ᱱᱳᱭᱮᱞ ᱴᱟᱴᱟ
| ᱱᱳᱭᱮᱞ ᱴᱟᱴᱟ | |
|---|---|
 ᱒᱐᱑᱓ ᱨᱮ ᱴᱟᱴᱟ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱱᱳᱭᱮᱞ ᱱᱟᱵᱷᱟᱞ ᱴᱟᱴᱟ 1957 (age 67–68) |
| ᱱᱟᱹᱜᱟᱹᱨᱤᱭᱟᱹ | ᱤᱨᱤᱥ |
| ᱥᱮᱪᱮᱫ | ᱥᱟᱥᱮᱠᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱤᱱᱥᱤᱰ |
| ᱠᱟᱹᱢᱤ | ᱯᱟᱨᱥᱮᱛ,ᱴᱟᱴᱟ ᱴᱨᱟᱥᱴ,
ᱴᱨᱮᱱᱴ ᱴᱤᱞᱤᱢᱴᱮᱰ, ᱵᱷᱚᱞᱴᱟᱥ ᱞᱤᱢᱤᱴᱮᱰ ᱢᱟᱱᱮᱡᱤᱝ ᱰᱟᱭᱨᱮᱠᱴᱚᱨ, ᱴᱟᱴᱟ ᱜᱩᱴ |
| ᱡᱤᱭᱚᱱ ᱥᱚᱦᱮᱫ | ᱟᱞᱩ ᱢᱤᱥᱛᱨᱤ |
| ᱦᱚᱯᱚᱱ | ᱓ |
| ᱟᱯᱟᱛ ᱮᱸᱜᱟᱛ | ᱱᱮᱵᱟᱞ ᱴᱟᱴᱟ ᱥᱤᱢᱳᱱ ᱴᱟᱴᱟ |
| ᱯᱮᱲᱟ ᱥᱟᱹᱜᱟᱹᱭᱟᱱᱠᱚ | ᱯᱟᱞᱳᱱᱡᱤ ᱢᱤᱥᱛᱨᱤ (ᱦᱚᱧᱦᱟᱨ ᱦᱟᱲᱟᱢ) ᱨᱚᱛᱚᱱ ᱴᱟᱴᱟ (ᱟᱫᱷᱟ ᱵᱚᱭᱦᱟ) |
ᱱᱳᱭᱮᱞ ᱱᱟᱵᱷᱟᱞ ᱴᱟᱴᱟ (ᱡᱟᱱᱟᱢ ᱑᱙᱕᱗) ᱫᱚ ᱢᱤᱫ ᱥᱤᱧᱚᱛᱤᱭᱟᱹ-ᱡᱟᱱᱟᱢ ᱟᱭᱨᱤᱥ ᱵᱮᱯᱟᱨᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱴᱟᱴᱟ ᱴᱨᱚᱥᱴ, ᱴᱨᱮᱱᱴ ᱟᱨ ᱴᱟᱴᱟ ᱤᱱᱵᱷᱮᱥᱴᱢᱮᱱᱴ ᱠᱚᱨᱯᱚᱨᱮᱥᱚᱱ ᱨᱤᱱᱤᱡ ᱯᱟᱨᱥᱮᱛ, ᱴᱟᱴᱟ ᱤᱱᱴᱟᱨᱱᱮᱥᱱᱟᱞ ᱨᱤᱱᱤᱡ ᱢᱟᱱᱮᱡᱤᱝ ᱰᱟᱭᱨᱮᱠᱴᱚᱨ ᱟᱨ ᱴᱟᱭᱴᱚᱱ ᱠᱚᱢᱯᱟᱹᱱᱤ ᱟᱨ ᱴᱟᱴᱟ ᱥᱴᱤᱞ ᱨᱤᱱᱤᱡ ᱡᱚᱜᱚ ᱯᱟᱨᱥᱮᱛ ᱠᱟᱱᱟᱭ ᱾[᱑]
ᱟᱡᱤᱡ ᱟᱫᱷᱟ ᱵᱚᱭᱦᱟ ᱨᱚᱛᱚᱱ ᱴᱟᱴᱟ ᱵᱚᱸᱜᱟ ᱛᱟᱞᱟ ᱮᱱ ᱛᱟᱭᱚᱢ ᱑᱑ ᱚᱠᱴᱚᱵᱚᱨ ᱒᱐᱒᱔ ᱨᱮ ᱩᱱᱤ ᱫᱚ ᱴᱟᱴᱟ ᱴᱨᱚᱥᱴ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱᱟ ᱾ ᱴᱟᱴᱟ ᱴᱨᱚᱥᱴ ᱫᱚ ᱴᱟᱴᱟ ᱜᱩᱴ ᱨᱮᱱᱟᱜ ᱟᱭᱢᱟ ᱜᱟᱱ ᱠᱚᱢᱯᱟᱹᱱᱤ ᱨᱮᱱᱟᱜ ᱦᱳᱞᱰᱤᱝ ᱠᱚᱢᱯᱟᱹᱱᱤ ᱴᱟᱴᱟ ᱥᱚᱱᱥ ᱨᱮ ᱖᱖% ᱦᱟᱹᱴᱤᱧ ᱢᱮᱱᱟᱜᱼᱟ ᱾[᱒]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱴᱟᱴᱟ ᱜᱷᱟᱨᱚᱸᱡᱽ ᱨᱤᱱᱤᱡ ᱢᱤᱫ ᱦᱚᱲ ᱠᱟᱱᱟᱭ, ᱱᱩᱭ ᱫᱚ ᱱᱟᱵᱟᱞ ᱴᱟᱴᱟ ᱟᱨ ᱥᱤᱢᱚᱱ ᱴᱟᱴᱟ ᱛᱤᱠᱤᱱᱤᱡ ᱜᱤᱫᱽᱨᱟᱹ ᱠᱟᱱᱟᱭ ᱾[᱓] ᱩᱱᱤ ᱫᱚ ᱴᱟᱴᱟ ᱜᱩᱴ ᱨᱤᱱᱤᱡ ᱯᱟᱨᱥᱮᱛ ᱨᱚᱛᱚᱱ ᱴᱟᱴᱟ ᱟᱨ ᱡᱤᱢᱤ ᱴᱟᱴᱟ ᱛᱤᱠᱤᱱᱤᱡ ᱟᱫᱷᱟ ᱵᱚᱭᱦᱟ ᱠᱟᱱᱟᱭ ᱾[᱓]
ᱴᱟᱴᱟ ᱫᱚ ᱥᱟᱥᱮᱠᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱟᱡᱟᱜ ᱵᱮᱪᱞᱳᱨ ᱰᱤᱜᱽᱨᱤ ᱦᱟᱛᱟᱣ ᱞᱮᱫᱼᱟ ᱟᱨ ᱯᱷᱨᱟᱱᱥ ᱨᱮ ᱤᱱᱥᱤᱰ ᱵᱤᱡᱽᱱᱮᱥ ᱥᱠᱩᱞ ᱨᱮ ᱤᱱᱴᱟᱨᱱᱮᱥᱱᱟᱞ ᱮᱠᱡᱤᱣᱮᱴᱤᱵᱷ ᱯᱨᱚᱜᱨᱟᱢ ᱨᱮ ᱥᱮᱞᱮᱫ ᱞᱮᱱᱟᱭ ᱾[᱓]
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱴᱟᱴᱟ ᱤᱱᱴᱟᱨᱱᱮᱥᱱᱟᱞ ᱠᱷᱚᱱ ᱮᱛᱚᱦᱚᱵ ᱞᱮᱫᱼᱟ, ᱡᱟᱦᱟᱸ ᱫᱚ ᱵᱟᱦᱨᱮ ᱫᱤᱥᱚᱢ ᱨᱮ ᱮᱢᱚᱜ ᱟᱠᱟᱱ ᱯᱨᱚᱰᱚᱠᱴᱥ ᱟᱨ ᱥᱮᱵᱟ ᱠᱚ ᱞᱟᱹᱜᱤᱫ ᱛᱮ ᱴᱟᱴᱟ ᱜᱨᱩᱯ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱡᱩᱱ ᱑᱙᱙᱙ ᱥᱟᱞ ᱨᱮ, ᱩᱱᱤ ᱫᱚ ᱴᱨᱮᱱᱴ ᱨᱮᱱᱟᱜ ᱢᱟᱱᱤᱜᱽ ᱰᱟᱭᱨᱮᱠᱴᱚᱨ ᱵᱮᱱᱟᱣ ᱮᱱᱟ, ᱡᱟᱦᱟᱸ ᱫᱚ ᱟᱡ ᱟᱭᱳ ᱛᱮᱭᱟᱨ ᱞᱮᱫ ᱛᱟᱦᱮᱸᱫ ᱾ ᱱᱚᱣᱟ ᱚᱠᱛᱚ ᱨᱮ ᱴᱨᱮᱱᱴ ᱫᱚ ᱰᱤᱯᱟᱨᱴᱢᱮᱱᱴ ᱥᱴᱳᱨ ᱞᱤᱴᱞᱣᱩᱰᱥ ᱤᱱᱴᱟᱨᱱᱮᱥᱱᱟᱞ ᱮ ᱦᱟᱛᱟᱣ ᱞᱮᱫ ᱛᱟᱦᱮᱸᱫ ᱟᱨ ᱚᱱᱟ ᱨᱮᱱᱟᱜ ᱧᱩᱛᱩᱢ ᱫᱚ ᱵᱚᱫᱚᱞ ᱠᱟᱛᱮ ᱣᱮᱥᱴᱥᱟᱭᱤᱰ ᱠᱚ ᱫᱚᱦᱚ ᱞᱮᱫ ᱛᱟᱦᱮᱸᱫ ᱾ ᱴᱟᱴᱟ ᱣᱮᱥᱴᱥᱟᱭᱤᱰ ᱮ ᱵᱮᱵᱚᱥᱛᱟ ᱞᱮᱫᱟ ᱟᱨ ᱱᱚᱣᱟ ᱫᱚ ᱢᱤᱫ ᱞᱟᱵᱷᱟᱱ ᱠᱟᱹᱢᱤᱦᱚᱨᱟ ᱨᱮ ᱵᱮᱱᱟᱣ ᱞᱮᱫᱟ ᱾ ᱒᱐᱐᱓ ᱥᱟᱞ ᱨᱮ, ᱩᱱᱤ ᱫᱚ ᱴᱟᱭᱴᱚᱱ ᱤᱱᱰᱚᱥᱴᱨᱤ ᱟᱨ ᱵᱷᱳᱞᱴᱟᱥ ᱨᱮ ᱰᱟᱭᱨᱮᱠᱴᱚᱨ ᱞᱮᱠᱟᱛᱮ ᱵᱟᱦᱟᱞ ᱞᱮᱱᱟᱭ ᱾[᱔]
