ᱱᱟᱨᱟᱭᱚᱱ ᱫᱮᱵᱽᱱᱟᱛᱷ

ᱱᱟᱨᱟᱭᱚᱱ ᱫᱮᱵᱽᱱᱟᱛᱷ
᱒᱐᱑᱓ ᱨᱮ ᱫᱮᱵᱽᱱᱟᱛᱷ
ᱡᱟᱱᱟᱢ	1925 (ᱥᱤᱵᱽᱯᱩᱨ) ᱦᱟᱣᱲᱟ, ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ, ᱵᱽᱴᱤᱥ ᱨᱟᱡᱽ
ᱜᱩᱨ	᱑᱘ ᱡᱟᱱᱩᱣᱟᱨᱤ ᱒᱐᱒᱒ (᱙᱖ ᱵᱚᱭᱚᱥ) ᱠᱚᱞᱠᱟᱛᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ
ᱱᱟᱜᱽᱨᱤᱠ	ᱪᱷᱟᱸᱪ:Comics infobox sec/creator nat
ᱴᱚᱴᱷᱟ	ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ
ᱧᱩᱛᱩᱢᱟᱱ ᱠᱟᱹᱢᱤ	ᱵᱟᱸᱴᱩᱞ ᱫᱟ ᱜᱨᱮᱴ, ᱦᱟᱸᱫᱟ ᱵᱷᱳᱫᱟ, ᱱᱳᱱᱴᱮ ᱯᱷᱳᱱᱴᱮ
ᱥᱤᱨᱯᱟᱹ	ᱫᱤᱥᱚᱢ ᱜᱚᱢᱠᱮᱭᱟᱜ ᱵᱤᱥᱮᱥ ᱩᱯᱨᱩᱢ ᱥᱤᱨᱯᱟᱹ (᱒᱐᱐᱗), ᱥᱟᱦᱤᱛᱭᱚ ᱮᱠᱟᱰᱮᱢᱤ (᱒᱐᱑᱓), ᱵᱟᱝᱞᱟ ᱵᱤᱵᱷᱩᱥᱚᱱ (᱒᱐᱑᱓), ᱨᱚᱵᱤᱱᱫᱽᱨᱚ ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱦᱚᱛᱮᱛᱮ ᱰᱤ. ᱞᱤᱴ. (᱒᱐᱑᱕), ᱵᱷᱟᱨᱚᱛ ᱥᱚᱨᱠᱟᱨ ᱟᱜ ᱯᱚᱫᱽᱢᱚᱥᱨᱤ (᱒᱐᱒᱑)
ᱮᱨᱟ	ᱛᱟᱨᱟ ᱫᱮᱵᱽᱱᱟᱛᱷ
ᱜᱤᱫᱽᱨᱟᱹ	2

