Garliestoun
Garliestoun is a smaw planned coastal veelage in the historical coonty o Wigtounshire in Dumfries an Gallowa, Scotland. It wis foondit in the mid 18t century bi Alexander Stewart, 6t Yerl o Gallowa.
Location an History
[eedit | eedit soorce]
The veelage lies 5 mile nor'wast o Whithorn an a wheen o miles north o Cruggleton Castle that wis abandont in the 17t century. The umwhile seat o the Yerls o Gallowa, Gallowa Hoose, is situatit on the edge o the veelage, wi the sattlement bein planned alang Georgian lines.
The port becam an important import pynt for guids bein brocht intil the Machars ootthrou the 19t an early 20t centurys. In 1876 the Portpatrick and Wigtownshire Joint Railway wis stendit til the sattlement an guids flowed raiglar throu the port, wi the maritime industrys o shipbiggin an associatit acteevitys takkin place in the veelage.
Seicont Warld War
[eedit | eedit soorce]
Durin Warld War II the veelage becam pairt o the saicret Mulberry harbour project. The profile o the strand an the sea bed wis seemilar tae thae anes o the propone't herbour pynts in Normandy an that, couple't wi the faur awa naitur o the place, led tae Garliestoun an the surroondin aurie bein selectit as the development region for the herbours. Prototypes o three designs wis tried in Garliestoun Herbour an at nearby Rigg Bay an Portyerrock. A fixt pierheid (Hippo) fae the herbours coud be seen in Cruggleton (or Rigg) Bay until it wis malafoustert bi a storm on Sunday 12 Mairch 2006. Remeens o the prototypes, in parteecular BEETLES that uphaudit the fleetin roadwey, can be seen at Eggerness, Portyerrock, an Rigg Bay. The remeens is now schedule't as national moniments bi Historic Scotland.
The praisent
[eedit | eedit soorce]
Nouadays the veelage is in general a quate, slaw place, wi muckle o the local industry an port acteevity haein ceased ower the past 50 year. A boulin green sits on the watterfront an the veelage caravan site attracts tourists, wi the herbour providin berthin faceelitys for thaim that is tourin bi boat. Awtho Gallowa Hoose is preevat awnt, the gairdens, managed separate bi the Galloway House Gardens Trust is appen til the public and pey-an-shaw pairkin provides easy aiccess til the gairdens an Rigg Bay.
Namely residenters
[eedit | eedit soorce]- Charles Gordon McClure (better kent as Dyke White) (1885-1993) - cairtoonist
Gailerie
[eedit | eedit soorce]-
Garliestoun Bay an Herbour -
Garliestoun main street -
Herbour waw, Garliestoun -
Garliestoun fleet-dyke -
Garliestoun veelage haw -
Garliestoun Boulin Club
External links
[eedit | eedit soorce] |
Wikimedia Commons haes media relatit tae Garliestoun. |
- Garliestoun community wabsteid Garliestoun
- Garliestoun's Secret War The story o the Mulberry Harbours an the men that made it happen
- Combined-ops Information on the Mulberry Harbours & the role Garliestoun played in thair development
Authority control  |
|
|---|
 | This Places o Scotland airticle is a stub. Ye can help Wikipaedia bi expandin it. |