ᱵᱷᱟᱨᱚᱛ ᱨᱮ ᱢᱩᱰᱨᱩᱡ ᱟᱡᱟᱨ
ᱢᱩᱰᱨᱩᱡ ᱟᱡᱟᱨ ᱱᱤᱛᱚᱜ ᱫᱚ ᱯᱩᱨᱟ. ᱡᱮᱜᱮᱛ ᱨᱮ ᱥᱩᱨ ᱥᱩᱯᱩᱨ ᱜᱮᱞ ᱜᱮᱥᱟᱥᱟᱭ ᱜᱟᱱ ᱦᱚᱲ ᱯᱟᱲᱟᱣ ᱨᱮ ᱢᱮᱱᱟᱜ ᱠᱚᱣᱟ, ᱡᱟᱦᱟᱸ ᱠᱷᱚᱱ ᱵᱟ.ᱲᱛᱤ ᱠᱷᱚᱱ ᱵᱟ.ᱲᱛᱤ ᱢᱟᱢᱞᱟ ᱫᱚ ᱵᱷᱟᱨᱚᱛ ᱠᱷᱚᱱ ᱜᱮ ᱨᱤᱯᱚᱨᱴ ᱦᱩᱭᱩᱜ ᱠᱟᱱᱟ ᱾ ᱵᱷᱟᱨᱚᱛ ᱞᱤᱪᱟ.ᱲᱦᱚᱱ (Handicap) ᱦᱚᱲ (ᱭᱩᱮᱱᱥᱤᱟᱨᱯᱤᱰᱤ) ᱟᱜ ᱚᱫᱷᱤᱠᱟᱨ ᱨᱮ ᱭᱩᱱᱟᱭᱴᱮᱰ ᱱᱮᱥᱚᱱ ᱥᱚᱢᱢᱮᱞᱚᱱ ᱨᱤᱱᱤᱱ ᱥᱩᱦᱤᱭᱟ. ᱠᱟᱱᱟᱭ ᱾ ᱵᱷᱟᱨᱚᱛ ᱱᱤᱛᱚᱜ ᱫᱚ ᱫᱩᱱᱟᱭᱟ. ᱨᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱩᱰᱨᱩᱡ ᱟᱡᱟᱨ ᱢᱩᱪᱟ.ᱫᱽ ᱨᱮᱭᱟᱜ ᱠᱟ.ᱢᱤᱦᱚᱨᱟ, ᱡᱮᱜᱮᱛᱟ.ᱨᱤ ᱢᱩᱰᱨᱩᱡ ᱟᱡᱟᱨ ᱢᱩᱪᱟ.ᱫ ᱨᱮᱭᱟᱜ ᱠᱟ.ᱢᱤᱦᱚᱨᱟ (NLEP) ᱪᱟᱞᱟᱣᱮᱜᱼᱟ ᱾ ᱮᱱ ᱦᱚᱸ ᱢᱩᱰᱨᱩᱡ ᱟᱡᱟᱨ ᱨᱮᱭᱟᱜ ᱑•᱒ ᱠᱷᱚᱱ ᱑•᱓ ᱥᱟᱭ ᱜᱮᱥᱟᱭ ᱱᱟᱣᱟ ᱢᱟᱢᱞᱟ ᱡᱚᱛᱚ ᱥᱮᱨᱢᱟ ᱨᱤᱯᱚᱨᱴ ᱚᱜ ᱠᱟᱱᱟ ᱾ ᱡᱚᱛᱚ ᱥᱮᱨᱢᱟ ᱱᱟᱣᱟ ᱢᱟᱢᱞᱟ ᱨᱮᱭᱟᱜ ᱥᱮᱞᱮᱫ ᱨᱟᱥᱤ ᱨᱮᱭᱟᱜ ᱕᱘•᱘% ᱾
ᱩᱪᱟ.ᱲ, ᱛᱤᱠᱪᱷᱟ. ᱟᱨ ᱞᱤᱪᱟ.ᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱩᱰᱨᱩᱡ ᱟᱡᱟᱨ ᱫᱚ ᱠᱟ.ᱡ ᱠᱷᱚᱱ ᱠᱟ.ᱡ ᱩᱪᱟ.ᱲᱚᱜ ᱟᱡᱟᱨ ᱠᱷᱚᱱ ᱫᱚ ᱢᱤᱫᱴᱟ.ᱝ ᱠᱟᱱᱟ ᱪᱮᱫᱟᱜ ᱥᱮ ᱱᱟᱥᱮ ᱵᱟᱝ ᱱᱟᱥᱮ ᱡᱚᱛᱚ ᱦᱚᱲ ᱴᱷᱮᱱ ᱜᱮ ᱱᱚᱣᱟ ᱟᱡᱟᱨ ᱨᱮᱭᱟᱜ ᱯᱩᱨᱠᱩᱛ ᱴᱮᱠᱟᱣ ᱫᱟᱨᱟᱢ ᱩᱯᱟ.