زاہدہ حنا

زاہدہ حِنا (اردو: زاہدہ حنا) (ڄَمَّݨ دی تَرِیخ: ١٥ اکتوبر ١٩٤٦ء) پاکستان دی مہان٘دری کالم نویس ہِن اَتے برصغیر وِچ مہان٘دری حیثیّت رکّھݨ آلے پاکستانی شاعر، فلسفی، سوانح نگار جون ایلیا دی مطلقہ ذال ہِن۔^[١]

ذاتی حیاتی

زاہدہ حِنا ہند دی ونڈ دے بعد ہندوستان وِچ ڄَمّی ہَن۔ اِنّھاں دے پِیؤ محمد ابو الخیر بعد وِچ کوچ کر تے پاکستان آ ڳئے اَتے کراچی وِچ اَباد تِھی ڳئے جِتّھاں زاہدہ حِنا دی پرورش تھئی اَتے کُجھ ویلے تئیں اُوہ گھر وِچ ای پڑھدی لِکھدی رہی۔ سَتویں جماعت تُوں زاہدہ حِنا نے ہیپی ہوم سکول توں رسمی تعلیم دا اَغاز کِیتا۔ ٩ ورھیاں دی عمر وِچ زاہدہ حِنا نے پہلی کہاݨی لکھی۔ زاہدہ حِنا نے کراچی یونیورسٹی تُوں گریجوایشن کِیتی اَتے اِنّھاں دا پہلا مضمون ماہنامہ "انشاء" وِچ ١٩٦٢ء کُوں چَھپیا۔ ١٩٦٠ء دے ݙہاکے وِچ اِنّھاں نے صحافت کُوں بطورِ کَم کار اپݨا گِھدّا۔ ١٩٧٠ء وِچ اِنّھاں دی شادی مہان٘دری شاعر جون ایلیا نال تھی ڳئی۔ زاہدہ حِنا نے روزنامہ جنگ وِچ ١٩٨٨ء تُوں ٢٠٠٥ء تئیں کَم کِیتا اَتے وَل اُوہ روزنامہ ایکسپریس، پاکستان نال ڄُڑ ڳئ۔ زاہدہ حِنا نے وائس آف امریکہ، بی بی سی اردو اَتے ریڈیو پاکستان وِچ وی کَم کِیتا ہِے۔ ٢٠٠٦ء تُوں اُوہ رس رنگ وِچ ہفتہ وار کالم پاکستان ڈائری وی لکھین٘دی ہِن جیڑھی ہندوستان دے سبھ تُوں وݙّے ہندی اخبار دینک بھاسکر دا سنڈے میگزین ہِے۔

ازدواجی حیاتی

زاہد حِنا نے پئے جون ایلیا ہِک ادبی رسالے "انشاء" نال بطورِ مدیر ڄُڑے ہوئے ہَن، جِتّھاں اُنّھاں دی ملاقات زاہدہ حِنا نال تھئی بعد وِچ اِنّھاں ݙُون٘ہائیں نے شادی کر گِھدّی۔ زاہدہ حِنا اپݨے انداز دی ہِک ترقی پسند دانشور ہِن اَتے ہُݨ وی ݙو روزنامیاں، روزنامہ جنگ اَتے روزنامہ ایکسپریس وِچ حالاتِ حاضرہ اَتے معاشرتی موضوعاں اُتے لکھین٘دی ہِن۔ جون ایلیا اَتے زاہدہ دی ݙو دِھیاں اَتے ہِک پُتر ڄَمّیا ہئی۔ ١٩٨٠ء دے ݙہاکے دے وِچالے وِچ اُنّھاں دی طلاق تِھی ڳئی۔

تصنیفاں

زاہدہ حِنا دے بے مثال افسانے اِیہ ہِن:

• رقصِ بسمل ہے۔

• تتلیاں ڈھونڈنے والی۔  

• عورت زندگی کا زنداں۔

• نہ جنوں رہا نہ پری رہی۔

• قیدی سانس لیتا ہے۔

• راہ میں اجل ہے۔

• درد کا شجر۔

• درد آشوب۔

• زرد پتوں کا بین (ٹی وی ڈرامہ)۔

• تنہائی کا گھر (The House of Loneliness)۔ (زاہدہ حِنا دے افسانیاں دا انگریزی ترجمہ۔^[٢]

• زاہدہ حِنا دی کتاباں کوں انگریزی وِچ فیض احمد فیض، ثمینہ رحمان اَتے محمد عمر میمن ترجمہ کر چُکّے ہِن۔

ایوارڈ

• فیض ایوارڈ

• ادبی پرفارمنس ایوارڈ

• ساغر صدیقی ادبی ایوارڈ

• کے پی ایوارڈ

• سندھ اسپیکر ایوارڈ

• سارک لٹریری ایوارڈ، 2002ء وِچ صدر انڈیا دی طرفُوں^[٣]

• اگست ٢٠٠٦ء وِچ اِنّھاں کُوں حکومتِ پاکستان دی طرفُوں صدارتی تمغائے حسنِ کارکردگی کِیتے چݨیا ڳیا ہئی ڄاں جو فوجی آمر دے خلاف احتجاج دے طور تے اُنّھاں نے اِیں ایوارڈ کُوں مسترد کر ݙِتّا۔

حوالہ جات

1. Jon Elia's new book might change the way poet is known The Express Tribune (newspaper)، Published 8 مئی 2016, Retrieved 22 فروری 2018
2. KARACHI: Zahida Hina gets SAARC Award Dawn (newspaper)، Published 27 دسمبر 2001, Retrieved 22 فروری 2018
3. Zahida Hina interview: Challenging the mindset Dawn (newspaper)، Published 16 دسمبر 2012, Retrieved 22 فروری 2018