بپسی سدھوا
بپسی سِدھوا (اردو: بیپسی سدھوا) (انگریزی: Bapsi Sidhwa) (ڄَمَّݨ دی تَرِیخ: ١١ اگست ١٩٣٨ء) ہِک پاکستانی امریکی، گجراتی، پارسی نسل دی مصنف زنانی ہِن۔[١] جیڑھی امریکہ وِچ رہن٘دی ہِن۔ بپسی سِدھوا ہِک مُتھاڄ زنانی ہِن۔ اِنّھاں دی مہان٘دری دی وجہ اِنّھاں دے ناول، "آئس کینڈی مین"، "جنگل والا صاحب (کرو ایٹر)" وغیرہ ہِن۔
اِنّھاں دے انگریزی ناولاں اُتے کینیڈی بھارتی فلم ساز دیپا مہتا نے فلماں بݨائیاں ہِن، ١٩٩١ء دے ناول "آئس کینڈی مین" اُتے ١٩٩٨ء وِچ فلم "ارتھ" بݨائی اَتے اِنّھاں دے ناول "واٹر" اُتّے ٢٠٠٦ء وِچ اِیں ناں دی ای فلم بݨائی۔ بپسی اُتے ہِک دستاویزی فلم "بپسی: سیلنس آف مائی لائف" دے ناں نال اِیں ویلے زیرِ تکمیل ہِے جیڑھی جَلتی جاری کِیتی وییسی۔[٢]
حیاتی دا احوال
[لکھو | ماخذ وچ تبدیلی کرو]بپسی سِدھوا ہِک گجراتی پارسی ٹَٻَّر وِچ پشتونان اَتے تہمینہ دے گھر ڄَمّی ہئی۔ جیڑھے اُوں ویلے کراچی وِچ رہن٘دے ہَن سِدھوا دے ماں پِیؤ بعد وِچ لاہور کوچ کر ڳئے۔[٣] ݙو ورھیاں دی ع٘مر وِچ پولیو دا شکار تھئی اَتے ٩ ورھیاں دی عُمر وِچ، ١٩٤٧ء دے متعلق اِنّھاں دے ناول "آئس کینڈی مین" وِچ لینی ناویں کردار اِنّھاں ݙیہاڑیاں دے حقیقی واقعیاں دی عکاسی کرین٘دے ہِن۔[٤] سِدھوا نے ١٩٥٧ء وِچ لاہور دے کنیئرڈ کالج برائے زنانیاں تُوں بی اے مکمل کِیتا۔
١٩ ورھیاں دی حیاتی وِچ شادی کِیتی اَتے ممبئی چلی ڳئی، اِین٘دے پنڄ ورھیاں بعد اِیکُوں طلاق تِھی ڳئی ہئی، وَلا موجودہ پئے نوشیر نال شادی کِیتی اَتے لاہور ٹِک پئی۔ پاکستان وِچ ناول نگاری دا اَغاز کرݨ تُوں پہلاں اِنّھاں دے ترے ٻال تھئے۔ اِنّھاں دی ہِک دِھی، امریکی ریاست ایریزونا وِچ ریاستی نمائندے دی اُمیدوار ہِن۔[٥]
سِدھوا اِیں ویلے ہوسٹن، امریکا وِچ رہن٘دی ہِن اَتے آپ کُوں ہِک پاکستانی پنجابی پارسی اَکھوِین٘دی ہِے۔ اِنّھاں دی مادری ٻولی گجراتی اَتے گھر دی ٻولی اردو ہئی جاں جو انگریزی وِچ لکھین٘دی ہِن۔ اُوہ لِکّھݨ پڑھݨ دا کَم انگریزی وِچ سَوکھ نال کرین٘دی ہِے، جاں جو اردو اَتے گجراتی وِچ ڳالھ مُہاڑ وی سَوکھ نال کر گِھن٘دی ہِے، اِین٘دے تُوں اَنج سِدھوا ضرورت دے مطابق گجراتی یا اردو تُوں انگریزی وِچ لفظی ٻولی وٹار ورتین٘دی ہِے۔
حوالہ جات
[لکھو | ماخذ وچ تبدیلی کرو]- ↑ https://www.outlookindia.com/magazine/story/those-nights-in-nairobi/290794
- ↑ https://www.exploretheirstories.org/project/bapsi-sidhwa/
- ↑ https://www.outlookindia.com/magazine/story/those-nights-in-nairobi/290794
- ↑ http://www.litencyc.com/php/speople.php?rec=true&UID=5149
- ↑ "Meet Our Candidates: Mohur Sidhwa for State Representative, LD 9". Archived from the original on 2012-07-14. Retrieved 2022-03-09.