San Miguel Panixtlahuaca | |
---|---|
Municipality an toun | |
Coordinates: 16°15′N 97°23′W / 16.250°N 97.383°W | |
Kintra | Mexico |
State | Oaxaca |
Area | |
• Total | 264.1 km2 (102.0 sq mi) |
Population (2005) | |
• Total | 5,724 |
Time zone | UTC-6 (Central Staundart Time) |
• Summer (DST) | UTC-5 (Central Daylicht Time) |
San Miguel Panixtlahuaca is a toun an municipality in Oaxaca in sooth-wastren Mexico. It is pairt o the Juquila Destrict in the centre o the Costa Region. The name "Panixtlahuatl" in the Nahuatl leid means "Plain o the Brig".[1]
The municipality covers a aurie o 264.1 km² at a altitude o 770 metres abuin sea level. The climate is wairm or temperate, wi average temperaturs atween 22-16 °C. The terrain is hilly, in the fuithills o the Sierra Madre del Sur. Thare is a wide range o flouers, edible an medicinal plants an trees.
Birds include reid-billed pigeon, quail, macaw, parrot, chachalaca, parakeet, magpies, woodpeckers, eagles, crows, buzzards, houlets, doves, canaries, vulturs, partridges, herons an roadrunners. Wild ainimals include cat, coyotes, wild boar, badgers, leopard, martens, tods, raccoons, bobcat, porcupines, skunks, weasels, dogs, beir, anteaters, opossums, gophers an squirrels. Thare are coral snakes, green an black iguanas, scorpions, rattlesnakes, boa constrictors, milk snakes, thread snakes an chameleons.[1]
As o 2005, the municipality haed a tot population o 5724 o whom 4,903 spoke a indigenous leid.[1] Panixtlahuaca is ane o the centres o the Chatino fowk, relatit tae the Zapotec but wi a distinct leid.[2] Agricultur includes the coffee crop, which is exportit, an rainfed maize an beans for personal consumption or for the domestic mercat. 10% o the population is engagit in ainimal husbandry.[1]
In September 2005 the local fowk wur resistin pressur frae state authorities tae grant licenses for forestry an for saund an graivel extraction. In turn, the authorities accuised the veelagers o harborin airmit rebel gangs an attemptit tae annul the elections o local offeecials.[3] Further clashes wi the authorities continued tae occur in 2006, describit as a period o terror bi the local fowk.[4] In Apryle 2009, 15 larries filled wi airmit federal troops surroondit the veelage o San Miguel Panixtlahuaca an erectit road blocks tae prevent onyane frae enterin or leavin, then combed the hooses in sairch o wappens.[5]