میا اویڈا

میا اویڈا
معلومات شخصیت
پیدائش	25 مئی 1984ء (41 سال)  وینکوور
شہریت	کینیڈا
عملی زندگی
پیشہ	ادکارہ ،  ماڈل
درستی - ترمیم

میا ایوون یویڈا ہک کینیڈین زنانی اداکارہ، ماڈل، کالم نگار اتے وی جے ہن۔ اوں نے ہندوستان وچ کنگ فشر کیلنڈر ماڈل دے طور تے اتے بعد وچ ایم ٹی وی انڈیا دے شو سیٹرڈے نائٹ شفل جاہیں شوز کیتے وی جے دے طور تے شہرت حاصل کیتی۔

میا اویڈا 25 مئی 1980ء کوں وینکوور، برٹش کولمبیا کینیڈا وچ پیدا تھئی۔ ایندے پیو کوں گود گھدا ڳیا ہئی اتے ایندی ماء فرانسیسی کینیڈین ہن۔ او 14 سال دی عمر وچ غلطی نال ہک دکان تے لبھی ہئی ۔ ایندے بعد اوں نے کینیڈا، یورپ، امریکہ اتے مشرقی ایشیا وچ ماڈلنگ کیتی ہے۔ بالآخر 21 سال دی عمر وچ ملائیشیا وچ ملازمت ختم کریندے ہوئے اویڈا ممبئی ہندوستان آ ڳئی۔ ہک فیشن شو کیتے رن وے تے آوݨ دے بعد میا توں سالانہ کنگ فشر کیلنڈر کیتے کوشش کرݨ دی درخواست کیتی ڳئی۔ او 2007ء دے کنگ فشر کیلنڈر وچ نمایاں تھئی۔ او کایا سکن کلینک، بسلیری سوڈا، پینٹالونز، کلر لوپ دھوپ دے چشمے اتے ساکھی ساڑی جیہیں برانڈز دی مہمات وچ نظر آئی۔ او لیکمی انڈیا فیشن ویک وچ شرکت کرݨ کیتے اڳوں ودھی۔

میا ایم ٹی وی انڈیا دے شو سیٹرڈے نائٹ شفل کیتے وی جے دے طور تے شہرت حاصل کیتی۔ اوں نے مہاراج روٹ ناں دے ہک ٹریول شو وچ وی کم کیتا جیندی شوٹنگ پورے راجستھان وچ کیتی ڳئی ہئی جݙݨ کہ اوں نے اپݨے ماڈلنگ دے کماں کوں جاری رکھا۔ اوں نے ایلا اتے ایل آفیشل دے سرورق تے شرکت کیتی ہے اتے ایف ایچ ایم، میکسم، کاسموپولیٹن، گریزیا اتے فیمینا وچ نمایاں تھئی ہے۔ بالی ووڈ وچ ایں دا پہلا تجربہ 2009ء وچ سنکت سٹی وچ تھیا جتھاں اوں نے ہک آئٹم نمبر کیتا۔ بعد وچ او تیس مار خان وچ ہک مختصر کیمیو وچ نظر آئی اتے یش راج فلمز دے سیریل کھوٹے سکے وچ مہمان اداکار دے طور تے کم کیتا۔ حال ہی وچ، میا ٹیلی ویژن دے ریئلٹی شو فیئر فیکٹر: خطروں کے کھلاڑی دے چوتھے سیزن وچ مدمقابل ہئی۔^{[١] [٢] [٣] [٤] [٥] [٦]} ا

حوالہ جات

1. Lua error in ماڈیول:Citation/CS1/Date_validation at line 1166: attempt to index local 'utilities_page_ptr' (a nil value).
2. Lua error in ماڈیول:Citation/CS1/Date_validation at line 1166: attempt to index local 'utilities_page_ptr' (a nil value).
3. Lua error in ماڈیول:Citation/CS1/Date_validation at line 1166: attempt to index local 'utilities_page_ptr' (a nil value).
4. Lua error in ماڈیول:Citation/CS1/Date_validation at line 1166: attempt to index local 'utilities_page_ptr' (a nil value).
5. Lua error in ماڈیول:Citation/CS1/Date_validation at line 1166: attempt to index local 'utilities_page_ptr' (a nil value).
6. Lua error in ماڈیول:Citation/CS1/Date_validation at line 1166: attempt to index local 'utilities_page_ptr' (a nil value).