᱒᱐᱑᱐-᱒᱐᱑᱑ ᱥᱮᱨᱢᱟ ᱨᱮ ᱱᱚᱣᱟ ᱵᱟᱰᱟᱭ ᱮᱱᱟ ᱡᱮ ᱴᱟᱴᱟ ᱫᱚ ᱗᱐ ᱵᱤᱞᱤᱭᱚᱱ ᱰᱚᱞᱟᱨ ᱜᱨᱩᱯ ᱨᱮᱱᱟᱜ ᱵᱟᱦᱨᱮ ᱫᱤᱥᱚᱢ ᱨᱮᱱᱟᱜ ᱠᱟᱹᱢᱤ ᱦᱚᱨᱟ ᱠᱚ ᱪᱟᱞᱟᱜ ᱠᱟᱱ ᱴᱟᱴᱟ ᱤᱱᱴᱟᱨᱱᱮᱥᱱᱟᱞ ᱨᱮᱱᱟᱜ ᱢᱟᱱᱮᱡᱤᱝ ᱰᱟᱭᱨᱮᱠᱴᱚᱨ ᱦᱩᱭᱩᱜᱼᱟ, ᱡᱟᱦᱟᱸ ᱫᱚ ᱴᱟᱴᱟ ᱜᱩᱴ ᱨᱤᱱᱤᱡ ᱢᱩᱬᱩᱛ ᱞᱮᱠᱟᱛᱮ ᱨᱚᱛᱚᱱ ᱴᱟᱴᱟ ᱟᱜ ᱛᱷᱟᱯᱚᱱᱤᱭᱟᱹ ᱞᱮᱠᱟᱛᱮ ᱩᱱᱤᱭᱟᱜ ᱵᱟᱰᱟᱭ ᱮᱱᱟ ᱾[᱕][᱖] ᱢᱮᱱᱠᱷᱟᱱ ᱒᱐᱑᱑ ᱥᱟᱞ ᱨᱮ ᱟᱡ ᱵᱟᱵᱟ ᱥᱟᱭᱨᱚᱥ ᱢᱤᱥᱛᱨᱤ ᱫᱚ ᱨᱚᱛᱚᱱ ᱴᱟᱴᱟ ᱟᱜ ᱱᱟᱜᱟᱨᱤᱭᱟᱹ ᱞᱮᱠᱟᱛᱮ ᱵᱟᱰᱟᱭ ᱮᱱᱟ ᱾[᱗] ᱚᱠᱴᱚᱵᱚᱨ ᱒᱐᱑᱖ ᱥᱟᱞ ᱨᱮ, ᱥᱟᱭᱨᱚᱥ ᱢᱤᱥᱛᱨᱤ ᱫᱚ ᱴᱟᱴᱟ ᱥᱚᱱᱥ ᱨᱤᱱᱤᱡ ᱯᱟᱨᱥᱮᱛ ᱠᱷᱚᱱ ᱚᱪᱚᱜ ᱮᱱᱟᱭ ᱟᱨ ᱨᱚᱛᱚᱱ ᱴᱟᱴᱟ ᱫᱚ ᱯᱷᱮᱵᱽᱨᱩᱣᱟᱨᱤ ᱒᱐᱑᱗ ᱫᱷᱟᱹᱨᱤᱡ ᱯᱩᱱ ᱪᱟᱸᱫᱚ ᱞᱟᱹᱜᱤᱫ ᱜᱩᱴ ᱨᱤᱱᱤᱡ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾[᱘] ᱩᱱᱤ ᱫᱚ ᱒᱐᱑᱘ ᱥᱟᱞ ᱨᱮ ᱴᱟᱭᱴᱚᱱ ᱠᱚᱢᱯᱟᱹᱱᱤ ᱨᱤᱱᱤᱡ ᱡᱚᱜᱚ ᱯᱟᱨᱥᱮᱛ ᱮ ᱵᱮᱱᱟᱣ ᱮᱱᱟ ᱟᱨ ᱯᱷᱮᱵᱨᱩᱣᱟᱨᱤ ᱒᱐᱑᱙ ᱥᱟᱞ ᱨᱮ ᱥᱚᱨ ᱨᱚᱛᱚᱱ ᱴᱟᱴᱟ ᱴᱨᱚᱥᱴ ᱨᱮ ᱥᱮᱞᱮᱫ ᱮᱱᱟ ᱾[᱙] ᱒᱙ ᱢᱟᱨᱪ ᱒᱐᱒᱒ ᱨᱮ ᱩᱱᱤ ᱫᱚ ᱴᱟᱴᱟ ᱥᱴᱤᱞ ᱨᱤᱱᱤᱡ ᱡᱚᱜᱚ ᱯᱟᱨᱥᱮᱛ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱᱟ ᱾[᱑]
ᱱᱳᱭᱮᱞ ᱴᱟᱴᱟ ᱫᱚ ᱑᱑ ᱚᱠᱴᱚᱵᱚᱨ ᱒᱐᱒᱔ ᱨᱮ, ᱴᱟᱴᱟ ᱜᱨᱩᱯ ᱨᱮᱱᱟᱜ ᱥᱟᱶᱛᱟ ᱠᱟᱹᱢᱤᱭᱟᱹ ᱥᱳᱯᱳ ᱴᱟᱴᱟ ᱴᱨᱚᱥᱴ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱᱟ ᱾ ᱩᱱᱤ ᱫᱚ ᱟᱡᱤᱡ ᱟᱫᱷᱟ ᱵᱚᱭᱦᱟ ᱨᱚᱛᱚᱱ ᱴᱟᱴᱟ ᱭᱤᱡ ᱵᱚᱝᱥᱚ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱘᱖ ᱵᱚᱪᱷᱚᱨ ᱩᱢᱮᱨ ᱨᱮ ᱙ ᱚᱠᱴᱚᱵᱚᱨ ᱒᱐᱒᱔ ᱨᱮ ᱵᱚᱸᱜᱟ ᱛᱟᱞᱟ ᱮᱱᱟᱭ ᱾ ᱱᱚᱣᱟ ᱢᱤᱴᱤᱝ ᱨᱮ ᱢᱤᱫᱴᱟᱹᱝ ᱢᱩᱪᱟᱹᱫ ᱜᱷᱚᱴᱚᱱ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸ ᱫᱚ ᱯᱩᱭᱞᱩ ᱑᱑ ᱚᱠᱴᱚᱵᱚᱨ ᱨᱮ ᱢᱩᱢᱵᱟᱭ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾
ᱱᱤᱡᱮᱨᱟᱜ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱯᱟᱞᱳᱱᱡᱤ ᱢᱤᱥᱛᱨᱤ ᱭᱤᱡ ᱠᱩᱲᱤ ᱜᱤᱫᱽᱨᱟᱹ ᱟᱞᱩ ᱢᱤᱥᱛᱨᱤ ᱥᱟᱶᱮ ᱵᱟᱯᱞᱟ ᱞᱮᱱᱟ, ᱚᱠᱚᱭ ᱫᱚ ᱴᱟᱴᱟ ᱥᱚᱱᱥ (ᱴᱟᱴᱟ ᱜᱨᱩᱯ ᱦᱳᱞᱰᱤᱝ ᱠᱚᱢᱯᱟᱹᱱᱤ) ᱨᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱮᱱᱮᱢᱤᱭᱟᱹ ᱠᱟᱱᱟᱭ ᱾[᱑᱐] ᱟᱡ ᱨᱤᱱ ᱯᱮᱭᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱚᱣᱟ, ᱞᱤᱭᱟ, ᱢᱟᱭᱟ ᱟᱨ ᱱᱮᱵᱤᱞ ᱾[᱑᱑]
ᱡᱚᱛᱚ ᱠᱷᱚᱱ ᱢᱟᱨᱟᱝ ᱞᱤᱭᱟ ᱴᱟᱴᱟ ᱫᱚ ᱢᱮᱰᱨᱤᱰ ᱨᱮ IE ᱵᱤᱡᱽᱱᱮᱥ ᱥᱠᱩᱞ ᱠᱷᱚᱱ ᱢᱟᱨᱠᱮᱴᱤᱝ ᱨᱮ ᱢᱟᱥᱴᱟᱨ ᱰᱤᱜᱽᱨᱤ ᱦᱟᱛᱟᱣ ᱟᱠᱟᱫᱟ ᱟᱨ ᱴᱟᱴᱟ ᱜᱨᱩᱯ ᱥᱟᱶ ᱠᱟᱹᱢᱤ ᱟᱠᱟᱫᱟ, ᱱᱤᱛᱚᱜ ᱤᱱᱰᱤᱭᱟᱱ ᱦᱳᱴᱮᱞᱥ ᱠᱚᱢᱯᱟᱹᱱᱤ ᱞᱤᱢᱤᱴᱮᱰ ᱨᱮ ᱡᱚᱜᱚ ᱯᱟᱨᱥᱮᱛ ᱞᱮᱠᱟᱛᱮ ᱠᱟᱹᱢᱤ ᱠᱟᱱᱟᱭ ᱾
ᱢᱟᱭᱟ ᱴᱟᱴᱟ ᱫᱚ ᱴᱟᱴᱟ ᱠᱮᱯᱤᱴᱚᱞ ᱨᱮ ᱢᱤᱫ ᱮᱱᱚᱞᱤᱥᱤᱥᱴ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱮ ᱮᱛᱚᱦᱚᱵ ᱞᱮᱫᱼᱟ ᱟᱨ ᱛᱟᱭᱚᱢ ᱛᱮ ᱠᱚᱢᱯᱟᱹᱱᱤ ᱨᱮᱭ ᱦᱮᱡ ᱮᱱᱟ ᱾
ᱱᱮᱵᱤᱞ ᱴᱟᱴᱟ ᱫᱚ ᱴᱨᱮᱱᱴ ᱨᱮ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱮ ᱮᱛᱚᱦᱚᱵ ᱞᱮᱫᱼᱟ, ᱡᱟᱦᱟᱸ ᱫᱚ ᱴᱟᱴᱟ ᱟᱜ ᱢᱤᱫ ᱨᱤᱴᱮᱞ ᱠᱚᱢᱯᱟᱹᱱᱤ ᱠᱟᱱᱟ ᱡᱟᱦᱟᱸ ᱫᱚ ᱟᱡ ᱵᱟᱵᱟ ᱱᱳᱭᱮᱞ ᱮ ᱵᱮᱱᱟᱣ ᱞᱮᱫᱼᱟ ᱾
