| ᱵᱚᱞᱡᱤᱱᱫᱚᱨ ᱠᱚᱣᱨ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱵᱷᱚᱱᱫᱤᱭᱟ, ᱵᱷᱚᱜᱽᱯᱩᱨ, ᱥᱤᱧᱚᱛ |
| ᱠᱟᱹᱢᱤ | ᱮᱠᱴᱨᱮᱥ |
| ᱠᱟᱹᱢᱤ ᱚᱠᱛᱚ | 1991-ᱱᱤᱛ |
ᱵᱚᱞᱡᱤᱱᱫᱚᱨ ᱠᱚᱣᱨ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱟᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱦᱚᱨᱤᱭᱟᱬᱤ, ᱦᱤᱱᱫᱤ ᱟᱨ ᱛᱟᱢᱤᱞ ᱯᱷᱤᱞᱢ ᱨᱮ ᱠᱟ.ᱢᱤ ᱟᱠᱟᱫᱟᱭ ᱾[᱑][᱒]
ᱠᱚᱣᱨ ᱫᱚ ᱵᱷᱳᱜᱽᱯᱩᱨ, ᱯᱚᱧᱡᱟᱵᱽ ᱥᱩᱨ ᱵᱷᱳᱸᱰᱤᱭᱟᱱ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱᱟᱭ ᱟᱨ ᱜᱮᱫ-ᱟ ᱾ ᱦᱳᱥᱤᱭᱟᱨᱯᱩᱨ ᱨᱮᱱᱟᱜ ᱰᱤ.ᱮ.ᱵᱤ. ᱠᱚᱞᱮᱡᱽ ᱨᱮ ᱟᱡᱟᱜ ᱥᱮᱪᱮᱫ ᱚᱠᱛᱚ ᱨᱮ ᱩᱱᱤ ᱫᱚ ᱛᱷᱤᱭᱮᱴᱚᱨ ᱨᱮ ᱟᱹᱰᱤ ᱜᱮ ᱦᱚᱨᱚᱜ ᱮᱱᱟᱭ ᱟᱨ ᱑᱙᱙᱔ ᱥᱟᱞᱮ ᱨᱮ ᱯᱚᱧᱡᱟᱵᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱥᱮᱪᱮᱫ ᱠᱷᱚᱱ ᱰᱨᱟᱢᱟ ᱨᱮ ᱰᱤᱜᱽᱨᱤ ᱯᱟᱲᱦᱟᱣ ᱮ ᱵᱟᱪᱷᱟᱣ ᱠᱮᱫᱼᱟ ᱾ ᱟᱡᱟᱜ ᱯᱟᱲᱦᱟᱣ ᱯᱩᱨᱟᱹᱣ ᱛᱟᱭᱚᱢ, ᱦᱚᱨᱤᱭᱟᱬᱟ ᱨᱮᱱᱟᱜ ᱦᱤᱥᱟᱨ ᱨᱮ ᱢᱤᱫ ᱟᱥᱲᱟ ᱨᱮ ᱰᱨᱟᱢᱟ ᱥᱮᱪᱮᱫ ᱮ ᱮᱛᱚᱦᱚᱵ ᱠᱮᱫᱼᱟ ᱟᱨ ᱛᱟᱭᱚᱢ ᱛᱮ ᱒᱐᱐᱐ ᱨᱮ ᱵᱨᱤᱡᱮᱥ ᱥᱚᱨᱢᱟ ᱥᱟᱶ ᱵᱟᱯᱞᱟ ᱞᱮᱱᱟᱭ, ᱡᱟᱦᱟᱸᱭ ᱫᱚ ᱟᱡᱟᱜ ᱥᱟᱶᱛᱟ ᱨᱮᱱ ᱜᱚᱲᱚᱢ ᱦᱟᱲᱟᱢ ᱠᱟᱱᱟᱭ ᱟᱨ ᱡᱟᱹᱛᱤᱭᱟᱹᱨᱤ ᱰᱨᱟᱢᱟ ᱟᱥᱲᱟ ᱨᱮ ᱟᱨ ᱢᱤᱫᱴᱟᱹᱝ ᱚᱠᱛᱚ ᱛᱟᱦᱮᱸ ᱠᱟᱱᱟ ᱾ ᱰᱨᱟᱢᱟ ᱟᱥᱲᱟ ᱨᱮ ᱟᱡᱟᱜ ᱚᱠᱛᱚ ᱨᱮ, ᱩᱱᱤ ᱠᱞᱟᱥᱤᱠᱟᱞ ᱰᱮᱱᱥ ᱟᱨ ᱥᱮᱨᱮᱧ ᱨᱮᱱᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱥᱟᱛᱟᱢ ᱠᱚ ᱪᱮᱫ ᱞᱮᱱᱟᱭ ᱟᱨ ᱛᱟᱭᱚᱢ ᱛᱮ ᱥᱮᱨᱢᱟ ᱞᱟᱹᱜᱤᱫ ᱨᱤᱯᱚᱨᱴᱚᱨᱮᱴᱤ ᱨᱤᱱᱤᱡ ᱥᱚᱦᱮᱫ ᱞᱮᱠᱟᱛᱮ ᱠᱟᱹᱢᱤ ᱞᱮᱫᱼᱟ ᱾
ᱠᱚᱣᱨ ᱫᱚ ᱦᱤᱱᱫᱤ ᱯᱷᱤᱞᱢ, ᱥᱟᱦᱤᱫᱽ (᱒᱐᱑᱓) ᱨᱮ ᱢᱤᱫ ᱯᱷᱤᱞᱢ ᱟᱠᱴᱨᱮᱥ ᱞᱮᱠᱟᱛᱮ ᱟᱡᱟᱜ ᱮᱱᱮᱡ ᱮ ᱮᱛᱚᱦᱚᱵ ᱞᱮᱫ-ᱟ, ᱡᱟᱦᱟᱸ ᱫᱚ ᱠᱟᱥᱴᱤᱝ ᱰᱟᱭᱨᱮᱠᱴᱚᱨ, ᱢᱩᱠᱮᱥ ᱪᱚᱵᱽᱨᱟ ᱟᱜ ᱧᱮᱞ ᱛᱟᱭᱚᱢ, ᱡᱟᱦᱟᱸᱭ ᱫᱚ ᱠᱚᱣᱨ ᱟᱜ ᱢᱤᱫᱴᱮᱱ ᱥᱴᱮᱡᱽ ᱯᱚᱨᱯᱷᱚᱨᱢᱟᱱᱥ ᱧᱮᱞ ᱟᱠᱟᱫ-ᱟ ᱾ ᱱᱚᱶᱟ ᱯᱨᱚᱡᱮᱠᱴ ᱨᱮ ᱟᱡᱟᱜ ᱨᱳᱞ ᱞᱟᱹᱜᱤᱫ ᱛᱮ ᱩᱱᱤ ᱫᱚ ᱟᱹᱰᱤ ᱥᱟᱨᱦᱟᱣ ᱮ ᱧᱟᱢ ᱞᱮᱫ-ᱟ ᱟᱨ ᱚᱱᱟ ᱛᱟᱭᱚᱢ ᱟᱢᱤᱨ ᱠᱷᱟᱱ ᱟᱜ ᱵᱟᱨᱭᱟ ᱯᱷᱤᱞᱢ, PK (2014) ᱟᱨ Dangal (2016) ᱨᱮ ᱨᱳᱞ ᱠᱚ ᱮᱱᱮᱡ ᱞᱟᱹᱜᱤᱫ ᱩᱱᱤ ᱥᱟᱶ ᱠᱚ ᱨᱚᱯᱚᱲ ᱞᱮᱫ-ᱟ, ᱢᱮᱱᱠᱷᱟᱱ ᱩᱱᱤ ᱜᱞᱟᱢᱚᱨᱥ ᱨᱳᱞ ᱨᱮ ᱠᱟᱹᱢᱤ ᱞᱟᱹᱜᱤᱫ ᱟᱡᱟᱜ ᱵᱟᱯᱞᱟ ᱨᱮᱱᱟᱜ ᱚᱵᱚᱥᱛᱷᱟᱭ ᱮᱢ ᱞᱮᱫ-ᱟ ᱾ ᱒᱐᱑᱔ ᱥᱟᱞ ᱨᱮ, ᱩᱱᱤ ᱫᱚ ᱦᱚᱨᱤᱭᱟᱱᱵᱤ ᱯᱷᱤᱞᱢ ᱯᱟᱜᱰᱤ: ᱫ ᱦᱚᱱᱚᱨ ᱨᱮ ᱠᱟᱹᱢᱤ ᱞᱮᱫ-ᱟ ᱾ ᱚᱱᱟ ᱯᱷᱤᱞᱢ ᱫᱚ ᱨᱟᱡᱤᱵᱽ ᱵᱷᱟᱴᱤᱭᱟᱭ ᱰᱤᱨᱮᱠᱴᱚᱨ ᱠᱮᱫ-ᱟ ᱾ ᱩᱱᱤ ᱫᱚ ᱟᱡᱟᱜ ᱰᱨᱟᱢᱟ ᱟᱥᱲᱟ ᱠᱷᱚᱱ ᱜᱮ ᱵᱟᱰᱟᱭ ᱛᱟᱦᱮᱸᱫ ᱾ ᱟᱡᱤᱡ ᱦᱚᱯᱚᱱ ᱵᱨᱤᱡᱮᱥ ᱥᱚᱨᱢᱟ ᱦᱚᱸ ᱯᱷᱤᱞᱢ ᱨᱮ ᱟᱡᱤᱡ ᱵᱟᱵᱟ ᱞᱮᱠᱟᱛᱮ ᱠᱟ.ᱢᱤ ᱟᱠᱟᱫᱟ । ᱱᱚᱶᱟ ᱯᱷᱤᱞᱢ ᱨᱮ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱛᱮ, ᱩᱱᱤ ᱫᱚ ᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱟᱣᱟᱨᱰ ᱯᱷᱚᱨ ᱵᱮᱥᱴ ᱥᱯᱳᱨᱴᱤᱝ ᱟᱠᱴᱨᱮᱥ ᱮ ᱧᱟᱢ ᱞᱮᱫ-ᱟ ᱟᱨ ᱚᱱᱟ ᱛᱟᱭᱚᱢ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱛᱮ ᱯᱚᱧᱡᱟᱵᱽ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱮ ᱢᱟᱹᱱ ᱧᱟᱢ ᱞᱮᱫᱟᱭ᱾[᱓][᱔][᱕] ᱚᱱᱟ ᱛᱟᱭᱚᱢ ᱥᱩᱫᱷᱟ ᱠᱳᱝᱜᱟᱨᱟ ᱯᱨᱚᱥᱟᱫᱽ ᱟᱜ ᱵᱟᱨ ᱯᱟᱹᱨᱥᱤ ᱯᱷᱤᱞᱢ, ᱥᱟᱞᱟ ᱠᱷᱟᱫᱩᱥ ᱨᱮ ᱪᱮᱱᱱᱟᱭ ᱨᱮᱱᱟᱜ ᱥᱞᱟᱢ ᱠᱷᱚᱱ ᱢᱟᱨᱫᱣᱟᱲᱤ ᱠᱩᱲᱤ ᱞᱮᱠᱟᱛᱮᱭ ᱧᱮᱞ ᱞᱮᱱᱟ ᱾ ᱛᱟᱢᱤᱞ ᱯᱟᱥᱱᱟᱣ ᱨᱮ ᱟᱡᱟᱜ ᱮᱱᱮᱡ ᱞᱟᱹᱜᱤᱫ ᱛᱮ, ᱩᱱᱤ ᱫᱚ ᱚᱞ ᱪᱤᱠᱤ ᱛᱮ ᱤᱝᱞᱤᱥ ᱛᱮ ᱯᱷᱚᱱᱮᱴᱤᱠ ᱞᱮᱠᱟᱛᱮ ᱛᱚᱨᱡᱚᱢᱟ ᱛᱟᱭᱚᱢ ᱟᱡᱟᱜ ᱨᱚᱲ ᱠᱚ ᱟᱸᱡᱚᱢ ᱞᱮᱫᱼᱟ ᱾