منیزہ علوی (اردو: منیزا علوی) (انگریزی: Moniza Alvi) (ڄَمَّݨ دی تَرِیخ: ٢ فروری ١٩٥٤ء – ڄَمَّݨ دی جاء: لاہور، پاکستان) ہِک پاکستانی نژاد برطانوی مصنف زنانی اَتے شاعرہ ہِن۔ اِنّھاں نے اپݨے کلام کِیتے اَݨ ڳِݨت مہان٘درے اِنام جِتّےہِن۔
منیزہ علوی ہِک پاکستانی پِیؤ اَتے ہِک برطانوی اَمّاں دے گھر پاکستان دے شہر لاہور وِچ ڄَمّی ہئی۔ اِین٘دے اَبّا انگلینڈ دے شہر ہیٹفیلڈ، ہارٹفورڈشائر کوچ کر ڳئے ہَن اُوں ویلے علوی دی عُمر کُجھ مہینے دی ہئی[١]۔ اِنّھاں نے اپݨی نظماں دی پہلی کتاب "دی کنٹری ایٹ مائی شولڈر" دی اشاعت دے بعد تئیں پاکستان دا دورہ نئیں کِیتا۔ اِنّھاں نے ہِک ہائی سکول اُستانی دی حیثیت نال کئی ورھیاں تئیں کَم کِیتا جاں جو اِیں ویلے اُوہ ہِک اَزادانہ مصنف اَتے اُستانی ہِن، جیڑھی نورفک وِچ رہن٘دی ہِے۔
علوی دا آکھݨاں ہِے جو: "پاکستان وِچ میݙی ماسیاں دی طرفُوں توں پیش کردہ تحفیاں، میݙی لکّھی ڳئی نظماں وِچ پہلی نظم ہئی۔ جِہڑیلے میں اِیہ نظم لکّھی ہئی تاں میں حقیقت وِچ پاکستان کائے ناں ڳئی ہَم۔ نظم وِچ موجود چھوہِر دی عمر تقریباً ١٣ ورھیاں دی ہوسی۔ اِین٘ویں لڳدا ہِے جو کپڑے اِین٘دے آلی کار کہِیں نِکّی جِلد آلی کار غیر اَرام دہ اَتے پُر سکون رہن٘دے ہَن، اَتے اُوہ سمجھدیاں ہِن جو اِین٘دے کِیتے شئیں سِدھیاں کائے نِھیں۔ میکُوں اِیہ محسوس تِھیا جو پاکستان نظماں لِکّھݨ ضروری ہِے کیوں جو میں اپݨے پِچھوکڑ حالات تُوں رابطے وِچ ہَم۔ اَتے تِھی سڳدا ہِے جو نظماں دے پِچّھاں کُجھ اِیہو جئیں پیغام ہووِن جِنّھاں وِچ گزرے ویلے دا تذکرہ ہووے اَتے اِیہ جو شَئیت ممکن تِھیوے تاں کُجھ ٻُوہے کُھلَّݨ لڳ ون٘ڄِن۔"
٢٠٠٢ء وِچ اِنّھاں نے اپݨی شاعری کِیتے چلمونڈلی ایوارڈ گِھدّا۔ ٢٠٠٣ء وِچ اِنّھاں دی شاعری دا ہِک چوݨ ݙو ٻولیاں ݙچ اَتے انگریزی ایڈیشن وِچ چَھپیا ہئی۔[٢] اِنّھاں دے پچھوکڑ کتاباں، "اسپلٹ ورلڈ: نظماں" ١٩٩٠ – ٢٠٠٥ء وِچُوں ہِک چوݨ ٢٠٠٨ء وِچ چَھپیا ہئی۔[٣]
١٦ جنوری ٢٠١٤ء کُوں، علوی نے بی بی سی ریڈیو ٣ سیریز "مضمون – ہِک نوجوان شاعر کوں چِٹّھی" وِچ حِصّہ گِھدّا۔ رائٹر ماریہ ریلکے دے کلاسیکی متن "کوں گِھن تے، ہِک نوجوان شاعر کُوں خطوط" دے طور تے، اِنّھاں دے پریرتا دے طور تے، مہان٘درے شاعراں نے ہِک پروٹجی کُوں ہِک خط لِکّھیا۔