ᱱᱟᱨᱟᱭᱚᱱ ᱫᱮᱵᱽᱱᱟᱛᱷ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱠᱚᱢᱤᱠᱥ ᱚᱱᱚᱞᱤᱭᱟᱹ ᱛᱟᱦᱮᱸ ᱠᱟᱱᱟᱭ᱾ ᱩᱱᱤ ᱫᱚ ᱦᱟᱸᱫᱟ ᱵᱷᱳᱫᱟ, ᱵᱟᱴᱩᱞ ᱫᱤ ᱜᱨᱮᱴ, ᱱᱚᱱᱴᱮ ᱯᱷᱚᱱᱴᱮ, ᱵᱟᱦᱟᱫᱩᱨ ᱵᱮᱹᱲᱟᱞ, ᱰᱟᱱᱯᱤᱴᱮ ᱠᱷᱟᱸᱫᱩ ᱟᱨ ᱛᱟᱨ ᱠᱮᱢᱤᱠᱮᱞ ᱫᱟᱫᱩ, ᱠᱟᱹᱣᱥᱤᱠ ᱨᱟᱭ ᱵᱮᱱᱟᱣ ᱟᱠᱟᱫᱟ᱾ ᱕᱐ ᱥᱮᱨᱢᱟ ᱠᱷᱚᱱ ᱦᱚᱸ ᱡᱟᱥᱛᱤ ᱚᱠᱛᱚ ᱠᱚᱢᱤᱠᱥ ᱚᱞ ᱟᱨ ᱪᱤᱛᱟᱹᱨ ᱟᱠᱟᱣ ᱠᱟᱛᱮ ᱵᱟᱝᱞᱟ ᱯᱟᱹᱨᱥᱤ ᱥᱟᱶᱦᱮᱫ ᱮ ᱪᱚᱨᱪᱟ ᱟᱠᱟᱫᱟ᱾ ᱠᱚᱢᱤᱠᱥ ᱪᱷᱟᱰᱟ ᱩᱱᱤ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱟᱭᱢᱟ ᱚᱞ ᱟᱨ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱦᱚᱸᱭ ᱠᱟᱹᱢᱤ ᱟᱠᱟᱫᱟ᱾ ᱥᱩᱠᱛᱟᱨᱟ, ᱠᱤᱥᱳᱨ ᱵᱷᱟᱨᱚᱛᱤ ᱮᱢᱟᱱ ᱯᱟᱛᱷᱟᱢ ᱠᱚᱨᱮ ᱡᱟᱸᱦᱟ ᱚᱞ ᱠᱚ ᱯᱟᱨᱥᱟᱞ ᱞᱮᱱᱟ ᱚᱱᱟ ᱠᱚᱦᱚᱸ ᱦᱩᱰᱤᱧ ᱯᱚᱛᱚᱵ ᱞᱮᱠᱟᱛᱮ ᱪᱷᱟᱯᱟ ᱟᱠᱟᱱᱟ᱾ ᱒᱐᱒᱑ ᱥᱟᱞ ᱨᱮ ᱵᱷᱟᱨᱚᱛ ᱥᱚᱨᱠᱟᱨ ᱟᱨ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱦᱚᱛᱮᱛᱮ ᱯᱚᱫᱽᱢᱚᱥᱨᱤ ᱟᱨ ᱵᱚᱝᱜᱚ ᱵᱤᱵᱷᱩᱥᱚᱱ ᱥᱤᱨᱯᱟᱹ ᱪᱟᱞ ᱦᱩᱭ ᱟᱠᱟᱱᱟ᱾

ᱮᱛᱚᱦᱚᱵ ᱡᱤᱭᱚᱱ

ᱫᱮᱵᱽᱱᱟᱛᱷ ᱜᱚᱢᱠᱮ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱯᱚᱪᱷᱤᱢ ᱵᱟᱝᱞᱟ ᱦᱚᱱᱚᱛ ᱨᱮᱱᱟᱜ ᱦᱟᱣᱲᱟ ᱡᱤᱞᱟ ᱨᱮ ᱢᱮᱱᱟᱜ ᱥᱤᱵᱯᱩᱨ ᱨᱮᱭ ᱡᱟᱱᱟᱢ ᱞᱮᱱᱟ|ᱜᱤᱫᱽᱨᱟᱹ ᱩᱢᱮᱨ ᱠᱷᱚᱱ ᱜᱮ ᱪᱤᱛᱟᱹᱨ ᱟᱠᱟᱣ ᱨᱮ ᱟᱡᱟᱜ ᱡᱷᱳᱠ ᱛᱟᱸᱦᱮ ᱠᱟᱱᱟ| ᱟᱡ ᱵᱟᱵᱟ ᱥᱳᱱᱟ ᱠᱟᱨᱤᱜᱚᱞ ᱦᱩᱭ ᱠᱷᱟᱹᱛᱤᱨ ᱟᱭᱢᱟ ᱞᱮᱠᱟᱱ ᱱᱚᱠᱥᱟ ᱟᱠᱟᱣ ᱨᱮᱱᱟᱜ ᱫᱟᱣ ᱠᱚᱭ ᱧᱟᱢ ᱞᱮᱫᱟ|ᱫᱚᱥᱟᱨ ᱡᱮᱜᱮᱫ ᱞᱟᱹᱲᱦᱟᱹᱭ ᱚᱠᱛᱚ ᱨᱮ ᱩᱱᱤ ᱫᱚ ᱟᱨᱴ ᱠᱚᱞᱮᱡᱽ ᱨᱮ ᱕ ᱥᱮᱨᱢᱟ ᱨᱮᱱᱟᱜ ᱰᱤᱜᱨᱤ ᱞᱟᱜᱤᱫ ᱮ ᱵᱷᱩᱨᱛᱤ ᱞᱮᱱᱟ | ᱢᱮᱱᱠᱷᱟᱱ ᱫᱚᱥᱟᱨ ᱡᱮᱜᱮᱛ ᱡᱟᱠᱟᱛ ᱞᱟᱹᱲᱦᱟᱹᱭ ᱠᱷᱟᱹᱛᱤᱨ ᱚᱱᱟ ᱵᱟᱭ ᱯᱩᱨᱟᱹᱣ ᱫᱟᱲᱮ ᱠᱟᱣᱫᱟ| ᱚᱱᱟ ᱛᱟᱭᱚᱱ ᱟᱭᱢᱟ ᱫᱤᱱ ᱵᱤᱜᱽᱜᱟᱯᱚᱱ ᱫᱚᱯᱛᱚᱨ ᱨᱮᱭ ᱠᱟᱢᱤ ᱞᱮᱫᱟ| ᱟᱡᱟᱜ ᱚᱲᱟᱜ ᱜᱚᱢᱠᱮ ᱟᱜ ᱧᱩᱛᱩᱢ ᱫᱚ ᱛᱟᱨᱟ ᱫᱮᱵᱽᱱᱟᱛᱷ|

