ගම්යා විජයදාස Gamya Wijayadasa | |
---|---|
උපත | 30 ජුනි 1986 කොළඹ, ශ්රී ලංකාව |
අධ්යාපනය | මියුසියස් විද්යාලය |
තනතුර | 2009 ශ්රී ලංකා රූ රැජින |
ගම්යා විජයදාස යනු 2009 වසරේ දෙරණ වීට් මිස් ශ්රී ලංකා කිරුළ හිමිකරගත් සුරූපිනියයි. ඇය එම වසරේම දෙසැම්බර් 12 වැනිදා දකුණු අප්රිකාවේ ජොහැනස්බර්ග්හී පැවැති ලෝක රූ රැජින තරඟය සඳහාද ශ්රී ලංකාව නියෝජනය කලාය.[1]
පාසලේ 6 ශ්රේණිය තෙක් කොළඹ මියුසියස් විද්යාලයෙන් අධ්යාපනය හැදෑරූ ගම්යා, පසුව සිංගප්පූරුවේ Marsiling විද්යාලයට ඇතුලත් වන ලදී. එහිලා සිය අධ්යාපන කටයුතු හමාර කල ඇය, පසුව මනෝවිද්යා උපාදියක් සම්පූර්ණ කිරීම වෙනුවෙන් ඕස්ට්රේලියාවට යන ලදී.
2009 ජුලි 22 වන දින, එම වසර සඳහා දෙරණ වීට් මිස් ශ්රී ලංකා කිරුළ හිමි කරගත් ගම්යා එහිදී, සුන්දරම දෙපා හිමි යුවතිය, හොඳම පෞර්ෂත්වය හිමි යුවතිය සහ නිරෝගීම සම සහිත යුවතිය යන අනු තරඟ කාණ්ඩයන්හීද ජයග්රහණය හිමිකරගත්තාය.
වසර 10 ක් සිය රටට සිදුකල සමාජ සේවය අගයමින් 2009 ඔක්තෝම්බරයේදී ඇයට, එක්සත් ජාතීන්ගේ හොඳහිත ප්රවර්ධනය සඳහා ශ්රී ලංකාව වෙනුවෙන් වූ තානාපති තනතුරක් හිමිවූ අතර, ඇය මෙරට "තාරුණ්යයට හෙටක්" සංවිධානයේ සාමාජිකාවක් වන බවද පැවසේ.
2012 වසරේදී ගම්යා, මනිෂ් මනික්පූරි (Manish Manikpuri)ගේ Aalaap බොලිවුඩ් චිත්රපටියේ ගීතයකටද පෙනී සිටියාය.[2]
වසර | චිත්රපටිය | චරිතය | භාෂාව | කරුණු |
---|---|---|---|---|
2012 | Aalaap | ගීතයක නර්ථනයකට පෙනී සිටීම | හින්දි | 'චඩ්ටි ජවානි' (ගීතයේ නම) |