Anwoth

Anwoth is a clachan near the Solway Firth in Kirkcoubrieshire, Dumfries an Gallowa in soothwast Scotland, within a pairish o the same name in the Vale o Fleet. Anwoth lies ae mile til the wast o Gaithoose o Fleet.

Anwoth's maist famous residenter wis the Rev. Samuel Rutherford (c. 1600-1661) that wis the meenister at Anworth Auld Kirk fae 1627 until 1636 whan he wis bainisht tae Aiberdeen.

On a nearby hill thare is Rutherford's Moniment, a 56-fit-heich granite obelisk upset in 1842.[1][2]

Rutherford's Moniment

A millenium cairn anent the moniment leets the names o aw the meenisters o Anwoth an Girthon till the year 2000 when it wis upset. The Auld Kirk wis in uiss until 1825, bit it is noo juist a ruin.

Wast Anworth Pairish Kirk wis built in 1826-7. It is a Walter Newall Gothic box-style kirk wi a tour an huid-muildit windaes. It closed in 2002. The Kirk o Scotland selt the kirk til a neebourin faimily that noo keep it as a haw for ceremonys an pairtys. The kirk wis re-ruift in 2007 an is being keepit in the best condeetion.

An auncient fort on Trusty's Hill wis occupee'd by Airn Age fowk an micht hae been attackit an burnt bi a Pecht raidin pairty that cairved a series o seembol stanes in a rock aside the ingang passage.[3][4]

Awoth Kirk an Auld Schuil anent wis key locations for the 1973 cult pictur The Wicker Man.[5]

Anwoth Kirk

This aurie, wi mony references tae Anwoth an speceefic til the Anwoth Hotel, is the location for maist o Dorothy L Sayers's detective novelle "The Five Red Herrings".[6]

Leeterar allusion

[eedit | eedit soorce]

Anne Ross Cousin's hime, The Sands of Time are Sinking,[7] mentions Anwoth, acause o its historic speeritual connection wi Samuel Rutherford. Verses 9 an 10 o her oreeginal nineteen stanza poem is (in English):

The little birds of Anworth, I used to count them blessed,
Now, besie happier altars I go to build my nest:
Over these there broods no silence, no graves around them stand,
For glory, deathless, dwelleth in Immanuel's land.
Fair Anwoth by the Solway, to me thou still art dear,
Even from the verge of heaven, I drop for thee a tear.
Oh! If one soul from Anwoth meet me at God's right hand,
My heaven will be two heavens, In Immanuel's land.

Leetit biggins in Anwoth

[eedit | eedit soorce]
  • Rusco Tower
  • Cardonness Estate, Sandyknowes
  • Anwoth Schoolhouse
  • Cardonness Estate, Cardonness East (Main) Lodge, Gates, and Gatepiers
  • Rusco House
  • Anwoth Old Church, Gordon Tomb and Churchyard
  • Fleet Bay, Cardoness Chapel
  • Anwoth Parish Church (Church of Scotland)
  • Boreland of Anwoth
  • Cardonness Estate, West Lodge
  • Kirkclaugh
  • Cardonness Estate, Laundry Cottage

References

[eedit | eedit soorce]
  1. ↑ D.N.B. p.7. https://archive.org/stream/dictionaryofnati50stepuoft#page/6/mode/2up
  2. ↑ Historic Environment Scotland. "Rutherford's Monument  (Category B) (LB3295)". Retrieved 2 Apryle 2019.
  3. ↑ http://gallowaypicts.com/wordpress/results/topographic-gps-survey-of-trustys-hill/ Archived 2020-05-19 at the Wayback Machine
  4. ↑ "Trusty's Hill, Anwoth". Canmore. Archived frae the original on 9 December 2018. Retrieved 13 November 2019.
  5. ↑ Wicker Man Locations - Anwoth Archived 23 Mairch 2007 at the Wayback Machine
  6. ↑ Dorothy L Sayers, "The Five Red Herrings", Victor Gollancz, London, 1931, and The Five Red Herrings
  7. ↑ The Sands of Time Are Sinking Archived 20 December 2010 at the Wayback Machine
[eedit | eedit soorce]

Coordinates: 54°52′41″N 4°12′43″W / 54.878°N 4.212°W / 54.878; -4.212