ᱮᱛᱚᱦᱚᱵ ᱠᱚᱢᱤᱠᱥ ᱠᱟᱢᱤ

ᱫᱮᱵᱽᱱᱟᱛᱷ ᱜᱚᱢᱠᱮ ᱵᱟᱝᱞᱟ ᱠᱚᱢᱤᱠᱥ ᱡᱮᱜᱮᱛ ᱨᱮ ᱥᱮᱞᱮᱫ ᱞᱮᱱᱟ ᱫᱮᱵᱽ ᱥᱟᱦᱤᱛᱭᱚ ᱠᱩᱴᱤᱨ ᱥᱚᱢᱯᱟᱫᱚᱠ ᱢᱚᱱᱰᱚᱞᱤ ᱠᱚᱣᱟᱜ ᱩᱫᱜᱟᱹᱣ ᱛᱮ |ᱱᱩᱣᱟᱜ ᱯᱩᱭᱞᱳ ᱠᱚᱢᱤᱠᱥ ᱫᱚ ᱦᱟᱸᱫᱟ ᱵᱷᱳᱸᱫᱟ|ᱩᱱ ᱚᱠᱛᱚ ᱠᱚᱢᱤᱠᱥ ᱚᱢᱚᱞᱤᱭᱟᱹ ᱞᱟᱹᱭᱛᱮ ᱯᱨᱚᱯᱷᱩᱞᱭᱚ ᱪᱦᱚᱱᱫᱨᱚ ᱞᱟᱦᱤᱲᱤ ᱟᱨ ᱠᱟᱯᱷᱤ ᱠᱷᱟᱸ ᱱᱩᱠᱤᱱᱟᱜ ᱧᱩᱛᱩᱢ ᱜᱮ ᱧᱩᱢᱟᱱᱟᱜ ᱛᱟᱸᱦᱮ ᱠᱟᱱᱟ|ᱠᱚᱢᱤᱠᱥ ᱫᱚ ᱥᱮᱭᱟᱞ ᱯᱚᱱᱰᱤᱛ ᱡᱟᱸᱦᱟ ᱡᱩᱜᱟᱱᱛᱚᱨ ᱯᱟᱛᱷᱟᱢ ᱠᱷᱚᱱ ᱩᱪᱷᱟᱹᱱᱚᱜ ᱠᱟᱱ ᱛᱟᱸᱦᱮ ᱠᱟᱱᱟ|᱑᱙᱖᱒ ᱥᱟᱞ ᱠᱷᱚᱱ ᱦᱟᱸᱫᱟ ᱵᱷᱳᱸᱫᱟ ᱥᱩᱠᱛᱟᱨᱟ ᱯᱟᱛᱷᱟᱢ ᱨᱮ ᱩᱪᱷᱟᱹᱱ ᱥᱟᱶ ᱥᱟᱶ ᱛᱮ ᱯᱟᱲᱦᱟᱣᱭᱤᱭᱟᱹ ᱠᱚᱴᱷᱮᱱ ᱠᱷᱚᱱ ᱥᱟᱨᱦᱟᱣ ᱧᱟᱢ ᱞᱮᱫᱟ| ᱦᱟᱸᱫᱟ ᱵᱷᱳᱸᱫᱟ ᱥᱩᱠᱛᱟᱨᱟ ᱨᱮ ᱕᱓ ᱥᱮᱨᱢᱟ ᱯᱟᱨᱥᱟᱞ ᱞᱮᱱᱟ|

ᱫᱮᱵᱽᱱᱟᱛᱷ ᱟᱜ ᱯᱩᱭᱞᱳ ᱨᱚᱝᱜᱽᱤᱱ ᱠᱚᱢᱚᱠᱥ ᱫᱚ ᱵᱟᱴᱩᱞ ᱫᱤ ᱜᱨᱮᱴ ᱛᱟᱸᱦᱮ ᱠᱟᱱᱟ|᱑᱙᱖᱕ ᱥᱟᱞ ᱨᱮ ᱯᱩᱭᱞᱳ ᱵᱟᱴᱩᱞ ᱫᱤ ᱜᱨᱮᱴ ᱵᱮᱱᱟᱣ ᱞᱮᱫᱟ|᱑᱙᱖᱙ ᱥᱟᱞ ᱨᱮ ᱠᱤᱥᱳᱨ ᱵᱷᱟᱨᱚᱛᱤ ᱯᱟᱛᱦᱟᱢ ᱱᱟᱨᱟᱭᱚᱱ ᱜᱚᱢᱠᱮ ᱴᱷᱮᱱ ᱠᱷᱚᱱ ᱚᱞ ᱵᱷᱮᱡᱟᱭ ᱨᱮᱱᱟᱜ ᱱᱮᱦᱚᱨ ᱫᱚᱦᱚ ᱞᱮᱫᱟ|᱑᱙᱖᱙ ᱥᱟᱞ ᱨᱮ ᱱᱟᱨᱟᱭᱚᱱ ᱜᱚᱢᱠᱮ ᱱᱚᱱᱴᱮ ᱯᱷᱚᱱᱴᱮ ᱠᱚᱢᱤᱠᱥ ᱮ ᱵᱮᱱᱟᱣ ᱞᱮᱫᱟ|ᱠᱤᱥᱳᱨ ᱵᱷᱟᱨᱚᱛᱤ ᱨᱮ ᱟᱡᱟᱜ ᱯᱩᱭᱞᱳ ᱥᱤᱨᱤᱡᱽ ᱠᱚᱢᱚᱠᱥᱴᱨᱤᱯ 'ᱯᱚᱴᱚᱞᱪᱟᱸᱫ ᱫᱟ ᱢᱮᱡᱤᱥᱤᱭᱟᱱ' ᱛᱟᱸᱦᱮ ᱠᱟᱱᱟ, ᱡᱟᱸᱦᱟ ᱫᱚ ᱢᱤᱫᱴᱟᱝ ᱮᱞ ᱛᱮᱜᱮ ᱯᱟᱨᱥᱟᱞ ᱞᱮᱱᱟ| ᱒᱐᱑᱑ ᱥᱟᱞ ᱨᱮ ᱵᱟᱸᱴᱩᱞ ᱯᱩᱭᱞᱳ ᱫᱷᱟᱣ ᱤᱝᱞᱤᱥ ᱛᱮ ᱛᱚᱨᱡᱚᱢᱟ ᱞᱮᱱᱟ|

ᱴᱮᱞᱤᱵᱤᱡᱚᱱ

ᱱᱚᱨᱟᱭᱚᱱ ᱫᱮᱵᱽᱱᱟᱛᱷ ᱟᱜ ᱡᱟᱹᱥᱛᱤ ᱜᱟᱱ ᱠᱟᱹᱢᱤ ᱫᱚ ᱵᱟᱝᱞᱟ ᱴᱮᱞᱤᱵᱤᱡᱚᱱ ᱞᱟᱹᱜᱤᱫ ᱛᱮ ᱵᱮᱱᱟᱣ ᱟᱠᱟᱱᱟ ᱾ ᱱᱚᱱᱴᱮ ᱯᱷᱚᱱᱴᱮ ᱟᱨ ᱵᱟᱱᱴᱩᱞ ᱫᱽ ᱜᱨᱮᱴ ᱱᱮᱛᱟᱨ ᱫᱚ ᱮᱱᱤᱢᱮᱴ ᱥᱳ ᱠᱟᱱᱟ, ᱟᱨ ᱦᱟᱱᱫᱟ ᱵᱷᱳᱸᱰᱟ ᱧᱩᱛᱩᱢ ᱛᱮ ᱢᱤᱫ ᱴᱮᱞᱤᱵᱤᱡᱚᱱ ᱥᱤᱨᱤᱡᱽ ᱫᱚ ᱛᱤᱱᱟᱹᱜ ᱫᱷᱟᱣ ᱩᱪᱷᱟᱹᱱ ᱞᱮᱱᱟ ᱾