ᱩᱱᱤ ᱫᱚ ᱟᱭᱨᱤᱥ ᱨᱤᱱᱤᱡ ᱱᱟᱜᱽᱨᱤᱠ ᱦᱚᱲ ᱠᱟᱱᱟᱭ ᱾[᱑᱒][᱑᱓]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱑.᱐ ᱑.᱑ Dutt, Ishita Ayan (29 March 2022). "Tata Steel board approves appointment of Noel Naval Tata as vice-chairman". Business Standard.
- ↑ "Ratan Tatas Successor: Noel Tata Appointed Chairman of Tata Trusts". Times of India. 11 October 2024. Retrieved 11 October 2024.
- ↑ ᱓.᱐ ᱓.᱑ ᱓.᱒ Carvalho, Brian; Layak, Suman (1 November 2009). "The Other Tata". Business Today. Retrieved 1 February 2019.
- ↑ Wire, Hindu (2024-10-12). "Noel Tata: New Chairman Of Tata Group After Ratan Tata—Biography, Career, And Vision For The Future". HinduWire (in ᱵᱨᱤᱴᱤᱥ ᱟᱝᱜᱽᱨᱮᱡᱤ). Retrieved 2024-10-26.
- ↑ "Noel Tata to be Tata International MD". Rediff.com. PTI. 2010-07-29. Archived from the original on 2019-12-25.
- ↑ ET Bureau (30 July 2010). "Is Noel Tata being groomed to succeed Ratan Tata?". The Times of India. Retrieved 30 May 2018.
