پادشاہ بیگم ہک عالیشان شاہی خطاب ہے جیہڑا حکمران شاہی خاندان دی خاتونِ اول یا سلطنت مغلیہ دی ملکہ کوں عطا کیتا ویندا ہئی۔ سلطنت مغلیہ دے عہد وچ اے خطاب ملکہ ہندوستان کوں ݙتا ویندا ہئی تاکہ مغل حرم اتے زنانہ وچ اوندی حیثیت سب تے نمایاں اتے واضح تھی ونڄے۔ مغل تاریخ دستاویزات اتے ماخذوں توں معلوم تھیندا ہے کہ اولاً اے خطاب مغل بادشاہ ظہیر الدین بابر نے ماہم بیگم کوں تفویض کیتا ہئی۔ ایں خطاب کوں شاذونادر ملکہ ہمسر دے برابر وی سمجھا ویندا ہے۔[١]