| Daïtro | |
|---|---|
| Orìgine | Lyon, France |
| Gènere musicale | Screamo |
| Annos de atividade | 2000[1]-2012 |
| Etichetas | Alchimia, Purepainsugar, Music Fear Satan, Adagio830, Oto Records, Clean Plate, Echo Canyon Records |
| Artistas assotziados | Bâton Rouge, 12XU, Mihai Edrisch, Gantz, Simfela, Potence |
| Giassu | www |
| Membros | Julien Paget Samuel Moncharmont Gwenaël Grosclaude Benoît Desvignes Aurelien Verdant |
Daïtro fiat una banda frantzesa de gènere screamo de Lyon. Sa formatzione fiat costituida dae sa cantante Aurelien Verdant, su chitarrista e cantore Julien Paget, sa bassista Gwenaël Grosclaude, su chiterrista Samuel Moncharmont e su baterista Benoît Desvignes. Si sunt formados in su 2000 comente a banda de bator sonadores, ma a pustis de sa morte de su bassista originale, Gwen e Aurelien si sunt unidos a su grupu e a pustis ant sonadu comente a banda de chimbe.[2] In su 2012 ant annuntziadu sa divisione de sa banda, e sa majoria de sos membros sunt andados a àteros progetos musicales.[3]
Daïtro sonaiat una genia de hardcore caòticu in un'istile chi regordat su de su movimentu originale screamo de sos annos '90. Simigiaiat a bandas americanas comente Orchid, e àteras de s'iscena europea screamo (chi ddi naraiant fintzas "skramz") comente a Raein, La Quiete e Sed non Satiata. Sas influèntzias issoro includent medas bandas screamo e post-hardcore, comente At the Drive-In, Refused e Envy.[4]
Daïtro, che a medas de sas bandas cuntemporàneas europeas e americanas, at ispiradu una generatzione noa de bandas screamo e post-hardcore chi sunt aparèssidas in sa fine de sos annos 2000 e in s'incumintzu de sos annos 2010, comente a Pianos Become the Teeth e Touché Amoré.