ᱭ ᱫᱚ ᱢᱮᱱᱟᱜ ᱜᱮᱭᱟ ᱾ ᱮᱱ ᱦᱚᱸ ᱱᱚᱣᱟ ᱛᱤᱱᱟ.ᱝ ᱚᱝᱜᱚᱥ ᱫᱚ ᱯᱟᱥᱱᱟᱣ ᱟᱠᱟᱱ ᱜᱮᱭᱟ ᱾ ᱱᱚᱣᱟ ᱟᱡᱟᱨ ᱡᱟᱜ ᱧᱟᱢ ᱠᱷᱟᱱ ᱓᱐ ᱥᱮᱨᱢᱟ ᱠᱷᱚᱱ ᱵᱟ.ᱲᱛᱤ ᱛᱟᱦᱮᱸ ᱫᱟᱲᱮᱭᱟᱜᱼᱟ ᱾ ᱚᱱᱟ ᱥᱟᱶᱛᱮ ᱟᱡᱟᱨ ᱨᱮᱭᱟᱜ ᱧᱮᱞᱮᱛ (symptom) ᱟᱨ ᱚᱨᱥᱚᱥ ᱵᱟᱵᱚᱫᱽ ᱵᱟ.ᱲᱛᱤ ᱜᱮᱭᱟᱱ ᱵᱟᱝ ᱛᱟᱦᱮᱸᱱ ᱟᱨ ᱦᱩᱲᱟ.ᱜ ᱵᱟᱱᱟᱰᱟᱭ ᱦᱚᱸ ᱦᱩᱭ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱟᱡᱟᱨ ᱦᱚᱛᱮᱛᱮ ᱦᱚᱲᱢᱚ ᱨᱩᱯ ᱵᱟ.ᱲᱤᱡᱚᱜ ᱠᱷᱟ.ᱛᱤᱨ ᱟᱡᱟᱨᱤᱭᱟ. ᱫᱚ ᱵᱷᱮᱜᱟᱨ ᱨᱮᱠᱚ ᱫᱚᱦᱚ ᱮᱭᱟ ᱾ ᱩᱱᱤ ᱫᱚ ᱟᱡ ᱛᱮ ᱵᱷᱮᱫᱽᱵᱷᱟᱵᱽ ᱨᱮᱭᱟᱜ ᱵᱚᱛᱚᱨ ᱛᱮ ᱵᱷᱮᱜᱟᱨ ᱫᱟᱲᱮᱭᱟᱜ ᱟᱭ ᱾ ᱟᱡᱟᱨ ᱟᱠᱟᱱ ᱦᱚᱲ ᱫᱚ ᱟᱡᱟᱜ ᱡᱤᱭᱚᱱ ᱨᱮ ᱡᱚᱛᱚ ᱴᱚᱴᱷᱟ ᱨᱮᱜᱮ ᱟ.ᱰᱤ ᱵᱟ.ᱲᱛᱤ ᱚᱨᱥᱚᱝ ᱵᱟᱡᱟᱣ ᱟᱭᱟ ᱾ ᱢᱩᱰᱨᱩᱡ ᱟᱡᱟᱨ ᱫᱚ ᱫᱩᱱᱤᱭᱟ. ᱨᱮ ᱛᱷᱚᱭ ᱵᱟᱝ ᱛᱟᱦᱮᱸᱱ ᱨᱮᱭᱟᱜ ᱢᱩᱬ ᱮᱛᱮᱫ ᱠᱟᱱᱟ ᱟᱨ ᱱᱚᱣᱟ ᱫᱚ ᱵᱟ.ᱲᱛᱤ ᱞᱮᱠᱟᱛᱮ ᱨᱮᱸᱜᱮᱡ ᱦᱚᱲᱟᱜ ᱟᱡᱟᱨ ᱠᱟᱱᱟ ᱾ ᱱᱚᱣᱟ ᱟᱡᱟᱨ ᱫᱚ ᱱᱤᱛᱚᱜ ᱢᱩᱞᱴᱤᱼᱰᱨᱚᱜᱽ ᱛᱷᱮᱨᱮᱯᱤ ᱥᱟᱶᱛᱮ ᱟᱞᱜᱟ ᱛᱮ ᱨᱟᱱ ᱜᱟᱱᱚᱜ ᱠᱟᱱᱟ, ᱡᱟᱦᱟᱸ ᱫᱚ ᱟᱡᱟᱨ ᱜᱚᱡ ᱟᱨ ᱟᱡᱟᱨᱤᱭᱟ. ᱵᱮᱥ ᱮ ᱞᱟ.ᱜᱤᱫ ᱯᱮᱨᱟ ᱨᱟᱱ ᱢᱮᱥᱟᱜᱼᱟ ᱾ ᱡᱩᱫᱤ ᱟᱡᱟᱨ ᱨᱮᱭᱟᱜ ᱛᱤᱠᱪᱷᱟ. ᱞᱚᱜᱚᱱ ᱦᱩᱭᱩᱜ ᱠᱷᱟᱱ ᱞᱤᱪᱟ.