جي. الانا

Ghulam Ali Allana
پيدائش 22 August 1906[1]
Karachi, British India
وفات 8 مارچ 1985 (عمر 78 سال)[2]
Karachi, Pakistan
پيشو Poet
Historian[2]
Biographer
Diplomat[2]
سياسي تحريڪ Pakistan Movement[2][1]

غلام علي الانا (22 آگسٽ 1906 - 8 مارچ 1985)، جي. الانا جي نالي سان مشهور آهي، ڪراچيءَ ۾ پيدا ٿيو. جي. الانا پاڪستان جي باني محمد علي جناح جو هڪ دوست ۽ سوانح نگار هو. الانا ننڍي عمر ۾ سياست ۾ داخل ٿيو ۽ پاڪستان تحريڪ ۾ ڀرپور حصو ورتو. ورهاڱي کان پوءِ هن فيڊريشن آف پاڪستان چيمبرز آف ڪامرس اينڊ انڊسٽري ٺاهڻ ۾ اهم ڪردار ادا ڪيو. هو اولهه پاڪستان جي قانون ساز اسيمبليءَ جو ميمبر هجڻ سان گڏ ڪراچي جو ميئر به رهيو. بين الاقوامي سطح تي، مسٽر الانا 100 کان وڌيڪ ڪانفرنسن ۾ پاڪستان جي نمائندگي ڪئي، انٽرنيشنل ليبر آرگنائيزيشن جي گورننگ باڊي ۽ انٽرنيشنل آرگنائيزيشن آف ايمپلائرز، برسلز جو صدر پڻ رهيو. گڏيل قومن ۾ هن ڪيترن ئي امن ۽ سفارتي قدمن/ ڪم ڪندڙ گروپن جي اڳواڻي ڪئي ۽ 1975ع ۾ گڏيل قومن جي انساني حقن بابت ڪميشن جو چيئرمئن بڻيو. هن جي خدمتن لاءِ هن کي اقوام متحده جو امن تمغا سان نوازيو ويو. 1977ع ۾ امن جو نوبل انعام ڏنو ويو. هو هڪ انگريزي ٻولي جو پاڪستاني شاعر پڻ هو ۽ محمد علي جناح جي ڀيڻ فاطمه جناح جو صلاحڪار ۽ دوست هو.[3]

ناميارو شاعر، محقق، سياح، تاجر ۽ تحريڪ پاڪستان جو ممتاز رڪن، جِي. الانا (G.Allana) 22 جون 1906ع تي ڪراچيءَ ۾ پيدا ٿيو. سندس پورو نالو غلام علي الانا هو. سينٽ پيٽرڪس هاءِ اسڪول ڪراچيءَ مان مئٽرڪ ڪرڻ کان پوءِ ، وڌيڪ تعليم لاءِ ڊي.جي سنڌ ڪاليج، ڪراچيءَ ۽ فرگوسن ڪاليج، پوني، ڀارت ۾ پڙهيو. شاگرديءَ واري زماني ۾، تحريڪ پاڪستان ۾ سرگرميءَ سان حصو وٺڻ شروع ڪيائين. 20 سالن تائين ڪراچي ميونسپل ڪارپوريشن جو ميمبر چونڊيو رهيو، 1968ع ۾ ڪراچي ڪارپوريشن جو ميئر مقرر ٿيو، جنهن کان پوءِ، ڇهن سالن تائين اسلامي چيمبر آف ڪامرس جو صدر پڻ رهيو. تقريباً 120 بين الاقوامي ڪانفرنسن ۾ پاڪستان جي نمائندگي ڪيائين ۽ ڪجهه وقت گڏيل قومن جي انساني حقن واري ڪميشن ۾ پاڪستان جو چيئرمئن پڻ رهيو. آغا خان فيڊرل ڪائونسل فار پاڪستان جو سالن تائين صدر رهيو. سندس گهر واري مسز جينوما الانا، سنڌ اسيمبليءَ جي ميمبر ۽ پارليامينٽري سيڪريٽري رهي. جي. الانا جي شاعريءَ جو اردو، بنگالي، گجراتي ۽ انگريزي ٻولين ۾ ترجمو ٿي چڪو آهي. اردوءَ ۾ لکيل سندس سفرنامو "ديس بديس" به شايع ٿي چڪو آهي. سندس ٻين تصنيفن ۾ "قائداعظم، اسٽوري آف نيشن" (انگريزي)، "Our Freedom Fighters"، "پاڪستاني شاعري"، "محبت ڪي مشرقي داستانين"، "Four Classical Poets of Sindh" ۽ "Memories of Prince Ali Khan" شامل آهن. 78 سالن جي ڄمار ۾ 5 مارچ 1984ع تي وفات ڪيائين.[4]

حوالا

[سنواريو]
  1. ↑ 1.0 1.1 حوالي جي چڪ: Invalid <ref> tag; no text was provided for refs named HS
  2. ↑ 2.0 2.1 2.2 2.3 حوالي جي چڪ: Invalid <ref> tag; no text was provided for refs named TNI
  3. ↑ G. Allana – a man of many facets آرڪائيو ڪيا ويا 25 September 2017 حوالو موجود آهي وي بيڪ مشين. The News International (newspaper), Published 8 March 2012, Retrieved 4 April 2018
  4. ↑ الانا جِي : (Sindhianaسنڌيانا)