ဝဵင်းပွင်ႇ

ဝဵင်းပွင်ႇ
ဝဵင်း
ဝဵင်းပွင်ႇ ဢွင်ႈတီႈဝဵင်းပွင်ႇ
ၵူဝ်ႇဢေႃးတိၼဵတ်ႉ- 16°37′22″N 97°27′37″E / 16.62278°N 97.46028°E / 16.62278; 97.46028
မိူင်း	မိူင်းမၢၼ်ႈ
ၸႄႈမိူင်း	ၸႄႈမိူင်းမွၼ်း
ၸႄႈတွၼ်ႈ	ၸႄႈတွၼ်ႈသထူင်ႇ
ၸႄႈဝဵင်း	ၸႄႈဝဵင်းပွင်ႇ
ႁူဝ်ၼပ်ႉၵူၼ်းမိူင်း  (2014)	29,434[1]
ပွတ်းတွၼ်ႈၶၢဝ်းယၢမ်း	UTC+06:30 (လၵ်းၸဵင်ၶၢဝ်းယၢမ်းမျၢၼ်ႇမႃႇ)

ဝဵင်းပွင်ႇ (မၢၼ်ႈ: ပေါင်မြို့; မွၼ်း: ပံင် ; ဢိင်းၵလဵတ်ႈ: Paung) ၼႆႉ ပဵၼ်ဝဵင်းပၵ်းလုမ်း ၸႄႈဝဵင်းပွင်ႇ၊ ၸႄႈတွၼ်ႈသထူင်ႇ၊ ၸႄႈမိူင်းမွၼ်း၊ မိူင်းမျၢၼ်ႇမႃႇ ၶႃႈဢေႃႈ။ ၸႄႈဝဵင်းပွင်ႇၼႆႉ မီးဝႆႉ ပွတ်းၸၢၼ်း ၸႄႈဝဵင်းသထူင်ႇသေ မီးဝႆႉတီႈၼႂ်းၵႄႈ ၼမ်ႉၶူင်း လႄႈ ၵူတ်ႉပၢင်ႇလၢႆႇမူၵ်ႉတမယဝ်ႉ။

ဝဵင်းပွင်ႇၼႆႉ မီးဝႆႉတီႈ ၵုင်းၸိူၼ်း ဢၼ်မီး ၽၢႆႇတူၵ်း သၼ်လွႆမူၵ်ႉတမ ဢၼ်ၵၢႆဝႆႉ ၼႃႈႁွင်ႇၼႃႈၸၢၼ်း တီႈၼႂ်းၵၢင်ၸႄႈဝဵင်းပွင်ႇၼၼ်ႉယဝ်ႉ။ သဵၼ်ႈတၢင်းရူတ်ႉရဵၼ်း ဢၼ်ၵႂႃႇ တႃႈၵုင်ႈ-မေႃႇလမႅင်ႇ ၼႆႉ ႁဵတ်းလတ်းၵႂႃႇတီႈ ဝဵင်းပွင်ႇယဝ်ႉ။ ၸႄႈဝဵင်းပွင်ႇၼႆႉ ၵႂၢင်ႈၶႂၢင် 399 လွၵ်းလၵ်းယဝ်ႉ။ ယွၼ်ႉပိူဝ်ႈ ၶွၼ်ႇလိၼ်ၽုၼ်ႇလိၼ် ၶႅမ်ႉလႄႈ ၵၢၼ်ၽုၵ်ႇသွမ်ႈၼႆႉ ပဵၼ်ၵၢၼ်ပိူင်လူင် တွၼ်ႈတႃႇ ၸႄႈဝဵင်းယဝ်ႉ။ ယွၼ်ႉပိူဝ်ႈ ၵၢၼ်ငၢၼ်းႁႆႈၼႃးၶႅမ်ႉလႅပ်ႈလႄႈ ႁူဝ်ၼပ်ႉၵူၼ်း ၵေႃႈၼမ်ဝႆႉယဝ်ႉ။ ၸွမ်းလူၺ်ႈသဵၼ်ႈမၢႆႁူဝ်ႁိူၼ်း ပီ 2014 သေ ႁူဝ်ၼပ်ႉၵူၼ်းတီႈ ဝဵင်းပွင်ႇၼႆႉ မီးယူႇ 29,434 ၵေႃႉ^[1]ယဝ်ႉ။ ၶဝ်ႈသၢၼ်ၼႆႉ ပဵၼ်ၶူဝ်းဢွၵ်ႇပိူင်လူင် တီႈဝဵင်းပွင်ႇယဝ်ႉ။

ဝဵင်းမူၵ်ႉတမ ဢၼ်ပဵၼ်ဝဵင်းၵဝ်ႇလူင် ဝဵင်းၼိုင်ႈၼႆႉ မီးဝႆႉတီႈၼိူဝ် ၽင်ႇၼမ်ႉၶူင်း ဢၼ်မီးၸဵင်ႇၸၢၼ်းဝၼ်းဢွၵ်ႇ ၸႄႈဝဵင်းပွင်ႇသေ ဝၢႆႇၼႃႈၸူး ဝဵင်းမေႃႇလမႅင်ႇဝႆႉယဝ်ႉ။ ဝဵင်းမူၵ်ႉတမၼႆ့ မိူဝ်ႈဢွၼ်တၢင်း ပဵၼ်ဝဵင်းတႃႈႁိူဝ်းသေ ပဵၼ်ဢွင်ႈတီႈ ၵူၼ်းၼွၵ်ႈမိူင်းၶဝ် ၶဝ်ႈဢွၵ်ႇသိုဝ်ႉၶၢႆမႃးယဝ်ႉ။^[2]

ၽိုၼ်ဢိင်

1. (မေႇ 2015) ၽိုၼ်လိၵ်ႈ သဵၼ်ႈမၢႆႁူဝ်ႁိူၼ်း, ၽိုၼ်လိၵ်ႈ သဵၼ်ႈမၢႆႁႁူဝ်ႁိူၼ်း လႄႈ ႁူဝ်ၼပ်ႉၵူၼ်း ပီ 2014 သွႆႉ-2. ၼေႇပျီႇတေႃႇ: ထၢၼ်ၽွင်းလူင် ၵၢၼ်ႁႅင်းငၢၼ်း၊ ၵၢၼ်ၵူတ်ႇထတ်း ၵူၼ်းၶဝ်ႈဢွၵ်ႇမိူင်း လႄႈ ၵၢၼ်ႁူဝ်ၼပ်ႉၵူၼ်းမိူင်း, 59. 
2. ပပ်ႉသႅၼ်သမ်ႇမၢၼ်ႈ၊ သွႆႉ (6)၊ ၼႃႈလိၵ်ႈ (458)