Minnyhive

Minnyhive Scots Gaelic: Am Moine Naomh
The Clock Tour, Minnyhive
Moniaive Location within Dumfries an Gallowa
Population	520
OS grid reference	NX778909
Cooncil area	Dumfries an Gallowa
Lieutenancy area	Dumfries
Kintra	Scotland
Sovereign state	Unitit Kinrick
Post toun	THORNHILL
Postcode destrict	DG3
Diallin code	01848
Police	Scots
Fire	Scots
Ambulance	Scots
EU Pairlament	Scotland
UK Pairlament	Dumfries and Galloway
Scots Pairlament	Dumfriesshire
Leet o places UK Scotland 55°11′49″N 3°55′16″W / 55.197°N 3.921°W / 55.197; -3.921Coordinates: 55°11′49″N 3°55′16″W / 55.197°N 3.921°W / 55.197; -3.921

Minnyhive (English: Moniaive /mɒniˈaɪv/ 'monny-IVE'); Scots Gaelic: Am Moine Naomh, "The Haly Muir") is a veelage in the pairish o Glencairn in the historical coonty o Dumfriesshire in Dumfries an Gallowa, in soothwast Scotland. It staunds on the Cairn an Dalwhat Watters. Minnyhive his been name't the best oweraw smaw veelage in the Nithsdale in Bloom competeetion five times in a raw, fae 2006 tae 2011.^[1] The veelage streetskip wis featurt in the 2002 Peter Mullan pictur The Magdaline Sisters. In 2004, The Times descrived the veelage as ane o the "coolest" in Breetain.

View o the Renwick Moniment, Minnyhive

Craigdarroch bi William Adam (1729), hame of Annie Laurie

History

Minnyhive his existit as a veelage as faur back as the 10t century. On 4 Julie 1636 Charles I, Keeng o Scots grantit a chairter in favour o William, Yerl o Dumfries, makkin Minnyhive a "free Burgh of Barony". Wi this chairter cam the richts tae set up a mercat cross and towebuith, tae haud a weekly mercat on Tysday an twa annual fairs ilk o three days duration. The Midsimmer Fair wis fae 16 Juin and the Michelmas Fair on the last day o September.

Covenantin

In the 17t century, Minnyhive becam the place o haud for the Covenanters, a group o Presbyterian nonconformists that rebelt at haein the Episcopalian releegion gart on thaim bi the last three Stuart keengs - Charles I, Charles II, an James VIII (James II o England). Thare is a moniment aff the Ayr Road tae James Renwick, a Covenanter leader born in Minnyhive an aged 23 wis the last Covenanter tae be hangit in Edinburgh.

James Paterson

"The Last Turning", James Paterson (1885)

The Scots airtist James Paterson, a foonder member o "The Glasgow Boys", sattle't in Minnyhive in 1884 an steyed for 22 year. He pentit mony local scenes includin "The Last Turning", a view o a wumman approachin the veelage on the loan on the wastren side o the auld millpownd (noo stankit) in the Dalwhat dale - noo shawed in the Kelvingrove Art Gallery and Museum. A James Paterson museum existit within the veelage until 2005, shawin photaes and memorabilia fae the collection o his granddochter, Anne Paterson-Wallace.

Cairn Valley Light Railway

Moniaive railwey station in 2009

The Cairn Valley Light Railway wis appent fae Dumfries in 1905 as a subsidiary company o the Glasgow and South Western Railway. Plans ineetial haed includit developin Minnhive intil a resort acause o the kintraside bein gey scenic and peacefu. Passenger services wis suspendit as a wartime economy on 3 Mey 1943 an til aw traffeck on 4 August 1947.

Local economy

The local economy is maistly sheep-fermin an cattle-fermin, as weel as forestry. The aurie his a lairge sel-employed community includin writers, airtists, graphic designers, historical interpretation centres, aromatherapists, staint gless wirkers, a wine importin business, a chocolatier, computer mendins, gairden an laundskipin services, a plant nursery, and childercare. The're a lairge general store includin a post office coonter, and a garage, a cafe, a chocolatier, an Italian restaurant, several airtist studios, a primary schuil, a guest hoose an twa hottles with baurs an restaurants (ane with accommodation), an twa veelage haws.

A bi-monthly newspaper, cried the Glencairn Gazette, is produce't bi volunteers and distreebutit til the residenters.

Namely fowk

• Ane o Charlie Chaplin's sons skirtit tae an mairit in Minnyhive

• Rumer Godden OBE (1907-1988) - writer

• Alex Kapranos (born 1972) - o the rock baund Franz Ferdinand, he bocht the hoose o James Paterson

• Alan Grant (born 1949) - writer o Judge Dredd and Batman

• John Inglis (1808-1891) - meesionar^[2]

• Johanna Lumley (born 1946) - actress, she his a hame near Minnyhive

• Rab Smith (born 1948) - ex-perfaisional dairts player

Fests

In 2015 Minnyhive reinventit itsel as Moniaive Festival Village and gaed on tae win a Creative Place Award fae Creative Scotland. The veelage is hame tae a nummer o fests that is haudit ilka year, includin: the Moniaive Folk Festival, the Moniaive Michaelmas Bluegrass Festival, The Scottish Autoharp Weekend, the Moniaive Horse Show, the Moniaive and District Arts Association annual exheebeetion, the Glencairn and Tynron Amateur Cottages and Gardeners Horticultural Society shaw an the Moniaive Gala. In 2016 the Moniaive Comic Book Festival wis resurrectit as pairt o the Creative Place awaird programme, it haudit successfu its seicont comic-beuk fest in 2017.

Cairnhead Community Forest an Striding Arches

Bail Hill Striding Arch, bi Andy Goldsworthy

Cairnhead Community forest is a Scots chairity formt in 1998 tae herten an enable community participation wi its awner Forestry and Land Scotland. The're three airches bi airtist Andy Goldsworthy aroond Cairnhead on Bail Hill, Benbrack, an Colt Hill. Ilk airch staunds juist unner 13 fit heich, wi a spang o aboot 23 fit, an conseests o 31 blocks o haund-dresst reid saundstane weein aboot 27 ton.

The Geodial an Wildflouer Gairden

In 2009 a GeoDial wis commissiont bi the Geological Society of Dumfries and Galloway for the people o Minnyhive tae celebrate the geodiversity o th aurie. It staunds neist til the Dalwhat Watter in the Minnhive Wildflouer Gairden an riverside walk. The Geodial his an interpretation buird that identifys the rock types o the Geodila an o the rocks that mak up the stane circle that surroonds it.

Gailerie

• 
  Dunreggan Brae, Minnyhive
• 
  Inscription on the Renwick Moniment
• 
  Minnyhive, mercat cross

References

1. http://www.dgstandard.co.uk/dumfries-news/local-news-dumfries/local-news-dumfriesshire/2010/09/24/nithsdale-villages-in-bloom-competition-2010-51311-27367217/
2. Template:DNZB

External links

Wikimedia Commons haes media relatit tae Minnyhive.

• Veelage wabsteid
• The Striding Arches Archived 2020-02-18 at the Wayback Machine
• The Moniaive Folk Festival Archived 2016-06-17 at the Wayback Machine
• The Moniaive Michaelmas Bluegrass Festival
• What's going on in Moniaive Archived 2020-06-22 at the Wayback Machine
• The Moniaive GeoDial