ᱱᱟᱛᱟᱥᱟ ᱥᱴᱟᱱᱠᱳᱵᱷᱤᱪ
| ᱱᱟᱛᱟᱥᱟ ᱥᱴᱟᱱᱠᱳᱵᱷᱤᱪ | |
|---|---|
 ᱱᱟᱛᱟᱥᱟ ᱥᱴᱟᱱᱠᱳᱵᱷᱤᱪ | |
| ᱢᱩᱬ ᱧᱩᱛᱩᱢ | Наташа Станковић |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱔ ᱢᱟᱨᱪ ᱑᱙᱙᱒ ᱥᱟᱨᱵᱤᱭᱟ |
| ᱫᱤᱥᱚᱢᱤᱭᱟᱹ | ᱥᱟᱨᱵᱮᱭᱟᱱ |
| ᱠᱟᱹᱢᱤ |
|
| ᱠᱟᱹᱢᱤ ᱚᱠᱛᱚ | 2012–2020 |
| ᱡᱤᱭᱚᱱ ᱥᱚᱦᱮᱫ | |
| ᱦᱚᱯᱚᱱ | 1 |
ᱱᱟᱛᱟᱥᱟ ᱥᱴᱟᱱᱠᱳᱵᱷᱤᱪ (ᱥᱟᱨᱵᱤᱭᱟᱱ ᱥᱤᱨᱤᱞᱤᱠ: Наташа Станковић ᱡᱟᱱᱟᱢ ᱔ ᱢᱟᱨᱪ ᱑᱙᱙᱒) ᱫᱚ ᱢᱩᱢᱵᱟᱭ, ᱵᱷᱟᱨᱚᱛ ᱨᱮ ᱵᱮᱥ ᱟᱠᱟᱱ ᱢᱤᱫ ᱥᱟᱨᱵᱤᱭᱟᱱ ᱮᱱᱮᱡᱤᱭᱟᱹ, ᱢᱚᱰᱮᱞ ᱟᱨ ᱮᱠᱴᱨᱮᱥ ᱠᱟᱱᱟᱭ᱾ ᱩᱱᱤ ᱯᱨᱚᱠᱟᱥ ᱡᱷᱟ ᱦᱚᱛᱮᱛᱮ ᱰᱟᱭᱨᱮᱠᱴ ᱟᱠᱟᱱ ᱨᱟᱡᱽᱱᱤᱛᱤᱠ ᱰᱨᱟᱢᱟ ᱥᱟᱛᱭᱟᱜᱽᱨᱟᱦ ᱥᱟᱶ ᱵᱚᱞᱤᱣᱩᱰ ᱯᱷᱤᱞᱢ ᱨᱮ ᱟᱡᱟᱜ ᱮᱛᱚᱦᱚᱵ ᱮ ᱵᱮᱱᱟᱣ ᱠᱮᱫᱟ᱾ ᱒᱐᱑᱔ ᱨᱮ, ᱩᱱᱤ ᱵᱤᱜᱽ ᱵᱚᱥ ᱘ ᱨᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ᱾ ᱩᱱᱤ ᱱᱟᱪ ᱵᱟᱞᱤᱭᱮ ᱙ ᱨᱮ ᱦᱚᱸ ᱥᱮᱞᱮᱫ ᱞᱮᱱ ᱛᱟᱦᱮᱸᱫ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱒ ᱨᱮ, ᱥᱴᱟᱱᱠᱳᱵᱷᱤᱪ ᱮᱠᱴᱤᱝ ᱨᱮ ᱢᱤᱫ ᱠᱮᱨᱤᱭᱚᱨ ᱪᱟᱹᱞᱩ ᱞᱟᱹᱜᱤᱫ ᱵᱷᱟᱨᱚᱛ ᱩᱪᱟᱹᱲ ᱮᱱᱟ᱾ ᱩᱱᱤ ᱡᱳᱱᱥᱟᱱ ᱮᱱᱰ ᱡᱳᱱᱥᱟᱱ ᱵᱨᱟᱸᱰ ᱞᱟᱹᱜᱤᱫ ᱢᱤᱫ ᱢᱚᱰᱮᱞ ᱞᱮᱠᱟᱛᱮ ᱟᱡᱟᱜ ᱠᱮᱨᱤᱭᱚᱨ ᱮ ᱮᱛᱚᱦᱚᱵ ᱠᱮᱫᱟ᱾ ᱒᱐᱑᱓ ᱨᱮ, ᱩᱱᱤ ᱯᱨᱚᱠᱟᱥ ᱡᱷᱟ ᱦᱚᱛᱮᱛᱮ ᱰᱟᱭᱨᱮᱠᱴ ᱟᱠᱟᱱ ᱯᱷᱤᱞᱢ ᱥᱟᱛᱭᱟᱜᱽᱨᱟᱦ ᱥᱟᱶ ᱟᱡᱟᱜ ᱦᱤᱱᱫᱤ ᱯᱷᱤᱞᱢ ᱨᱮ ᱮᱛᱚᱦᱚᱵ ᱮ ᱵᱮᱱᱟᱣ ᱠᱮᱫᱟ, ᱡᱟᱦᱟᱸ ᱨᱮ ᱩᱱᱤ ᱟᱡᱟᱭ ᱫᱮᱵᱽᱜᱟᱱ ᱵᱤᱨᱩᱫᱷ ᱮᱱᱮᱡ ᱱᱚᱢᱵᱚᱨ "ᱟᱭᱭᱳ ᱡᱤ" ᱨᱮ ᱧᱮᱞ ᱮᱱᱟ᱾ ᱛᱟᱭᱚᱢ ᱒᱐᱑᱔ ᱨᱮ, ᱩᱱᱤ ᱵᱤᱜᱽ ᱵᱚᱥ ᱘ ᱨᱮ ᱧᱮᱞ ᱮᱱᱟ, ᱡᱟᱦᱟᱸ ᱨᱮ ᱩᱱᱤ ᱢᱤᱫ ᱪᱟᱸᱫᱚ ᱞᱟᱹᱜᱤᱫ ᱚᱲᱟᱜ ᱨᱮᱭ ᱛᱟᱦᱮᱸ ᱮᱱᱟ᱾ ᱩᱱᱤ ᱧᱩᱛᱩᱢ ᱮ ᱧᱟᱢ ᱠᱮᱫᱟ ᱡᱚᱠᱷᱚᱱ ᱩᱱᱤ ᱵᱟᱫᱽᱥᱟᱦ ᱟᱨ ᱟᱟᱥᱛᱷᱟ ᱜᱤᱞ ᱦᱚᱛᱮᱛᱮ ᱧᱩᱛᱩᱢᱟᱱ ᱮᱱᱮᱡ ᱱᱚᱢᱵᱚᱨ "ᱰᱤᱡᱮ ᱣᱟᱞᱮ ᱵᱟᱵᱩ" (ᱛᱟᱹᱨᱡᱤᱢᱟᱹ ᱼ ᱢᱤᱥᱴᱟᱨ ᱰᱤᱡᱮ ᱯᱞᱮᱭᱟᱨ) ᱨᱮ ᱧᱮᱞ ᱮᱱᱟ᱾
᱒᱐᱑᱖ ᱨᱮ, ᱩᱱᱤ ᱥᱟᱣᱨᱟᱵᱷ ᱵᱚᱨᱢᱟ ᱦᱚᱛᱮᱛᱮ ᱰᱟᱭᱨᱮᱠᱴ ᱟᱠᱟᱱ ᱯᱷᱤᱞᱢ ᱗ ᱦᱟᱣᱟᱨᱥ ᱴᱩ ᱜᱳ ᱨᱮ ᱧᱮᱞ ᱮᱱᱟ᱾ ᱯᱷᱤᱞᱢ ᱨᱮ, ᱩᱱᱤ ᱢᱤᱫ ᱠᱳᱯ ᱟᱜ ᱨᱳᱞ ᱮ ᱠᱷᱮᱞ ᱠᱮᱫᱟ ᱟᱨ ᱮᱠᱥᱚᱱ ᱥᱤᱱ ᱨᱮ ᱯᱟᱨᱯᱷᱚᱨᱢ ᱠᱮᱫᱟ᱾ ᱒᱐᱑᱗ ᱨᱮ, ᱥᱴᱟᱱᱠᱳᱵᱷᱤᱪ ᱯᱷᱤᱞᱢ ᱯᱷᱩᱠᱨᱮ ᱨᱤᱴᱟᱨᱱᱥ ᱠᱷᱚᱱ ᱧᱩᱛᱩᱢᱟᱱ ᱮᱱᱮᱡ ᱱᱚᱢᱵᱚᱨ "ᱢᱟᱦᱵᱩᱵᱟ" (ᱛᱟᱹᱨᱡᱤᱢᱟᱹ ᱼ ᱫᱩᱞᱟᱹᱲᱤᱭᱟᱹ) ᱨᱮ ᱯᱷᱤᱪᱟᱨ ᱦᱩᱭ ᱞᱮᱱ ᱛᱟᱦᱮᱸᱫ, ᱡᱟᱦᱟᱸ ᱞᱟᱹᱜᱤᱫ ᱩᱱᱤ ᱥᱟᱨᱦᱟᱣ ᱦᱩᱭ ᱞᱮᱱ ᱛᱟᱦᱮᱸᱫ᱾
᱒᱐᱑᱘ ᱨᱮ, ᱩᱱᱤ ᱟᱟᱱᱟᱸᱫ ᱮᱞᱹ ᱨᱟᱭ ᱦᱚᱛᱮᱛᱮ ᱰᱟᱭᱨᱮᱠᱴ ᱟᱠᱟᱱ ᱯᱷᱤᱞᱢ ᱡᱤᱨᱳ ᱨᱮ ᱥᱟᱦ ᱨᱩᱠᱷ ᱠᱷᱟᱱ, ᱟᱱᱩᱥᱠᱟ ᱥᱟᱨᱢᱟ ᱟᱨ ᱠᱟᱴᱨᱤᱱᱟ ᱠᱮᱭᱯᱷ ᱥᱟᱶ ᱢᱤᱫ ᱠᱮᱢᱤᱭᱳ ᱨᱮ ᱧᱮᱞ ᱮᱱᱟ᱾ ᱥᱴᱟᱱᱠᱳᱵᱷᱤᱪ ᱒᱐᱑᱙ ᱨᱮ ᱟᱫᱟ ᱥᱟᱨᱢᱟ ᱥᱟᱶ ᱡᱩᱢ ᱥᱴᱩᱰᱤᱭᱳ ᱦᱚᱛᱮᱛᱮ ᱣᱮᱵᱽ ᱥᱤᱨᱤᱡ ᱫᱟ ᱦᱳᱞᱤᱰᱮ ᱥᱟᱶ ᱟᱡᱟᱜ ᱰᱤᱡᱤᱴᱟᱞ ᱮᱛᱚᱦᱚᱵ ᱮ ᱵᱮᱱᱟᱣ ᱠᱮᱫᱟ᱾ ᱩᱱᱤ ᱟᱞᱤ ᱜᱳᱱᱤ ᱥᱟᱶ ᱮᱱᱮᱡ ᱨᱤᱭᱮᱞᱤᱴᱤ ᱴᱮᱞᱤᱵᱤᱡᱚᱱ ᱥᱤᱨᱤᱡ ᱱᱟᱪ ᱵᱟᱞᱤᱭᱮ ᱙ ᱨᱮ ᱧᱮᱞ ᱦᱩᱭ ᱞᱮᱱ ᱛᱟᱦᱮᱸᱫ᱾
ᱯᱟᱨᱥᱚᱱᱟᱞ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱴᱟᱱᱠᱳᱵᱷᱤᱪ ᱔ ᱢᱟᱨᱪ ᱑᱙᱙᱒ ᱨᱮ ᱯᱳᱡᱟᱨᱮᱣᱚᱠ, ᱥᱟᱨᱵᱤᱭᱟ ᱟᱹᱯᱱᱟᱹᱛ, ᱮᱥᱹᱮᱯᱷᱹᱟᱨᱹ ᱭᱩᱜᱳᱥᱞᱟᱵᱷᱤᱭᱟ ᱨᱮ ᱜᱳᱨᱟᱱ ᱟᱨ ᱨᱟᱫᱽᱢᱤᱞᱟ ᱥᱴᱟᱱᱠᱳᱵᱷᱤᱪ ᱴᱷᱮᱱ ᱡᱟᱱᱟᱢ ᱞᱮᱱ ᱛᱟᱦᱮᱸᱫ᱾ ᱩᱱᱤ ᱨᱤᱱ ᱢᱤᱫ ᱵᱚᱭᱦᱟ ᱢᱮᱱᱟᱭ ᱛᱟᱹᱠᱤᱱᱟ ᱱᱮᱱᱟᱫ ᱥᱴᱟᱱᱠᱳᱵᱷᱤᱪ᱾
