احمد پور شرقیہ ضلع بہاول پور دی تحصیل ہے۔ تحصیل احمد پور شرقیہ سرائیکی وسیب دے ضلع بہاولپور، دی پنج تحصیلاں وچوں ہک تحصیل ہے۔[١] اس تحصیل دا صدر مقام احمد پور شرقیہ ہے۔ اس وچ 31 یونین کونسلاں ہن۔ اس شہر دے ریلوے اسٹیشن دا ناں ڈیرہ نواب صاحب ہے جیہڑا مرکزی ریلوے لائن تے واقع ہے۔
احمد پور شرقیہ ضلع بہاولپور دا مشہور قصبہ تے تحصیل۔ایندا قدیم ناں احمد پور وڈایا احمد پور کلریانوالہ ہے۔ ایندی بنیاد قادر دینے خان دے فرزند احمد خان نے 1748ء اچ رکھی ہئی۔ اے شہر ابتدائی طور تے ایں توں مختلف جھاہ تے آباد کیتا ڳیا ہئی۔ 1758ء اچ سیلاب ایکوں تباہ کر ݙتا۔ تݙاں ایں جھاہ توں کجھ میل پرے موجودہ شہر تعمیر کیتا ڳیا۔موجودہ شہر توں تقریباً ݙو میل دے فاصلے تے پُراݨا شہر ’’احمد پور کہنہ‘‘ دے ناں نال ہُݨ تئیں موجود ہے۔ احمد خان دے اٹھ پُتراں اچوں مہابت خان نے شہر دا وݙا بازار سیابت خان تعمیر کرایا ہا۔ 1784ء اچ مہابت خان نے نواب بہاول خان ثانی عباسی کوں اپݨا جٖوانترا بݨا گھٖدا تے احمد پور شہر مع نہر قطب واہ اپݨی دھی دے جہیز اچ ݙے ݙتا تے ول اے علاقہ ریاست بہاول پور دا حصہ بݨ ڳیا۔
اتھاں ہک مضبوط قلعہ وی ہا جیڑھا ہُݨ شہر دے اندر ون اچ آ ڳے ٻہوں عرصے تئیں تحصیل دے دفاتر، تھاݨہ تے ݙوجھے سرکاری اداریاں قلعہ دی عمارت اچ ریہے۔ قلعے دے آثار ہُݨ وی موجودہن۔ مشرقی دروازے دے نیڑے قلعے دا قدیم کھوہ وی موجود ہے جیندا پاݨی ٻہوں مٹھا ہے۔ نواب بہاول پور دی رہائش گاہ ’’صادق گڑھ پیلس ‘‘ وی اتھائیں ہے۔ سرائیکی شاعری تے سرائیکی گائیکی دے حوالے نال ایں شہر کوں ٻہوں اُچا تے وݙا مقام حاصل ہے۔
کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء
٢٥ جون ٢٠١٧ء کوں، مرکزی ہائی وے تے پنجاہ ہزار لٹر دا پٹرول دا بھریا ٹرالر لیک تھی گیا تے لوگاں کوں قریبی مسجد دے لاؤڈ سپیکر توں لیک تھیندے پٹرول دی نوید سݨائی گئی تے پٹرول لٹݨ تے اکسایا گیا۔ بچیاں، عورتاں تے مرداں تے مشتمل ہک بڑا مجمعہ بوتلاں، بالٹیاں تے گھر دے ݙوجھے برتن گھن کے وہندا ہویا پٹرول کٹھا کرݨ پہنچ گیا۔ تے ول جیہڑلے کہیں نے ہتھوڑے دے وار نال آئل ٹینکر دے سوراخ کوں وݙا کرݨ دی کوشش کیتی تاں پٹرول نے بھاہ پکڑ گھدی۔ ٹینکر دھماکے نال پھٹ گیا تے بھاہ نے اتھاں موجود مجمعے کوں گھیر گھدا۔ 155 توٻ زائد لوگ عین اس جگہ دے قریب سڑ کے راکھ تھی گئے جتھاں غلام عباس کوں پنج سال پہلے ساڑ ݙتا گیا ہئی۔ [٢]
{{cite web}}: CS1 maint: archived copy as title (link)