ᱲᱦᱚᱱᱚᱛ ᱟᱨ ᱨᱩᱯ ᱵᱟ.ᱲᱤᱡᱚᱜ ᱠᱷᱚᱱ ᱵᱟᱧᱪᱟᱣ ᱫᱟᱨᱟᱢ ᱦᱩᱭ ᱫᱟᱲᱮᱭᱟᱜᱼᱟ ᱾ ᱛᱤᱱ ᱡᱚᱦᱚᱜ ᱛᱤᱠᱪᱷᱟ. ᱨᱮᱭᱟᱜ ᱵᱤᱞᱚᱢ ᱦᱩᱭᱩᱜ ᱠᱷᱟ.ᱛᱤᱨ ᱵᱟ.ᱲᱛᱤ ᱞᱤᱪᱟ.ᱲᱦᱚᱱᱚᱛ ᱥᱟᱶ ᱡᱩᱲᱟ.ᱭ ᱛᱟᱦᱮᱸᱱ ᱠᱟᱱᱟ ᱾ ᱵᱟ.ᱲᱤᱡ ᱠᱚᱯᱟᱲ ᱞᱤᱠᱷᱳᱱ ᱠᱷᱟ.ᱛᱤᱨ ᱜᱮ, ᱢᱩᱰᱨᱩᱡ ᱟᱡᱟᱨ ᱟᱠᱟᱱ ᱦᱚᱲ ᱫᱚ ᱱᱤᱛᱚᱜ ᱫᱷᱟ.ᱵᱤᱡ ᱦᱚᱸ ᱚᱵᱷᱤᱥᱟᱯᱨᱮ, ᱚᱰᱚᱠ ᱜᱤᱰᱤ ᱨᱮᱭᱟᱜ ᱵᱚᱛᱚᱨ ᱨᱮ ᱢᱮᱱᱟᱭᱟ ᱾ ᱡᱟᱦᱟᱸ ᱠᱷᱟ.ᱛᱤᱨ ᱢᱩᱰᱨᱩᱡ ᱟᱡᱟᱨ ᱨᱮᱭᱟᱜ ᱵᱚᱛᱚᱨ ᱫᱚ ᱟ.ᱰᱤ ᱵᱟ.ᱲᱛᱤ ᱜᱮᱭᱟ ᱾ ᱱᱚᱣᱟ ᱪᱷᱟᱰᱟ ᱠᱟᱛᱮ, ᱮᱛᱚᱦᱚᱯ ᱥᱤᱢᱯᱴᱚᱢ ᱯᱩᱥᱴᱟ.ᱣ ᱵᱟᱝ ᱛᱟᱦᱮᱸᱱ ᱠᱷᱟ.ᱛᱤᱨ ᱟᱨ ᱮᱴᱟᱜ ᱥᱛᱷᱤᱛᱤ ᱡᱮᱞᱮᱠᱟ ᱩᱨᱩ ᱜᱮᱨ ᱟᱨ ᱮᱞᱚᱨᱡᱤ ᱨᱮᱭᱟᱜ ᱩᱨᱦᱟ.ᱨ ᱠᱷᱟ.ᱛᱤᱨ ᱟ.ᱰᱤ ᱟᱞᱜᱟ ᱛᱮ ᱵᱟ.ᱲᱤᱡ ᱦᱩᱭ ᱫᱟᱲᱮᱭᱟᱜᱼᱟ ᱾ ᱟ.ᱰᱤ ᱜᱟᱺᱦᱤᱨ ᱢᱩᱰᱨᱩᱡ ᱟᱡᱟᱨ ᱨᱮ ᱯᱟᱲᱟᱣ ᱟᱠᱟᱱ ᱦᱚᱲ ᱠᱚᱫᱚ ᱟ.ᱰᱤ ᱵᱟ.ᱲᱛᱤ ᱜᱮ ᱵᱷᱮᱫᱽᱵᱷᱟᱣ ᱥᱟᱢᱟᱝ ᱛᱮ ᱦᱩᱭ ᱟᱠᱚᱣᱟ ᱾ ᱟ.ᱰᱤ ᱵᱮᱲᱟ ᱨᱮᱜᱮ, ᱠᱟ.ᱣᱰᱤ ᱟᱨᱡᱟᱣ ᱞᱟ.ᱜᱤᱫ ᱫᱚ ᱩᱱᱤ ᱠᱚᱠᱚᱭ ᱡᱩᱜᱤ ᱥᱟᱡᱟᱣᱜ ᱦᱩᱭ ᱟᱭᱟ ᱾ ᱱᱚᱝᱠᱟᱱ ᱦᱟᱞᱟᱛ ᱨᱮᱜᱮ ᱩᱱᱤ ᱱᱤᱡᱮ ᱡᱚᱛᱚ ᱠᱷᱚᱱ ᱱᱟᱪᱟᱨ, ᱟᱨ ᱚᱱᱟ ᱠᱷᱟ.ᱛᱤᱨ ᱜᱮ ᱵᱟ.ᱲᱛᱤ ᱠᱟ.ᱣᱰᱤ ᱟᱨᱡᱟᱣ ᱞᱟ.ᱜᱤᱫ ᱫᱚ ᱪᱤᱱᱛᱟ. ᱵᱷᱟᱵᱽᱱᱟ ᱨᱮᱭ ᱧᱩᱨ ᱫᱟᱲᱮᱭᱟᱜᱼᱟ ᱾ ᱵᱮᱢᱟᱨ ᱟᱠᱟᱱ ᱦᱚᱲ ᱟᱡᱟᱜ ᱜᱷᱟᱨᱚᱸᱡᱽ ᱟᱨᱵᱟᱝ ᱥᱟᱶᱨᱮ ᱛᱟᱦᱮᱸᱱ ᱦᱚᱲ ᱴᱷᱮᱱ ᱦᱚᱸ ᱱᱚᱣᱟ ᱠᱟᱛᱷᱟᱭ ᱩᱠᱩ ᱫᱟᱲᱮᱭᱟᱜᱼᱟ ᱾ ᱪᱟ.