Sant'Eleuterio e Anzia
|
Sta pàggina è òrfana, zzuè nun àvi lijami a tràsiri.
Pi favuri, agghiunci na lijami a sta pàggina e scancella st'abbisu. |
Eleuteriu e Anzia ( Missina,94? - Roma, 15 Decemmiri 130 ) sunnu dui Santi vinirati da Cresia Cattolica e Ortudossa.
L’Atti greci e latini sunnu arriccuti di Liggenni. Floru pi erruri liggìu Apulia Aecaenam comu Apulia Messanam e quindi Missina e i Santi Eleuteriu viscuvu di l’Illiricu ( oj Dalmazia ), so matri Anzia e u Prifettu Curebu traseru nò Martirulogiu Romanu comu martiri di Missina. Fu chiamatu puru Libirali o Libiranti. Eleuteriu, fighu du cònsuli Eugeniu e di Anzia stava a Roma. Quannu havì vint’anni fu fattu parrinu e poi viscuvu du Papa sirianu Anicetu ( 155-166 ). Fu mannatu pi evangelizzari l’Illiricu e sò matri partiu cu iddu.U ‘Mpiraturi Adrianu pi mezzu du conti Filici u fici arristari e cunnannari comu Cristianu. Misu supra un lettu ‘nfucatu, dintra na cuarara d’oghu bullenti cu pici e resina e mannatu nò Culusseu chi liuna, ci fu tagghiata a testa ca spata. A stissa sorti ebbi sò matri e u Prifettu Curebu, ca assistiu o martiriu di Eleuteriu, si fici cristianu e fu puru iddu ammazzatu ca spata. Ci sunnu però varii ipotesi supra o locu dunni fu u martiriu.C’è cu voli a Roma, autri, secunnu una tradizioni latina, a Aeca na Puglia( oj Troia ), o in Dalmazia, o a Casteddu Misenu o Misinu o Mesiu, oj Munti Musinu no Cumuni di Sacrofanu (RM ). Puru a data du martiriu è incerta. Pi Greci è u 15 Decemmiri; pi Latini u 18 Aprili. Ci foru ‘ntitulati tanti Cresie: a Roma, Nepi, Vastu, Parenzu d’Istria, Aeca, Chieti, Beneventu, Salernu, Sulmona, Mugnano du Cardinali, Arianu Irpinu, Terracina, Arce, Canne in Puglia e u famusu Munasteriu da Maiella. Pigghia u so nomi a frazioni di S.Eleuteriu vicinu a Arianu Irpinu ( AV ).
I Riliquii
A tradizioni voli can ò 137 u viscuvu Primu avissi trasferitu di Roma a Rieti i Corpi di Santi Eleuteriu e Anzia. U 13 Austu 1198 u viscuvu Adolfu Secenari, a prisenza du Papa Innucenzu III, purtò i Riliquii da Catidrali a Batìa vicinu a Citati. No 1562 turnaru na Catidrali di Rieti e sunnu vinirati na Cappella du Crucifissu. Autri Riliquii sunnu a Roma na Cresia di Santa Sabina sutta l’altari di San Larenzu, purtati da Cresia di San Giuvanni da Pigna pi ordini du Papa Sistu V. Autri Riliquii foru mannati a Missina nò 1936 a Parrocchia di Santi Petru e Paulu da Citati di Palermu, unni eranu vinirati na Cresia di Santa Ninfa du 1783.