- ↑ "Cyrus P. Mistry is Ratan Tata's heir apparent". The Hindu. 24 November 2011. Retrieved 24 November 2011.
- ↑ "Big shakeup! Cyrus Mistry removed as Tata Sons chairman, Ratan Tata steps in". Benette, Coleman & Co. Ltd. Economic Times. 24 October 2016. Retrieved 24 October 2016.
- ↑ Vijayaraghavan, Kala; John, Satish (14 February 2019). "Venkataramanan quits Tata Trusts; Noel joins Ratan Tata Trust". The Economic Times. Retrieved 19 June 2020.
- ↑ Vijayraghavan, Kala; Mandavia, Megha (26 August 2018). "How next gen scions Leah, Maya and Neville are working their way up in Tata Group companies". Retrieved 26 August 2018 – via The Economic Times.
- ↑ "Ratan Tata family tree: Look at its members from Jamsetji to Noel Tata". India Today. 10 October 2024. Retrieved 10 October 2024.
- ↑ "Noel Tata joins two Tata trusts as trustee, signalling succession planning". Moneycontrol. Retrieved 21 June 2024.
- ↑ John, Satish; Vijayraghavan, Kala (10 January 2020). "Cyrus Mistry's Irish citizenship was a sore point for the Tatas" – via The Economic Times.