ᱠᱨᱤ ᱵᱟᱧᱪᱟᱣ ᱫᱚᱦᱚᱭ ᱞᱟ.ᱜᱤᱫ ᱵᱟ.ᱲᱛᱤ ᱮᱴᱠᱮᱴᱚᱬᱮ ᱦᱩᱭ ᱫᱟᱲᱮᱭᱟᱜᱼᱟ ᱾ ᱟᱨ ᱟᱡ ᱨᱤᱱ ᱜᱷᱟᱨᱚᱸᱡᱤᱭᱟ. ᱥᱟᱶ ᱦᱚᱲᱢᱚ ᱥᱟ.ᱜᱟ.ᱭ ᱫᱚᱦᱚᱭ ᱠᱷᱚᱱ ᱥᱟᱺᱜᱤᱧ ᱨᱮᱭ ᱫᱚᱦᱚ ᱫᱟᱲᱮ ᱟᱭᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱪᱤ ᱟᱡᱟᱨ ᱫᱚ ᱮᱥᱤᱭᱟ, ᱛᱟᱞᱟ ᱯᱩᱨᱩᱵᱽ, ᱩᱛᱛᱚᱨ ᱟᱯᱨᱤᱠᱟ, ᱟᱨ ᱛᱟᱭᱚᱢ ᱛᱮ ᱭᱩᱨᱳᱯ ᱟᱨ ᱟᱢᱮᱨᱤᱠᱟ ᱨᱮᱭᱟᱜ ᱮᱴᱟᱜ ᱴᱚᱴᱷᱟᱨᱮ ᱵᱮᱯᱟᱨ ᱟᱨ ᱞᱟ.ᱵᱷᱟ.ᱭ ᱦᱚᱛᱮᱛᱮ ᱯᱟᱥᱱᱟᱣ ᱟᱠᱟᱱᱟ ᱾ ᱯᱟ.ᱦᱤᱞ ᱵᱷᱟᱨᱚᱛᱤᱭᱟ. ᱥᱟᱶᱛᱟ ᱨᱮ ᱢᱩᱰᱨᱩᱡ ᱟᱡᱟᱨ ᱨᱮᱭ ᱯᱟᱲᱟᱣ ᱟᱠᱟᱱ ᱦᱚᱲ ᱠᱚᱫᱚ ᱠᱚ ᱵᱷᱤᱱᱟ. ᱜᱤᱰᱤ ᱠᱟᱠᱚ ᱠᱟᱱ ᱛᱟᱦᱮᱸᱫ ᱾ ᱪᱮᱫᱟᱜ ᱥᱮ ᱱᱚᱣᱟ ᱟᱡᱟᱨ ᱫᱚ ᱢᱟᱨᱮ, ᱩᱪᱟ.ᱲᱚᱜ ᱨᱮᱭᱟᱜ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸ ᱠᱷᱟ.ᱛᱤᱨ ᱦᱚᱲᱢᱚ ᱨᱮᱭᱟᱜ ᱨᱩᱯ ᱨᱚᱝ ᱵᱟ.ᱲᱤᱡᱚᱜ ᱨᱮᱭᱟᱜ ᱟᱨ ᱦᱚᱸ ᱵᱟ.ᱲᱺᱤ ᱵᱚᱛᱚᱨ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱚᱠᱛᱚ ᱨᱮᱫᱚ ᱪᱮᱫ ᱦᱚᱸ ᱛᱤᱠᱪᱷᱟ.ᱜ ᱨᱮᱭᱟᱜ ᱦᱚᱨᱜᱮ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱟᱨ ᱯᱟᱯ ᱥᱟᱶ ᱡᱩᱲᱟ.