Sámiráđđi lea vuođđuduvvon borgemánu 18. beaivve 1956 Kárašjogas sámiid nubbi konfereanssas namain Davviriikkaid sámiráđđi. Jagis 1992 Helssegis ordnejuvvui sámiid 15. konfereansa, gos Ruošša beale Guoládaga sámi searvi dohkkehuvvui lahttun ja Sámiráđi namas guđđojuvvui davviriikalaš eret.
Sámiráđi dievasčoahkkimis leat 15 lahtu, geat ovddastit ovcci lahttosearvvi: Suoma sámiid guovddášsearvi (SSG) Suomas, Guoládaga Sámi Searvi (GSS) ja Murmánskka guovllu Sámesearvi (OOSMO) Ruoššas, Norgga Boazosápmelaččaid Riikkasearvi (NBR/NRL), Norgga Sámiid Riikkasearvi (NSR) ja Sámiid Álbmotlihttu (SÁL/SFF) Norggas, Sámiid Riikkasearvi (SSR), Riikasearvi Sámi Ätnam (RSÄ) ja Boazoeaiggádiid Oktavuohta (BEO) Ruoŧas. Jagi 2008 sámekonfereansa dollojuvvui Roavvenjárggas golggotmánu maŋimuš vahku. Seammás dollojuvvui áššedovdiseminára sámiid kulturárbbi birra.
Sámiráđi lahtut 2009-2012 | |
---|---|
NBR/NRL: Olav Mathis Eira | Inge Even Danielsen | NRS: Áile Jávo | Geir Tommy Pedersen | SÁL/SFF: Ann Karin Sørli | SSG: Niko Valkeapää | Anne Länsman | Jouni Lukkari | Inger-Anne Äärelä | OOSMO: Ivan Matrekhin | GSS: Lena Koroljova | SSR: Mattias Åhrén | Åsa Larsson | RSÄ: Kristina Nordling | BEO: Elen Omma
|