ڈاکٹر ظفر مرزا ہِک پاکستانی سیاستدان ہِن۔انہیں کوں 23 اپریل 2019ء کوں وزیر اعظم عمران خان نے اپݨا معاون خصوصی مقرر کیتا ہئی۔
ڈاکٹر ظفر مرزا مشرقی بحیرہ روم کیتے ڈبلیو ایچ او دے علاقائی دفتر وچ صحت دے نظام دی ترقی دے ڈائریکٹر وی رہ چُکے ہِن۔
انہاں دی تعلیم لندن میڈیکل ہائیجین اینڈ ٹراپیکل میڈیسن توں ترقی پذیر مُلکاں وچ پبلک ہیلتھ وچ پوسٹ گریجویشن دی ڈگری ہے تے اوہ ذہنی صحت دے وی ماہر ہِن۔
موجودہ عہدے توں پہلے اوہ 6 سال تائیں جنیوا، سوئٹزرلینڈ وچ ڈبلیو ایچ او دے صدر دفتر وچ صحت عامہ، انوویشن تے انٹلیکچوئل پراپرٹی ٹیم دی سربراہی کریندے رہے۔
ڈبلیو ایچ او دے صدر دفتر ونڄݨ توں پہلے اوہ 5 سال تائیں ڈبلیو ایچ او دے ریجنل آفس وچ ضروری دوائیاں تے دواسازی دیاں پالیسیاں دے ریجنل ایڈوائزر دے طور تے وی خدمات سرانجام ݙیندے رہے۔
ڈبلیو ایچ او وچ شمولیت اختیار کرݨ توں پہلے 12 سال تائیں اوہ پاکستان وچ سول سوسائٹی دی ہک تنظیم "دی نیٹ ورک فار کنزیومر پروٹیکشن" دے بانی ایگزیکٹو ڈائریکٹر رہے۔
انہیں کوں سرکاری تے نجی صحت دے شعبیاں وچ قومی، علاقائی تے عالمی سطح تے کم کرݨ دا ٻہوں تجربہ ہے۔ انہیں ٻہوں سارے مُلکاں دا سفر کیتا ہے تے صحت عامہ کوں بہتر بݨاوݨ وچ اپݨا حصہ پایا ہے۔
مختصر اے کہ ڈاکٹر ظفر مرزا صحت دے شعبے دے ہک تجربہ کار ماہر ہِن جئیں نے بین الاقوامی تے قومی سطح تے صحت عامہ کیتے ٻہوں کم کیتا ہے۔[١]