سہراب فقیر (اردو: سہراب فقیر) (ڄَمَّݨ دی تَرِیخ: ١٩٣٤ء – فوت تِھیوݨ دی تَرِیخ: ٢٣ اکتوبر ٢٠٠٩ء) سندھ نال تعلّق رکّھݨ آلے ہِک مہان٘درے صوفی ڳائیک ہَن۔
سہراب فقیر دا پورا ناں فقیر سہراب خاصخیلی ہئی۔ اُوہ ١٩٣٤ء وِچ خان پور میرس وِچ ڄَمّے ہَن۔ اُنّھاں نے اَٹّھ ورھیاں دی عُمر تُوں صوفیاں دا کلام ڳاوݨ دا اَغاز کِیتا ہئی اَتے ساری حیاتی اِیہو کَم کِیتا جیڑھا اُنّھاں دا ذریعۂ معاش تاں ہئی جاں جو مَن بھان٘دہ شون٘ق وی ہئی۔ اِیہ فن اُنّھاں کُوں وِرثے وِچ مِلّیا ہئی۔ اِنّھاں اَبّا سئیں ہمل فقیر آپ اپݨے ویلے دے وݙّے ڳائیک ہَن اَتے تھری میر واہ وِچ پورے ہوئے بزرگ شاعر خوش خیر محمد ہسبانی دے مرید ہَن۔ سہراب فقیر سندھ وِچ صوفی موسیقی دے باشاہ ہَن اَتے اُنّھاں کُوں پاکستان دے سبھ تُوں وݙّے صوفیانہ ڳائیکاں وِچُوں ہِک سمجھیا وین٘دا ہئی۔[١][٢][٣]
سہراب فقیر ہِک اِیہو جئیں موسیقاراں دے ٹَٻَّر وِچ ڄَمّے ہَن جیڑھا برطانوی ہند دی ریاست راجستھان دی جیسمیر ریاست تُوں کُوچ کر ڳئے ہَن۔[٤]
سائیں سچل سرمست دا کلام خصوصاً سنگ ڳاوݨ دا ملکہ حاصل کِیتا۔ اُوہ سائیں سچّل تُوں انج حضرت شاہ عبد اللطیف بھٹائی، حضرت سلطان باہو، سائیں ٻُلّھے شاہ اَتے ٻئے لوک شعراء دا کلام وی ڳان٘دے ہون٘دے ہَن۔
ٻاہرلے دیساں وِچ اپݨے فن دا مظاہرہ کِیتا اَتے اُوہ برطانیہ، بھارت، ناروے، سعودی عرب اَتے ٻِنّھاں کئی دیساں وِچ ون٘ڄ تے اُنّھاں سے سُݨݨ آلیاں تُوں داد گِھدّی۔[٥] [٦] اُنّھاں نے ٻِنّھاں ڳائیکاں دے نال نال جمال فقیر دے نال وی ڳاݨے ڳائے۔[٧]
سہراب فقیر ٢٣ اکتوبر ٢٠٠٩ء کُوں کوٹ ڈیجی، سندھ، دے نیڑے تالپور وادا وِچ فوت تِھی ڳئے اُوہ گُردے دی بِماری وِچ پئے ڳئے ہَن۔ اُوہ ہِک لَمّا ویلا بِمار رِیہے۔ اِین٘دے تُوں پہلاں اگست ٢٠٠٦ء وِچ اُوہ دَرَسنی وِچ پِیڑ اَتے شوگر دے پیچیدڳیاں دے پارُوں وی ہسپتال وِچ داخل رِیہے ہَن۔