සචිනි අයේන්ද්‍රා
සචිනි අයේන්ද්‍රා | |
|---|---|
 | |
| උපත | සචිනි අයේන්ද්‍රා ස්ටැන්ලි අප්‍රේල් 8, 1982 |
| රැකියාව | නිළියක, නිරූපිකාවක |
| සක්‍රීය වසර | 2003–වර්ථමානය තෙක් |
| කලත්‍රයා(යන්) | ඉෂාංග මහීපාල (2009) |
සචිනි අයේන්ද්‍රා ස්ටැන්ලි (1982.04.08) යනු ශ්‍රී ලාංකික නිළියක සහ නිරූපිකාවක වෙයි. 2003 වසරේ ශ්‍රී ලංකා රූ රැජින කිරුළ හිමිකරගත්තේද ඇයයි.
මුල් අවධිය
[සංස්කරණය]1982 වසරේ අප්‍රියෙල් 8 දින ශ්‍රී ලංකාවේ මහනුවරදී උපන් අයේන්ද්‍රා, සිය අධ්‍යාපන කටයුතු හිල්වුඩ් විද්‍යාලයෙන් හදාරණ ලදී.
වෘත්තීය දිවිය
[සංස්කරණය]2002 වසරේ මහනුවර පැවැති නිරූපණ තරඟයකින් ජය ගත් අයේන්ද්‍රා, එම වසරේම එළිෆන්ට් හවුස් හා ජාතික ඉතිරි කිරීමේ බැංකුව විසින් නිර්මාණය කරන ලද රූපවාහිනී ප්‍රචාරණ දැන්වීම් ද්විත්වයක පෙනී සිටියාය. 2003 වසරේදී ඇය ශ්‍රී ලංකා රූ රැජින ලෙස කිරුළු පළඳිමින් එම වසරේ ලෝක රූ රැජින තරඟය සඳහා ශ්‍රී ලංකාව නියෝජනය කලාය.[1]
පසුව 2004 වසරේදී ශ්‍රී ලංකා රිදී තිරයට පිය නැගූ අයේන්ද්‍රා, සිය කුළුඳුල් රංගනයෙන් දායක වූ ආදරණීය වස්සානය චිත්‍රපටය එකල වාණිජ වශයෙන් සාර්ථක චිත්‍රපටියක් බවට පත් විය. එම චිත්‍රපටයේ රංගනය වෙනුවෙන් ඇයට සිග්නීස් චිත්‍රපටි සම්මාන උළෙලේදී හොඳම සහය නිළිය සම්මානය හිමිවූ අතර, සරසවිය හා ජනාධිපති සම්මාන උළෙලවල්හීද, හොඳම සහය නිළිය සිනමා සම්මානය වෙනුවෙන් ඇයව නිර්දේශ වූ බව සඳහන් වෙයි.[2]
රිදී තිරය
[සංස්කරණය]රංගන ශිල්පිනියක ලෙස
[සංස්කරණය]| වසර | චිත්‍රපටය | චරිතය | වෙනත් කරුණු |
|---|---|---|---|
| 2003 | ආදරණීය වස්සානය | සිග්නීස් චිත්‍රපටි සම්මාන උළෙල හොඳම සහය නිළිය සම්මානය - සචිනි අයේන්ද්‍රා සරසවිය සම්මාන හොඳම සහය නිළිය සම්මානය - නිර්දේශිත ජනාධිපති සිනමා සම්මාන හොඳම සහය නිළිය සම්මානය - නිර්දේශිත | |
| 2007 | සංඛාරා | ගැමි තරුණිය | |
| 2008 | හාර්ට් එෆ්එම් | ශාක්‍යා | |
| 2010 | ලිවින්ග් විත් හෝප් | ||
| 2010 | අඟර දඟර | නදී |
නිෂ්පාදකවරියක ලෙස
[සංස්කරණය]- 2010 - අඟර දඟර
ආශ්‍රිත
[සංස්කරණය]- ^ SaNDun (19 දෙසැම්බර් 2007). "'සචිනි අයේන්ද්‍රා බයෝ'".
- ^ "'www.sachiniayendra.webs.com'".
බාහිර සබැඳි
[සංස්කරණය]- සචිනි අයේන්ද්‍රා සඳහා IMDb හි ඇති තොරතුරු
- සචිනි අයේන්ද්‍රා at the ශ්‍රී ලංකා සිනමා ඩේටාබේස්
- සචිනි අයේන්ද්‍රා ෆෝටො ගැලරි සංරක්ෂණය කළ පිටපත 2014-05-09 at the Wayback Machine