived from the original on 12 November 2020. Retrieved 22 October 2020.
8. "District Census Handbook, Jamtara, Series 21, Part XII B" (PDF). Map of Jamtara on the third page. Directorate of Census Operations Jharkhand. Retrieved 22 October 2020.
9. "Jamtara district of Jharkhand". Blocks and Panchayats. Jamtara district administration. Archived from the original on 27 December 2015. Retrieved 26 December 2015.
10. "Eliminating poverty" (PDF). Jharkhand government. Retrieved 22 October 2020.