سونیا رضوی (ڄمّݨ دی تَرِیخ: 24 اپریل 1980ء) جیڑھی آپݨے فلمی ناں سونیا جہاں نال مشہور ہِے۔ ہِک پاکستانی فلمی اداکارہ ہِے۔ جیڑھے بݨیادی طور تے اُردو اَتے ہندی زبان دی فلماں وِچ کَم کرین٘دے ہِن۔ سونیا جہاں نے ٻہوں سارے پاکستانی نَاٹکاں، اشتہاراں اَتے بھارتی بالی ووڈ فلماں وِچ کَم کِیتا۔ سونیا جہاں مہان٘دری ڳائیکا نور جہاں اَتے فلمساز شوکت حسین رضوی دی پُوتری ہِے۔ اِنّھاں کُوں ٻہوں سارے فِلماں وِچ معاون کردار ادا کرݨ کِیتے سُن٘ڄاݨاں وین٘دا ہِے۔ اِنّھاں وِچ فلم 'مائی نیم اِز خان (٢٠١٠ء) اَتے آوݨ آلا دور دا ڳائیکی ناٹک ہومن جہاں (٢٠١٥ء) شامل ہِن۔ سونیا رضوی کُوں اُنّھاں دے کرداراں کِیتے نگار ایوارڈ دے بہترین معاون اداکارہ کِیتے نامزد کِیتا ڳیا ہئی۔
سونیا رضوی نے فلماں وِچ اداکاری تُوں اَن٘ج، ہِک تباخ شو وِچ بطورِ جج کَم کِیتا ہِے اَتے اُوہ کراچی دے فرانسیسی ریستوران، کیفے فلو دی مالکن ہِن۔
سونیا جہاں ٢٤ اپریل ١٩٨٠ء کُوں پاکستان دے شہر کراچی وِچ ڄَمّے۔ اِنّھاں دے پِیؤ اکبر حسین رضوی کراچی وِچ رَہوݨ آلے ہِک کاروباری ہِن اَتے اِنّھاں دی اَمّاں سئیݨ، فلورنس رضوی ہِک فرانسیسی شہری ہِن۔ سونیا دا اصل ناں سونیا رضوی ہِے ڄاں جو اُنّھاں نے آپݨی ݙاݙی، مہان٘دری ڳائیکا نور جہاں دے اعزاز وِچ آپݨاں اَخِیرلا ناں بدل تے جہان کر ݙِتّا۔ اِنّھاں دا ہِک بِھرا ہِے، اِین٘دا ناں سکندر رضوی ہِے، جیڑھا فلمی اداکار ہِے۔ سونیا مہان٘درے فِلم ساز شوکت حسین رضوی دی پوتری، ڳائیکا ظل ہما دی بھݨین٘جی اَتے اداکار احمد علی بٹ دی پہلی کزن ہِن۔
سونیا جہاں دی شادی ہِک ہندوستانی بینکر، ویویک نارائن نال 2005ء تھئی اَتے اُوہ بھارت دے دارالحکومت دلی وِچ رہن٘دی ہِے۔
| سال | فلم | کردار | مزید |
|---|---|---|---|
| 2005ء | تاج محل: این ایٹیرنل لاو اسٹوری | ممتاز محل | |
| 2007ء | کھویا کھویا چاند | رتن بالا | |
| 2010ء | مائی نیم از خان | حسینہ خان | |
| 2013ء | دے ریلکٹینٹ فنڈیمینٹلسٹ | نادیہ | |
| 2016ء | ہو من جہان | سبینہ | |
| 2017ء | کپتان: دے میکنگ آف اے لیجینڈ | عظمیٰ خانم | 28 اپریل 2017ء کو منظرِ عام پر آئی |