භූතේස්වර යක්ෂියෝ

භූතේස්වර යක්ෂියෝ

භූතේස්වර යක්ෂියෝ, මථුරා, ක්‍රි.ව. 2වන සියවස. කුළුණුවල පසුපස වූ බෞද්ධ කැටයම් පසුපස ඇති දර්පණවලින් දැකගත හැක. ඉන්දියානු කෞතුකාගාරය, කොල්කතා.

මථුරා කෞතුකාගාරයේ භූතේස්වර යක්ෂියෝ.
මාධ්‍යයරතු වැලිගල්
යුගය/සංස්කෘතියක්‍රි.ව. 2වන සියවස
සොයාගනු ලැබූයේ27°36′00″N 77°39′00″E
ස්ථානයමථුරා, ඉන්දියාව.
වර්තමාන පිහිටුමඉන්දියානු කෞතුකාගාරය, කොල්කතා, ඉන්දියාව. එමෙන්ම මථුරා කෞතුකාගාරය, මථුරා
මථුරා, ඉන්දියාව (සොයාගැනීම) is located in ඉන්දියාව
මථුරා, ඉන්දියාව (සොයාගැනීම)
මථුරා, ඉන්දියාව (සොයාගැනීම)

භූතේස්වර යක්ෂීන් නැතහොත් භූතේසර් යක්ෂීන් ලෙස හඳුන්වන්නේ ක්‍රි.ව. 2වන සියවසේ කුෂාණ අධිරාජ්‍ය යුගයට අයත් යැයි සැලකෙන ගල් වැටක වූ යක්ෂි කැටයම් මාලාවකි.[1] මෙම කැටයම් හමුවූයේ මථුරා අසල භූතේසර් ගොඩැල්ලෙහි පැරණි ස්තූපයක නටබුන් අතරිනි. වර්තමානයේ මෙම කැටයම් කොල්කතාවේ ඉන්දියානු කෞතුකාගාරයේ තබා ඇත.[2] මෙම කැටයම් මථුරා කලාවේ වැදගත් නිදසුනක් ලෙස සැලකේ. මෙම සමූහයටම අයත් තවත් කළුණු තුනක් සහ කොටසක් (කුළුණක අර්ධයක්) මථුරා කෞතුකාගාරයේ ප්‍රදර්ශනයට තබා ඇත.

කුළුණුවල ඉදිරිපස

[සංස්කරණය]

යක්ෂියන් සිටගෙන සිටින්නේ ගුලිවී සිටින වාමන රූ මත ය.[3] සෑම යක්ෂියකගේම හිසට ඉහළින් පෙම් යුවලවල් දැකගත හැක. ඉන් එකක සිය වජ්‍ර යෂ්ටිය අතින් දරා සිටින හෙරක්ලිස්/ වජ්‍රපාණීගේ රුව දැකගත හැක.

මෙම යක්ෂීන් සමූහය ඒවායේ ඇති සියුම් ස්වභාවය, දෘඪභාවයෙන් තොර වීම, ස්ථූල ස්වභාවය, සහ ඔවුන්ගේ සිනහමුසු දඟකාරී ස්වභාවය නිසා පැසසුමට පත්ව ඇත.[2]

මෙම යක්ෂියෝ විවිධ ඉරියව්වලින් යුතු වෙති. ඉන් එක් අයකු කුරුලු කූඩුවක් අතින් දරා සිටියි. තවත් යක්ෂියක කැඩපතකින් තමන් දෙස බලමින් සිය කර්ණාභරණය සකසයි. තවත් තැනැත්තියක් ඉහළින් වූ පෙම් යුවලට මධුපැන් සපයමින් මිදි පොකුරක් දරා සිටියි.


කුළුණුවල පසුපස

[සංස්කරණය]
කුළුණුවල පසුපස බෞද්ධ කැටයම්

කුළුණක පසුපස ඇති බෞද්ධ කැටයම් (ඉන්දියානු කෞතුකාගාරය, කොල්කතා).
  • 1A: සිබි ජාතකය. සිබි රජු බුදුන් වහන්සේගේ පූර්ව ජන්මයකි.
    1A: සිබි ජාතකය. සිබි රජු බුදුන් වහන්සේගේ පූර්ව ජන්මයකි.
  • 1B: සිබි ජාතකය. සිබි රජු තුවාලලත් අයකුට සිය මාංශය ලබා දෙයි.
    1B: සිබි ජාතකය. සිබි රජු තුවාලලත් අයකුට සිය මාංශය ලබා දෙයි.
  • 2A: සිබි ජාතකය, සිබි රජුගේ ක්‍රියා දකින විශ්වකර්ම නැවත දෙව්ලොව කරා ගමන් ගනියි. සිබි රජු නුදුරේදීම බුද්ධත්වයට පත් වන බව ඔහු පවසයි.
    2A: සිබි ජාතකය, සිබි රජුගේ ක්‍රියා දකින විශ්වකර්ම නැවත දෙව්ලොව කරා ගමන් ගනියි. සිබි රජු නුදුරේදීම බුද්ධත්වයට පත් වන බව ඔහු පවසයි.
  • 2B: සිද්ධාර්ථ අභිනිෂ්ක්‍රමණය.
    2B: සිද්ධාර්ථ අභිනිෂ්ක්‍රමණය.
  • 2C: උත්සව සහ රාක්ෂ රූ (කපිලවස්තු නගරය විය හැක).
    2C: උත්සව සහ රාක්ෂ රූ (කපිලවස්තු නගරය විය හැක).
  • 3A: නාලාගිරි දමනය.
    3A: නාලාගිරි දමනය.
  • 3B: බුදුන් වහන්සේ නාලාගිරි හස්තියා දමනය කිරීම.
    3B: බුදුන් වහන්සේ නාලාගිරි හස්තියා දමනය කිරීම.
  • 3C: නාලාගිරි හස්තියා පුද්ගලයකුට පහර දෙන අයුරු.
    3C: නාලාගිරි හස්තියා පුද්ගලයකුට පහර දෙන අයුරු.

මේවාත් බලන්න

[සංස්කරණය]


ආශ්‍රේයයන්

[සංස්කරණය]
  1. ^ History and the Present, Partha Chatterjee, Anjan Ghosh Anthem Press, 2006 pp7
  2. ^ a b The Culture of India, Kuiper, Kathleen, Britannica Educational Publishing, 2010 p.209
  3. ^ Introducing Indian Art - R & K Publishing House, 1963, J. P. Guha, Page 121
  4. ^ Archaological Survey Of India Vol XVII Alexander Cunningham p.110 and Plate XXXI