ᱭ ᱛᱟᱦᱮᱸ ᱠᱟᱱᱟ ᱾ ᱥᱟᱸᱜᱷᱟᱨᱮᱛ (migrant) ᱵᱷᱟᱨᱚᱛ ᱨᱮ ᱥᱚᱨᱠᱟᱨ ᱫᱚ ᱑᱘᱙᱘ ᱢᱩᱰᱨᱩᱡ ᱟᱡᱟᱨ ᱞᱟ.ᱜᱤᱫ ᱢᱤᱫ ᱱᱤᱭᱟ.ᱢ ᱮ ᱵᱮᱱᱟᱣ ᱠᱮᱜᱼᱟ, ᱡᱟᱦᱟᱸ ᱨᱮᱫᱚ ᱢᱩᱰᱨᱩᱡ ᱟᱡᱟᱨᱤᱭᱟ. ᱠᱚ ᱞᱟ.ᱜᱤᱫ ᱢᱤᱫ ᱥᱚᱸᱥᱛᱷᱟᱭ ᱵᱮᱱᱟᱣ ᱠᱮᱜᱼᱟ ᱟᱨ ᱱᱩᱠᱩ ᱫᱟᱬᱟᱱ ᱠᱷᱚᱱ ᱮ ᱫᱩᱜ ᱠᱚ ᱞᱟ.ᱜᱤᱫ ᱛᱮ ᱡᱟᱱᱟᱝ ᱞᱮᱠᱟᱛᱮ ᱩᱱᱠᱩᱭ ᱵᱷᱮᱜᱮᱫ ᱠᱮᱫ ᱠᱚᱣᱟ ᱾ ᱱᱚᱣᱟ ᱠᱟᱱᱩᱱ ᱫᱚ ᱢᱩᱬ ᱞᱮᱠᱟᱛᱮ ᱨᱮᱸᱜᱮᱡ ᱦᱚᱲ ᱪᱮᱛᱟᱱ ᱨᱮ ᱟ.ᱰᱤ ᱜᱮ ᱱᱟᱯᱟᱭ ᱚᱨᱥᱚᱝ ᱯᱟᱲᱟᱣ ᱮᱱᱟ ᱪᱮᱫᱟᱜ ᱥᱮ ᱡᱟᱦᱟᱸᱭ ᱟᱠᱚ ᱛᱮ ᱟᱠᱚ ᱠᱚ ᱡᱚᱛᱚᱱ ᱚᱜ ᱠᱟᱱ ᱛᱟᱦᱮᱸᱫ ᱩᱱᱠᱩ ᱵᱷᱮᱜᱟᱨᱚᱜ ᱨᱮᱭᱟᱜ ᱥᱮ ᱛᱤᱠᱪᱷᱟ. ᱡᱚᱛᱚᱱᱚᱜ ᱨᱮᱭᱟᱜ ᱛᱚᱞᱟᱥ ᱞᱟ.ᱜᱤᱫ ᱵᱟᱝ ᱠᱚ ᱵᱚᱲᱦᱮᱜ ᱠᱟᱱ ᱛᱟᱦᱮᱸᱫ ᱾ ᱑᱙᱙᱑ ᱨᱮ ᱵᱷᱟᱨᱚᱛ ᱨᱮ ᱗᱕% ᱡᱮᱜᱮᱛ ᱨᱤᱱ ᱢᱩᱰᱨᱩᱡ ᱟᱡᱟᱨ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱢᱩᱰᱨᱩᱡ ᱟᱡᱟᱨ ᱨᱮᱭᱟᱜ ᱛᱤᱠᱪᱷᱟ. ᱡᱮᱜᱮᱛᱟ.ᱨᱤ ᱢᱩᱰᱨᱩᱡ ᱟᱡᱟᱨ ᱢᱩᱪᱟ.ᱫᱽ ᱠᱟ.ᱢᱤᱦᱚᱨᱟ ᱦᱚᱛᱮᱛᱮ ᱥᱟᱸᱵᱽᱲᱟᱣ ᱦᱩᱭ ᱞᱮᱱᱟ ᱾ ᱡᱟᱦᱟᱸ ᱫᱚ ᱯᱩᱨᱟ.ᱯᱩᱨᱤ ᱮᱴᱟᱜ ᱦᱚᱲᱢᱚ ᱥᱟᱶᱟᱨ ᱥᱮᱵᱟ ᱠᱷᱚᱱ ᱫᱚ ᱵᱷᱮᱜᱟᱨ ᱜᱮ ᱛᱟᱦᱮᱸ ᱠᱟᱱᱟ ᱾ ᱒᱐᱐᱕ ᱨᱮ ᱮᱴᱟᱜᱟᱜ ᱦᱚᱲᱢᱚ ᱥᱟᱶᱟᱨ ᱥᱮᱵᱟ ᱞᱮᱠᱟ ᱚᱱᱟ ᱠᱚ ᱥᱟᱶ ᱨᱮ ᱥᱮᱞᱮᱫ ᱮᱱᱟ ᱾
