جذباتی قربت (انگریزی: Emotional Intimacy) اصل وِچ جذباتی چِھک دا نتیجہ ہون٘دی ہِے۔ جذباتی اَتے جسمانی چِھک پوری طرح تُوں وَکھ تِھی سڳدے ہِن، ڄاں جو اُوہ کئی واری ہِک وِی تِھی سڳدے ہِن۔ ذہنی صحت دے مشیر للی ایونگ وضاحت کرین٘دی ہِے جو اِیہ اِیں ویلے ممکن ہِے جݙݨ:
"تُساں کہِیں کُوں اُون٘دے مزاج یا ذہانت دی وجہ کنُوں پرِیت کر سڳدے ہِیوے اَتے اِنّھاں وِچ جسمانی یا جنسی طور تے کݙان٘ہِیں دلچسپی دا مظاہرہ نئیں کرین٘دے" اُوہ ٻیا آہ٘دی ہِے جو مثال دے طور تے، تِھی سڳدا ہِے جو تُساں آپݨے کہِیں ٻیلی یا ہم جماعت نال ٻہوں تعریف کرین٘دے ہووے اَتے اُنّھاں اُتّے بھروسہ کرین٘دے ہووے جاں جو ڄاݨدے ہووو جو تُساں کݙان٘ہِیں اُنّھاں نال ڈیٹنگ نِیہوے کرݨاں چاہن٘دے۔ ݙُوجھے پاسے، تُساں جسمانی طور تے کہِیں دے پاسے راغب تِھی سڳدے ہِیوے ڄاں جو جذباتی ربط کݙان٘ہِیں نئیں ہون٘دا۔ [١]
انگلستان وِچ پورھیے کرݨ آلے ڄَتّھے دی اہم رکن ڈاکٹر کیٹرنیا فوٹوپولو نے بی بی سی کُوں ݙسایا جو ڄیکر لوکاں کُوں آپݨے پِیڑاں دے درجے کُوں گَھٹ کرݨ دے متعلق تشویش ہِے تاں اِیہ تجویز ہمیشاں کَم کائے ناں کریسی جو تُہاݙا ٻیلی تُہاݙے نال ہووݨ چاہِیدا ہِے۔ اِیہ اصل وِچ لوکاں نال اِیں وجہ کنُوں ممکن ہِے جو لوک آپ دے ݙُکّھاں وِچ آپݨے کہِیں ٻیلی، ساجھ حیاتی یا کہِیں نیڑے بندے کُوں لوک جذباتی طور تے اُلجھن دا شکار نئیں بݨاوݨاں چاہن٘دے۔ اِین٘ویں وِی کوئی رَلَّݨ آلا بندہ پہلے بندے دی حیاتی کُوں ٻیا اَوکھا بݨا سڳدا ہِے۔[٢] اِیہو جئیں مشاہدے زیادہ تر تِرِیمتاں وِچ ݙِٹّھے ڳئے ہِن۔ لوکاں دی قُربت دی لوڑ اہم ہون٘دی ہِے۔ قربت صرف جنسی لوڑاں تُوں وَدھ ہِے۔ مباشرت وِچ جذباتی، روحانی، جسمانی اَتے شُغلی لوڑاں وِی رَلّے ہوئے ہِن۔ ڄیکر لوکاں دی جذبانی قربت دی لوڑاں پورے نئیں تِھین٘دے پئے تاں، کئی واری لوکاں کُوں جنسی تعلقات وِچ دِلچسپی گَھٹ ہوسی اَتے اِیہ وی جذباتی اَتے جسمانی ݙُون٘ہائیں رویّاں کُوں سَݙا ݙے سڳدی ہِے۔