سراج الحق
| سراج الحق | |
|---|---|
.jpg) | |
|
| |
| مناصب | |
| رکن ایوان بالا پاکستان [١] | |
| رکن مدت
12 مارچ 2015 – 11 مارچ 2021 | |
| حلقہ انتخاب | خیبر پختونخوا |
| امیر | |
| برسر عہدہ
30 مارچ 2024 – 4 اپریل 2024 | |
| معلومات شخصیت | |
| پیدائش | 5 ستمبر 1962ء (63 سال) |
| شہریت |  پاکستان
|
| جماعت | جماعت اسلامی پاکستان |
| عملی زندگی | |
| مادر علمی | جامعۂ پشاور
جامعہ پنجاب |
| پیشہ | سیاست دان |
درستی - ترمیم 
| |
سراج الحق خان پاکستان دے باعزت تے اسلام پسند سیاست دان ہِن۔ اوہ 2014 توں 2024 تئیں جماعت اسلامی پاکستان دے امیر ریہے ہن، جیہڑی پاکستان وچ ہک مذہبی تے اسلام پسند پارٹی دے طور تے ڄاݨی ویندی ہِے۔ ایہ پارٹی پاکستان وچ اسلامی شریعت دی بنیاد تے اسلامی قانونی نظام قائم کرݨ دا خواب رکھیندی ہے۔ سراج الحق دی پیدائش 5 ستمبر 1962ء کوں پختونخوا دے ضلع لوئر دیر دی وستی ثمرباغ (کاکس) وچ تھئی۔ اوہ ایں توں پہلے خیبر پختونخوا دی صوبائی اسمبلی وچ ٻہوں واریں منتخب تھئے تے صوبے دے ترائے واری سینئیر وزیر وی ریہے ہن۔ اوہ ہک انتہائی سادہ مزاج انسان ہن تے سراج الحق واحد سینیٹر تے صوبائی اسمبلی دے رکن ہن جنہاں دا سود دی وجہ توں کوئی وی بینک اکاؤنٹ کائنا ہائی۔
سراج الحق نے اپݨی ابتدائی تعلیم اپݨے علاقے دے مقامی ہائی سکول توں حاصل کیتی۔ انہاں نے پشاور یونیورسٹی توں پولیٹیکل سائنس وچ ݙگری ڳھدی تے 1990ء وچ پنجاب یونیورسٹی توں ایم اے ایجوکیشن مکمل کیتا۔ یونیورسٹی دے دوران، انہاں نے مولانا سید ابوالاعلیٰ مودودی تے مولانا نعیم صدیقی دیاں کتاباں پڑھ تے اسلامی تعلیمات نال رشتہ جوڑیا۔ انہاں نے اسلامی جمعیت طلبہ وچ شمولیت اختیار کیتی تے 1988 توں 1991 تئیں اسلامی جمعیت طلبہ دے "ناظم اعلیٰ" دے طور تے کم کیتا۔ اوہ PK-95 انتخابی حلقے توں ایم پی اے دے طور تے ݙو واریں منتخب تھئے ہن۔