هنگول نيشنل پارڪ
هنگول نيشنل پارڪ (اردو: ہنگول نیشنل پارک) پاڪستان جي سڀ کان وڏي قومي پارڪن مان هڪ آهي، جيڪو مڪران جي ساحلي علائقي ۾ واقع آهي. پارڪ اٽڪل 6,100 چورس ڪلوميٽر (2,400 چورس میل) جی ایراضی تی پکڑیل آھی ۽ ڪراچي کان 190 ڪلوميٽرن جي مفاصلي تي بلوچستان جي ٽن ضلعن گوادر، لسبيلا ۽ آواران ۾ واقع آهي. هنگول کي سال 1988ع ۾ نيشنل پارڪ قرار ڏنو ويو.
پارڪ جو نالو هنگول نديءَ جي ڏاکڻي حصي جي نالي تي رکيو ويو آهي، جيڪو عربي سمنڊ جي ڪناري سان وهندو آهي ۽ وڏي تعداد ۾ آبي پکين ۽ سامونڊي زندگيءَ جي دولت جو گهر آهي. هنگول نيشنل پارڪ ۾ ڇهه مختلف ماحولياتي نظام شامل آهن، گڏوگڏ ريگستاني ۽ ميداني علائقا، ان کي پاڪستان جي قومي پارڪن ۾ منفرد بڻائي ٿو.
هن پارڪ جي اتر ۾ هڪ گهاٽو ٻيلو آهي، ڏکڻ ۾ هڪ بنجر جبل جو سلسلو آهي ۽ هنگول نديءَ جي شاخ آهي، جيڪا هزارين لڏپلاڻ ڪندڙ پکين ۽ دلدلی مگرمچن جو گهر آهي. عمان جو نار ۽ عربي سمنڊ به ڏکڻ ۾ آهن.
پارڪ جون منفرد پٿر جون شڪليون ڪجهه وقت کان سڄي ملڪ مان سياحن کي راغب ڪري رهيون آهن، خاص ڪري سال 2004ع ۾ مڪران ڪوسٽل هاءِ وي جي مڪمل ٿيڻ کان پوء۔