ᱠᱟ.ᱱᱩᱱ ᱨᱮ ᱵᱷᱮᱫᱽᱵᱷᱟᱵᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱩᱰᱨᱩᱡ ᱟᱡᱟᱨ ᱯᱟᱦᱴᱟ ᱨᱮᱭᱟᱜ ᱱᱟᱜᱟᱢᱮᱛ ᱵᱤᱨᱟᱥᱚᱛ ᱟᱨ ᱥᱟᱶᱛᱟᱨᱤ ᱧᱚᱞᱦᱟᱫ ᱢᱩᱰᱨᱩᱡ ᱟᱡᱟᱨᱤᱭᱟ. ᱠᱚ ᱵᱤᱨᱩᱫᱷ ᱨᱮ ᱵᱷᱮᱫᱽᱵᱷᱟᱵᱽ ᱯᱮᱨᱮᱡ ᱡᱚᱠᱷᱮᱡ ᱫᱚ ᱟ.ᱰᱤᱜᱟᱱ ᱠᱟᱱᱩᱱ ᱯᱩᱛᱷᱤ ᱨᱮ ᱯᱚᱨᱢᱟᱬ ᱧᱟᱢᱚᱜᱼᱟ ᱾ ᱪᱷᱚᱛᱤᱥᱜᱚᱰ, ᱨᱟᱡᱚᱥᱛᱷᱟᱱ, ᱢᱚᱫᱷᱭᱚᱯᱨᱚᱫᱮᱥ, ᱟᱸᱫᱷᱨᱚᱯᱨᱚᱫᱮᱥ ᱟᱨ ᱳᱰᱤᱥᱟ ᱯᱚᱱᱚᱛ ᱨᱮᱭᱟᱜ ᱠᱟᱱᱩᱱ ᱫᱚ ᱢᱩᱰᱨᱩᱡ ᱟᱡᱟᱨᱤᱭᱟ. ᱠᱚ ᱴᱚᱴᱷᱟᱣᱟᱨᱤ ᱵᱟᱪᱷᱚᱱ ᱨᱮ ᱫᱟ.ᱲ ᱠᱷᱚᱱ ᱮ ᱟᱴᱠᱟᱣ ᱠᱚᱣᱟ ᱾ ᱮᱴᱟᱜ ᱠᱟᱱᱩᱱ ᱠᱚᱨᱮ ᱫᱚ ᱑᱙᱓᱙ ᱨᱮᱭᱟᱜ ᱢᱳᱴᱚᱨ ᱥᱟᱜᱟᱲ ᱱᱤᱭᱚᱢ ᱥᱮᱞᱮᱫ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱢᱩᱰᱨᱩᱡ ᱟᱡᱟᱨᱤᱭᱟ. ᱠᱚ ᱰᱨᱟᱭᱵᱤᱝ ᱞᱟᱭᱥᱮᱱᱥ ᱟᱢᱮᱴ ᱨᱮᱭᱟᱜ ᱟᱨ ᱑᱙᱙᱐ ᱨᱮ ᱵᱷᱟᱨᱚᱛᱤᱭᱟ. ᱨᱮᱞ ᱚᱫᱷᱤᱱᱤᱭᱚᱢ ᱠᱷᱚᱱ ᱵᱟᱨᱚᱱ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱢᱩᱰᱨᱩᱡ ᱟᱡᱟᱨᱤᱭᱟ. ᱠᱚ ᱨᱮᱞ ᱜᱟ.ᱰᱤ ᱨᱮ ᱫᱮᱡᱚᱜ ᱟᱨ ᱥᱟᱸᱜᱷᱟᱨ ᱮ ᱟᱴᱠᱟᱣ ᱠᱚᱣᱟ ᱾
ᱟᱨ ᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]https://en.m.wikipedia.org/wiki/Baba_Amte
https://en.m.wikipedia.org/wiki/Gerhard_Fischer_(diplomat)
ᱥᱟ.ᱠᱷᱭᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]http://209.61.208.233/en/Section980/Section2572/Section2575.htm Archived ᱒᱐᱑᱔-᱐᱒-᱑᱖ at Archive.is
https://doi.org/10.4103%2Fijdvl.IJDVL_1070_16
http://www.who.int/mediacentre/factsheets/fs101/en/index.html
https://doi.org/10.1371%2Fjournal.pntd.0005192
http://apps.who.int/iris/bitstream/10665/69485/1/WHO_CDS_NTD_2006.4_eng.pdf
http://southasia.oneworld.net/Article/laws-in-india-criminalise-leprosy Archived ᱒᱐᱑᱒-᱐᱒-᱒᱙ at the Wayback Machine.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]http://www.who.int/mediacentre/factsheets/fs101/en/index.html
http://southasia.oneworld.net/Article/laws-in-india-criminalise-leprosy Archived ᱒᱐᱑᱒-᱐᱒-᱒᱙ at the Wayback Machine.
http://www.anandwan.in/ Archived ᱒᱐᱑᱔-᱑᱒-᱓᱑ at the Wayback Machine.