ᱚᱞ ᱠᱚᱢᱤᱠᱥ ᱠᱚ

• ᱵᱟᱸᱴᱩᱞ ᱫᱤ ᱜᱨᱮᱴ (᱑᱙᱖᱕)

• ᱦᱟᱸᱫᱟ ᱵᱦᱳᱸᱫᱟ (᱑᱙᱖᱒)

• ᱱᱚᱱᱴᱮ ᱯᱷᱚᱱᱴᱮ (᱑᱙᱖᱙)

• ᱵᱟᱦᱟᱫᱩᱨ ᱵᱮᱲᱟᱞ (᱑᱙᱘᱒)

• ᱵᱞᱟᱠ ᱰᱟᱭᱢᱚᱱᱰ ᱤᱱᱫᱨᱚᱡᱤᱛ ᱨᱟᱭ

• ᱢᱮᱡᱤᱥᱤᱭᱟᱱ ᱯᱚᱴᱚᱞ ᱪᱟᱸᱫᱽ

• ᱰᱟᱱᱯᱤᱴᱮ ᱠᱷᱟᱸᱫᱩ ᱟᱨ ᱛᱟᱨ ᱠᱮᱢᱤᱠᱮᱞ ᱫᱟᱫᱩ

• ᱜᱳᱭᱮᱱᱫᱟ ᱠᱟᱹᱣᱥᱤᱠ ᱨᱟᱭ

• ᱯᱮᱴᱩᱠ ᱢᱟᱥᱴᱟᱨ ᱵᱚᱴᱩᱠᱞᱟᱞ

• ᱥᱩᱸᱴᱠᱤ ᱟᱨ ᱢᱩᱴᱠᱤ

• ᱵᱩᱫᱷᱤᱢᱟᱱ ᱠᱩᱠᱩᱨ ᱮᱢᱟᱱ

ᱥᱤᱨᱯᱟᱹ

• ᱯᱨᱮᱥᱤᱰᱮᱱᱥᱤ ᱠᱷᱚᱱ ᱥᱤᱨᱯᱟᱹ - ᱒᱐᱐᱗
• ᱥᱟᱦᱤᱛᱭᱚ ᱮᱠᱟᱰᱮᱢᱤ - ᱒᱐᱑᱓
• ᱵᱚᱝᱜᱚ ᱵᱤᱵᱷᱩᱥᱚᱱ - ᱒᱐᱑᱓
• ᱯᱚᱫᱽᱢᱚᱥᱨᱤ - ᱒᱐᱒᱑

ᱵᱚᱸᱜᱟ ᱛᱟᱞᱟ

ᱩᱱᱤ ᱫᱚ ᱑᱘ ᱡᱟᱱᱩᱭᱟᱨᱤ ᱒᱐᱒᱒ ᱥᱟᱞ ᱨᱮᱭ ᱜᱩᱨ ᱞᱮᱱᱟ | ᱩᱱ ᱚᱠᱛᱚ ᱟᱡᱟᱜ ᱩᱢᱮᱨ ᱙᱖ ᱵᱚᱪᱷᱚᱨ ᱦᱩᱭ ᱞᱮᱱᱟ|

ᱥᱟᱹᱠᱷᱭᱟᱹᱛ

ᱵᱟᱦᱨᱮ ᱡᱚᱱᱚᱲ

ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱱᱟᱨᱟᱭᱚᱱ ᱫᱮᱵᱽᱱᱟᱛᱷ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾.

• ᱴᱪᱤᱨᱚᱱᱛᱚᱱ ᱠᱩᱱᱰᱩ ᱭᱟᱜ ᱤᱱᱴᱟᱨᱵᱷᱭᱩ Parabaas.com, ᱒᱐᱐᱑