ᱥᱴᱟᱱᱠᱳᱵᱷᱤᱪ ᱑ ᱡᱟᱱᱣᱟᱨᱤ ᱒᱐᱒᱐ ᱨᱮ ᱵᱷᱟᱨᱚᱛᱤᱭᱚ ᱠᱨᱤᱠᱮᱴᱟᱨ ᱦᱟᱨᱫᱤᱠ ᱯᱟᱱᱰᱭᱟ ᱥᱟᱶ ᱢᱮᱥᱟᱭᱮᱱᱟ ᱮᱱᱟ᱾ ᱓᱑ ᱢᱮ ᱒᱐᱒᱐ ᱨᱮ, ᱠᱳᱣᱤᱰᱼ᱑᱙ ᱞᱚᱠᱰᱟᱣᱩᱱ ᱛᱟᱞᱟ ᱨᱮ, ᱡᱩᱨᱤ ᱢᱤᱫ ᱞᱟᱹᱜᱩ ᱠᱤ ᱠᱳᱨᱴ ᱵᱟᱯᱞᱟ ᱨᱮ ᱥᱟᱹᱜᱟᱹᱭ ᱠᱤᱱ ᱡᱳᱲᱟᱣ ᱠᱮᱫᱟ᱾ ᱩᱱᱠᱤᱱ ᱨᱤᱱ ᱯᱩᱭᱞᱩ ᱜᱤᱫᱽᱨᱟᱹ, ᱟᱜᱟᱥᱛᱭᱟ ᱮᱪᱹ ᱯᱟᱱᱰᱭᱟ, ᱓᱐ ᱡᱩᱞᱟᱭ ᱒᱐᱒᱐ ᱨᱮ ᱡᱟᱱᱟᱢ ᱞᱮᱱᱟᱭ᱾ ᱑᱔ ᱯᱷᱮᱵᱽᱨᱩᱣᱟᱨᱤ ᱒᱐᱒᱓ ᱨᱮ, ᱥᱴᱟᱱᱠᱳᱵᱷᱤᱪ ᱟᱨ ᱯᱟᱱᱰᱭᱟ ᱩᱫᱮᱭᱯᱩᱨ ᱨᱮ ᱢᱤᱫ ᱥᱟᱢᱟᱨᱳᱦ ᱨᱮ ᱟᱠᱚᱣᱟᱜ ᱵᱟᱯᱞᱟ ᱨᱮᱭᱟᱜ ᱵᱚᱛᱚ ᱠᱤᱱ ᱫᱚᱦᱨᱟ ᱠᱮᱫᱟ᱾ ᱡᱩᱞᱟᱭ ᱒᱐᱒᱔ ᱨᱮ ᱡᱩᱨᱤ ᱯᱟᱨᱥᱯᱟᱹᱨᱤᱠ ᱨᱩᱯ ᱛᱮ ᱠᱤᱱ ᱵᱷᱮᱜᱟᱨ ᱮᱱᱟ᱾ ᱚᱱᱟ ᱚᱠᱛᱚ ᱨᱮ, ᱩᱱᱠᱩ ᱟᱠᱚᱨᱤᱱ ᱜᱤᱫᱽᱨᱟᱹ ᱟᱜᱟᱥᱛᱭᱟ ᱞᱟᱹᱜᱤᱫ ᱥᱟᱦᱤ ᱜᱚᱲᱚ ᱟᱭᱳᱼᱵᱟᱵᱟ ᱞᱮᱠᱟᱛᱮ ᱢᱮᱱᱟᱜ ᱠᱤᱱᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱱᱟᱛᱟᱥᱟ ᱥᱴᱟᱱᱠᱳᱵᱷᱤᱪ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- ᱱᱟᱛᱟᱥᱟ ᱥᱴᱟᱱᱠᱳᱵᱷᱤᱪ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)